يكفي ان يحبك قلبها (الحلقه ١٩)❤❤
يكفي أن يحبك قلبها
#بقلم_ولاءيحيي
الحلقه (١٩)
الماذون: والشاهد التاني
لسه عماد وشريف هيتكلموا .... سمعوا صوت عالي جي عليهم
هشام بابتسامه : والله ما حد هيشهد غير..... وسع يا عم انت وهو ( ويوسع شريف وعماد ) بطاقتي ... انا الشاهد التاني ....(ويغمز لعمر ) مبروك يا عريس
عمر بابتسامه : الله يبارك فيك يا هشام عقبالك
هشام عينه راحت لتقي علي طول ... اللي اتكسفت وبصت في الارض .. وريم والبنات اخدوا بالهم ...وبصو لبعض وابتسموا
و يعقد القران...... وعمر مع كل كلمه بيقولها ورا الماذون عينه علي ريم .... وبيبص ليها بكل حب وشوق ... وريم عنيها في عينه وكانت مبسوطه وسعيده ... ان ربنا استجاب لدعوتها ... وعمر بقي من نصيبها ......ويخلص كتب الكتاب مع كلمه الماذون
الماذون : بارك الله لكم وبارك عليكم ..... واجمع بينكم بالخير
ويعلي صوة الزغريد .....والكل بارك لريم .....وفاطمة حضنة بنتها بدموع وفرحه ام .....وعمر قرب من ريم.... وهي كانت مكسوفه وشها في الارض
مسك وشها ورفعه بايده .... وبص لعينها بكل شوق وحب .. وباسها من جبينها بوسه طوييييله...... ورح حضنها قدم الكل...
عمر بحب : الحمد الله يارب ... اخير بقيت ليه ..وفي حضني
ريم بكسوف وابتسامه في ودانه : عمر الناس ...بتبص علينا
عمر يبصلها بحب :ما حدش له عندنا حاجه .... انتي مراتي وحبيبتي وفرحت عمري كله
ساندي تجري بفرحه تشد ريم من فستانها : انتي بقيتي مامي يا ريم صح
ريم تنزل لعندها تشيلها وتبوسها : صح يا حبيبتي..... وانتي بقيتي بنوتي حبيبتي ...( وتبوسها بحب )
ساندي تحضنها : انا فرحانه اوي..... ان بقي عندي مامي... زاي اصحابي.... انا بحبك اوي ريم
ريم بفرحه : دا انا اللي فرحانه..... اني بقي عندي بنوته حلوه وجميله ... زيك يا حبيبتي ... ربنا يخليكي ليه
عمر يحضنهم هم الاتنين : .انا اللي فرحان ان بقي عندي احلي ام وبنت في الدنيا ربنا يخليكم ليه ....ويقدرني اسعدكم
ويبدا الحفل...... والصحافه تصور العيله كلهم وهم متجمعين مع عمر وريم.... والفرحه ماليه عنيهم وقلوبهم
هشام يقرب من عبد الحميد : سلام عليكم ....( ويمد ايده ليه وهو بيبتسم ) انا المقدم هشام انور..... صديق عماد وعمر وشريف
عبد الحميد بابتسامه : اهلا وسهلا يا ابني... شرفتنا
هشام : متشكر يا عمي....( وبارتباك ) بصراحه انا كان نفسي اتعرف علي حضرتك من فتره...... ولما سالت عرفت ان حضرتك مسافر
عبد الحميد بابتسامه : فعلا احنا لسه راجعين النهارده في السفر
هشام : حمدالله علي سلامتك..... الحقيقه انا كنت عاوز اقابل حضرتك .....لاني عاوز اطلب ايد الانسه تقي
عبد الحميد بفرحه : تقي بنتي
هشام ببتسامه : ايوه يا فندم ....انا كنت جيت هنا كام مره لعمر وشفتها ..... وليه الشرف اني اطلب ايدها من حضرتك ....
