هذا هو العشق💕الحلقه السابعه💕

الفصل ( 7 )

و على جانب اخر تماما كانت منال عائده الى منزلها متاخره , لم تسالها امها اين كنت فقد كانت مشغوله بالجرى وراء اخاها الصغير بطبق الملوخيه و الرز الذى بدا فيه منذ الظهيره و لم ينهه كذلك ابوها دفن وجهه فى جريدته مشغولا بحل السودوكو و رد عليها السلام ببرود ..

دخلت غرفتها ووجدت اختها الصغيره تحتل
معظم السرير فعدلت وضعها و نامت بملابسها عليه
و اخذت تفكر فيما دار بينها و بين خالد اليوم ....

لماذا يفترض كل شاب ان من حقه ان يقبل الفتاه حتى قبل ان يبلغها بحبه , ولماذا يغضب اذا رفضت ؟
لماذا يعتبر موافقتها على الخروج معه موافقه على كل ما قد يفعله خلال ذلك

انها لم تجرب الحب من قبل و لم ترتبط و حتى الان هى غير متاكده انها تحبه لكنه فرض اسلوبه و شخصيته عليها بطريقه اخافتها ..انها لا تريد التفريط فى اى من مبادئها , و لكن هل شرط الارتباط الان هو ان تلغى مبادئها كلها لمن ترتبط به

و لماذا سخر منها عندما قالت انها لن تقبل الا زوجها حين تتزوج ؟
و لماذا اعادها و تركها غاضبا فى الشارع قرب منزلها و بدون كلمه واحده فليذهب للجحيم لن تتنازل عن مبادئها من اجله لكن ... خالد اول شخص يجعلها تحس انها متفرده و انها

مرغوبه و ان هناك من يمكن ان يعجب بها و يحبها هى ليست قبيحه و لكن كذلك ليست فى منتهى الجمال مثل جنى مثلا وليست فقيره و لكن ايضا ليست فى منتهى الغنى انها متوسطه فى كل شىء

الا شىء واحد ذكاءها كانت طول عمرها من المتفوقات و اجتهدت حتى دخلت كلية الصيدله
و هى تتمنى ان تتفوق فيها ايضاًلكن منذ دخل خالد عالمها جعلها تهمل دراستها و تركز بدلا منها فى ما يحبه هو و ما يفضله هو انها حائره حائره و لا تجد من تكلمه .......
و فى النهايه اتصلت بجنى

منال بصوت مختنق : ايوه يا جنى

جنى كادت تعنفها لكن حينما لاحظت اختناق

صوتها عدلت عن ذلك جنى :::: : ايوه يا منال مال صوتك ؟ انت روحتى ؟

منال :انا تعبانه اوى يا جنى و مش لاقيه حد اتكلم معاه غيرك ارجو ما اكونشى أزعجتك

جنى :::: : لا طبعا يا حبيبتى خير يا منال انا قلقت ايه اللى حصل حد شافك

منال بمراره : هوه انا لى حد عشان يشوفنى ؟ انا بس متضايقه من نفسى
عشان كذبت على ماما و بابا و خرجت مع خالد

جنى : : : : الحمد لله . احسن حاجه يا نونى انك حسيتى الاحساس ده , و بعد كده انا متاكده انك مش حاتعمليها تانى

منال : بس انا باكون سعيده مع خالد اوى يا جنى لكن مش قادره اجاريه فى كل حاجه

جنى : : : : يعنى ايه تجاريه ؟ ايه الكلام ده يا منال ؟ بس انتى اصلا لما خرجتى معاه من ورا اهلك اديتيله فرصه يفكر فيكى انك سهله

منال : بس انتى عارفنى يا جوجو

جنى ::::: : بس هوه لا . هوه ما يعرفش غير ان سعادتك بعد اسبوعين من معرفتكم خرجتى معاه بكل سهوله

منال : طيب اعمل ايه مانا لو ما خرجتش معاه حايقول على معقده و حايقطع علاقته بى و هى العلاقه بين اتنين ايه غير انهم يتقبلو

