اليتيمتان (الحلقه العشرين و الاخير)💜
💗💗 (اليتيمتان)💗💗
بقلم_ولاءيحيي
البارت العشرين والأخير
فاطمة :يمهل ولا يهمل... انتقام ربنا أعظم واكبر... والحمد الله انكم رجعتم لبعض يا ولاد.. انسى اللي فات... وعيشوا حياتكم
كمال بص لحكمت بحب وشوق والكل بيبص عليهم بفرحه... عمران غمز لندا علشان يقوموا ويسيبهم لوحدهم فابتسمت
ندا تقوم تقف جمب فاطمة : تعالى يا تيتا نروح الاوضه التانيه علشان ترتاحي..
فاطمة بابتسامة : يلا حبيبتي
يقوم عمران يمسك ايد فاطمة ويمشي معاها هو وندا .. و عمال يشاور لأليف. وهو مش فاهم .. وندا عمله تغمز لأميرة وهي مش فاهمه...
فاطمة بضحك :متتعبوش نفسكم.. مش هيفهموكم سيبهم كمال يطردهم دلوقتي
عمران وندا يضحكوا وخرجوا مع فاطمه
كمال قام قعد جمب حكمت بشوق وحب... ومسك أيدها واتنهد ولسه هيتكلم حكمت شاورت ليه بعينها.. فبص وراه.. لقى أليف وأميرة الاتنين حطين ايدهم على خدهم ويتفرجوا عليهم بابتسامة كبيرة فضحك ورجع ظهروا لورا وبصلهم
كمال بابتسامة : قولتولي مين فيكم اللي قفل اللي باب علينا... اصل ناوي اخليه مساعد ليا في العملية بكرا
أليف بسرعة : ااانا... انا اللي اخدت كارت التعريف من الأمن وقفلت الباب
أميرة بغيظ :بس دي كانت فكرتي انا اصلا من الأول
كمال بضحك : هو الكارت مع مين دلوقتي
أليف يطلع الكارت بفرحه :اهو معايا انا
كمال اخده منه : برافو عليكم بجد فكره حلوه...
أميرة بفرحه :دي فكرتي انا
كمال بابتسامة : بصراحه كده انا محتار مش عارف مين فيكم يبقى مساعد ويدخل معايا العملية بكرا... لازم واحد بس اللي يدخل
الاتنين نطو من مكانهم واقفين : اااااانا
كمال بابتسامة :ما انا مش عارف مين فيكم أسرع
الاتنين :اااااانا أسرع
كمال وقف :طيب اللي هيقفل الباب دلوقتي أسرع هو اللي هيدخل معايا العملية
الاتنين جريو بسرعه وقفله الباب وكمال كان ورا الباب وقفله بكارت
أليف :انا اللي سابقتك
أميرة بغيظ : لا انا اللي سابقتك وخرجت قبلك
أليف بغيظ : طيب احنا نسأل كمال
أميرة : ماشي نسالوا
يحاولوا الاتنين يفتحوا الباب يلقوه مقفول... يبصو لبعض
أليف باستغراب :الباب اتقفل
أميرة بضحك :ايوه..
أليف بضحك : والكارت مع كمال جوه
أميرة تضحك اوي : ايوه
أليف يضحك اوي : وانا وانتي واقفين بره نتخانق مين اللي قفل الباب الأول (يحط ايده على كتفها ويأخذها ويمشي) انا بقول يا حبيبتي لما نتجوز منجيبش عيال... ماهو مش معقول عيال تخلف عيال
أميرة بزعل :لا انا عاوزه عيال .. عاوزه اجيب بنت
أليف بابتسامه بخبث : عاوزه بنت... دي محتاجه تدريب كتير... طيب ما تيجي انا وانتي نقعد لوحدينا.. وندرب علشان نجيب بنت
أميرة بصتله بعدم فهم :ندرب ازاي
أليف بابتسامة : بصي احنا نبتدئ بالبوس والاحضان ... لحد ما نتجوز
أميرة تشيل ايده من على كتفها وتمشي بظهرها وهي بتبصله بابتسامة
أميرة بابتسامة بكسوف: التدريب من النوع دا ممنوعه يا خفيف..(وجريت من قدامه... وهو طلع يجري وراها)
#بقلم_ولاءيحيي
💘💘💘💘💘💘💘💘💘💘💘💘💘
كمال قفل الباب لقي حكمت بصه من الشباك.. وقف وراها وحضنها بحب...
كمال بابتسامه :بتفكري في ايه
حكمت بابتسامة : بفكر فيك (وتلف وتبص له وتلف أيدها بحب حاولين رقبته) من يوم ما عرفتك وانا مش بفكر غير فيك... كل ليلة وكل لحظة...انا عمري ما نسيتك ابدا.... كنت باستغرب انا ليه مش عارفه انساك... ليه حبك بيكبر كل يوم جوايا ...
كمال بص لعينها ورفع ايده وفك شعرها وفرده على ظهرها
كمال بحب :علشان انا كنت بدعي ربنا إنك متنسانيش... واني لما اشوفك تاني اشوف نظرت الحب في عنيكي ... عاشت على أمل اني قابلك... واشوفك ونرجع لبعض (ويتنهد بحب) حكمت كفاية اللي ضاع مننا... انا عاوز نتجوز بسرعة... مش عاوز اضيع لحظه واحده وانت مش معايا
(حكمت تحضنه اوي... وهو يخبي وشه في شعرها.)