عبد الحميد بابتسامه : الشرف ليه يابني.....انا ماعنديش مانع بس اسمح لي اسأل البنت.... واتكلم معاها ورد عليك
هشام بفرحه : متشكر جدا...... وانا رقمي مع عماد وعمر ....هستني اتصال حضرتك ....عن ازنك
عبد الحميد : اتفضل يابني البيت بيتك
(مديحه وماجده يقربه من عبد الحميد بعد ما هشام مشي)
مديحه : مين دا يا عبد الحميد
ماجده : دا هشام صحاب عماد من وهم صغيرين بيشتغل ظابط ...... ولد محترم وابن ناس ...ربنا يحميه
عبد الحميد بابتسامه : يعني هو كويس يا ماجده
ماجده : هشام دا تربيتي..... زي عماد بظبط ......وطول مشكله ريم هو وقف معانا مسبناش...
عبد الحميد بابتسامه : طيب الحمد الله ... ربنا يقدم اللي فيه الخير
مديحه بعدم فهم : هو في ايه يا عبد الحميد....انت بتسال عليه ليه
عبد الحميد بسعاده : اصله طلب مني ايد تقي
مديحه بفرحه : تقي بنتي.... عاوز يتجوز تقي بنتي
ماجده ببتسامه : هشام زين الشباب ......ومش هتلقي حد يستهل تقي غيروا ... هيحافظ عليها وهيصونها
عبد الحميد ببتسامه : ان شاء الله.....انا هاخد راي تقي واللي فيه الخير ربنا يقدمه
عمر مسك ايد ريم بفرحه : انا مش مصدق نفسي.... بقي انا قعد ومسك ايدك ...انتي بقيتي مراتي وحبيبتي ...بقيتي ليه وهكمل عمري معاكي
ريم بكسوف : ربنا يقدرني واقدر اسعدك...انت وساندي
عمر يبوس كف ايدها من جوه: انت سعادت الدنيا كلها يا ريم...... وجودك في حياتي هو السعاده اللي اتمنتها... وحلمت بيها
ريم تبصلها بحب وتبتسم ... ونسيب لغت العيون تعبر عن اللي جوهم
وعند عماد واقف جمب هاله ....وهم بيبصوا علي عمر وريم بسعاده
عماد يتنهد بحب ويبصلها : مش كنا كتبنا الكتاب معهم احنا كمان ...وبقيتي مراتي
هاله بكسوف : النهارده يوم ريم....واحنا خالص كلها اسبوع ...ونكتب كتبنا
عماد يبصلها بشوق : كتير اوي.... هو انا لسه هستني اسبوع انا عاوز اقول حاجات كتير مش قادر يا ناس ..(ويتنهد بحب ) جننتيني يا هاله
هاله تكسف ....وتبص في الارض ....وتمشي من جمبه بسرعه ...وتروح لريم
وعند شريف اللي واقف جمب نهي ....ويبصوا علي عمر وريم 😂
شريف ببتسامه : عقبلنا يا نوني
نهي بكسوف ووشها احمر : ان شاء الله
شريف بابتسامه : اموت انا في التفاح الاحمر.... احبك وانتي مكسوف كده...يالهوي عاوزه تتاكلي
نهي بكسوف : شريف وبعدين.... ماينفعش كده
شريف بضحك : مهو والله ما ينفع انا عارف..... بس اكتر من كده ابوكي يروقني... وممكن يبلغ عني ويعملي قضيه تحرش .... لما نكتب الكتاب بقي ابقي (ولسه هيكمل نهي برقت بصدمه )
نهي بكسوف : ااااااانا هروح اشوف ريم
وتمشي بسرعه من قدامه
شريف لنفسه وهو بيضحك علي كسوفها : اااااااه امتي ابوس التفاح دا..... ياااالهوي طعمه
هشام يقرب من تقي : ازيك يا انسه تقي عقبالك
تقي بكسوف : الحمد الله .... ميرسي عقبالك انت كمان
هشام بابتسامه : قريب ان شاء الله ....( ويبصلها بحب) انا شوفت الاستاذ عبد الحميد ...وطلبت منه طلب .....هو هيقول لك عليه ......وانا هكون سعيد جدا لو وافقتي
تقي تكسف وتبص للارض.... وتمشي بسرعه
عماد يروح جمب هشام هو وشريف... بعد ما شافوا تقي مشية بكسوف
عماد باستغراب : هي تقي مالها ....مكسوفه ليه كده
هشام بابتسامه : انت مالك يا عمنا .....خاليك في حالك
عماد رفع حاجبه : حالي الهو ازاي يعني.... انطق ياض ....مالك ببنت خالتي
شريف بهزار : التار ولا العار .....انطق لطخك يا ويلد
هشام يضحك : بس يابابا انت وهو...... انا كلمت عمي عبد الحميد...... ومستني ردوا ...وكنت بسلام عليها بس
شريف بضحك : بتسلم عليه بس..... ااااه قولتلي.... دا انت دخلت القفص انت كمان ....
