قصة لست عاهرة ( الجزء الاول )
بس بس بس بقولك ايه يا مزه ؟؟
بت يا "دنيا" ..؟؟
مفيش فيديو جديد .؟
تتركه وتتابع طريقها وهي مستائه وغاضبة وتشد علي يد اختها لتزيد من سرعة خطواتها لتجنب مضايقة الشابان لهما ويدخلان منزلهما بسرعه ..!!
- مين دي ياض الل بتعاكسها ..؟؟
= مين دي ازاي انت مش من هنا ولا ايه يا ابني ..!!؟دي البت دنيا ..!!
او الدكتوره دنيا انت مشفتش الفيديو بتاعها الل علي النت ولا ايه ..؟
دالدنيا كلها شافته ومنطقتنا بقت سمعتها في الارض بسبب البنت دي ..؟؟
-ااااه هيا دي بقا دنيا اللي بيقولوا عليها الل عامله فيديو لا مؤاخذه هههههههههه ؟؟
= ايوه هيا دي الليييي لا مؤاخذه ههههههه ..!!!
- بس مش باين عليها يا جدع ...!
دنيا : عارفه يا عبير ايه اكتر حاجه وجعاني وكسره قلبي ؟؟
عبير :ايه يا دنيا ..؟ ؟
قولي يا حبيبتي وفضفضي ..؟
دنيا :اني خلاص حاسه اني مبقتش انسانة مبقاش عندي اي احساس من كتر مبسمع كلام الناس عليا في وشي ومن ورا ضهري..!!
ونظرتهم ليا الل كلها احتقار وشهوه .. اوشفقة الناس كلها شايفاني واحده زباله ..!!!
واحده ممكن تعمل اي حاجه مع اي حد ..!!
واحده "عاهرة "
دنيا ..؟؟
بت يا دنيا ..؟
عبير :كلمي يا دنيا ماما بتنادي عليكي ..؟؟
دنيا :ايوه يا ماما نعم ..!؟
أمها بغضب وعصبية تقول لها ..؟
انا مش قولتلك قبل كدة ميت مرة متنزليش الشارع تاني ومتخرجيش بره عتبة البيت ....!!
انتي عاوزه تعملي فيا ايه تاني يا بنتي ، حرام عليكي مش كفايه سمعتنا بقت زفت وسيرتنا بقت علي كل لسان ....!!
ياريت كان ابوكي عايش كان قتلك ودفنك قدام الناس عشان نخلص من عارك ...!!!
وقفتي حال أختك بعد مكانت خلاص هتتجوز انتي عاوزه منا ايه تاني..!!!
متخرجيش من باب الشقه تاني يمكن الناس تنسي اللي حصل والا قسما بالله اكون دبحاكي انا بأيدي ...!!!
يلا غوري من وشي مش عاوزه اشوف خلقتك تاني قدامي ....!!
بكيت وبكيت وبكيت ، حتي قاربت دموعي علي النفاذ من كثرة البكاء !!
ولكني ترجيتها والحيت عليها حتي لا تنفذ فيا ويلي اذا انتهت دموعي ..!!
فهيا المخرج الآمن الوحيد الذي من خلاله يفر بعض من الحزن ولو قليلا بعدما استوطن الظلم علي كل مليمتر من ارض كياني ..!!
تقريبا اربعة وعشرون ساعة انا اتذكر كل ما حدث ويمر امام عيوني كفيلم عربي حزين ولكن من قام بإخراجه كان مخرجا عالميا من مشاهير هوليود فهو حقاً اخراج مبدع ومتقن بشده بكل المقاييس ..!!؟
فكرت مليا وحاولت كثيرا الانتحار والتخلص من حياتي في هدوء وفي كل مره وفي الوهله الاخيرة لا أستطيع فعلها ..!
خائفة من ربي ولا اريد الموت كافرة فأنا مازلت مؤمنة ...؟!
ولكنني لن أستطيع التحمل اكثر من ذلك فبرغم انني لم استطع الانتحار يوما ولكن انا ومن داخلي اموت كل يوم كل ساعة كل دقيقة ..!!
وأخيرا اتخذت قرار قد يرفع الحرج عن الجميع ؟؟؟
قبلها بكام شهر..
