اغصان الياسمين💮الجزء الرابع💮

اغصان_الياسمين4
مين اللي بيرن يا مالك ؟!
تظاهر مالك بالانزعاج ورسم علي وجهه ملامح الامتعاض مصطنعا إياها ليزيح الهاتف بعنف ويغلقه..
- ياخي بقي مش وقتك داانت رخم
- واحد صاحبك؟
- مصمم يرخم عليا حتي من أيام الخطوبة هو عادته كده بيرخم علينا كلنا في الشغل
- مش هستغرب طالع لصاحبه
- ربنا يخليكـ.. نعم يعني تقصدي اني رخم ؟
- كل كل الاكل هيبرد
- انتي بتعامليني كده ليه هو انا تستأهل كده منك يا فرحه
- ..." لا متبصليش كده ثمه وهقولك بحبك يخربيتك "
- متحاسبينيش علي غلطه كانت قبلك انا والله م قصدت اجرحك ولا عمري افكر اجي عليكي من وقت م اتخطبنا لحد الان وانتي عارفه غلاوتك عندي
- -.. " لا الغلاوه دي تخليها لرجاء مامتك مش مراتك يا روح رجاء انا عايزاك تحبني ياله"
-.. انتي مبترديش عليا ليه ؟
-هرد أقول ايه يا مالك هرد أقول لواحد قلبه بدل م يحافظ عليه أداه لواحده غير مراته ومن غير م يقصد ولا يقصد جرحها اكيد عايزني اقول ايه واللي حصل حصل خلاص ،متحاسبنيش علي رد فعلي وتنسي فعلك
-اديني فرصه يا فرحه اديني وقت مش اكتر
-"كان علي عيني والله ي ابني بس آمنه هتقتلني والله" ...انا شبعت الحمدلله عن اذنك

تركته فرحه  وبحر أفكاره يثور ويموج عليه وكأنه  امام شاطئين متقابلان لن يلتقيان ابدا تمني لو يغفر الله له علي ما بدر منه تمني لو لم يسلم قلبه لتعبث به اياد خبيثه تصيبه بالاذي تمني لو فقط تمنحه ما طلب تمني لو فقط.. تبقي!!!

بحبه يا امنه والله بس مش عارفه اصفاله عايزه اصرخ فيه واقوله مش عايزه اشوفك تاني وفي نفس الوقت مش عايزاه يمشي مبقتش عارفه حاجه يا امنه والله
-كل ابن ادم خطاء يا بنتي سامحيه عشان ترتاحي احنا مش ربنا عشان نحاسب يا فرحه بس حقك تحاسبيه من وقت م اتجوزك واتسميتي علي اسمه مالك مبقاش مجرد حب الطفوله مالك بقي جوزك بقي امر واقع مش مجرد افتراض وكل اللي بنعمله ده عشان ده حقك ،تحافظي علي بيتك وجوزك ومستقبلك من اشباح الماضي متسمحيش للماضي ياخد ولو ثانيه واحده من يومك يا فرحه
-حاضر يا آمنه حاضر ادعيلي عش...
-فرحاااااااااه!!
-مالك بينادي عليا هكلمك كمان شويع ومتنسيش تدعيلي هاه
-فرحاااااااااااااااه!!
-ايييه في ايييه بتنادي ع وحده طرشه!
-رحم الله امرؤ عرف قدر نفسه يا بنتي والله
-هي دي كنايه عن شتيمه بس بالفصحي ولا انا بيتهيألي ؟
-لاا بيتهيألك بيتهيألك
-بتجر واطي؟
-ده حقيقي
-يبقي عايز حاجه ؟
-بالفعل
-والمقابل؟
-مشبك
-يفتح الله
-وكيمو كونو
-ديل
-ااادي القميص اكويهولي بقي احياة ابوكي لاحسن مش منظر انزل كده وسط الاجانب مكرمش
- تنزل فين ي عنيا ؟
- اتفقد المكان مش جاي عشان اقعد انا اتفرج ع جمال الاوضه
- رجلي علي رج.. ...ااا صحيييح يدوب الحق اكويلك عشان احضر نفسي انا كمان هنزل البحر
- تنزلي فين معلش ؟
- الباااااحرررر
- البحر اه وده عارفه بينزلوله ب ايه عشان اكيد مش بكلسون مثلا
- هاها ظريف طبعاا عارفه بكيييني
- هتنزلي البحر ب ببكيني يا فرحه دانتي ملبستوهليش انا يا فرحه قوم رايحه تلبسيه للشعب
- والبسهولك بامارة ايه ؟
- بامارة اني جوزك مثلا
- يا لهوي والنبي قولها مره تاني كده!  احم لااا مش حتتة ورقه شخبطت عليها تبقي كده جوزي لا م هو...
- عندك حق لازم يبقي في اثبات حقيقي
- ايوه
- وواقعي كمان
- صحيح
- شيء مادي كده ملموس
- بالظبط
- او محسوس..
- ص.. ايييه ااانت بتعمل ايه ؟
اقترب منها مالك وعيناه مصوبتان عليها وكأنه قاصدا أن يصيبها بالتوتر من اقترابه ونظراته ،تلاحقت انفاسها باضطراب شديد..
مم مم ماالك انن..
- الفوطه بس اللي وراكي لو سمحتي سكه كده
- .........
- مالك وشك قلب الوان كده ليه ايه عايز اخد شاور ولا انتي تفكيرك راح ع فين ؟ لا خلي بالك دماعك دي مش حلوه دانا اخاف ع نفسي بقي من هنا ورايح منك..