كمال يرفع وشها ويبص لها : نطمن على ندا... واتصل بناديه علشان تيجي... واعملك فرح كبير اوي
حكمت بابتسامة : انا مش عاوزه فرح انا عاوزك انت
كمال يبعد شعرها عن وشها ويمشي ايده على وشها بحب
كمال :وانا عاوز اعمل فرح كبيير... عاوز الدنيا كلها تفرح معانا... وتشهد على حبنا وصبرنا... عاوز اشوفك بالفستان الأبيض...
حكمت تبتسم... ويبصوا لبعض بحب... كمال يتنهد بشوق ويحط راسه على رأسها...
كمال :هو احنا ينفع نجيب المأذون دلوقتي وبعدين نعمل الفرح اصل انا بصراحة مش قادر ابعد عنك
حكمت تضحك وتتكسف.. وتلف تبص من الشباك.. وكمال حضنها وهما الاتنين سامعين دقات فرحت قلوبهم اللي بتعزف نغمات حبهم
في اوضة تانية... فاطمة نايمه.. وعمران وندا قعدين في الفرنده... ندا قعده وعمران حط راسه على رجلها وحضن أيدها... وهي بتمشي أيدها التانيه على شعره
ندا بابتسامه : عمران انت ليه كنت رافض اني اعمل العملية
عمران يبصلها بحب : خايف عليكي... (ويغمض عينه بألم ) مش قادر اتخيل انك في حاجه تجرحك أو تالمك (ويبص لها بحب ) انتي ليه عاوزه تعمليها
ندا تمشي أيدها على وشه بحب : عاوزه أكون حلوه ( عمران بصلها بغيرة وغيظ فندا ابتسمت ) عاوزه ابقى حلوه في عين نفسي ... علشان اقدر اسعدك ...(وتتنهد) المكان اللي فيه الجرح ماحدش هيشوفه غيرك انت ... وانا عاوزه لما ترجع البيت تلاقيني لبسها وشكلي حلو ومستنياك... فعاوزه اشوف نفسي حلوه... وأبقى مستنيه نظرت عينك لما تشوفني... انا عارفه انك حببني زي ما انا... وشايفني حلوه ومش شايف جرحي...بس انا شايفه ومش هحس اني حلوه ومش هحس اني حلوه في عينك غير لما كون حلوه في عين نفسي
عمران يرفع أيدها يبوسها يبتسم بخبث
عمران بخبث :افهم من كده اني لما هرجع هتكوني لبسه حاجات حلوه ومستنياني...اممممم على فكره دا تحريض واضح واغراء رسمي للانحراف ... وانتي اللي جبتيه لنفسك اصل انا هموت و انحرف معاكي
ندا تشهق بكسوف... وتضربه على كتفه وهو يضحك.. ويحضن أيدها بحب ويغمض عينه.. وينام براحه ... وهي تبتسم وتبوس جبينه بحب
#بقلم_ولاءيحيي
💘💘💘💘💘💘💘💘💘💘💘💘💘
وعند أليف وأميرة فكانوا قعدين على سطح المستشفى بيحبو في بعض بطريقه مختلفة
أليف بؤه مليان اكل : يابنت الايه جيبته منين دا
أميرة وهي بتأكل : شوفته من يومين وانا جايه المستشفى.. فاخدت رقمهم.. وقولت لهم يوصله لهنا
أليف يأكل بصل :.عارفه انا دلوقتي حبتك اكتر... لما لقيتك بتحبي الاكل دا
أميرة وبوها مليان اكل :الفسيخ والسردين دول العشق ....
أليف بنص عين وغيظ : ولما هم العشق انا ابقى
اميره بضحك و تآكله في بوه : انت فسيخت قلبي يا حبيبي
أليف بابتسامة : حبيبتي يا سردينت حبي ...
أميرة بابتسامه : قولي حبيب... تفتكر دكتور كمال هيدخل مين فينا العملية معاه
أليف بضحك : بعد الأكل ده والبصل... كمال هيرميني انا وانتي بره المستشفى يا حبيبتي..
أميرة بضحك : والله ساعتها اعملوه بوفيه فرحهم كله سردين ورنجة.. وفسيخ
أليف بضحك : والحلو هيبقى ايه
اميره بضحك : لبان كرولكس
ويفضلوا هم الاتنين يتكلموا وياكلو ويضحكوا.... بعد ما خلصوا اكل... ناموا الاتنين على الأرض وهم بصين للسماء
أميرة بابتسامة : لما ببص لسما كده.. بحس ان بابا وماما بيبصوا عليا... من الجنة
أليف يبصلها باستغراب : هو انتي عارفه مين اهلك
أميرة بابتسامة : ايوه عارفه.... انا اسمي اميره أحمد عادل... بابا كان دكتور من قنا... انا شوفت صوره من بطاقة بابا في الملف بتاعي وعرفت اسمه ولده (أميرة تبصله) ولما سألت عنهم عرفت اني رحت الملجأ بعد ما اهلي عملوا حادثه بالعربية.. وبابا وماما ماتوا...وانا قعدت فتره في المستشفى.. وبعدها داخلت الملجأ
أليف باستغراب : طيب فين أهلك... جدك عمك.. أي حد من عيلتك... ليه ماحدش اخدك ليه روحتي الملجأ
أميرة بابتسامة حزينة :قالوا إن محدش سأل عني... ولا جم اخدوا اهلي علشان يدفنوهم ماحدش اخذنوني ... فدخلت الملجأ
أليف باستغراب : يعني ليكي أهل طيب هم فين
أميرة :ماعرفش
أليف باستغراب :مسالتش
أميرة تبصله بابتسامة حزينة :لا... هم مسالوش عليا انا ليه اسأل عليهم ..
