اغصان الياسمين💮 الجزء الثالث💮

اغصان_الياسمين3

-انتي ايه اللي جابك هنا ؟!
-هاه؟
-ها
-اناا انااا..
-ايواااا انتي اييييه؟؟؟
-انااا.. لاااا داء اننت اللي لييييه ياخي الواحد مش عااارف ينام وصوت شخيرك واصل لحد الجزائر
-لاااااا يااا شيخخخه!!!
-وحياة الشيخه
-انا مبشخرش يا فرحه
-لا بتشخر ايش عرفك انت وبعدين وسع كده يعني لا وانت نايم ولا وانت صاحي مخليني أنام ، دي عيشه ايه الهباب دي يا ربي!!
تركته فرحه وسط ذهول من طريقتها في الكلام معه لتهرول إلى الخارج باسدالها والذي كان طويلا كفايه ليعرقلها قبل ان تخطو خطوتها الثانيه ليحول مالك دون وقوعها ممسكا اياها..
-هوووب هوووب هوووب
- ااا اييه ده ايدك لو سمحت انا كنت هقوم لوحدي
- وامي اللي كانت هتتكفي علي وشها دلوقت!  ده بدل م تقوليلي شكرا يااا سي مالك
- شـ.. آيه يا عنياااا ؟؟ ايدك بس عشان متوضيه الاول وبكره هرد عليك قال سي مالك قال
-طب حضرتي الشنط طااه؟
-اكيد حضرت شنطتي
-طيب وشنطتي انا؟
-اديك قولتها شنطتك انت ،انا فرحه مالي بالموضوع حضرهااا انت
-بتهزري يا فرحه والله
-بهزر!!  ويا فرحه حاف كده انت خدت عليا قوي خلي بالك
-طيب معلش حضريهالي انتي يااا فرحه هاانم عشان مبعرفش احضرها
-ميخصنيش
-يااا فرررحه!
-يرجع يقولي فرحه حاف تاني وسع كده رايحه اناملي ساعتين قبل م أصحى بدري انت هتصاحبني ولا ايه قال فرحه قال

تركته منتصف الغرفه فاتحا فاه من فرط الذهول رغم حنقه عليها وعلى تمردها المغاير لطبعها إلا أن هذا لم يمنعه من الضحك على طريقة كلامها..
----------
-الو فندق الصفا معايا ،لو سمحت يابني انا كنت حاجزه اوضه عندكم باسم مالك الدمنهوري اه يا ابني عايزه أكد الحجز
-هينزلوا بكره بالكتير عندكم حبيت اأكد ع ملحوظه صغيره لو طلبت الهانم اللي معاه اوضه فاضيه قولها كل الاوضه محجوزه يا ابني
-اه يابني زي م بقولك كده والا هبلغ عنكم امن الدولة وأقول مأجرين الفندق لعمايل صهاينه لممارسة أعمال شاذه تخل بسمعة وأمن البلاد
-لا مبهزرش يابني والله ،الأمر لله يابني متشكره كنت عارفه أنكم فنزق محترم واسمعوا الكلام في حفظ الله يابني مع السلامة سلااام يلااا يلااا اتفضلي فضل فضل..
---------------------
-اصحااااااا ياااااا ماااااااالك
-ايييه ايييه في ايييييه
-الوقت أتأخر وأنت لسه نايم التذكره هتروح علينا قوم
-ياااا شيييخه اتقي الله فيااا بقي هو كل يوم من ده!
-ولمدة 3شهوور
-م فرررح هو
-لا وانت الصادق فرحه
-"بيشتم في سره"
-اشتم اشتم علموك في بلدك تشتم
ابتسم مالك رغما عنه حينما توارت فرحه عن انظاره ليدرك مدى بلاهته حينما تكون هي بالجوار..
-انا بضحك ع ايه !أحم فرحاااااااااااااااه الفطاااار هموووت م الجوووع

ما ان انهيا طعامهما ووضبا أعراضهم للاستعداد للسفر حتي ذهبا ليودعا والدته و آمنه قبل سفرهما..
-خلي بالك منها يا مالك يابني وابقوا طمنوني اول م توصلوا
-انا برضو اللي اخلي بالي منها
-بتقول حاجه؟
-في عنيا يا آمنه والله

