قصة الصندوق 🗃الجزء الاول

أمبارح كان عيد ميلادي بقي عندي 22سنه صحابي احتفلوا معايا وجابولي هدايا كان يوم جميل وفرحت فيه لكن جتلي هديه فعلا كانت مفاجاه بالنسبالي،كنت راجعه من كافيه علشان صحابي كانوا عاملين عيد ميلادي هناك اول ما طلعت البيت لاقيت الباب بيخبط وراجل ماسك صندوق .
-حضرتك مريم سيف الدين ؟
=ايوة أنا
-ده طرد جاي لحضرتك محتاج توقعي هنا
=ده من مين
-لا معرفش للاسف
*وقعت وعايزه اعرف ايه الصندوق ده فتحته لاقيت كل حاجه بحبها في الصندوق الشوكلاتات اللي بحبها والشيبسي والورد المفضل عندي وكتاب لنجيب محفوظ يااه الكتاب ده بيفكرني بي بابا الله يرحمه هو اللي حببني في القراءه ولعبة بازل والعطر اللي بحط منه ولعبة بارني اللي بحبها من وانا صغيره بتفكرني  بماما الله يرحمها كانت بتتفرج عليه معايا اول ما اجي من المدرسه بنام ع رجليها كانت بتحسس علي شعري وبقعد اتفرج لغايت ما اروح في النوم ،ايه الصندوق ده ومين اللي عارفني اوي كده وعارف تفاصيل حياتي
لكن جدتي قطعت حبل افكاري
-يا مرييييم يا مرييم
=ايه ايه ايه الزن ده
-يلا يا حبيبتي علشان عملت الاكل
=مش عايزه اطفح
-ليه كده بس وايه الصندوق ده ؟
=ملكيش دعوه يا تيتا واطلعي برا واقفلي الباب
*قفلت الصندوق وحطيته تحت السرير علشان تيتا متلعبش فيه وغيرت هدومي وطفيت النور علشان انام شويه نمت وعماله افكر يا تري حد مهتم بيا اوي واخد باله مني لدرجه انه يعرف الحاجات اللي بحبها حتي لو فات عليها اكتر من عشر سنين!
فجأه سمعت صوت مرييييييم يا مرييييييم
صوت تخين وخشن وعمال يتكرر وجي من تحت السرير
قومت مخضوضه نطيت من علي السرير وخرجت جري من الاوضه
Menna_elshamy
‎الجزء_الاول
الصندوق