أليف سكت شويه وبصلها :ماعندكيش فضول حتى تعرفيهم
أميرة تتنهد :اول ما خرجت من الملجأ.قولت هسال... خصوصا اني عارفه بعض المعلومات عن اسمي.. وشغل بابا وبلده... كل يوم اصحى وقول اسأل.. وارجع اقول لا مش النهاردة بكرا... لحد لما سمعت قصتكم النهارده...قررت اني مش هسال عنهم.... انا ليه ادور على ناس ما دورتش ولا سالت عني... مش ممكن يطلعوا زي محمود وسلوي. ويبقى اليتم احسن 1000 مره منهم (وتبص له وتبتسم) وانا ربنا عوضني واهل تانين.... بعتلي ابله حكمت ودكتور كمال اب وامي... وندا وعمران اخواتي...(وتبص له بحب) وبعتك انت ليا ...علشان تبقى الحبيب والأب والأخ والصديق.. انت كل حاجه ليا يا أليف...وانا مش عاوزه حد طول ما انت معايا
أليف بصله بحب وشدها لحضنه... فنامت على كتفه وهما بيبصوا للسماء...
#بقلم_ولاءيحيي
💘💘💘💘💘💘💘💘💘💘💘💘💘
تاني يوم ندا كانت في الاوضه بتجهز للعمليه... والكل حاوليها..بيطمنها .. وعمران ماسك أيدها... ومش قادر يسببها.. لحد ما وصلوا اوضة العمليات.. وأميرة قربت بابتسامة
أميرة بابتسامه : سيبها متخافيش هنرجعهالك كمان شويه
عمران بخوف :خالي بالك منها
أميرة تبص لندا بابتسامة :انت هتوصيني على نفسي... ندا هي انا هي روحي ونصي التاني .(وتمسك أيدها) انا معاها انا وهي متعودناش نسيب ايد بعض...هندخل سوا وان شاء الله هنخرج سوأ
وتدخل ندا العمليات... وبعد ساعتين... يخرج كمال...
حكمت وعمران يجروا عليه
حكمت بدموع : ندا عمله ايه يا كمال
كمال يرفع ايده ويمسح دموعها : متخافيش يا حبيبتي... ندا كويسه ... والعملية نجحت جدا
عمران اتنهد براحه.. وحكمت حضنت كمال...
وبعد يومين في اوضة ندا... كانت مليانه ناس... كل اهل الحارة... كانوا موجودين عندها
ام فاروق بابتسامه : الف بعد الشر عنك يا حبيبتي
سامية :سلامتك يا ندا الف سلامه
ام نبيل :شدي حيلك وقوملنا بسلامه... الحارة والمشغل مالهمش حس من غيرك
ندا بابتسامه : أن شاء الله....انا متشكره ليكم جدا...بجد فرحتني بزيارتكم
سامية بابتسامة : بتشكرينا على ايه... احنا اللي لازم نشكرك... انتي وابله حكمت.. والست فاطمة... المشغل اللي فتحتوا .. شغل ستات وبنات الحارة ..وفتح بيوت ناس كتير
فاطمة بابتسامه : الحمد الله... المشغل دا بتعانا كلنا... من غيركم ماكنش اشتغل
ندا بابتسامة : و لولي فرحك يا سامية ... ماكنتش فكرت المشغل اتنفذت
ام فاروق : وهو لولي اللي عملتيه في الفستان كان الفرح بقى فرح.. . دا انتي فرحتي قلبنا.. ربنا يفرح قلبك.. ويرزقك بابن الحال
ندا عينها راحت لعمران... اللي واقف ساند على الحيطة... و بيبص ليها بحب وفرحه .... ويدخل كمال وهو ماسك ايد حكمت.. فالكل يبص عليهم باستغراب
كمال وحكمت بابتسامة : سلام عليكم
الكل باستغراب :وعليكم السلام ورحمة الله وبركاته
فاطمة بابتسامه : دا الدكتور كمال... خطيب حكمت
الكل فرح وقعدوا يبارك ليهم...
ام نبيل بفرحه : وامتي الفرح يا دكتور
كمال بابتسامة : الأسبوع الجاي ان شاء الله
ام فاروق : كده يا ابله حكمت... متقولش لينا ... دي الحته كلها هتفرح ليكي... ولا احنا مش قد المقام ومش هتعزمينا
حكمت بابتسامة : ايه اللي بتقوليه دا ياام فاروق دا انتم اهلي... فرحتي مش هتكمل غير لما تشاركوني فيها ... انا بس كنت مستنيا لما ندا تخرج بسلامة
ام عادل : واحنا من النهارده ليوم الفرح... هنعمل ليله... والحارة كلها... هتفرح بيكي وليكي... دا انتي غاليه اوي يا ابله حكمت...
فاطمة بابتسامة :ربنا يفرح قلبكم يارب
وعدي يومين وندا خرجت من المستشفى... و رجعه البيت وكان كل أهل الحارة واقفين ينضفو ويزينوا الشارع... والستات واقفين كل واحده فتحه باب شقته... بتعمل اكل ... وواقفين يغنوا... الحج صالح دخل البيت
صالح بابتسامة :سلام عليكم... ربنا يفرح قلبكم... هو فيه فرح النهارده... طيب فرحونا معاكم... ابو نبيل عمل ايه يا نبيل
ام نبيل بفرحه : دا خير وخير كتير اوي يا حج صالح .... الحمد الله ابو نبيل كويس... الدكتورة أميرة ربنا يكرمها لما عرفت انه عيان اخدتنا المستشفى وعملت التحليل... طمنتني عليه..... ندا هتخرج النهاردة من المستشفى ... والابله حكمت اتخطبت لدكتور كبير اوي... وفرحها كمان يومين... كل دا ميفرحش... دي الحارة كلها بترقص...
