اشباح منتصف الليل👻الجزء الثاني👻

الجزء الثانى من قصة اشباح فی منتصف اللیل 👻

وفجأة لقينا سآمى قدآمنآ بس كآن بيبصلنآ بصة غريبة جداً ومبرق اوى بعنيه نآحيتنا كأنه هيموتنآ ، خوفنآ منه طبعاً بس آنآ لآحظت فيه حآجه غريبة جــداً ..
سآمى ظهر الساعه 10 تقريباً ، بس مش ده سامى الى إحنآ نعرفه ، سآمى لما ظهر كان على إيده دم بطريقة كبيرة جداً والدم كان بيقع ع الارض بكثرة ، لسه بقوله مآلك يا سا.. رآح مقاطع كلامى و لقيته بيقول: "انتوا مش هتروحوا بيتكم النهارده إحنآ لازم نقعد هنا لاطول فترة ممكنه" ، وفجأة سمعت اصوات غريبه بدأت تطلع ، مسكت سامى وحسام وجرينا كلنا ع العربيه وركبنا كلنا والجو ضلمه والمطره بتمطر بره ، بس شوفنا حآجة وحشه اوى ، شوفنآ جسم غريب ماشى بطريقة غريبة جداً زى الزومبى بالظبط ومآسك سكينة كبيرة فى إيده وبيقرب جداً من العربية وكآنت الساعه 11:30 بالظبط ، طبعاً حسآم قلبه ضعيف جداً مستحملش المنظر الى قدآمه ف أغمي عليه وانا حتى مهتمتش بحسام او ملحقتش افوقه لكن كنت متنح اوى مع الجسم الغريب ده وكأنه عاملى تنويم مغناطيسى مخلينى منتبهش لحد غيروا هو وبس ، سامي بدأ يبرق بعنيه وبيبص للجسم اللي بره ، وفجأة مرة وآحده كده الجسم الغريب ده اختفى وانا فووقت وبشوف حسام لقيته فعلاً مغمى عليه ، سبت كل حاجه وقولت لآزم افوق حسام بس هفوقه لوحدى ؟ ، فين سآمى هو رآح فـ... ! ، مكملتش كلامي وببص على سآمى لكن للآسف مش لاقي سامي ف العربيه ، انا كده بقيت ف ورطه لوحدى ، حسام اغمي عليه !! وسامي مش لاقيه !! فجأه حسام قام وفآق وقالي فين سامي قولتله كان قاعد معانا ف العربية ومرة واحده كده اختفي وبدور عليه مش لاقيه ، قالي خليك هنا وانا هنزل ادور عليه ، بس حسآم كآن بيتكلم بأسلوب غريب جداً ، مش ده حسآم انا عارف حسام كويس اووى وعارف أسلوبه بيتكلم معانا ازاى ، ده حتى صوته اتغير ، ونزل يدور على سآمى بس انا صممت إنى اروح معاه اشوف هو رآيح فين او هيحصله ايه عشان مبقاش لوحدى فى الليلة السودة دى ، ونزلنا وفجأه لقيت حسام بيصرخ وحد بيشد فيه اي ده يالهووووووي دا واخده ناحيه البحيرة ، وحسام عمال يصرخ ومش عآرف ينقذ نفسه ، زى ما تقولوا كده لآ حول له ولآ قوة ، وانا مش عارف اتصرف من كتر مآنآ مصدووم من الى بيحصل قدآمى ، نورت بالكشاف لقيت نفس الشخص الى شبه الزومبى ده اللي جآلنآ فى العربيه ، بقيت عامل زى المجنون بجرى ومش عارف انا رآيح فين ، بس وقفت وفكرت ووصلت لحاجه غريبة جداً جداً ، وصلت ان الشخص الى بيأذى حسام ده فيه شبه كبيييير جداً من سامي ، وآنآ بجرى وانا مش عارف انا رايح فين ، ومرة واحده لقيت نفسى قدآم البحيرة بالظبط وشوفت حسام قدام عيني وهو بيغرق ومش قادر اساعده ، اتجننت روحت بدور ع سامي لقيته جاى ، اسلوب كلامه غريب وصوته غريب جداً إتأكدت ان ده مش سامى ، ممكن كـ شكل اها سامى قدامى ، لكن مش صوته ابداً ، ولقيت هدوومه بردوا متغرقة دم، لقيته بيقولي فين حسام ، قولتله: انت كنت فين ؟ حسام بيغرق يا سامي وخلاص هيموت والى هيحاول يساعده هيموت زيه ، سامي حسيت انو عادي بالنسباله وبيقلي يلا ننزل البحيرة عشان ننقذه ، قولتله بقولك الى هيحاول ينزل يساعده هيموت زيه انت فاايق ولا ايه ، وفجأة حصل موقف غريب جداً ، لقيت الجسم الغريب ده الى شبه  الزومبى طالع م البحيرة وبيقول: الساعه الآن 12:20 لقد فآت الأوااان 😱😈
#اشباح_فى_منتصف_الليل 👻