عماد يحط ايده علي كتف هشام : مبروك يا اتش ....والله وجي اليوم اللي هنبقي قريب وتبقي من العيله
هشام بسعاده : الله يبارك فيكم ...( ويبصلهم )مش هوصيكم بقي.... تظبطوني عند عمي عبد الحميد ... وتقولوا كلام حلو كتير في حقي ....عشان عاوز اكتب كتابي معاكم في نفس اليوم
شريف برخمه : ايه يا عم انت ...... عاوز تتقدم النهارده..... وتكتب كتابك كمان اسبوع..... لااااا مش قبل شهر..... لازم تتطلع عينك شوي زينا
هشام بغيظ : يبقي مش هتجوزوا انتم كمان... دا انا اضرب لكم كرسي في الكلوب ..... واقبض عليكم يومها ... واحبسكم في القسم .....يا نكتب كلنا سوا في ليله واحده.... يا مافيش حد فيكم هيتجوز ..... قولتم ايه
عماد وشريف سوا بضحك : هنكتب سوا طبعا يا باشا
ويضحكه الشباب.... وهم بيبصه علي عريسهم التلات ....اللي واقفين في منتهي السعاده ......
في شقه الهرم وقبل بداء السهره
سمر بفرحه : يعني وافق وهينفذ
ميرنا بسعاده : طبعا .... مش قولتلك هينفذ اللي انا عاوزه ....وبعدها هياخدني ونمشي من هنا..... بس لما اكون حرقت قلب عمر ....وانتقمت من ريم ... ورجعت اسمي ... وهخليه يخرج بابي من السجن ....وهرجع لحياتي
سمر : وفايز هتتجوزيه زي ما طلب منك؟
ميرنا : مش عارفه .... فايز فيه كل اللي بحلم بيه ... فلوس ونفوذ .... هو مش استايل اقدموا لاصحابي .. بس انا ممكن اصلحوا ... نضرب ليه كام شهاده من جامعات بره ... ونفتحلو شركه محترمه ... وابقي امسكها انا ليه
سمر بضحك : مرتبه امورك انتي كويس ... واللي والدنيا هترجع تظبط معانا تاني ... (وتبصلها بخبث ) واخيرا هناخد حقنا من ريم وهاله وهنشفهم في المزاد ... وارجع لاهلي وشغلي ... ورجع سمعتي
ميرنا بضحك : انهي شغل فيهم اللي هترجعي ليه ... هنا والا المستشفي ام ملاليم ...
سمر بضحك : لا هشتغل معاكي في شركتك يا حلوه ... ما احنا لازم نفضل في ظهر بعد ...(وتبصلها بشر ) انا وانتي لو اتجمعنا ... هنوصل وهنعمل مليارات ... مش لازم نبعد عن بعض ... المهم ان فايز ينفذ بسرعه وميتاخرش
ميرنا : متقلقيش ..... انا النهارده هديلوا عنوان هاله وريم .....وهشوف هينفذ امتي.... هو مستعجل اكتر مننا ... عشان يخرجني من هنا...وابقي ليه ..... يومين تلاته بكتير وهينفذ
سمر : المهم تفضلي مجننا كده ....اوعي تسلمي نفسك ليه ..احسن لو اخد الهو عاوزه ... هيهرب وماينفذش
ميرنا بمايعه: هههه ماينفذش ... ميقدرش .... دا انا بساويه علي نار مولعه..... وهيعمل كل اللي انا العاوزه
سمر بقلق : بس انا خايفه ... يسأل عنهم ... ويعرف انك كدبتي عليه ...( وتبصلها بخوف ) دا ساعتها ممكن يولع فيكي ..
