اغصان الياسمين💮 الجزء الخامس💮

اغصان_الياسمين5

اغصان الياسمين 5

" هستناك الساعه عشره في الاوضه رقم 16 متتأخرش عليا ... نهال "

كل شيء كان ضبابيا في تلك اللحظه ودت لو فقدت الوعي من فرط الافكار التي تعصف بها ,من نهال هذه ؟ هل حبيبته السابقه ام.زلا بد انها هي ياللغباء 1 هل سيذهب اليها حقا بعد كل ما فعلته هل سيتركني من اجلها هل ....
ابتلعت غصه في الحلق محاوله التظاهر بأن كل شيء علي ما يرام حتي تري كل شيء بنفسها لا مجال للفرضيات والافكار في العاشره مساء يتضح كل شيء ...
- ياا ست هانم !!
- هاه ايوه
- البيه اللي معاكي  اتأخر
- شكله مش جاي يا حاج خلاص اتفضل انت مبقاش ليا نفس خلاص للحلويات
تنهدت فرحه حينما قالت جملتها الاخيره مشيحه بنظرها عنه حتي وجدته يمد يده لها باحدي الحلوي ..
_ الصبر يا بنتي الصبر حتي لو اتأخر مسيره يجي المهم متيأسيش انتي من انتظاره خدي دي من ايدي
نظرت له فرحه وقد ترقرت الدموع في عينيها علي اثر كلامه وكأنه يفهم ما يدور في نفسها ولا يقتصر كلامه فقط عن الحلوي , مدت يدها لتتناول الحلوي وهي تنظر اليه بامتنان ليبتسم لها متابعا كلامه..
-انتظارك اعتبريه ضريبه لقدر يليق بيكي متيأسيش وافتكري
الصبر ضريبه لكل جميل !
-انا مش عارفه اقولك ايه والله بس الله يفتحها في وشك ويراضيك كلامك ده جه ف وقته
-طيب دوقي الحلاوه انا عاملها بايدي ف البيت
- طعمها جميل مدوقتش حاجه بالحلاوه دي قبل كده انا يمكن حاليا مش معايا فلوس عشان اديهالك بس هديك رقم واحده صحبتي باباها فاتح سلسله مطاعم كبيره قولها انك من طرف فرحه وباذن الله والدها هيشغلك ف مطعم منهم ومتأكده انه هيعجبهم شغلك
-ربنا يكرمك يا بنتي ويقر عينك بقدر جميل زيك كده
-ربنا يخليك ويحفظلك اهلك
- يا ريت والله بس مش متجوز والله زي م بتقولو لسه سينجل بس لو هتشوفيلي عروسه فانا موافق
- ضحكت فرحه علي اثر كلماته فقد استطاع ان يخرجها من غصه الحزن التي انتابتها بكلامه هذا ..
- الله حظك ياا حااج ااا
- محسوبك اسماعيل
- وانا فرحه
- ربنا يجعلك من اسمك نصيب يا بنتي
- ااميــ...
- ياااااااا حااااااااااهاااج استنيييي يااا حااااااهاااااج
كان هذا صوت مالك خلفهما مهرولا نحوهما ممسكا محفظته لاعلي ..
- مش قولتلك هيجي مهما اتأخر
وصل مالك اليها يلهث انفاسه بصعوبه متقطعا كلامه..
- قلبت عليها الدنيا وفي الاخر لقيتها واقعه تحت الشنطه اسف ع التأخير والله , حساابك كام بقااا!!!
- حسابي وصل من بدري يابني عن اذنكم
رحل الحاج اسماعيل وسط ذهول مالك الذي ودعه بنظراته حتي غاب عن نظره لتحول فجأه نظره الي فرحه ..
-ماله ده ؟
- اذا حضرت الشياطين ..
- الالالالاله م احنا كويسين من شويه ليه قصف الجبهات ده
- يلا نروح انا تعبت م المشي
- انتي متعبتيش م المشي انتي تعبتي م الضحك
- نعم
- مش شغاله كركر مرمر مع الراجل وانا شايفك من بعيد
- انت بتقول ايييه ده قد ابويااا
- اييه قد ابوكي يعني ؟ ان شالله يكون قد جدك راجل ولا مش راجل ؟
- ايوه بس ..
- مبسش مشوفكيش حتي تردي علي راجل غريب وانا مش موجود ولا حتي موجود فاهمه ؟
- وده من امتي ان شاء الله
- من ساعه م بقيتي مراااااااتي !!
....توقف الزمن لحظات قليله صدي الكلمه يتردد في قلبها قبل اذنيها انها المره الاولي التي ينطقها امامها وضاج قلبها وماج  فكيف اذا قال " احبك" يا ويحي ! ..
- "قولها كده تاني والنبي قولها واعملها ريكود اسمعه خمس مرات قبل كل وجبه وبعدها "
- انتي سامعاااني بقولك !؟
- هاه ااا ااااا  ... لاا بقي م هو جو سي السيد ده ميمشيش عليا مش عشان..
- ده يمشي عليكي وعليكي انتي بالذات كمان ورجلك فوق رقبتك وامشي قدامي بدل م اجيبك من شعرك امسح بيكي الشط كله
- .........
- انتي هتنحيلللي بقولك امشيي !!!
علي الرغم من حنق مالك عليها ونبرته الغاضبه الا انها لم تستطع ان تمنع نفسها من الضحك عليه اثناء مشيها امامه حتي وضعت يدها علي فمها لتمنع تسرب صوت ضحكها لاذنه فتستفزه اكثر ويعاود الصياح مجددا فهي لن تستغني عن شعرها بسهوله..
- "راجل قوي ياا ناااس "
- ______
- ادخلي يا هانم
- بس متزوقش طااه
- ايه ده انا موبايلي فين صح ؟
- انت سايبه معايا انت نسيت ؟
- ها اه صح , حد رن عليا ؟
- لا بس كان جتك اشعارات رسايل
- وريني
نظر مالك في هاتفه يقلب فيه حتي توقف فجأه ليتفحصه بعينيه باديا التوتر عليه مديقا عيناه ,نظر بعيدا ثم عاد لينظر في هاتفه وكأنه اتخذ قرارا ما ليعيد اغلاقه مجددا..
- مش هنتعشي ؟
- هاه هطلبلك الاكل وكلي انتي ع بال م اجي
- انت هتمشي ؟
- اه ورايا مشوار كده هخلصه واجيلك