صالح بابتسامة : بسم الله ما شاء الله... ربنا يبارك ويكتر في افرحنا يارب.... شوفتهم بقى لما ابله حكمت فتحت بيتها لليتيم ربنا كرمها آخر كرم... ولما انتم قبلتهم وسطكم وفتحتو قلبكم ليهم.. ربنا كرمكم معاهم ... ورزقكم برزقهم
ام فاروق بابتسامة :اه والله يا شيخ صالح... من يوم ما البنتين دول دخلوا الحارة.. ودخلوا بيتنا.. والخير بيجي وراهم... و المشغل اللي فتحوا في الحارة شغل ستات ورجالة الحاره... واتفتح بيوت كتير
صالح بابتسامة : الحمد الله... عقبال ثواب الأخرة يارب.. ونكون جيران النبي
الكل سوأ : ياااارب
#بقلم_ولاءيحيي
💘💘💘💘💘💘💘💘💘💘💘💘💘
رجعت فاطمة وحكمت والبنات الحارة.. وكان معاهم كمال والشباب... واول ما دخلوا الحارة.. سمعوا الزغريط.. ولقو فراشه كبيره... والكل قعد يغني ويرقص والفرحه مليا الحاره .. وقابلوهم بزغريط والتهاني... وقعده وسطيهم.. وكل البيوت بقى يخرج منها صواني اكل.. واقعدوا الكل سوأ يأكلوا ويحتفلوا . .. حكمت وكمال والبنات والشباب... حسوا أن ليهم أهل وعيله.. وناس طيبه بتحبهم من قلبهم
#بقلم_ولاءيحيي
💘💘💘💘💘💘💘💘💘💘💘💘💘
تاني يوم الساعة 9الصبح... فاطمة وحكمت والبنات بيفطروا.. عشان ينزلوا لشغلهم وكليتهم...بس باب الشقة خبط... حكمت راحت تفتح... لقيت ناديه قدامها بوشها الطيب الجميل والفرحة والضحكة مليا وشها وعينها
حكمت بفرحه :ناديه
ناديه تجري لحضها: وحشتيني أووي يا حكمت... ماصدقتش لما وصلت المطار ... قولت لكمال وديني عندها اشوفها بعيني
يدخل كمال بابتسامة : ماصدقتش لما قولتلها...
حكمت بفرحه : انا اللي مش مصدقه انى شايفكي متغيرتيش يا ناديه... لسه حلوه ووشك بيضحك
مدحت يدخل برأسه : قوليلها.. احسن لما بقولها كده بتقول.. اني عامل عمله وبأكل بعقله حلاوة
حكمت بابتسامة : مدحت... حمد الله على السلامة
مدحت بابتسامة : حمدالله على سلامتك انتي يا حكمت... برجوعك مارجعش روح كمال بس انتي رجعت روحنا كلنا.. (ويبص لكمال بابتسامة) انتي متعرفيش كمال كان عامل ازاي واخته زعلانه علشانه ... ومنكده علينا دي طلعت روحنا
الكل يضحك (أليف وعمران يدخلوا برأسهم من الباب)
الاتنين سوأ :ينفع ندخل...
ندا وأميرة واقفه بابتسامة... وكمال وحكمت بصوا ... وناديه اخدت بالها... فرحت قفله الباب بسرعه
ناديه بابتسامه : لاااا خليكم بره
الكل يضحك وعمران واليف.. يفضلوا يخبطوا...
أليف من وراء الباب : مش هتفتحى يعني يا ناديه... طيب(ومره واحده سمعت صوت صريخ ولادها) يالهووووي العيال.... نسيت العيال معاهم بره
الكل يضحك فتحت ناديه الباب. و الكل يدخل .. ويتعرفوا على بعض... وقضوا يوم جميل سوأ.. وبدأ تجهيزات الفرح... وكانت حكمت وناديه ونهى بينزل يشتروا حاجات الخاصة بالعروسة... وأميرة واليف.. وندا وعمران... بيجهزوا الفيلا اللي كمال وحكمت هيعيشوا فيها واللي هيتعمل فيها الفرح.. كان الكل في منتهى السعادة... ويوم الفرح...
كل الناس اللي بيحبوا كمال وحكمت كانوا متجمعين ييشركهم فرحتهم .. كمال كان واقف مستني حكمت وجمبه عماد ومدحت وعمران واليف... واتفتح الباب... ودخل صفين من البنات صغيرين.. لابسين فساتين كلهم زي بعض بلون البينك .. وبيرمي ورده( ودول كانوا بنات الملجأ اللي جم يشاركوا حكمت فرحتها... ولبسوا فساتين اللي جهزتهم ليهم ندا.. وندا واميره لبسوا زيهم ) دخلوا البنات ودخل بعدهم اميره وندا اللي كانوا زي الاميرات... وعيون كل الناس فرحانه بيهم... وعين أليف وعمران.. كانت ملينا حب وشوق....وانطفي النور. واشتغلت موسيقى خاصه بالعروسه ... ودخلت حكمت بفستانها الأبيض.. والإضاءة بقيت عليها.. وعينها تعلقت بعين كمال... اللي اتملت دموع اللي نزلت غصب عنه وعنها...كانت دموع صبر وشوق وحب..... كمال مقدرش يصبر لما حكمت توصل لعنده فجرى عليها.. أخذها في حضنه.. مع تسقيف وزغريد الكل... وبدأ الفرح برقصه هاديه... رقصها كمال وحكمت... اللي حبهم وفرحتهم.. كنت وصله لكل الناس .. فاطمة دموعها نزلت... حضنتها ناديه اللي دموع فرحتها كانت مليا عينها فهم عاشوا معاهم عذابه وبيعيشوا معاهم فرحتهم .... الكل كان بيدعلهم... وطبعا أميرة واليف قلبوا الفرح تهيس ورقص وغني... شاركهم جنانهم عمران وندا.. وبعدها انضم ليهم عماد ونهى....لحد ما انضم الكل ليهم وبقى يرقصوا ويغنوا ...