ميرنا بثقه : فايز عمره ما يسال بعد كلامي هو عنده ثقه فيه ومتاكد ان اللي قولته هو الحصل ... وهينفذ اومري زاي ما انا عاوزه ...وهو واخد علي تنفيذ الاوامر ...( وتضحك اوي ) زاي خدم سيدو وهيبقي خاتم في صباعي ... هينفذ كل اللي هقوله عليه ... وهتشوفي
سمر : طيب و حازم تفتكري هيسبنا
ميرنا باستهزاء : مش هيلحق ... احنا هنجيبلوا البت اللي طول عمره هيموت عليها.... عضمه هيتلهي بيها ...قبل ما يتسجن ... وناخد حقنا منه هو كمان
سمر : دا لو عرف اللي بنخطط ليه .... هيبوظ لينا كل اللي بنرسمه ... وممكن يموتنا ... او يبلغ عننا
ميرنا : فايز ممكن يقتله لو فكر بس يبص عليا..... وخصوصا اني مش هبقي اي واحده.... دا انا هبقي مراته... ( وضحك بدلع )معقول في حد يقدر يبص لمدام فايز متولي
سمر بضحك : طب يلا يا مدام متولي عشان تولعي النار السهره هتبدأ... والعريس زمانه علي وصول
وفي الفيلا وبعد ما الضيوف مشيوا... والعيله.كلها متجمعه
ماجده : حمدالله علي سلامتك يا فاطمه ...ربنا يتم شفاكي علي خير
فاطمه وهي واخده ريم في حضنه : الله يسلامك يا ابله ماجده ..... انا بجد مش عارفه اشكركم ازاي علي تعابكم معايا انا وولادي.... انا كنت مطمنه عليهم وانا سيبه معاكم وسطكم
امل بابتسامه : احنا اهل يا فاطمه.... يارب دايما نفضل متجمعين كده في الفرح...
فاطمه بابتسامه : اللهم امين....( وتبص لعمر )انا مش هوصيك علي ريم يا عمر..... حطها جوه عينيك ..... وانتي يا ريم عمر بقي جوزك.... يعني بقي اهم واحد في حياتك دلوقتي هو وساندي ....وبعدهم نجي احنا
ريم تبتسم و بتحضنها اكتر : حاضر يا حبيبتي... علشان خاطرك انتي بس
عمر بغيظ : والله علشان خاطرها بس..... طب تعالي بقي علشان لينا حساب انا وانتي سوا لازم نصفيه ...دا انتي طلعتي عني ... قومي قومي
( ورح شدها من ايدها.... وخرج بيها للجنينه.... مع ضحك وفرحت الكل بيهم)
عبد الحميد بابتسامه : قولي يا عماد ايه رائيك في هشام صاحبك
عماد يبتسم ويبص لتقي : هشام مافيش احسن منه يا عمي.....راجل متدين واخلاق...... وعيله كبيره ومركز ومستقبل كبير
عبد الحميد بابتسامه : طيب الحمد الله
شريف بخبث وهو بيبص لتقي : خير يا عمي... حضرتك بتسال ليه
عبد الحميد بسعاده : اصلوا طلب مني ...ايد تقي
تقي تكسف ووشها يحمر وتقوم تقف : انا هطلع انام عن اذنكم
شريف يقف قدامها برخمه : علي فين يا توته.... لسه بدري وبعدين مال وشك احمر ليه كده
تقي بغيظ : ولا احمر والا حاجه.... انا بس عاوزه نام... وسع بقي
شريف يقف قدامها وهو بيضحك وبيغظها : تنامي ايه بس دلوقتي لسه بدري....وبعدين انتي لسه مقولتيش رائيك ايه في العريس
تقي تكسف اكتر وتزوقه توقعه علي الكنبه : وسع يا غلس
وتطلع تجري وكل يضحك عليهم و علي كسوفها
عمر اخد ريم ورح لاخر مكان في الجنينه.... بعيد عن ان اي حد يشوفهم
ريم بكسوف : ريح فين يا عمر ووخدني بعيد ليه كده
عمر يقف قدامها ويمسك ايدها : انا عاوز اخدك بعيد عن الدنيا كلها....و ابقي انا وانتي لوحدينا .....(ويقربها منه بشوق )....وبعدين ايه يا شيخه قعده قدامي في حضن مامتك .....ومش حسه بل هيتجنن ويبقي مكانها ...وتعقدي في حضنه
ريم ببتسامه وكسوف : انت بتغير من ماما
عمر يقرب اكتر منه ويحط ايده علي وشها بحب : انا بغير من النسمه اللي بتلمس وشك....( ويروح بيسها من خدها بكل رقه وحنان ....وهي تحاول تبعد عنه بكسوف .... بس هو يلف ايده علي وسطها....ويقربها منه اكتر....فريم تحطه ايدها علي صدره...عشان تبعده شويه
ريم بكسوف : عمر ماينفعش كده حد يشوفنا ...سيبني
عمر بيبص لعينها بحب : ما يشفوني انتي مراتي وحبيبتي ودنيتي كلها .....انا عاوز الكل يعرف ان انا دايب فيكي وبحبك ...ومش قادر استغني والا ابعد عنك
ريم تبص ليه بحب: وانا كمان بحبك اوي ياعمر ( وهنا عمر رح مقرب وبسها بوسه طويله.)