ابتلعت الغصه التي راودتها مجددا نظرت في ساعه الحائط لتجدها التاسعه ونصف اذا فهو سيذهب بالفعل ..
تظاهرت التفهم واستأنفت حديثها بصعوبه محاوله تجاهل تلك البحه في صوتا والتي كانت ستتسبب في انهيار دموعها في اي لحظه ..
_ بس متتأخرش عشان مبحبش اقعد وحدي في مكان غريب
- مش هطول
اخذ مالك محفظته وهاتفه معه مغلقا الباب خلفه تاركا اياها وسط افكارها تساؤلاتها اضطراب قلبها ..
ودت لو هاتفت امنه لتخبرها ماذا تفعل لكن هل ستدوم لها امنه الي الابد مالك زوجها ويجب عليها هي ان تتعامل بنفسها مع تلك الاحداث واخيرا قررت ان لا تظل مكانها مكتوفه الايدي وبالفعل ذهبت تتسلل خلفه حتي وصلت الي الغرفه 16 تلفتت يمينا ويسارا لتتأكد من خلو الردهه من الافراد لتضع اذنها مسترقه السمع وقلبها ينتفض مما قد تسمعه...
- لسه بتيجي في وقتك بالدقيقه متغيرتش يا مالك
- انتي عارفه انا جيت ليه يا نهال؟
- عشان وحشتك زي م انت وحشتني يا مالك عشان لسه بتحبني زي منا بحبك كده واكتر
- بتحبيني؟
- اه يا مالك لسه بحبك انا عارفه اني غلطت لما سبتك مره بس كان غصب عني ورغم كله ده فسخت خطوبتي عشان مقدرتش ابعد عنك ورجعتلك انا لسه بحبك يا مالك ومتأكده اني لسه في قلبك مكان ليا
- ......
- انا عارفه انك زعلان مني عندك حق بس اللي بيحب بيسامح يا مالك وانا جايه بعد ده كله عشان عارفه ومتأكده انك لسه بتحبني وعشان كده هتسامحني
- خلصتي؟
- مالك
- اسمعي يا نهال الكلمتين اللي هقولهملك دول كويس , انا معرفش انتي فسختي ليه وراجعه تاني ليه ومش عايز اعرف انما اللي اعرفه كويس اني دلوقت واحد متجوز ولو عقلك صورلك للحظه اني ممكن ارجعلك واخون مراتي تبقي معرفتنيش يا نهال ..
- مالك انا عارفه انك اتجوزت ع فكره بس قالولي انها فرحه بنت عمك اللي كنت تقولي انها عزيزه عليك ومتأكده انك مش هتخونها لو رجعتلي لانك مبتحبهاش من اساسه و...
- فرحه مش بس بنت عمي يا نهال فرحه دي تبقي مراتي وانا مش بعزها انا...  بحــبــهــا !
-  ...انت اننت بتقول ايه ات بتحبني  انا يا ملك انا..
- كنت فاكر زيك كده كنت فاكر اني مكنتش هقدر احب تاني بعدك لحد م اتجوزتها حبيتها بكل حاجه فيها وللامانه حتي مكنتش بفتكرك لما بكون معاها لانها ببساطه مخلتش في قلبي مكان حتي لنفسي ولا لحب حد تاني بقت كل حاجه وكل حد انا حرفيا مش فاكراي حاجه قبل م تدخل حياتي ومش عارف حتي ازاي كنت بحبك ولا ازاي حبيتك كل اللي فاكره ياتي وهي فيها وبس ..
- مالك
- خليكي بعيد ومتحاوليش ترجعي تاني لانه مفيش فايده صدقيني كنتي صفحه في حياتي وقفل..لا انا قطعتها خالص