#بقلم_ولاءيحيي
💘💘💘💘💘💘💘💘💘💘💘💘💘
خلص الفرح... وكمال وحكمت طلعوا اوضتهم... ووقفوا الاتنين قدام بعض... بشوق وحب... عينيهم كانت بتقول كلام كتير..... كمال قرب منها وحضن وشها بأيده...وباسها من جبينها وكل حته في وشها بحب وشوق....ولمس شفيفها وباسها بوسه طويل... غابت معاه أنفسهم.....وغابوا هم فيها لدنيا العشق والغرام...
مر اربع شهور.. كمال وحكمت كانوا في مكان بعيد عن الكل... ما فيش فيه غيرهم هم وحبهم وبس ...
لكن كانوا لازم يرجعوا.. بعد ما اتصل بيهم عمران واليف.. وحلفوا ليخطفوا البنات ويتجوزوهم من وراهم....
في الفيلا
أليف بضيق : والله لو ما رجعوا لأخد أميرة والمأذون ونروح ليه واتجوز هناك
ناديه بضحك : مش هيدخلكم... هي قفل الباب في وشك.. دا ما صدق اجتمع بحببته
عمران بغيظ : يعني هو يتجوز ويرتاح ويسب نا احنا نولع
مدحت بضحك : بص يا حبيبي انت وهو... انتم تعرفوا البنات من قد ايه 6 شهور صح... كمال يعرف حكمت وصابر من 20 سنه.... لما تبقوا تصبروا قده يبقى يرجع
عمران واليف برقوا بصدمه... وناديه ومدحت قعدين يضحكوا عليهم
أليف بغضب : انا مش هستني اكتر من كده.. انا هروح اخطفها
عمران بغيظ : وانا جي معاك
بيلفو الاتنين لقو كمال وحكمت وواقفين بيسمعوهم ويضحكوا
كمال بضحك : اخطفهم كده وانا اعلقكم
عمران واليف يجري عليهم فرحه : انتم رجعتوا اخيرا حمدالله على السلامة
ناديه تروح لحكمت : حمدالله على السلامة حبيبتي الف مبروك
حكمت بابتسامه : الله يبارك فيكي... عقبال نغم ويوسف وياسين
ناديه تأخذها بعيد : وشك منور.... تعالى احكيلي... عملتوا ايه في شهر العسل احسن الواحد نسي العسل ياختي
حكمت تضحك اوي وتمشي معاها
مدحت بفرحه : نورت يا عريس ( ويوطئ عليه ) اربع شهور يا مفتريه بتعمل ايه ... دا انا هربت من اختك من اول اسبوع
أليف وعمران كانوا سامعين... فضحكوا جامد..
كمال بضحك : عجبك أهم سمعوك قابل بقى التريقه اللي هتاخده
مدحت يبرق ليهم :طب حد فيهم يبقى ينطق ... وانا ابعتك مؤتمرات طبي لمدة 10 سنين
عمران بضحك : لاااا يا عم مدحت دا انت حبيبي... انا اقدر اتكلم بردوا..... و بعدين ربنا أمر بستر
أليف بضحك : عيب عليك يابو نسب.... سرك في بير... و انا كطبيب عارف انها بتبقى قدرات
كمال بضحك :وانا اقول البت ناديه مال الهم ركبها ليه.. اتاريك انت السبب...
مدحت بغيظ : لاااا دا انتم ماحدش يهزر معاكم... (ويبص لناديه) يا ناديه حوشي اخواتك عني
الكل يضحك ويعقده سوأ
عمران يبص لحكمت بابتسامة : ابله حكمت.. انتي اللي هتنقذينا
أليف ينزل يقعد تحت رجلها : مستقبلنا في ايدك انقذينا... وجوزينا ...بصي انا ها جيبلك من الاخر... احنا سمعتنا بقيت زفت في المستشفى كلها... ايش ضرب في بعض... ايشي جرى ورا بعض... ايشي بوس واحضان
حكمت تبرق بضحك : بوووس
أليف بضحك : دا انا هريها بوس.. زي ابو العربي في الفيلم
الكل يضحك اوي
حكمت تبص لكمال وتبتسم : لا طالما فيها بوس واحضان لازم نجوزكم.... ايه رائيك يا كمال. نعمل فرحهم امتى
كمال بابتسامة وحب :كمان اسبوعين.. يوم عيد ميلادك وعيد حبنا
حكمت بصتله وفرحت انه فاكر
مدحت بابتسامة :مبروك يا شباب اخدت إفراج
ناديه بابتسامة :نبتدي نجهز ونعزم الناس (وتبص لعمران) كلمت عمتك يا عمران
عمران بفرحه.. كلمتها وهروح ليهم بكرا ان شاء الله
وبليل في بيت فاطمة.. البنات فرحوا برجوع حكمت وتحديد ميعاد فرحهم... والكل قعدين يكلموا ويجهزوا
حكمت أخذت شنطتها ودخلت الحمام... وبعد شويه خرجت عينها مدمعه.. وشها مخطوف وبصت على كمال.. اللي بيلعب مع ولاد اخته... كمال رافع عينه ويبص عليها شاف وشها مخطوف قام بسرعه .. والكل بص ليها
كمال بقلق :حبيبتي مالك
حكمت بدموع رفعت أيدها... وكمال مسك الجهاز ويبص باستغراب وهو مش فاهم... وبص فيه شويه.. وبعدها برق.. وبص لحكمت بابتسامه..