اقتربت امنه لتقبل فرحه وتودعها حتي همست في اذنها. .-"متنسيش القزازه وافتكري الحواس شبابيك ع القلب "
هزت فرحه رأسها بالايماء لتبادلها آمنه بابتسامه منها ودعوات لها ولمالك ..
-----
-انت هتسيبني وتنااام
-المشوار طويل دول سبع ساعات سفر هنام شويه اريح بس وابقي اصحي
- ولا تنااام ع طووول قال يعني تفرق
- لااا ي شيخه اومال اييه هتسيبني وتنام ولا متنامش
- عشاان عشان الشنط مين هيحرس الشنط
- ربنا يحرسهم ربنا تصبحي ع خير بقي
- مامتك اسمها نهي
- بتقولي حاجه
- نام انت لسه هترغي معايا
- ان الله مع الصااااابريييين
-طب مامتك اسمها نرمين بس هاه
احني مالك رأسه قليلا متكئا علي كتفه لينعم بقيلولة خلال سفره في تلك الاثناء كانت فرحه تتفرس قسمات وجهه وهو يغط في نوم عميق حتي فجأة تحولت رأظه لتستقر علي كتفها..
-يعني يا ربي حلو وهو صاحي وحلو وهو نايم يعني ابوسه ده دلوقت ولا اعمله ايه
------------------
-من فضلك في حجز باسم مالك الدمنهوري و..
-اه يا افندم اسمك موجود بالفعل والحجز متأكد عليه اتفضل كارد الاوضه والشنط خلال دقايق هتكون عندك
-طيب من فضلك هو نفيش اوض..
-كل الاوض محجوزه يا افندم بالفعل
-.....
-.....
-ماله ده ؟!

وصل مالك الي الغرفه بصحبة فرحه هم بالدخول ما ان فتح الباب لكن فرحه سبقته ركضا الي الداخل في ذهول منه كالعاده..
-السرييير محجوووز من دلوقت وبتاعي
-اييه لعب العيال ده انتي طفله قوي ع فكره، احنا نعمل قرعه بما يرضي الله
انفجرت فرحه من الضحك علي اثر كلماته بتلقائيه شديده حتي صمت هو في شرود تام ووضع يده علي قلبه ليهديء من روع نبضاته والتي كانت لتفضحه لولا علو صوت ضحكاتها..
"- انا ايه اللي بيحصلي ده ؟!"

- وتقولي انا اللي طفله !
- .....
- مالك!
- هاه ايوه
- ايه اللي ايوه؟
- لا مفيش هو الشنط اتأخروا ليه ؟!
طرق الباب ليعلن عن وصول الحقائب استقبلها مالك واغلق الباب خلفه تفقد الحقائب فوجد احداها مفقود..
ايه ده شنطتي فين ؟
-بتاعتي انا دي ياااه ع الحظ صفي نيتك عشان تمسي دنيتك يا اخ
-اه وماله ياسطا هروح اشوفها تحت ف الريسبشن
-طريقك اخضر
-......
-ماااالك !
-هاااا
-ان شاء الله تلاقيها متدايقش بس قول يا رب
-يااا رب
-يطلعلك ضب نيهاهاهاههههه
-إن الله مع الصابرييييين

خرج مالك ليبحث عن حقيبته في الاستقبال وفي تلك الاثناء بدأت فرحه في تفريغ حقيبتها وتغيير ملابسها حتي وجدت الزجاجة التي اعطتها اياها امنه ابتسمت فرحه ونظرت للزجاجه محدثة نفسها..
- دنا هسدلك جيوبك الانفيه دي خالص..

ما ان وصل مالك للغرفه حاملا حقيبته حتي دلف لتتخلل انفه رائحة مميزه اغمض عينيه مستنشقا اياها ليخطو بحثا عن مصدرها ، كانت الرائحه تزداد قوة كلما اقترب من الداخل حتي توقف علي هذا المشهد..
فرحه تمشط شعرها امام المرآة وهي تدندن بانسجام ، تميل رأسها يمينا ويسارا ليظهر طوله اكثر حتي يتثني لها الوصول لاطرافه وتمشيطها ، كانت مندمجة فيما تفعله حتي استوقفها صوت مالك خلفها..
- هي ايه الريحه دي ؟!
نظرت فرحة للخلف راسمة علي وجهها ملامح الدهشه والتساؤل المصطنع..
-ريحه!  ريحة ايه؟!
-مش عارف شامم ريحه كده من اول م جيت ريحه.. حلوه!
-اهااا ده قزازة البرفان بتاعي بحب احطه ف البيت وخصوصا لما اسرح شعري بيخلي ريحته حلوه
-غريبه يعني مشوفتكيش خرجتي بيها قبل كده
-لا طبعا مبخرجش بيها لانه حرام اصلا ده حديث عن.. انت بتبص فين! ؟
-ها لا معاكي معاكي
-كتمت فرحة ضحكاتها بصعوبه مستأنفة الحديث معه
-جعانه
-نعم
-بقولك جعانه اطلبلنا اي حاجه عشان واقعه م الجوع خاالص
-دنا اللي تكه وهقع خااالص
-بتقول ايه!
-بقولك هرن عليهم واطلبلنا اكل بسرعه..  خااالص!
---------
طلب مالك الطعام في تلك الاثناء ذهب باتجاه المرأة حيث كانت فرحه ليتناول احدي الفوط المعلقه بجوارها كما يزعم معللا لنفسه، لم يستطع مقاومة رائحتها فوجد نفسه تلقائيا يستنشق عبير شعرها مغمضا عينيه تاركا يده معلقة ف الهواء باتجاه الفوط..
- اتفضل اهييه
- هاه
- مش عايز الفوطه اتفضلها اهي
- اه ايوه شكرا جدا انتي قولتلي اسم البرفان ده ايه!
- الياسمين.. ريحة الياسمين !
دق جرس الباب لتصيح فرحه في سعاده.. -هيييه اكيد الاكل وصل
-في وووقته