جنى ::::: : هى دى العلاقه ؟ و بعدين يعنى ايه علاقه انا مش فاهمه ؟ فيه حاجه اسمها حب مشاعر دى ممكن نخاف عليها تضيع لكن علاقه ما تضيع فى داهيه

منال : انتى بتكلمينى ليه كده انا مكلماكى عشان تساعدينى و تريحينى تقومى تتعبينى اكتر

جنى :::: جدتى كانت بتقول يا بخت من بكانى وبكى على و لا ضحكنى و ضحك الناس عليه فوقى يا منال انتى اتغيرتى من ساعة ما دخلنا الجامعه حتى اسلوبك و طريقتك
و لبسك و كل حاجه اتغيرت مع ان احلى حاجه فيكى كانت طبيعتك منال على طبيعتها مش الماكياج التقيل و اللبس الضيق و الحاجات دى ...

منال : عندك حق احسن حاجه اقطع علاقتى معاه خالص , و انا اصلا مش مرتبطه بيه للدرجه يعنى بس الواحد له كرامته برضه

و مر يومين قبل ان ترى جنى منال مره اخرى أو حتى تسمع صوتها فى التليفون .... و فى الكليه ذهلت جنى من منظر منال و هى تجلس بجوار خالد على كرسى واحد فى منظر استوقف معظم الطلبه ............و نظرت لها نظره قويه و بادلتها منال النظر و لم يطرف لها جفن

و ذهبت لها و نادتها : منال من فضلك عاوزاكى دلوقتى .........

نظرت منال لجنى بدون اهتمام لكن شيئا ما فى عيني جنى جعلها تستجيب و تقوم للرد عليها و هى تحكم انزال البادى الضيق على ظهرها الذى ظهر جزء منه

جنى : : : : : دى طريقه تقعدى بيها يا منال انتى و الزفت ده على كرسى واحد ازاى كده ؟ انتى تقريبا قاعده على حجره ايه ده اتجننتى انتى و اللا ايه ؟؟

منال : ايه يعنى انتى مش شايفه البنات كلها قاعده ازاى ما لقيناش كراسى نعمل ايه يعنى ؟وبعدين يعنى انتى بوليس الاخلاق و اللا ايه ماتهدى شويه كده وما سمحلكيش تقولى عليه زفت .

جنى : : : : ايه اللى غيرك كده يا منال ؟ انا مش مصدقه ان خالد ده تاثيره عليكى للدرجه دى ! و بعدين ايه اللبس المنيل ده اللى انتى لابساه ظهرك باين و كل تفاصيل جسمك انتى فاكره انك عشان لبستى حاجه على راسك بقيتى محجبه خلاص. الحجاب ده له احترامه و قدسيته ،مش كده منظر و خلاص

منال : شوف مين بينصحك اساسا لما تبقى تلبسى حجاب الاول تبقى تتكلمى

جنى : : : : ايوه صح انا مش مغطيه شعرى لكن لابسه هدوم بعيده عن جسمى و مش مفصلاه زيك كده و بعدين ده مش موضوعنا دلوقتى موضوعنا انتى يا منال انتى انا خايفه عليكى اوى اوى

منال : شكرا يا جنى و الله بس انا خلاص مش محتاجه وصايه من حد و بالنسبه لعلاقتنا احنا برضه حانفضل صحاب لكن ارجوكى تحترمى علاقتى بخالد

جنى : : : : مش لما انتى ولا هو تحترموها الاول ،يعنى هوه قاعد حاطط ايده على كتفك و انتى ماسكه ايده التانيه و الناس كلها شايفاكم ممكن توصفى العلاقه دى ايه يعنى خطوبه زماله صداقه ايه بالضبط

منال : حب ؟ّ؟

جنى : : : انا اسفه جدا الحب ده مش علاقه الحب ده شعور يعنى ممكن يؤدى لعلاقه و العلاقه دى ممكن تكون مشروعه او غير كده ارجوكى يا منال فكرى و راجعى نفسك قبل اى تصرف عشان انا واضح انى ما عادش لي اى خاطر عندك عشان تسمعى كلامى.......