كمال بفرحه :حامل (حكمت تهز رأسها.. وكمال يصرخ بفرحه) حااامل
حكمت بدموع وضحك :ايوه..
كمال حضنها اوي وهي خبت وشها في حضنه.. والكل بيبص عليهم بفرحه .. وبركلهم وكان يوم كله فرح
#بقلم_ولاءيحيي
💘💘💘💘💘💘💘💘💘💘💘💘💘
تاني يوم وفي بيت عمت عمران...اللي كانت قعده في اوضة ومطلعه صندوق صور وتبص عليه وعينها مدمعه.. الباب خبط ودخلت بنتها ريهام
ريهام :ماما عمران ابن خالي جي تحت
زينب تمسح دموعها :حاضر انا جي اهو
ريهام تقرب منها بحزن :تاني يا ماما... مش قولنا بلاش تطلعي الصندوق دا
زينب بحزن :مستكتره عليا اني افتكره يا ريهام... مش كفاية ذنبي في حقها
ريهام بحزن :ياماما انتي ملكيش ذنب في اللي حصل.. دا مقدر ومكتوب
زينب بدموع :لا ليا... لما اسيب بنتي الصغيرة تلات سنين.. مع ستك وجدك... واسمع كلامهم لما قالوا هياخد بالهم منها... واخدك انتي واخوكي ونسافر لأبوكم... وسيبها وهي بتعيط ومسكه في هدومي عشان مسيبهاش...و اسيبها واسافر.... بعد ما صدقت انهم هياخدوا بالهم منها...... يتصلوا بيا بعد تلات شهور.. يقولوا وقعت في الترعة وماتت ودفنها... انزل أجرى ورح الترب اعيط... وافضل 6 سنين كل ما نزل اروح الترب اعيط وقولها تسامحني.. وبعد6سنين يقولوا انها مامتتش.. وتاهت من ستك في مصر... ولما دوروا عليها وملقهاش قالوا إنها ماتت ... 6 سنين وانا فاكرها ميته...ودلوقتي معرفش هي ميته واللي عايشه
ريهام بحزن :ياماما كفاية عذاب.. بابا لما بيشوفك كده بيتعب.. ويفتكر أن اهلو السبب وبيزعل .. علشان خاطري يا ماما كفاية
زينب تنهد :حاضر ... يلا ننزل نشوف ابن خالك
وتنزل زينب وريهام.. كان عمران قعد مع جوز عمته صلاح... وابنها احمد
عمران بابتسامه :عمتي حبيبتي الغالية
زينب بابتسامة :ايوه يا واد كل بعقلي حلاوة... بقى يا واد 3 شهور ما شوفكش .. كل اسبوع تتصل وتقول جي ومتجيش
عمران بابتسامه :معلش يا عمتي.. الشغل والله كان واخدني.. (ويعقده يتكلموا وبعد ما ويتغدوا)
عمران :وحشني اكلك يا عمتي الواحد تعب من أكل الشارع
زينب :طب ما تجوز بدل ما انت قعد كده
عمران بابتسامه :ما انا جي النهارده علشان اقولكم ان فرحي كمان اسبوعين
الكل بارك لعمران اللي زينب.. اللي قعده مضايقه
زينب :ودي مين اللي خطبتها... بنت مين وابوها من أي بلد
صلاح بابتسامة :هو تحقيق يا زينب واللي ايه
زينب بضيق :مش اطمن عليه.. هو مش ابني زي احمد.. مش كفاية راح خطب لوحده .. واللي أكن ليه أهل ولا عمه .. هو علشان ابوك مات.. فكرت انك ملكش حد
عمران : لا والله يا عمتي.. بس هي ندا ليها ظروف كده..
زينب :ظروف ايه دي
عمران حكي ليهم ظروف ندا وأنها يتيمه.. وحكمت اللي بتربيها
زينب بضيق : ليه كده يا عمران... من قلة البنات.. هتجوز واحده لا تعرف لها أصلها من فصلها... ما البنات كتير يابني
صلاح بضيق :ايه الكلام دا يا زينب
عمران بابتسامه :ندا ست البنات يا عمتي.. وانا متأكد لما تشوفيها هتحبيها اوي
أحمد :مبروك يا عمران
عمران بابتسامة :الله يبارك فيك.. عقبالك يا حاتم
ريهام بابتسامة : وانتي هنشوف العروسة..اوعي تقول في الفرح
عمران بص لعمته وحس بزعلها..
عمران : لو ينفع بليل نروح ليهم النهارده ياريت ... واهو عمتي تخطبها ليا ... ايه رائيك يا عمتي..
زينب بابتسامة : وماله يا حبيبي نروح ونخطبلك
عمران يبوس راسها :ربنا يخليكي ليا يارب
عمران اتصل بكمال وحكمت وبلغهم... وفاطمة صممت أن ندا تتخاطب من بيتها...وناديه اخدت مدحت وقالوا انهم هيطلبوا اميره كمان ... وبليل الكل كان متجمعين في بيت فاطمة... ومنتظرين عمران وعمته... وبعد شويه الباب خبط... ودخل عمران و عمته وجوزها وأولادها... وسلموا وأتعرف على الكل ... وزينب كانت قعدة متحفظة في الأول... بس شويه وبقيت تكلم وتبتسم وفرحت لما اتعرفت بحكمت وفاطمة... وعمران ارتاح لما شاف ابتسامتها
ريهام بابتسامة :امال فين العرايس
حكمت بابتسامة :جوه في الاوضه هنادي عليهم
نهى :خديني معاكي
ريهام بابتسامة :طيب ممكن اجي معاكم انا كمان ...
