عندما اختفي البدر 🙁
"عندما اختفى البدر"
----------
-مش أنا قُلتلك يا سارة ١٠٠ مرة متتأخريش كده؟!
=أنا آسفة يا بدر بس كنت بشتري حاجات مع أصحابي
-طيب يا حبيبتي أنا مش بقولك ماتروحيش
بس على الأقل عرفيني ده أنا ماليش غيرك يا صغنن إنت
=يا بدر يوووه
أنا مش صغيرة أنا كبيرة و عندي ٢١ سنة كمان و يادوب إنت أكبر مني بأربع سنين
-بس مالناش غير بعض من بعد موت بابا و ماما يا سارة
أيوة مانكرش وقفة خالتو و عمتو جنبنا بس في الأول و الأخر إحنا مالناش غير بعض و حاسك بنتي اللي مش هتكبر أبدًا
=ماشي يا عم
ربنا ما يحرمني منك
-و لا يحرمني منك يا حبيبة قلبي يارب
=يلا هدخل أنام شوية
-لا أنا طبختلك النهاردة من الأكل اللي بتحبيه روحي صلي علشان ناكل سوا و بعدين نامي على ما أرجع الشغل و هجيلك بالليل نسهر سوا بقا شوية
=طيب حاضر
-بسرعة
=حاااااضر
-------------------------------
-عجبك الأكل؟!
=أيوة جدًا و الله
-بالهنا يا حبيبتي يارب
بقولك مش إنتِ كنتِ عاوزة فلوس تشتري هدوم جديدة و شوية حاجات و موبايل جديد؟؟؟!
=أيوة
-اتفضلي يا ستي
قدرت أجمعلك المبلغ ده
=بجد؟!
كل دول يا بدر؟
-أي نعم
=طب استنى؟
و إنت معاك فلوس تانية و لا لاء؟!
-الحمدلله محفظتي مليانة و كمان الدولاب فيه فلوس وقت ما تحتاجي منها خدي و من غير ما تسألي زي كل مرة لإني تعبت من قولة إن كل الفلوس بتاعتي و بتاعتك يا عبيطة
=بس يا بدر دول كتير أوي
-خلاص يا ستي وفري منهم شوية للزمن
=ماشي يا بدر
بجد أنا مش عارفة أقولك إيه!!
-مش عاوز منك غير إنك تكوني بخير
-----------------------------
-ممكن تطلعيلي هدوم علشان هدخل أخد دش كده يا سو؟!
=حاضر
..
=إيه ده؟!
هو مش معاه غير الفلوس دي؟!
أومال ليه قال معاه فلوس كتير؟!
معقول علشان أرضى أخدهم؟!
-يا سااااارة فييييين الهدوووم
=حاضر جاية أهو
----------------------------------
*بس الولا قمر بجد يا سارة إزاي مش بتردي عليه ده شكله هيموت عليكِ..!
=لا يا ستي أنا مش عاوزة وجع دماغ
*يا هبلة و لا وجع دماغ و لا نيلة
ردي عليه بقا يا بت ماتبقيش هبلة
=أرد؟!
لا لا قلقانة بجد
*يا بنتي ما لو حصل منه حاجة إحنا عارفينه من الجامعة هنطلع عينيه
=اممم
طيب هرد و أشوف عاوز إيه
*جدعة
=إلحقي!!
ده بيقول بيحبني؟
*شوفتي
أنا قُلتلك شكله واقع
=بس يا بت بقا يوووه
*مكسوووفة
هقوم كده أكلم ماما أطمنها عليا على ما تشوفي عم روميو أخرته إيه..
=اتلمي يا بت
..
*خليتها ترد أهو يا سيدي
عاوزة الفلوس بتاعتي بقا
°ده إنتِ ليكِ مني أحلى فلوس و الله
*بس مهما يحصل ماتجيبش سيرتي
°يا ستي مش هيحصل حاجة
و بعدين مش إنتِ بتقولي أمها و ابوها ميتين يعني مالهاش كبير!!
*لااااا ده عندها أخوها بعيلتك كلها و الله
و أنا حذرتك منه كتير
°بكرة لما أهدده بيها مش هيفتح بؤه قصادي
*ماااشي يا عم
-----------------------------------
-يعني إيه سرطان في المخ يعني إيييييه؟!!!
+ اهدى يا أستاذ بدر مش كده
-طب!!
طب ده حصل إزاي؟!!!
أيوة كنت بتعب بس عمري ما تصورت إن تعبي يوصل لكده!!!
+ الحالة متأخرة شوية يا أستاذ بدر
ولازم نبدأ في العلاج حالًا مانتأخرش أكتر من كده
-يعني هموت؟!
+ ماتقولش كده يا ابني
-طب و أختي؟!