كانت فرحه تستمع لحديثهما كانت تتخلل كلماته روحها قبل اذنها كانت تضع يدها علي قلبها لتهدأ من روع نبضاته حتي لا يفضحها , هل حقا للتو قالها هل حقا قال " احبها" كيف لا يستيقظ العالم علي اثر دقات قلبي انها الطبول تقرع من فرط السعاده أيا قلب عاصرنا احزان يعقوب فيا مرحبا بعوده يوسفنا ..
ركضت فرحه الي غرفتها كي لا يكشف امرها كان قلبها يقفز امامها طربا اغلقت غرفتها وقفزت الي السرير تحتضن الوسادات وتلقيها في الهواء في حركات طفوليه حتي توقفت فجأه وامسكت هاتفها لتشغل اغنيتها المفضله تتراقص علي انغامها طربا تتمايل كما يتمايل قلبها الان ترقص روحها علي دقات قلبها وتشاركها هي اللحظه..
" يااا حبيبي ...
ياا حبيبي ...
الليل وسماه .. ونجومه وقمره .. قمره وسهره .. وانت وانا ..يا حبيبي انا يا حياتي انا .. كلنا كلنا ..في الحب سوا "
دخل مالك الغرفه في تلك الاثناء ليقف متسمرا مكانه مترجعا للخلف يسترق النظر مبتسما فهو لاول مره يراها ترقص هكذا بتلك البهجه ..
" والهوا.. اه منه الهوا.. سهران الهوا يسقينا الهنا ويقول بالهنا ..
ياا حبيبي يلا نعيش في عيون الليل..
ونقول للشمس تعالي تعالي بعد سنه .. مش قبل سنه
في ليله حب حلوه بالف ليله وليله
بكل العمر..وهو العمر ايه غير ليله ..زي الليله "
استدارت فرحه لتشهق فجأه حينما رأته خلفها ليصيح الاخر رافعا يده ..
- ايييييه عظمه ع عظمه يااااا ست
- ااانت انننت هنا من امتي ؟
- لا مش مهم خاالص انا جيت امتي المهم نتي بتعرفي ترقصي حلو كده من امتااااا ؟
- مالك احترم نفسك والا و..
- والاااا ايييه بقاا ها ؟
- " والا تكه وهحضنك والله " .. والااا هسيب الاوضه وهمشي هاه
- عايزه تمشي وتسيبيني وحدي ااه قلبي يانا ياما
وضع مالك يده علي قلبه متظاهرا بالسقوط لتشهق فرحه محاوله الامساك به تاركا يده مستندا عليها بكامله..
- قوم يا مالك متستهبلش
- لا معلش انا مرتاح كده
- يا مالك قوم والا هوقعك والله
- انا وقعت من زماان والله
- ايه؟
- شيبسي وكاراتيه
- كارتييه؟ طب اوعي كده وسع من وشي
- قدها انتي الحركه دي
- اه قدها واللي معاك اع..
امسك مالك يديها ليجذبها بقوه باتجاهه موجها نظراته اليها بتحدي تصحبه ابتسامه خبيثه كفيله بان تسرع من نبضاتها ..
تعلقت عيناها بعينيه حتي صمت كل شيء عدا صوت انفاسها التي تتلاحق بسرعه جنونيه..
" كنت فاكره ان الكون عباره عن سما وارض لحد م قابلته واتلخص الكون في عنيه وصوته .."
- او مش قدها يعني انت بتمسك ليه ف الكلمه كده
- انا مش ماسك في الكلمه خالص اانا ماسك.. فيكي !
- " كلمه كمان وهسلم نفسي اقسم بالله " ...انن .. اننااا انا مصليتش العشااا صحيح
نظر اليها مالك مبتسما من احمرار وجنتيها متجاهلا محاولاتها للتملص منه هامسا لها تعلوه نظرات ابعد ما تكون عن البراءه..
- يبقي نصليه جماعه !
- هاه ؟؟!!
اقترب مالك منها حتي لم يدع للمسافه بينهما مكان لتغمض فرحه عينيها برعب شديد لكنها سرعان ما فتحتهما علي صوته..
- ارووووح اتوضي بقي عشان الصلاه وجبت
- اه يابن... رجااء
- متبرطميش كتير ويلا عشان هتتوضي ورايا بعد م اخلص
تركها مالك ملتصقه بالجدار يعلو ثغره ابتسامه ظفر ساحبا احدي الفوط متوجها الي الحمام’ في تلك الاثناء كانت فرحه تتنفس الصعداء حي رن هاتفها مستقبلا رساله نظرت لاسم المرسل لترفع حاجبيها من الدهشه انه مالك فتحت الرساله وهي تضحك علي اسلوبه هذا..
" كل النساء احاديث بلا سند .. وانت انت حيث لابن عباس "
ابتسمت فرحه ووضعت يدها علي قلبها لتحمد الله وتثني عليه وتذكر حديث بائع الحلوي" .. وافتكري ان الصبر ضريبه لكل جميل "
حقا ان الله اذا اعطي ادهش ,
انت وضعت حبه في قلبي انا ما ملكته قط هو بين يديك تقلبه كما تشاء فاجعل لي منه وصالا وودا.. فهو الوريد وما يحويه "!