حكمت : طبعا يا حبيبتي تعالى
خرجوا من الصالون... ورحو لاوضه البنات..وخبطوا وفتحت حكمت الباب
حكمت بابتسامه : ايه يا عرايس لسه مخلصتوش
ندا وأميرة يوقفه بكسوف: خلصنا يا ابله
حكمت تقرب منهم بحب ودموع وتحضنهم
أميرة : بتعيطي ليه يا ابله
. نهى تسيب شنطتها على المكتب وتقرب منها
نهى بابتسامة : هرمونات الحمل... اطمنوا هي هتفضل كده فتره تفرح تعيط تزعل تعيط.. تجوع تعيط
الكل يضحك وتقرب ريهام منهم
حكمت: ريهام معلش يا حبيبتي نسيت اعرفك بيهم (وتبص للبنات بحب) دي أميرة خطيبت أليف... ودي ندا خطيبت عمران... ودي ريهام بنت عمت عمران
ريهام سلمت على أميرة وباستها... وقربت من ندا وبصتلها اوي وندا ابتسمت لها بحب...
ندا بابتسامه : اهلا يا ريهام... مبسوطة اني شوفتك
ريهام تبتسم وتقرب تحضنها :و انا كمان مبسوطة اوي اني شوفتك... وتحط أيدها على وشها بحب... ما شاء الله... انتي زي القمر (وتبص لأميرة بدموع ) انتم الاتنين زي القمر
نهى باستغراب : مالك يا ريهام بتعيطي ليه انتي كمان
ريهام تضحك : مش عارفه الظاهر اخدت عدوى من هرمونات ابله حكمت (الكل يضحك.)
حكمت بابتسامه : يلا يا بنات... نروح الصالون..
يخرجوا البنات... يروحوا الصالون.. وعلى الباب
نهى : ياخبر نسيت شنطتي في الاوضه...
ريهام بابتسامة : خليكي وانا هجيبها ليكي
وترجع ريهام الاوضه وتدخل فتشوف الشنط تقرب تأخذها... تشوف العروسة بتاعت ندا وجمبها صورتها اول ما دخلت الملجأ ... مسكتهم بصدمه... وقلبت العروسة لحد ما شافت اللي حروف المحفور على ظهرها... مسكتها بصدمه ودمعها نزلت
في الصالون دخلوا البنات... أميرة سلمت الأول... وندا بعدها
ندا تقرب من صلاح
فاطمة بابتسامه: ودي تبقى ندا
صلاح يبصلها بحب : بسم الله ما شاء الله مبروك يا بنتي
ندا قلبها بيدق : الله يبارك في حضرتك
صلاح قرب منها ومسك وشها وباس رأسها...
الكل استغرب لأن صالح سلم على أميرة من غير ما يلمس ايدها ... عمران أضيق وبأن عليه الغيره ... واليف وعماد كانوا كتمين ضحكتهم... ندا بصتله وابتسمت بحب... وقربت من حاتم
أحمد بابتسامة :مبروك يا ندا (ومد ايده يسلام عليها... وندا بتبص لعينه وبتمد أيدها... بس عمران سبقها)
عمران بغيره مسك ايد حاتم : الله يبارك فيك يا احمد... ورح (بصص ليهم بضحك) ايه يا عم انت تسلم بأيدك وابوك يبوس... قفص جوافة وقف انا
الكل يضحك.. وندا تكسف وتبتسم .. وحكمت تقرب منها وتقربها من زينب
حكمت :الحجه زينب عمت عمران يا ندا...
ندا ترفع عينها...و تيجي في عين زينب... اللي قلبها يدق بقوه... وبتبص ليها
زينب بابتسامه :مبروك يا حبيبتي... الف مبروك
(ورحت حضنها... وندا دخلت في حضنها. وماقدرتش ترد كانت حسه احساس غريب... وعمران ابتسم لما شاف عمته حضنه ندا... ندا بعدت بعد شويه وابتسمت لها .. وقبل ما تقعد سمعوا صوت صراخه من ريهام... الكل خرج يجري
زينب وصلاح وأحمد خرجوا جرى لقى ريهام واقفه في الصالة بتعيط...
