صديق الاحلام

(قصه صديق الأحلام )

- اتكلم متخافش !! اتكلم ياكريم انا هصدقك !
-احكيلي
- طيب ، انا هحكي بس انت وعدتني ! وعدتني انك هتصدقني ..
الموضوع بداء من سنة لما حلمت حلم غريب جدا  ، كانت جميلة اوي ، شعرها ! ابتسمتها ، وكل حاجه فيها..
بخطي وثقه في نفسي قولتلها تعالي نرقص ، بصتلي وقالتلي لا .. روحت عربيتي وفضلت ابكي ..!  .. صحيت من النوم حلمت حلم غريب ، مش مهم ، حضرت فطاري وقهوتي ، واخدت الجورنال اللي بيتحط علي باب البيت كل يوم ، وانا بقلب ، اثار انتباهي خبر عريض جدا ، مقتل فتاه في شقتها ،  اللي لفت انتباهي مش العنوان !! صورة البنت !! البنت اللي كانت في الحلم !! رغم انها رفضتني في الحلم في رقصة ، بس متمنتش البنت تموت كده كانت فعلا جميلة .. جه وقت ميعاد العمل ، انا بعمل كاشير في احد الكافيهات .. بكره عملي جدا ، راتب شهري مش بيكفي ايجار شقتي المتواضعة ،
انا مش مرتبط ، ومعنديش خبرات مع النساء ، انا شخص فاشل في العلاقات جدا ..،  اغلب محولاتي مع الجنس الاخر بتتقابل بالرفض ، بعدها بتختفي البنت دي من حياتي نهائي !! اعتقد اني بجلب الحظ السيء ،انا بكره نفسي جدا  ..!
.
حياتي مملة اوي ، تخيل ان عليك كل يوم تشوف اوجه تعيسة ، مدير الكافيه ده الوحيد اللي ادني فرصة للعمل ، كان صديق قديم لوالدي ، بعد موت ابي وامي ، هو اللي عرض عليا الشغل كمعروف ..، شيء مؤسف صح ؟ واضح انك بدات تشفق عليا ! مش كده..
لا متشفقش دلوقتي .. احنا في البدايه لسا !
بس اظن في النهاية انك هتكرهني . زي مقولتلك . انا بكره نفسي .. فاكر البنت اللي قرات خبر موتها في الجورنال ، جتلي في حلمي كانت بتتراجي شاب  انه ميقتلهاش !! الشاب ده بيجيلي ديما في احلامي ..! بشوفو في احلامي بس ! مصدر خوفي وكرهي وقلقلي ، قتلها قدامي ، وبص عليا وابتسم وقال متخفش .. الحلم انتهي وصحيت تاني ..!
ّ
لا ارجوك .. ارجوك انا عارف النظره دي ، عارف انت بتفكر في ايه ، فاكر اني انا القاتل !!....
فاكر اني قتلت الفتاه ، فاكر ان انا بقتل كل النساء اللي مش بيهتمو بيا !! 
افتكرتك صديقي !! ظنيت انك مش هتشك فيا !! انا لسه في الاول !! ارجووك ثق فيا !! ..  انا مبقدرش اقتل !! انا مقدرش ارد الاهانة لشخص اهاني ! انا ديما بتهان !! مقدرش اعمل كده !! لو حولت تشك فيا مش هقدر اكمل .. 
بص هديك فرصة تانية !! مش عارف ليه هديك فرصة تانية ، بس انا عايز احكي انا عندي كتير ..!
.
كان يوم الاحد بكره اليوم ده جدا ، زحمة ، خروج موظفين وطلاب ، بدات ممارسة عملي المعتاد
- طلبت قهوة مانو
شوفتها.. اثارتني بنظرتها !!
- عايزة اي خدمة تانية ؟ مقدرتش امشي غير وهيا بتقولي ، انت واقف ليه !! ..
وانا جايب القهوة وقعت عليا !!
- انا اسف ، انا اسف !! ..
مفيش مشلكة عادي ولا يهمك ..! روحت اغسل هدومي في الحمام !  كنت براقبها من بعيد !! .. عايز اكلمها ، عايز اخد نمرتها وخايف .. خايف اترفض او تهني !! وتظهرلي في كوابيسي !! انا بجلب الحظ السيء لاي حد !! ..
.