خرج مالك يذكر الله بعد الوضوء متحاشيا النظر اليها ..
حطي الفون ع الشاحن هيفصل بسببك ..
- لا والله حد قالك ابعت رسايل
- لا مش انا خااالص ع فكره..  دي ايدي
ضحكت فرحه واقتربت منه لتأخذ الهاتف ليصيح مبتعدا للخلف..
-لااااااا اوعي تقربي مني اللهم اني متوضي كتك القرف ف حلاوتك
- حبيبيتسلم ,ابقي اشحنه انت بقي بنفسك
- قفوشين قوي الستات دول ,اشحنيه عشان ادعيلك بالذريه الصالحه
- نعم؟؟؟
_متقاطعيش وقولي اميين بس
استدارت فرحه وهي تضحك علي اثر كلماته تاركه اياه ينشف نفسه من ماء الوضوء , وضعت هاتفت علي الشاحن وهمت بالدخول الي الخلاء لتتوضأ هي الاخري ولكن
رن هاتفها مجددا اندهشت هذه المره فهاتف مالك يشحن ومالك نفسه امامها ممسكا باحد المناشف اذا من قد يرسل لها في هذا الوقت؟
امسكت الهاتف لتجده الرساله  من رقم غريب ما ان فتحتها حتي علت الدهشه وجهها عاقده جبينها بامتعاض شديد ..
" متفتكريش اني هسيبهولك بالساهل "

يتبع