عمر وهو ساند جبينه علي جبينها : انا بقول تمشي دلوقتي ..... علشان انا اتجننت .....وممكن اخدك دلوقتي ونكمل جوزنا..... وانسي الفرح...لان مافيش اي حاجه هتمنعني عنك دلوقتي
ريم تبتسم وتبعد عنه :لا يا حبيبي كله اللي الفرح ....(وتمسك ايده بحب ) تعال نرجع الفيلا يا حبيبي
عمر يبص لعينها ويتنهد بحب : اخير قولتي حبيبي ....لا انا مش قادر بقي... ومافيش فرح يا ريم
ريم تضحك وتبعد عنه وتجري..... بس هو يحصلها ويمسك ايدها .....ويرجعوا للفيلا سوا ....ويدخلوا وهم فرحانين ...ويلقي الكل بيضحكوا وبيتكلموا
عمر وهو بيضم ريم ليه : خير بتضحكه علي ايه
امل ببتسامه : تقي اتخطبت
ريم بفرحه شديده : بجد....اتخطبت لمين
ماجده : هشام طلب ايدها من عبد الحميد
عمر ببتسامه : ماشاء الله .....هشام راجل ونعم فيه ..... وانا مش هتمني لتقي احسن منه
ريم بسعاده : الف مبروك يا عمي.... هي تقي فين
مديحه بفرحه : اتكسفت ...وطلعت فوق
ووهم بيتكلموا يدخل حسن بيجري.... وهو بيصرخ
حسن بفرحه : انا نجحت يا ريمو..... نجحت وجيبت 98%
ريم تحضن حسن بفرحه : مبروك يا حبيبي الف مبروك
الكل يقوم يبارك لحسن ويباركله..... ومايا كانت واقفه بعيد فريم تقرب منها
ريم بقلق تحط ايدها علي كتفها : مالك يا مايا ... انتي عملتي ايه ....
مايا ببتسامه حزينه : نجحت وجيبت 90%
ريم تحضنها : مبروك يا حبيبتي..... طب زعلانه ليه كده
مايا بدموع : عشان انا نجحت بالغش ....مش تعبت وذاكرت زي حسن...... هو ليه حق يفرح وانتم تفرحه بيه.. لكن انا كنت بغش...ومذاكرتش
ريم تمسح دمعها ببتسامه : مش قولنا ننسي الفات وانتي عرفتي غلطك وهتصلحيه ..... والسنين الجايه هتنجحي بمجهودك... وهتتفوقي وكلنا هنبقي معاكي وهنساعدك
مايا تحضنها اوي : انا بحبكم اوي يا ريم.... ياريتني كنت عيشه معاكم من زمان .....كانت حياتي كلها هتتغير
شريف يقرب منها ويقرصها بشويش من خدها بهزار : حياتك ايه يام حياه انتي ..... محسسنا انك عندك 100 سنه..... يابت دا انتي لسه مفعوصه في البيضه..... وانسي بقي الفات كله...(ويمسكها من ودانها بشويش ) و بعد كده انا الهذكرلك بنفسي ......وهعلقك في الفلكه لو نقصتي نص درجه سامعه
مايا بضحك وهي بتمسح دموعها : سامعه بس من غير الفلكه
وينتهي اليوم... بالحب وحضن عيله دافي واسع يحضن ويضم الكل
في الهرم وفي الفرندا المكان المخصص لفايز وميرنا
فايز بضيق : انا مش عارف انتي ليه مش عاوزه تمشي معايه ... مصممه تفضلي في القرف دا ...انا هرتكب جريمه كل ما باجي ولقي العيون عليكي
ميرنا بضيق بداريها : تاني يا فايز ..... انا قولتلك مش همشي غير لما انتقم ...واشوف الظلموني هنا .....ويحصل فيهم زي الحصلي ....( وتقوم تقف بزعل مصطنع )وانت وعدتني تساعدني.... بس شكلك رجعت في كلامك
