قصة

القصه ابتدت وانا واقف في البلكونه ...
كنت بشرب قهوتي وحاطط الهد فون علي وداني ومستمتع بالاغاني وبكتب روايتي اللي لسا معرفش اسم البطله بتاعتها ‘ وانا بشرب اخر بوق في القهوه شوفتها كانت جميله جدا من زمان كان نفسي يبقا عندي بنت الجيران وكده ‘ كانت في البلكونه اللي قدامي بالظبط!!
كان الجو برد جدا بس هيا كانت لابسه فستان سهره وشعرها مفرود
.. خمنت انها لسه جيا من حفلة سهر او فرح ! كانت جميلة جدا ، مقدرتش اكلمها من جمالها ! ، عملت كل حركات لفت الانتباه ال طفولية ، امسك تليفوني واقول الو ياعم انا سهران !! مبتبصش ! اوقع كوباية القهوة عشان تتكسر مفيش فايده! لا دي ولعت سجارة كمان وبتبص للشارع ! كانت شكلها بتفكر في حد ..! البيت بتاعها جميل جدا ، بلكونتها مفتوحة قصاد الغرفة بالظبط ، سرير موجود قدامي ! وتسجيل ، تسجيل قديم علي الكومدينو مشغل اغنية لامو كلثوم ، لقيتها بتزعق بتقول طيب !! طيب متسربع علي ايه !! حستها مجنونة !! لما دخلت ، بس لاحظت حاجة غريبة ! في حد معاها في الشقة بتزعقله ، وبتقولوا ايه ال جابك في الوقت ده ..! ، طلعت البلكونة وطلع وراها ولعت سجارة ! قالها من امتي وانتي بدخني ؟ قالتله من دلوقتي !! ضربها قلم .. مسكتتش رميت عليه السجارة .. قالها واضح انك نسيتي مين هو اسلام اسامه !! قالتله اها منستش المخلوع بتاع السرمحه ..!
.
اعتقد كده انا ترجمت انه جوزها ، بداء شد بالكلام واللفاظ ، حاولت انادي عليهم واهدي فيهم من البلكونة!!!
ياجماعة استهدو بالله مينفعش ياستاذ اسلام عيب تضرب واحدة ست !! ياهانم عيب احنا الساعة 3 الفجر ..! مش مدينلي اهتمام ..! ومره واحده ضربها آلم عصبني جدا !! فضلت ازعق في ..! صوتي كان عالي ، بس عمل  اكتر شيء جنوني اتخيلوا !! رمها !! رمها من البلكونة وطلع يجري ، وطلع يجري !!.. الناس تحت اتلمت البواب بتاع العمارة جري واخدها وكان بيصرخ في الشارع !! ..

.
انا مريض بالقلب وعشان كده جتلي الازمة من الموقف ده ومن اللي شوفته ووقعت ولما فوقت في المستشفي ، لقيت اصحابي حوليا ، مكنتش بقول غير انا عارف مين اللي قاتلها !! انا عارف مين اللي قاتلها !! .. اول مخرجت جريت علي البواب !! قولتله هيا عايشة !! قالي انت مين ، قولتله انا جارك هنا .. في العمارة اللي في وشك ، شوفت المدام ال انت كنت شايلها من 3 ايام انا شوفت مين قاتلها !! .. قالي والله يابيه انا مفاهم منك حاجة !! قولتله .. ياجدع انت متكليش دماغي الست اللي كانت لابسه فستان سهر !! قالي يااااه يابيه مدام اسراء اللي انتحرت من 10 سنين ؟؟ مين قاتلها يابيه !! مين ؟؟ .. قولتله هيا ماتت امتي !! قالي والله زي الاوقات دي يابيه ، اه اه افتكرت 15/10/2008 .. ضحكت !! ضحكت بهستريا !! وهو بيقولي مين قاتلها يابيه ، لا لا متخدش في بالك ياعم عبيد ؟ عبيد مش كده !! الا قولي مين ال قاعد في الشقة بتاعتها ، استاذ اسلام اسامه يابيه كان جوزها بس اتجوز بعدها باسبوع قليل اصل والله يابيه ..
.
ساعتها ياستاذ اسلام انا مقدرتش ابلغ الشرطة ! خصوصا ان اللي مر ده بقالوا دلوقتي اكتر من 10 سنين ، كل سنة في نفس الميعاد بطلع البلكونة بيتعاد المشهد !! بس انا زهقت من اني مبقدرش اعمل حاجة .. مش عايز اشوفها حزينة وعايز روحها مرتاحة انا مكتفك دلوقتي عشان هرميك .. هرميك ياستاذ اسلام !! ومتخفش هتبقي انتحار برضه وانا هعرف اطلع منها ..!