قصة عماره عواجه

""قصه عماره عواجه""

يعني فعلا الصوت اللي كنت بسمعو باليل ده حقيقي... والخيال اللي كنت بلمحو ده مكنش تهيؤات..و الستاير لما كانت بتتهز مكنش الهوا اللي بيهزها ..ياتري هيحصل فيا ايه دلوقتي .....!!!!!
كلمت السمسار عشان يشوفلي شقه في الحي السابع عشان تكون جمب الجامعه بتاعتي انا أحمد الشرقاوي طالب في كليه الهندسه جامعه الأزهر ساكن في قريه منيل الهويشات في طنطا.. ،
الشقه اللي جبهالي السمسار كانت في الدور السادس .. ، انا اصلا طول حياتي شخص انطوائي ومليش دعوة بحد وعلاقاتي قليله بالناس.. اما وصلت العماره استغربت ان السمسار اللي جبلي الشقة طلع هو نفسو بواب العماره ،سألتو قالي البيت كلو مفيهوش غير شقه واحده اللي مسكونة واللي عرفته ان الشقه دي ورثها زياد طارق عواجه عن ابوه  .. وعشان كده اسمها عمارة عواجه .. بس الغريب ان البواب اكد عليا مقربش من الدور التالت ولا حتي اقول لصاحبها صباح الخير  ، وانا اصلا محولتش اعرف منو ليه وقولته اني اصلا بجانب الدراسه بنزل تدريب يعني برجع من بره متأخر جدا باليل يعني بالتاكيد مش هشوفه الا نادرا .. وصلني للدور بتاعي بس كنت مستغرب نظراته ليا واللي خوفني اكتر لما قالي معلش مقدرش ادخل الشقة ! كل حاجة بتحصل غريبة ... بس انا مش مهتم ..!
لما دخلت لقيت شقه كبيره اوي ، مكنتش اتخيل اني اقعد في شقه زي دي لوحدي ! ، الشقه كبيره اووي ..

مدخل الشقه صالة كبيره اوي ، وفي الوش بورتوريه كبير عليه صورة اتنين متجوزين واقف قدامهم تلات اولاد ! ، العفش كلوو جديد بس هو مترب شويه اعتقد ان الشقه مقفوله من فتره وكان حد عايش هنا قبل كده .. ، ولما دخلت شمال لقيت اوضتين اوضه صغيرة جدا ، واوضه كبيرة ، انا اخترت الاوضه الصغيرة ، خصوصا ان الجو برد ودي مفهاش شباك ،بس فيها بلكونة صغيرة .. انا متعود اني انام متأخر بعد منتصف الليل ، ولكن المرة دي كان غلبني النوم جدا واثناء وانا بروح في النوم لمحت خيال .. خيال بيتجول في الشقه ، لكن فتحت عيني عشان ملاقيش اي حاجة خالص!! ورجعت نمت قولت اكيد تهيؤات .. بس صحيت بعدها علي صوت موبايلي .. بس انا متاكد اني قفلت موبايلي قبل م انام... مسكت التليفون .. لقيتو رقم غريب وكل اللي سامعه اشششش وكل مقول الو .. اسمع تردد صوتي تاني ! .. قفلت الموبايل ونمت .. بس نمت وانا متوتر شويه.. ولكن اقنعت نفسي ان توتري بسبب اول ليله ليا في الشقه ومحدش معايا  .. بس بعد دقايق سمعت صوت في البلكونة ! صوت حد بيمشي دا اكيد حرامي ، بس انا بخاف .. وعشان كده قومت اتاكد من الصوت ده  ، حاسس بخطوات رجل ماشيه في البلكونة نورت النور بتاع الشقه وفضلت اعمل نفسي برتب حاجات في الاوضه ، عشان لو حرامي يعرف اني صحيت ويمشي ، لاني مش بتمني مواجهته ! ..، بس الصوت اختفي اكيد خاف ومشي الحمد لله ، دخلت جبت سكينه وفتحت البلكونه وانا في ايدي السكينه ، بس اللي قابلني في وشي رياح برد شديده الجو وحش جدا وفي ريحة وحشة ، بس انا ملقتش اي حد ، قفلت البلكونه بسرعه ، كنت فعلا تعبان وعايز انام ..قولت ده ارهاق .. بس ! ولما نمت موبايلي رن تاني ..بس انا متاكد المرادي اني قفلته .. ايوه انا متاكد .. كانت نمرة غريبة برضو ! .. لسه سامع صدي صوتي .. بس سمعت حاجة تانيه.. دا واحد صوتو مبحوح خالص بيقولي اهرب بسرعه اهرب ...!! بصيت لقيت نور الحمام فتح وقفل ٣ مرات .. وبعدها نور الشقه كلو اتقفل ،انا خايف ،! في حاجة غلط اكيد.. خرجت من الشقة بسرعه بس لقيت الاسانسير مش شغال .. نزلت جري ! بس وانا نازل .. شوفت شقه الدور التالت فتحت ! كان الباب بيفتح ببطيء صوت صرير الباب في وداني .. وقفت علي السلم مكنتش عايز انزل .. بس هو طلع .. كان راجل كبير ! شعره ابيض وملامحه..ملامحه غريبة  جدا """ بصلي و ابتسملي وهو بيقولي احمد ياشرقاوي متطلعش اصلها كانت معايا اليومين اللي فاتو كانت معايا بس راجعة النهارده هاا رجعت النهارده """ .وبعدها قفل الباب بنفس البطيء وسابني في تساؤل !! مطلعش فين .. وهيا مين دي اللي راجعة ؟؟ نزلت جري وانا نازل سمعته بيضحك تقريبا كانت اسوء ضحكة سمعتها في حياتي ! نزلت عشان الاقي الباب بتاع العمارة مقفول بجنازير شكلها قديم وعليها صدا من بره.. والسمسار اللي هو عرفني علي الشقة .. قاعد علي الأرض وبيضحك.. !  زعقت في وقولتله انت بتضحك ليه افتح باب العمارة دي انا مش هعيش هنا خلاص.. بصلي وقالي مالك نعم عايز ايه !! خايف ليه انت في ايه ؟ قولتله ايه اللي بيحصل هنا بالظبط انا عايز افهم.. قالي !! قصدك علي الشقة صح .. كنت برتجف وبقوله انا عايز امشي وخد الفلوس مش عايزها بس سيبني امشي ..!! .. بصلي وقالي ومين قالك اني هديهولك اصلا.. !! بصلي تاني وقالي انت مش هتمشي اصل محدش دخل الشقه دي ومشي قبل كده خالص بقالنا عشر سنين علي كده من يوم م عم طارق قتل ابنو الكبير والصغير ومراتو ودفنهم في البيت ...!!!
بعدها قرر يعزل زياد في شقه لوحدو في الدور التالت وقال انو سافر الكويت..!!
طبعا الغلبانين اللي زيك هما اللي بيجو يأجرو الشقق دي عشان رخيصه مهي شقه لقطه هتلاقي فين زيها ..!! وعلي فكرة انا اللي بحضر ارواحهم وبجبلهم الضحايا وأنت يااحمد الضحيه الجديده ..!!!