أحمد يقرب منها بقلق :بتعيطي ليه يا ريهام
زينب بخوف : مالك يا ريهام حصلك ايه
ريهام بدموع ترفع أيدها بالعروسه والصورة
ريهام بدموع :لقيت دول جوه في الاوضه دي
زينب بصت لا يدها... والكل بيبص ليهم باستغراب
أحمد مسك العروسة بسرعه.. بيدور على الحروف.. وصلاح بيبص لصوره اللي في ايد مراته بصدمه
عمران باستغراب :خير يا عمتي هو في ايه
زينب تاخد العروسة وتلف بسرعه لحكمت
زينب بدموع :بتوع مين دول.... جم هنا ازاي
حكمت فهمت وبصت لندا اللي واقفه مسكه ايد أميرة ومش فاهمه حاجه
حكمت بابتسامة ودموع :بتوع ندا...العروسة كانت مع ندا لما لقوها تايه وهي عندها تلات سنين ... والصورة دي اول صوره اتصورتها لما دخلت الملجأ
زينب تبص لندا بدموع وصلاح مش مصدق نفسه وريهام وأحمد يبصوا ليها ودمعهم نزله ... زينب تقرب من ندا... اللي بتكدب احساسه وعينها مليانه دموع... وحكمت رحت لحضن كمال بعيط... ونهى دموعها نزلت وعماد قرب منها وضمها ليه ...وفاطمة قعده على الكرسي بتعيط وتحمد ربنا
زينب قربت من ندا ومسكت وشها بأيدها الاتنين... وندا مسكه في ايد اميره اللي دمعت من الفرحة بيها
أميرة بدموع وفرحه : دي مامتك يا ندا روحي ليها دي مامتك
زينب بعياط :بنتي... حنننين... آنتي بنتي... لقيتك يا ضنياه..انا لقيتك يا بنتي (وتشدها لحضنها) قلبي بنتي حبيبتي ... حنين رجعتي لحضني يا حبيبتي
صلاح يقرب منهم ويمسك ايد ندا ويفضل يبوس فيها.. وعمران ابتسم بفرحه.. فحبيبته هي بنت عمته اللي تاهت منهم من سنين... ريهام وأحمد جريوا عليها وضمها ... بعد ساعات من العياط والحكاوي ...حكت فيها زينب وصلاح ازاي ضاعت من أهلها والكل قعد فرحان ليها.. واميره قعده في حضن فاطمة بابتسامة كبيرة وفرحه وهي شايفه ندا وسط اهلها ... واليف قرب منها وقعد جمبها وباس ايدها بحب
كمال بابتسامة :كنت جي تخطب مننا .. يا حج صلاح دلوقتي احنا اللي نخطبها منك
صلاح يحضن ندا بحب :لو الأمر بأيدي مش هخرجها... من حضني ابدا
عمران يبرق :ننعم والله اخطفها تاني (الكل يضحك)قولي حاجه يا عمتي دا انا اللي رجعته لكم
زينب بابتسامة تبص لندا : اخطبها... من حكمت.. الست فاطمة... هم ليهم فيها زينا واكتر... وكفاية انهم حافظه عليها وفتحوا بيتهم ليها (وتبص لحكمت) جميلك دا مش هنساه طول عمري... ربنا يكرمك ويرزقك بزريه الصالحة يارب
حكمت بابتسامة ودموع : ندا وأميرة... فرحه دخلت حياتي وهم اللي رجعوا ليا السعادة
عمران بزهق : يووووه سيبكم من الكلام دا وقوليلي انا هتجوز امتى (الكل يضحك) ...
فاطمة بضحك : في نفس الميعاد... فرحكم مع أميرة واليف انبط وقعد ساكت بقى
عمران يتنهد براحه : انبطيت
أحمد يقوم يقعد جمب ندا ويأخذها في حضنه.. عمران برق ولسه هيعترض
أحمد بضحك :انطق كده علشان ألغيلك الفرح...
عمران اقعد متغاظ... والكل بيضحك عليه... وبعد اسبوعين الكل اتجمع في فرح كبير جدا... نزلت فيه ندا في ايد صلاح... واخدها عمران بحب وفرحه... ونزلت أميرة في ايد كمال... وجرى أليف عليها ...
واتعمل فرح كبير كله حب وسعادة.. وشقاوة وبخفت دم أليف وأمير
#بقلم_ولاءيحيي
💘💘💘💘💘💘💘💘💘💘💘💘💘
وبعد سبع شهور.. كان الكل في المستشفى... وكمال رايح جي بخوف... وأميرة وندا مسكين ايد بعض.. وكل واحده بطنها قدامها... وفاطمة وزينب قعدين يقرا قرآن... وناديه قعده جمب ريهام بيدعوا ربنا... ومدحت وقف مع صلاح وأحمد ... واليف وعمران واقفين جمب كمال.. وبيتخيلوا شكلهم كمان شهور... وجوهم خوف وكل واحد قرب من مراته وحضنها
وبعد ساعه.. خرج عماد و نهى اللي بطنها قدامها من العمليات... وكل واحد فيهم شيال طفلين في ايده... كمال بص لهم باستغراب
كمال :ايه دول
عماد بابتسامة :ولادك
كمال باستغراب :واللي مع نهى
نهى بضحك :بناتك
كمال بابتسامة وفرحه : اربعه...حكمت خلفت اربعه... (وبقلق) وهي عمله ايه
عماد بابتسامة :زي الفل... هخرج وتروح اوضتها حالا
أميرة وندا قربوا من نهى واخده البنات... وناديه وفاطمة قربوا من عماد أخذوا الولاد.... وكمال واقف وبيتلفت حاوليها ... وعمل يضحك وفرحان
وبعد اسبوع.. في فيلا كمال... كل الناس اجتمعوا ... وأهل الحارة كلهم موجودين... والكل فرحان ومبسوط... وخرج كمال وحكمت وهم شايلين ولادهم... واندق الهون... واليف جرى قعد في النص وجمبه اميره بطنها الكبيرة
أليف : اسمعوا كلام أليف
أميرة :اسمعوا كلام أميرة
أليف :متسمعوش كلام عمران
أميرة بضحك :البت ندا وحشه متسمعوش كلامها
أليف بضحك :متسمعوش كلام ناديه اسمعوا كلام أليف بس
أميرة بضحك : متسمعوش كلام حكمت وكمال اسمعوا كلام أميرة بس
أليف وأميرة سوأ بضحك : اوعي تسمعوا كلام تيته فاطمة
فاطمة قامت من على الكرسي بلعصايا... أليف ساب الهون و وشد أميرة ببطنها بس معرفتش تقوم... رح شيلها.. وطلع يجري... الكل بيضحك وغني ورقصه
النهاية
بقلم_ولاءيحيي
💘💘💘💘💘💘💘💘💘💘💘💘💘
التعليقات على الموضوع