+ هتعيشلها بإذن الله
-أنا كان نفسي أفرح بيها
+هتفرح بيها بإذن الله
-ربنا يستر
---------------------------------
~ مالك يا واد؟!
-مفيش يا خالتو بس تعبان شوية
~ تعبان مالك؟!
بقالك شهر و نص بتخس بطريقة فظيعة و بلاحظ إن لونك مصفر على طول!!
إنت بتجهد نفسك في الشغل؟!
-لا يا خالتو
~أومال يا ابني؟!
-عندي..
~ايه؟
-عندي سرطان في المخ يا خالتو
~ اييييييه؟!!!!
بتقول إيه يا بدر؟؟؟
-اللي حصل يا خالتو
و بدأت أخد كيماوي
بس أهم حاجة ماتقوليش حاجة لسارة و أمانة في رقبتك بالله عليكِ لو حصلي حاجـ....
~ربنا يبعد الشر عنك يا حبيب قلبي
-ربنا ما يحرمني منك ياارب
احضنيني بقا عاوز أحس إن في حد جنبي
احضنيني لإني بشم ريحة أمي فيكِ
-------------------------------
==آلو
أيوة يا سامح
لا مش هعرف أعلي صوتي أصـ....
°آلووو آلوووو
-قبل أي حاجة إياك تقفل و إلا قسمًا بربي هجيبك من تحت الأرض بص بقا ماتتصلش على الرقم ده تاني يا حيوان
و لو عرفت إنك قربتلها تاني هقتلك إنت فاهم
و قسمًا بالله ما هيكفيني موتك بس ده أنا همسخرك قبلها في الشوارع يا حيوان
تعرفها منين هااااا؟!!!!
عاوز منها اييييييه و وصلت ليها إزاي؟!
أنا مربيها كويس إزاي حصل كده؟!!!!!
°بـ.....
-انطق
°صاحـ..... صاحبتها هي اللي خليتني عرفت أقرب منها
و هي اللي بعتتلي الأكونت بتاعها
أنا كنت هكلمها شوية و هسيبها مش هأذيها يعني و مش قصدي حاجة
-سمعتي القرف ده يا هانم؟!!!!
=إنت ليه عملت كده لييييه؟!
-سامعة يا خالتو؟؟؟!!
بتسألني ليه؟!
بيقولك صاحبتك هي اللي قربته منك لسه هتآمني ليها تاني؟!!!!
يا بنتي ده بيلعب بيكِ و هو قالها
ليه عاوزة تعملي حاجة مش من مقامك!!!!
=إنت ليه كابتني كده
أنا بكرهك بكرهك بجد
إنت عمرك ما حسيت بيا
~ نعم؟؟!!
اومال مين اللي بيحس بيكِ؟!!!!
صاحبتك الخاينة؟!
أخوكِ اللي كان عامل جمعية معايا علشان خاطر سواد عيونك و يجيبلك مبلغ محترم علشان مايحسسكيش بنقص؟!!!
-آاااااه
~ مالك يا بدر مالك يا حبيبي؟!
خدت علاج النهاردة؟!
-مش قاااادرررر
~ياااا بدر ماااالك؟!!!
=هو في ايه؟!
و علاج ايه!!!؟
~ اتصلي بالاسعاف بسرعة يا سارة
----------------------------
-أنا خلاص حاسس إن دي أخر لحظات ليا في الدنيا دي
أنا ماتخيلتش إني همشي قبل ما أشوفك عروسة يا سارة
ماتعيطيش يا حبيبتي ماتعيطيش
أنا بس عاوزك تقربي من ربنا أكتر و ماتخليش حد يستضعفك و لا يدخلك من سكك وحشة
خالتو معاكِ أهي يا حبيبتي و بإذن الله مش هتحرمك من حاجة
و إنتِ ماتغلبيهاش عارفك شقية
=يا بدر ماتسيبنيش
-ده نصيب و مكتوب يا سارة و مش هنهرب منه
بس عاوزك تعرفي إني بـ ـحـ ـبـ ـك...
=ياااااااا بددددررررر
----------------------------------
" يعني أنا اسمي على اسم خالو بدر؟!
=أيوة يا حبيبي
" طب ماتعيطيش بقا يا ماما
=حاضر يا حبيبي
" أنا حبيته أوي من كلامك عليه يا ماما
= ولو كنت شوفته كنت هتحبه أكتر
هنشوفه في الجنة يا حبيبي بإذن الله
......
أنا أؤمن بهذه العبارة جدًا "تفَقَدوهم قبل أن تفْقِدوهم".....!
اقتربوا ممن يحبوكم قبل رحيلهم،و حافظوا على ما بينكم من وِد فلا نعلم متى الرحيل..!
...
ريهام_يحيى
التعليقات على الموضوع