استقبل مالك الطعام وجلس ليجد فرحه قفزت الي اقرب كرسي وجلست تلتهم الطعام بشراهة كالاطفال تغزو وجهها ملامح الغبطه..
-يا ربي الحمدلله علي نعمة الاكل والله
-الحمدلله اني بني ادم والا كنتي اكلتيني معاهم بالراحه ع نفسك
- لا مليش ف الموالح انا عشان اكلك
- موالح؟ ولما انا اكون موالح اومال انتي تبقي ايه ؟
- حلويااات طبعا
- طب م تدوقيني كده حته!
- نعم؟
- بقووولك متخلصيش الاكل خليلي حته
- اهااا حد حايشك م تيجي تأكل
- مسيري اكل يا بنتي والله بس دعواتك
- مالك من سعة م وصلنا وانا مش مرتاحالك ع فكره
- والله ولا انا مرتاح لنفسي اللهم اغسيك يا شيطان وسعي كده خليني اكلي لقمه

شرع مالك في الطعام لتراقبه فرحه بطرف عينيها فتمسكه متلبسا يتفحصها بعينيه وحينما يراها تنظر اليه يتظاهر بالسعال ويطلب منها المياه فتناوله اياها ضاغطة علي شفتيها كيلا تضحك..
-ناولني السلطه يا مالك اللي عندك دي
-ناوليها لنفسك مش فاضيلك باكل
-بقي كده
-ايوه
-طيب اجيبها بنفسي وماله بس اللي ميرجعش م السفر ويقول جعاااان ي فرحه
-ياااه ي فرحه الواحد ميعرفش يهزر معاكي ي شيخه السلطه والكانشب كمان اهو
-انسي هجيبهم بنفسي خلاص مش عايزه حاجه منك
-ياااا..
لم يكمل مالك كلامه حتي قاطعته فرحه بحركتها الفجائيه اقتربت منه تاركة المجال لبضعة سنتيمترات بطينهما تناولت طبق السلطه واثناء هذا كانت رائحتها لم تكتفي باختراق انفه فحسب وانما غزت روحه دون ادني مقاومه..

-يااااا لهوي !!!
-الواحد لازم يعتمد ع نفسه برضو
-صح
-ولا العوزه لحد
-صحيح
-و..
-ايوه
-لالاااا مااالك مش مطمني يا ام مالك
-ولا مطمني ولا مطمن ابوه ولا مطمن امه
ضحكا سويا حتي التقت اعينهما فجأة ليخفت صوت ضحكاتهما وتعلو لغة العيون لحظة من الزمن خارج ابعاد هذا العالم في بعد آخر خاص بهما يجمعهما لا سواهم..

-ما الذي يحدث لي! اتراه قلبي يهجرني ويرنو إليكِ !
قد كنت من قبل ضالا حتي هدتني السبل عينيكِ.. ماذا فعلتِ ؟!

-يا عطري ورفيقي راحتي وشقائي سجني وسجاني اشكو لعينيك وجدا بت اخفيه فليتك بالوصل تقبل لتمحي ما بالقلب من تيه!

ساد بينهما صوت طويل كانت فرحه تنظر اليه بروحها وكأنها تلمس ذاكرة قلبة وكان ينظر اليها وكأنه يراها لاول مره وكان هالة جديده احاطة بها ليشرد في عينيها مسافرا بلادا بعيده ، في تلك اللحظه تذكرت فرحه مقطع من اغنية لام كلثوم طالما تغنت به..
- ' وان كنت اقدر احب تاني هحبك انت '

قطع الصمت جرس هاتف مالك لينتفض منزعجا بسبب مقاطعته لتلك اللحظه حتي نظر الي الهاتف ليري من الذي يهاتفه في غير معاده بالمره ، ما ان رأي مالك الرقم حتي تغير وجهه تماما وانعقد جبينه حتي بادرته فرحه بسؤالها..
- مين اللي بيرن يا مالك ؟؟
-....

يتبع