فايز بغضب : مش فايز اللي بيرجع في كلامه.... ورغم اني مش مقتنع والا موافق اني اخطف بنات..... وجيبهم مكان زاي دا ..... بس انا هعمل الانتي عاوزه علشان اريحك وتاخدي حقك .... بس الموضوع دا هياخد وقت لان الحاجات دي عاوزه ترتيب
ميرنا تقرب منه بدلع : يبقي انت كمان تصبر.... ويوم ما هتنفذ همشي معك من هنا...ونبدأ حياتنا مع بعض
فايز يقربها ليه بحب : انا هبعت اللي يرقبهم .....واخبارهم هتبقي عندي..... و في اقرب وقت هجيبهم هنا .....بس انا مش عاوزك انتي تفضلي هنا لوقتها..... واني اجي كل يوم و القي العيون عليكي وهتاكلك ..... ميرنا انا مش اي واحد .... وليه مكاني ... وكل الهنا بيعملوا ليه الف حساب .... مش عاوز صورتي تتهز بسببك ...خلينا نمشي من هنا
ميرنا تقرب اكتر بدلع وتحط ايدها حاولين رقبته : مش همشي من هنا غير لما تجيبهم ....وكله بايدك انت يا حياتي انت اللي هتحدد نخرج من هنا امتي..انا في انتظرك(وتحط راسها علي صدره ) ومشتقه اني اكون معك وليك ...انا عمري ما حسيت بلامان والاهتمام غير معك انت ...انا بحبك يا فايز
فايز يحضنها اوي بحب : الاسبوع دا هيبقوا عندك..... وتبقي ليه ومعايا ..انا كمان مش قادر علي بعدك اكتر من كده
ميرنا بتصنع الحب تبصله : وانا مستنيه اليوم اللي انتقم فيه .....ورجع ميرنا .. علشان اعيش معك.... وليك انت وبس ....وافضل تحت رجليك.... واقدر اسعدك ...ونجيب ولاد ...وميتكسفوش اني امهم
والصبح في فيلا عبد الحميد والكل قعد علي الفطار
عبد الحميد : عماد ابقي كلم هشام صاحبك وبلغوا موفقتنا وحدد معاه معاد يجيب اهله ويجي
عماد بابتسامه : حاضر يا عمي بعد الفطار.... هتصل بيه علي طول
مديحه تحضن تقي بفرحه : ربنا يكملك علي خير ويسعدك يا تقي يا بنتي يارب ..... انا مش مصدقه انك كبيرتي وبقيتي عروسه...وهتجوزي
تقي بكسوف : ربنا يخليكم لينا يا ماما
عمر يبص لفاطمه : هي ريم فين يا طنط فاطمه
فاطمه بابتسامه : كانت بتكلم نهي وهاله في التلفون.... بيتفقو مع بعض عشان ينزلوا..... يشتره حاجات الفرح وجهزهم
ماجده بفرحه : بسم الله ماشاء الله ....كده هنجوزهم كلهم في يوم واحد ونفرح بيهم سوا
عبد الحميد ببتسامه : ان شاء الله بعد كتب كتاب عماد وشريف..... هنشوف قاعه كبيره ونجوزهم كلهم سوا
ريم تدخل : صباح الخير
الكل : صباح النور
عمر يبصلها ببتسامه وحب : تعالي يا حبيبتي جمبي هنا
ريم تقرب منه وتبوس ساندي وتشيلها تقعدها علي رجلها : وتعقد جمب وعمر
عمر يقرب منها وبصوة واطي : ينفع كده... تبوسي ساندي بس..... اهو انا غيرت دلوقتي
ريم تكسف ووشها يحمر وتبعد عنها ... وهو يضحك بحب علي كسوفها
ريم تبص لتقي : اجهزي يا تقي..... علشان هننزل بعد الفطار وهنفوت علي هاله ونهي....و ننزل نشتري كل حاجتنا