روحت الحمام ! كنت باصص في المراية !! انت ضعيف ليه !! انت ليه كده !! انا بكرهك !! نفسي تتغير .. لقيت نفسي بيغمي عليا وبقع !!.. لما فوقت لقيت نفسي علي طربيزة الفتاه ، والمدير معاها ، سمعتها بتقول انها كانت داخلة تظبط الميكب لقيته هنا !! قالت انها هتوصلني عادي انا مروحة لاقرب مستشفي ومفيش مشاكل !! ..  ركبت عربيتها ، قالتلي كل حاجه عنها !! قالتلي بتعمل ايه في يومها .. وصلنا لبيتي ! ازاي ، امتي..معرفش ، بس انا عندي كلام كتير اقوله ، عايز اقولها قد ايه هيا جميلة !! عايز نمرة تليفونها بس خايف ترفض ! قالتلي انها هتتاكد اني طلعت وتمشي ، نزلت قدام باب العمارة بتاعتنا
ايه دا !! الشخص اللي بشوفه في احلامي قدامي !! لا !! انت حقيقي ؟؟ لقيته بيقول اخدت نمرتها !! سكت ، زعق فيا وقالي غبي !! وجري نحيتها !! قالها ممكن رقم تليفونك ، قالتله انا مستنياك من بدري تقولها !! بالسهولة دي ؟؟ بالسهولة دي تديلو الرقم ..!! دي متعرفوش !!.. مشيت ولقيته داخل عمارتنا
.
انت !! انت عملت ايه ؟ هيا تعرفك !! انا اللي استحق رقمها مش انت !! بصلي وقالي انا صديقكك الجديد ، هو مال الراجل ده !! بشوفه في احلامي !! وبعدين الاقيه قدامي علي ارض الواقع !! شدينا مع بعض وضربته ! وخرجته ، كان بيترجاني من برا الباب اني افتح ، عرض عليا انه هيديني رقم موبايلها مقابل انه يدخل ، قولتله ارمي للرقم من تحت الباب وهدخلك ، بس انا كدبت ! حط نفسك مكاني ! هدخل شخص متعرفوش البيت ؟؟ اكيد لا ! كنت تعبان ونمت !! ولما صحيت لقيت بؤي وجعني جدا !! واضح اني نمت غلط .. او اتخبط ! مسكت موبايلي كانت رسالة علي الواتس ابب فويس مسج « معلش ياكريم موبايلي فصل امبارح واحنا بنتكلم انت شخص رائع جدا انا سعيدة اننا اصدقاء علي موعدنا بكرة الساعة 8 في المهندسين » بنتكلم ؟ بصيت في موبايلي لقيت نفسي مكالمها لمدة ساعة ونص !! امتي ؟؟ يمكن كنت تعبان ومش فاكر !! ..
.
بداءت افكر في الماضي ، في علاقتي القوية مع والدي ..! كان بيخاف عليا من البشر  والجنس الاخر خصوصا بعد خيانة امي .. حبسني في صندوق مليء بافكار .. بس لما قابلتها كان احساس مختلف انا متحرر من الصندوق !! انا النهارده هقابل بنت في موعد غرامي !! مصدق !! انا عملتها ..!! انا عملتها .. نزلت الساعة 6 من البيت ولما وصلت المهندسين !! لقيتها قاعدة ، بس مكناش لوحدنا !! عندها اصدقاء ولاد كتير .. اينعم كنت مختلف !! بس انا حسيت باحراج ، مكنتش عارف اتكلم .. واستاذنت ، رجعت محطم !! اول موعد مكنتش معاها لوحدي .. حلمت بيها !! حلمت ان استنتها بعد مخرجت كانت معاها ال شخص اللي بشوفه في احلامي !! هيا تعرفه منين !! البنت دي بتاعتي انا ، انا عرفتها قبله !! مشيت وراهم ، بتاكسي .. دخلوا شقتها !! ده جريء جريء جدا !! اكيد عارفاه اوي عشان يدخل شقتها !! طلعت وراهم !! لقيته قاتلهااا .. كان قتلها !!  .. ووووو بصلي مبتسم وقالي متخفش !! انا مقتلتش انت مصدقني صح !! انا مبقتلش مش انا ..!!  الموبايل اللي فيه صور النساء اللي مقتوله ده مش موبايلي .. ده موبايله هو
- ...
مش مصدقني .. مش مصدقني صح يادكتور !!
- مصدق ياكريم .. نام ياكريم نام ..
.

ادو كريم حقنة المهديء ، وشددو الحراسة برا الغرفة عشان هيقوم بليل ..