القي مالك جملته الاخيره علي مسامعها تاركا اياها وسط ذهولها وحبات العرق علي جبينها من فرط الأحراج...
- يااااااابن...رجااااء

كانت فرحه تكوي قميصه وهي تجز علي اسنانها وتتوعد له وفي تلك الاثناء خرج مالك متلفحا نصفه الظفلي باحدي الفوط واقفا امام المرآة ينشف شعره المبلل استدارت فوحه لتجده واقفا بهيئته هذه حتي تركت المكواه لتكتم شهيقها بكلتا يديها...
- انننننت يااا بتاااااع انت رووووح استررر نفسك يا بني ادم في بشر معاك ف الاوضه
نظر لها مالك ليتفقد قسمات وجهها ما ان رآها تتلعثم من فرط التوتر حتي ابتسم وكأنه ظفر بنصر ما..
- ايه ده انتي مكسوووووووفه ؟!
- ب ببقولك ايه حالك ده مينفعش معا..
- يعني مكسوفه ؟
- نعم انت بتقول ايه
- المفروض اقولك انتي مكسوفه وتقوليلي اه اروح قايلك قششششطططه
- جواز القرايب وسنينه!
- تقصدي ايه ؟
- فراخ بانيه
- لا ده القعده صغرت خال....  ايه الريحه دي ؟
- ريحة اي... هاااار اسووووود القمييييييص!!!!!!!!
- لاااععععع  الا قميصيبيي حرقتي القميص يا فرحه؟! خدتي بتارك مني ي فرححححه!!  ده كان فسكوز يا فرحه!!  يا ريتك حرقتي قلبي ولا القميص يا فاارحاااه!
- م خلاص يا مالك والله غصب عني
- مش مسامحك لالاا قلبي وصباع رجلي الصغير غضبانين عليكي
- م خلاص بقب ابقي اجيبلك غيره الله
- يووه طب اعملك ايه طيب ؟
- بوسه!
- نعم!!!!!
- النامووسه بقولك النااموووسه
- مالهاا
- بتقرصني عشان مش لابس القميص اللي انننننتي حرقتيه يانا ياماااا
- هجيبلك قميص من جوه وسع كده وبطل نواح
- نواح!  متجوز عبده موته يا ربي
اخذت تفتش فرحه في الحقيبه عن قميص اخر له بينما تشاهد انعكاسه في المرآة امامها فتبتسم تلقائيا..
"- ده مين قليل الادب اللي قال اني مسامحتكش بس !"

- هاخد بررررد
- اهوو البسه بسرعه
- طب اجهزي انتي كمان خلينا ننزل نشوف البحر
- بجدددد
- ممكن أغير رأيي ف ثواني عادي
- لا الطيب احسن دقيقه واكون جهزت

علي احد شواطيء الإسكندرية قبيل غروب الشمس بدقائق كانا يضحكان مسترجعان ذكريات طفولتهما سويا كانت تعرف جيدا كيف تجعله يبتسم وكان يعلم جيدا كيف يسرع من نبضاتها حينما ينظر إليها ،كانت أمواج البحر تسترق السمع والضحكات تثور تارة لتشاركهما المزاح وتهدأ تارة تراقبهما من بعيد..
- انا الحجر بتاعي وصل ابعد منك
- دا عشان انا سبتك تفوزي انما ممكن ارميه لابعد من كده بس قولت تفرحي شويه
- يااا سلااام، طب تعالي نرميهم سوا كده
- يا بنتي بلااااش هسحقك هزيمه والله
- واحد اتنين...
- ....
- حظ المبتدئين يا فرحه واسكتي خالص
ضحكت فرحه حتي ترقرقت عيناها من فرط الضحك من خسائره المتتاليه امامها في رشق الحجاره لكنها صمتت فجأة حينما رأته يحملق فيها دون ان ينبت ببنت شفه..
- اول مره اعرف ان ليكي غمازات لما تضحكي
- لسه اللي شايفني ؟
- انتي حلوه من زمان بس دلوقت حلوه بطريقه تانيه..
- طريقه تانيه!
-شايفك بقل...
لم يكمل مالك كلامه حتي قاطعه صوت بائع الحلوي خلفه لتهلل فرحه كالطفلة مستجيبا مالك لتصميمها الطفولي ..
-يااه نسيت المحفظه خليكي هنا ثواني وجاي امسكي الفون ع بال م اجيلك
-بسرعه والا هاكل كل الخلاوه دي واخليك تلبس ف الحساب والله
-تعمليها والله
بمجرد ذهاب مالك حتي اضاء هاتفه ليعلن عن وصول رساله من رقم غريب ، حاربت فضولها لكنها سرعان ما استسلمت وفتحت الرساله ..
"هسستناك الساعه عشره في الاوضه رقم 16 متتأخرش عليا  ..   نهال "

يتبع