عمر بقلق: هتنزله لوحدكم ...لا استنوي لما اكون فاضي واجي معاكم
تقي :تيجي فين لا طبعا..... النزوله دي للبنات بس ماينفعش فيها رجاله
شريف بغلاسه : ليه هااااااا هتشتري ايه هأاااااا
تقي بغيظ تحدفه بالبيضه : روح اسال خطبيتك
عمر بخوف وقلق يبص لريم : بلاش لوحدكم يا ريم.... استني اخلص شغل وانزل معاكم ...لو ماكنش عندي اجتماع مهم ...ماكنتش هروح الشركه
ريم ببتسامه تمسك ايده : ماينفعش يا عمر .... احنا هنشتري جهزنا ...وهنلف كتير ...( وتبصله بكسوف )وماينفعش تنزل معانا
عماد بقلق: بس يا ريم نزلكم لوحدكم ....فيه خطر وانتي عارفه
ريم : مافيش اي حاجه هتحصل ان شاء الله..... وبعدين مش هنفضل محبوسين كده وخايفين منهم
شريف بضيق : برده لازم ناخد بالنا لحد ما يتمسكوا..... فبلاش تخرجه لوحدكم
امل : انا هنزل معاهم انا ومديحه
عبد الحميد : وانا مش هسيبهم هروح معاهم .....و نعقد في الكافيه في المول ....الهيرحوا فيه علي ما يخلصوا ...مش هنسيبهم لوحدهم ... متخافوش عليهم ...
.عمر بخوف يبص لريم : طيب بس خليكي علي اتصال بيه علي طول دايما تلفونك يكون مفتوح ...
ريم ببتسامه : حاضر يا حبيبي متقلقش
بقلم(#ولاءيحيي)
ويخلصوا الفطار ...ويمشي عمر وعماد لشغلهم وشريف ياخد حسن ويروح التمارين.... .وتجهز ريم وتقي ومايا وهاجر وامل ومديحه وعبد الحميد .... و يروحوا بعربيتين لهاله ونهي ويروحوا المول..... بس ماخدوش بالهم ان فيه اللي بيراقبهم
البودي جارد اللي بيرقب ريم وهاله : ايوه يا فايز باشا ....هم قدمنا دلوقتي..... والاتنين موجودين سوا..... بس مش لوحدهم معاهم اربع بنات كمان ..... ورجل كبير واتنين ستات كبار... والحرسه قاعدين في العربيه بره المول ....والراجل والاتنين ستات قاعدين في كافتريا .... والبنات بيلفوا لوحدهم في المول .... اومرك يا باشا ..تحب ننفذ
فايز بضيق : لما يبقي لوحدهم نفذ... انا عاوز البنتين الاتنين دول بس....مش عاوز اي حد تاني غيرهم ... والا عاوز حد يتؤذي .... اي غلط حسابكم هيكون كبير عندي ... فاهمين
البودي جارد: تمام يا باشا...
وقفل مع فايز التلفون وبص للى معاه
البوي جارد: انزلوا انتم الاربعه رقابهم ...وحاولوا تاخدهم بعيد عن الزحمه .... وقبل ما تنفذوا تتصلوا بيا ...( ويبص لواحد معه كومبيوتر) وانت حاول تدخل علي سيستم المول ... علشان تعطل كاميرات المرقبه ... مش عاوز غلطه والا حد يحس بيكم ...اي غلطه فايز باشا مش هيرحم حد ...فاهمين
الكل : تمام
وتفتح ابواب العربيه.... وخرجوا الاربعه.... يراقبوا هاله وريم.. و في محل جوه المول
ريم في التلفون بابتسامه : يا حبيبي متقلقش...والله مافي حاجه غريبه ....والمول مليان ناس وكلنا واقفين مع بعض وعمي عبد الحميد في الكافتريا
عمر بقلق: انا مش مطمن يا ريم انا هجيلكم ....
