قصة الرجل الافريقي 🙄 الجزء الاول

انهارده اول يوم في البيت الجديد نقلت فيه بعد ما لاقتني بتأخر علي شغلي الجديد اللي هطرد منه وانا لسه مكملتش شهرين 
البيت في الدور التالت وقدامي بيت كمان
طلعت حاجاتي وشنطي وكل حاجه ونمت لكن الصبح قابلت نيرمين ،ياااه نيرمين دي صحبتي من ابتدائي لغايت ثانوي وبعدين سافروا ومعرفتش عنها حاجه بعد كده.
_ايه ده نييييرمين !!
*جريت عليها وحضنتها لكن هي كانت بارده جدا في مشاعرها كأننا اتقابلنا امبارح *
=مين ؟ ساره انتي ايه اللي جابك هنا ؟
_انا ساكنه هنا انتي وحشتيني جداااا متخيلتش اني اقابلك انا عملت سيرش علي الفيس ملقتكيش بعد ما سافرتوا
=انا معنديش فيس انتي ازاي ساكنه هنا
-انا لسه ساكنه جديد اصلي بشتغل في مكان قريب من هنا احنا لازم نقعد مع بعض زي قاعدات زمان لما ارجع من الشغل هخبط عليكي انا مش مصدقه اني قابلتك سلام.
=سلام
وهي بنقفل الباب كان في راجل جوا لكن ملمحتش ملامحه مين الراجل ده  لكن
هي نيرمين مالها اطفت كده ليه وليه بتتعامل ببرود كده صحيح احنا بقالنا كتير متقابلناش بس هي مكنتش كده ولا دي طريقتها في الكلام معقول السنين بتغير الواحد كده انا لازم لما ارجع من الشغل اقعد معاها ،لما رجعت كنت تعبانه جدا بس نيرمين كانت وحشاني وكنت عايزه اعرف مالها ،خبطت عليها كتير لكن محدش فتح استغربت بخبط اخر خبطه لاقيت راجل اسمر البشره طويل لابس بنطلون اسود وقميص كروهات وماسك في ايده سبحه وطالع علي السلم بصلي جامد واتكلم انجليزي 
-حضرتك عايزه حاجه  ؟
=مين حضرتك؟
-انا زوج نيرمين
=جوزها! اا انا صاحبتها وكنت بخبط عليها بس شكلها مش جوا
=هي نايمه بكرا زوريها.
فتح الباب ودخل وانا واقفه في دماغي ميه سؤال  ولازم اقعد مع نيرمين افهم

فات اسبوع ونيرمين بتتهرب مني ومش عايزه تقعد معايا وبتكلمني علي القد جدا وانا مش هسيبيها انا حاسه ان في حاجه غلط نيرمين مكنتش كده ولا دي طريقتها حساها خايفه من حاجه او بتهرب من حاجه
فضلت مراقبه الباب لغايت ما خرجت ترمي الزباله فتحت بسرعه الباب وخرجت
-نيرمين عامله ايه تعالي اقعدي معايا شويه انا قاعده لوحدي وشكلك كده انتي كمان قاعده لوحدك
=لا معلش يا ساره لسه هروق ورايا حاجات وكمان جوزي هنا
-خلاص هخش اساعدك وندردش شويه
*لحظه صمت*
=ماشي
دخلت البيت متروق ومفهوش اي حاجه دخلت ورايا وكانت متوتره وبتبص علي الاوضه
-نيرمين مالك متوتره ليه ومش عايزاني اقعد معاكي وقابلتيني ببرود ومطفيه ومش بتتكلمي خالص فين نيرمين اللي كانت كلها حيويه وكانت بتحكيلي عن احلامها وكنا بنقعد نهزر للصبح ونحكي لبعض كل حاجه
=ده كان زمان
-زمان ليه ايه اللي غيرك من زمان لدلوقتي نيرمين احكيلي مالك ؟
*بدات تعيط عياط خوف وبتهز رجليها جامد وبعدين قامت فجأه
=اطلعي براااا
اتفاجأت من رده فعلها وقومت وقفت  وانا مش قادره افهم في ايه وليه نيرمين بتعمل كده وصممت اني لازم اعرف علشان حسيت انها محتاجه مساعده ومخرجتش
-نيرمين ارجوكي انا عايزه اساعدك احكيلي مالك انا صحبتك ساره اللي عمرها ما هتشوفك زعلانه وتسيبك
=اقعدت تعيط كتيير وحضنتها لكن زقتني وقالتلي بقولك اطلعي براا
خرجت من البيت وانا حاسه اني مسئوله اني اخرجها من اللي هي فيه اني لازم اساعدها اي كان اللي وصلها لكده
ولكن هي اختفت شهر وانا مش شيفاها بتفتح الباب ولا بتخرج وهتجنن
بخبط علي الباب محدش بفتح ولا شايفه جوزها قلقت جدا فكرت اتصل بالبوليس بس هقوله ايه وفجأه سمعت خبط جامد وبصوت عالي لكن بعيد روحت علي باب البيت وفتحت لاقيت حد بيخبط علي باب نيرمين من جوا قربت وقولتلها نرمييين انتي جوا؟
لاقيت طرف ورقه باين من تحت الباب شديتها لاقيتها مكتوب فيها اطلعي من السلم  اللي بيودي علي المطبخ بسرعه
طلعت اجري ورحت علي السلم التاني لاقيت شباك صغير بس مفيش باب زي كل دور  الشباك كان عليه حديد ولاقيت الازاز بيتفتح ونيرمين بتبص منه وكانت وشها وارم ومضروبه
_مين اللي عمل فيكي كده جوزك ده انا هطلع عينه لازم نبلغ البوليس
=ساااره ارجوكي اسمعيني مينفعش تبلغي البوليس
-لييه!!!
=هحكيلك كل حاجه علشان انا مبقتش قادره استحمل
الحكايه بدأت لما كنت بشتغل في شركه وجيه موظف جديد اثيوبي كان غلبان ومبيعرفش يتكلم عربي كان الموظفين بيتريقوا عليه ويخلوه يقول شتايم بالمصري بس انا مستحملتش انهم يعاملوه كده وهزقتهم وبدأت اقرب منه واتعرف عليه علشان صعب عليا مش اكتر وعلمته عربي وكنت بساعده في الشغل لاقتني بتشدله معرفش ازاي وليه وهو كان متعلق بيا جدا اليوم اللي اغيب يستئذن ويروح هو كمان وكان بيجبلي هدايا كتير وبيعاملني بلطف جدا عمري مشوفت راجل بيتعامل بالذوق ده فات سنه واحنا عمالين نقرب من بعض وبعدها عرض عليا الجواز بصراحه اتخضيت الموضوع الاول مكنش متقيد لكن الجواز دي خطوة كبيره قولتله هفكر وغبت عن الشغل 3ايام افكر فيهم وارتب افكاري لاقتني بحبه وعايزه ال3ايام يخلصوا علشان اروح الشغل واشوفه وفعلا روحت الشغل لاقيته قاعد علي المكتب بتاعي وقالي علشان اول ما تيجي اشوفك انا مستني اسمع الاجابه جدا قولتله موافقه
فرح جدا يا ساره ومكنش مصدق المهم حصل حاجه قلبت كل الموازين حاجه مكنتش تيجي علي بالي ابدا
-حصل ايه ؟
*فجأه سمعت صوت الباب بيتفتح *
=امشي امشي دلوقتي بسرعه
‏Menna_elshamy
‎الجزء_الاول
الرجل_الافريقي