------------
دنيا ..؟؟
دنيا..؟؟
- قومي يا حبيبتي يلا عشان متتأخريش علي كليتك ..؟
= حاضر يا ماما قايمة اهوه بس هخطف نصايه كده واقوم علي طول ..!
- قومي بقا يا دودو بطلي دلع انا عملتلك الفطار يلا عشان تآكلي وتنزلي ...!
دي أخر سنة ليكي في الكلية ولازم تتخرجي وتبقي اكبر دكتوره في الدنيا زي ما ابوكي الله يرحمة كان عايز ...!!
= خلاص قومت اهوه يا ماما يا حبيبتي ومتخافيش بنتك هتكون احلي وأجمل دكتوره في الدنيا كلها عشان افرحك انتي وبابا الله يرحمة !!
اموااااه حبيبتي يا ماما ربنا يخليكي ليا ..
امال البت عبير فين يا ماما ..؟؟
- نزلت علي شغلها من بدري وبعد الشغل هتقابل كريم (خطيبها) وهيروحوا يتفرجوا علي القاعة اللي هيحجزوا فيها فرحهم ان شاء الله
خلاص فاضل علي فرحهم 3 شهور هنعمله ان شاء الله في اجازة نص السنه عقبالك يا دودو لما اخلص منك انتي كمان..!!
بيجيلك كل يوم عريس بس انتي اللي مش فاهمة مالك مش راضيه ليه ..!!
= يا ماما انتي لسه يادوب مخلصه جهاز عبير اختي بالعافيه ده غير مصارفنا ومصاريف كليتي الله يكون في عونك ياااارب ..!!
انا هخلص كليتي واشتغل وبعدين أفكر في الجواز متخفيش عليا مش هبور بنتك زي القمر ودكتوره كمان ههههههههه ...!!
- ماشي يا دنيا ربنا يسعدك يا بنتي ويرزقك بابن الحلال ..!!
=ربنا يخليكي ليا يا ست الكل انا هنزل بقا عشان متأخرش علي الكلية مع السلامه يا ماما..!
بنت وشقيقها في الشارع بينما تمر عليهم دنيا في طريقها الي الجامعه فتهمس البنت لاخوها وتقول له ..!!؟
- البنت دي ما شاء الله جميلة ومحترمة جدا وجارتنا هناانا متابعاها من زمان يا مصطفي متيجي نخطبهالك ..؟
= اه عارفها دي الدكتوره دنيا ، ياريت يا فاطمة والله دي اكتر بنت محترمة في المنطقة بس في اتنين صحابي أتقدمولها واترفضوا ...!!
ده غير كذا شاب من المنطقه ومن بره المنطقة وبرده اترفضوا بتقول انها لسه هتكمل تعليمها ومش بتفكر في الجواز دلوقتي ..
- يا خساره يا مصطفي دي بنت متتعوضش ..!!!
في الجامعه
انتهيت من محاضراتي وخرجت وجلست مع زملائي في كافتيريا الجامعة مثلما افعل كل يوم نتكلم ونمزح قليلا قبل العوده الي منازلنا ...!
-الحقي يا دنيا الواد بتاع كل يوم اللي بيفضل يسبلك بعيونه جاي علي هنا وأكيد هيقعد ويتنحلك زي كل يوم هههههههههه..!!؟
قالت هذه الجمله وضحكنا جميعا ، فهذا الشاب علي هذا الحال منذ بداية الدراسه يأتي ويجلس بالقرب منَ ويظل ينظر إليـ انا تحديدا وعندما تأتي عيني بعينه يخفض عينه خجلا ويفتعل انه كان ينظر الي اي شئ ً اخر ، وبالفعل جلس بالقرب كعادته ومارس هوايته بالنظر لي ، بينما نحن نضحك عليه انا وزملائي ساخرين منه ..!!
خرجنا من الكافتريا ومن خارج الجامعه كلها وكل منا اتخذ طريق العوده ألي منزله ..!!
وبينما انا انتظر سيارة الأجره إاذا بأحد من ورائي ينادي لي بصوت ضعيف ومرتجف ويغلب عليه الارتباك ويقول ..؟
انسه دنيا ..؟
أنسه دنيا ممكن كلمة لو سمحتي ..؟؟
هوه نفس الشاب الي في الجامعة بيناديني طب أرد ولا لأ...؟
_يتبع_________
لست عاهرة
محمود زغلول
التعليقات على الموضوع