ريم : وبعدين معك يا عمر....يعني هتسيب شغلك كل يوم وتنزل تلف معانا..... ماينفعش يا حبيبي
عمر بضيق: ليه هو انتي هتخرجي كل يوم....لاااا انتي تخلصي كل حاجه النهارده.... و اللي اقولك مش مهم اصلا انتي روحي ...وكل الانتي عاوزه هجيبه لعندك في الفيلا ... اختاري ونقي اليعجبك.... وانا اصلا مش عاوز حاجه غيرك ... روحي بقي يا ريم
ريم بابتسامه : ازاي يا عمر مش عاوز حاجه هو انا مش عروسه... ولازم اجيب حاجات زي العرايس.... واللي انت مش عاوزني افرح
عمر يتنهد بحب : انا لو اطول اجيب سعادة الدنيا كلها ليك ....هجيبها لكي حبيبتي... بس انا خايف عليكي اوي
ريم بحب : متخافش يا قلبي.... مافيش حاجه هتحصل ان شاء الله ...ويلا بقي مطعتلش نفسك وتعطلني ...خليني اخلص عشان اروح ...
عمر بضيق : حاضر يا ريم..... بس لو حسيتي باي حاجه غريبه كلميني علي طول ....وتروحي للامن اللي حاوليكي ....واقفي في مكان زحمه ووسط الناس
ريم بضحك : حاضر يا بابي.... محسسني انك بتكلم ساندي
عمر بابتسامه : ما انتي بنتي وحبيبتي وقلبي ومراتي والنفس البتنفسه.... انتي دنيتي كلها يا ريم
ريم بحب : وانت كل حاجه ليه في الدنيا يا عمر .....انت اللي ربنا عوضني بيك يا حبيبي ( وتبص علي البنات اللي بينادو عليها) ... يلا بقي يا حبيبي انا هروح عشان بينادوا عليه بحبك
وقفلت التلفون بسرعه قبل ما تسمع رد منه
بقلم(#ولاءيحيي)
في شقة الهرم وميرنا نايمه في اوضتها...وتدخل سمر
سمر بغضب : ميرنا اصحي.... اصحي يا ميرنا
ميرنا بنوم : عاوزه ايه.... انا عاوزه انام.... سبيني ارتاح
سمر بغيظ: قومي شوفي الاخبار ....اللي في المجلات والجرايد
ميرنا بتفتح عنيه باستغراب : اخبار ايه
سمر تقعد جمبها وتديها مجله : ريم هانم ....كان كتب كتبها علي عمر باشا امبارح.... لا والست نهي اتخطبت لشريف اخوه... وهاله لدكتور عماد ابن عمتهم...وصورهم نزله في المجلات والجرايد ... بقوا سيدات مجتمع
ميرنا تاخد منها المجله بسرعه وتشوف الصور
ميرنا بغيظ : ولاد............ و كمان فرحانين وبيعملوا حفلات ويتصوره ... قربوا من بعض علي جثثنا احنا
سمر بعصبيه : احنا هنا مستخبين و خايفين ننزل الشارع واهلينا اتفضحو وكل ليله الكلب تاكل لحمنا....هم يتجوزه ويتصوره في الجرايد ويبقوا سيدات المجتمع المحترمين
ميرنا تبرق بصدمه : هي الواقفه معاهم دي مايا اختي... ولا انا بيتهيالي
سمر باستغراب تبص للمجلاه :فين دي وريني.. مايا.... و ايه اللي يخليها تروح عندهم .... اكيد مش هي
ميرنا بغيظ تشاور علي صوره :بصي شوفي البنت الصغيره المحجبه دي هي مايا اختي....شوفتي عاملين فيها ايه ..مش مكفيهم اللي عملوا فيا انا وبابي .... اخدوا اختي وبيلبسها علي مزاجهم. .. هاتيلي تلفون حالا
سمر تديها تلفون : عاوزه تلفون هتعملي ايه
.........................
تفتكرو ميرنا هتكلم مين في التلفون .... وياتري مايا هيكون ليها دور في اللي جاي ... نعرف الحلقه الجايه
التعليقات على الموضوع