بوابة جهنم 😈الحلقة الثانيه😈

بسم الله الرحمن الرحيم
الحلقه ٢
انا دكتور وليد بكتب حكايه الحاج توفيق زى معرفتكم بنفسي الحلقه اللى فاتت احنا وقفنا لحد ؟؟؟؟؟
الست دولت ماتت واخدت شقتها وابنها كده كده مهاجر يدوب جه دفن والدته وعرضت عليه يسيب الشقه وفعلا معارضش خالص اخد اافلوس ودفن والدته وسافر تانى
كنت فاكر ان اكبر مشكله ف حياتى خلصت مكنتش اعرف انها يدوب هتبدا
كلمت كريم ابنى علشان يرجع يشوف هنعمل ايه قالى انو قدامو شهرين ويخلص الامتحان وياخد شهادته ويرجع قلت مش مشكله انا ممكن اسافرلو اغير جو او مثلا اروح اى بلد اتفسح. شويه
المهم سافرت على الاقصر واسوان  من اكتر الاماكن اللى بحبها خصوصا انى غاوى تاريخ وقارى كتير اوى فيه
طبعا انا رتبت الرحله مع شركه كبيره لحجز الفندق وترتيب الرحله وكده طبعا لوحدى لان فلوسي ليا انا وكريم بس ناس كتير هتسالنى ان كرهى للبنات ومراتى غير مبرر السبب انى متجوز مراتى لانها كانت مرات اخويا اللى مات  ف حادثه وساب مراته وبناته وانا كنت شاب لسه يدوب ببدا حياتى الا انى امى وابويا غصبو عليا اتجوزها والبنات دول ولاد اخويا اه مش بكرهم بس مش بحبهم لانهم هما وامهم سبب دمار حياتى وبعدى عن البنت الوحيده اللى حبتها واتحرمت منها بسببهم وطبعا كريم هو اللى طلعت بيه مم الجوازه دى ولازم اعمل كده معاه
انا صح او غلط مش بايدى مشاعرى ناحيتهم احساس الغصب صعب
وصلت للاقصر وخرجت ف رحله مع الجروب وكنت مبسوط بصراحه اوووى ووفى وسط الناس واحنا واقفين لاقيت واحده ست كبيره اوى ف العمر مركزه معايا لدرجه انى مش قادر اتجاهلها فضلت باصص عليها اللى هو نعم ؟؟؟
وبردو هى مركزه معايا ف قولت انا هبص ف اى اتجاه تانى وخلاص بصيت على يمينى دمى نشف اما لاقيتها اتنقلت ليمينى بمجرد ملفت راسي خدت نفسي وقررت اسيب المكان فورا
خرجت اخد اى حاجه بارده اشربها كان فى حمام سباحه كبير اوى ف الفندق ده خدت العصير وقلت اعمل حمام شمس خصوصا ان الشمس حلوه اوى والجو برد المهم حطيت فردت جسمى وغمضت عينى يدوب عينى بتغمض سمعت صوت قطه صغيره فتحت عينى لاقيت الكرسي اللى جنبي قطه ده موقف بالنسبه لحضراتكم طبيعى جدا قطه عادى انما انا بقى قلبي كان هيقف من الخوف علشان دى مش اى قطه !!!!!!!
دى قطه دولت انا عمرى مغلط فيها لانها فيها علامه مميزه انا قطعت ودنها بايدى علشان تبطل تقف قدام باب بيتى مسكتها زى المجنون لانها خضتنى وانا طالع ع السلم ورحت قاطع ودانها بالقطر وسبتها تنزف لحد مماتت ع السلم ودولت زعلت جدا عليها عرفتو ليه انا حقى اخاف
القط مقطوع ودنه بنفس قطعى واللى اكد ليا انها هى انها كانت بصالى نفس البصه كانها كانت بتترجانى اسبها واعتقها لوجه الله بس انا للاسف معملتش كده كنت مضايق منها لانها كانت مزعجه ودايما اتكعبل فيها وانا داخل شقتى وكنت بكلم دولت تحبسها وكانت مش لتهتم ف اتغاظت بصراحه وقلت اربيهم هما الاتنين
طبعا القطه كانت قاعده قدامى مجرد ثانيه ومجرد مركزت قامت جريت نطتت ف البسين قدامى لسه هاخد نفسي البسين بقى لون الميه كلو احمر بلون الدم وبيغلى ويفور ويفوووور لحد مخرج بره وغرقنى طبعا صرخت الميه بدم وبتغلى ومجرد مصرخت فتحت عينى وشهقت جامد ايه ده كانت كابوس قولت ياااااه اووووف ده كابوس خدت نفسي وشربت شويه من العصير بس اللى نشف الدم ف عروقى انى لاقيت دم كتير ع الكرسي اللى جنبي خفت موت وقمت جريت من المكان ده فورا
دخلت اوضتى وانا جسمى كله بيتنفض وهموت من الرعب بس حاولت استجمع قوتى دخلت اخد دش وانا ف الحمام النور طفا ورجع قلت عادى وبعدين البانيو كان مش بيصرف ميه النور كان بيقطع ويجى وطيت اشوف ليه البانيو مسدود لقيت حاجه لفت على رجلى قويه جدا شدتنى من رجلى ف الميه النور رجع لقيت شعر اسود ف ابيض وطويل ملفوف على رجلى جامد لدرجه الدم كان خرج من رجلى فضلت اصرخ اصرخ ومحدش سامعنى لحد مروحى راحت من الصريخ والعياط لان الشعر عمال يطلع يطلع عليا لحد موصل على فمى ومناخيرى روحى راحت منى ومحستش بنفسي غير وانا ؟؟؟؟؟؟؟؟؟؟؟؟؟