قصة قتلتها 🚇كامله

قصه_قتلتها
-انت خسرت ولازم تنفذ اللي هنطلبه منك
=لا سامحوني يا جدعان ونبي
-مفيش الكلام ده احنا مسامحناش كريم وخلناه يسرق عربيه وانت كنت صاحب الفكره ولا يا عيني "علي "اللي جري في شارعهم زي المجنون والعيال قعدت تجري وراه
=ههههههه ده كان يوم مسخره،يبقي كده مش قدامي غير اني انفذ طلبكوا اتنيلوا اطلبوا
كريم:تسرق شقه مش انا سرقت عربيه
علي:لا يا اسطي انت تجري من غير بنطلون في الشارع
خالد:انتو مجانين ولا ايه انا مش هعمل كده
آدم:انا عرفت هتعمل ايه زق البت دي علي المترو
خالد:انت عبيط دي ممكن تموت
كريم:تموت ايه يا عم المترو لسه مجاش كأنك خبط فيها وانزل هاتها اهو تضبط معاها
خالد:لا يا جدعان ممكن يحصلها حاجه
آدم:ده الطلب بتاعنا ولا انت عيل ومتدخلش معانا في حوار تاني
علي:ما تنجز يا خالد في ايه
خالد:خلاص خلاص هتنيل اسكتوا

*مشيت ببطئ ووبصيت ملقتش المترو جاي واحنا كنا في محطه مفهاش حد غيرنا وهي بس قربت وكانت مدياني ظهرها كانت لابسه جيبه وحاطه شنطه على ظهرها  ولابسه الهاندفري بصيت للعيال لاقيتهم بيشاورولي اني اخلص وازقها زقيتها وقعت علي القضبان وشوفت  وشها كانت مخضوضه ركبتها اتعورت والجيبه اتقطعت مدتلها ايدي بس هي مكنتش بتتحرك  وعماله تعيط عمال ازعق هاتي ايدك قومي والمترو بيقرب وانا هتجنن وخايف انزل لكن مش عايزها تموت المترو جيه فضلت اصرخ زي المجنون واتسمرت مكاني وصحابي شدوني وجرينا وانا مش حاسس بحاجه ومنظر البت مش بيفارق خيالي .
خالد:دي ماااااااتت موتها انا مش عارف اعمل ايه
آدم:اهدي اهدي بس كل واحد يروح بيته دلوقتي ولما نهدأ نفكر
خالد:نفكر في ايه بقولك مااااتت مااااتت
كريم:آدم بيتكلم صح احنا لازم نهدأ علشان نعرف نفكر يلا كل واحد يروح دلوقتي
*سبوني ومشيوا وانا فضلت واقف في نص الشارع مش مستوعب اللي حصل جريت علي البيت وانا بترعش ودخلت الاوضه وقعدت في زاويه وفضلت اعيط والاوضه  ظلمت فجأه والحيطان بدأت تقرب مني كل حيطه بتقرب بشويش وانا مش قادر اتحرك حسيت اني بتخنق والحيطان بتقرب وانا مش عارف اعمل ايه فضلت تقرب وانا مش قادر اخد نفسي لغايت ما بقيت كأني قاعد في صندوق وبعدين سمعت صوت صويت جامد وحد بينادي علي اسمي صوت خشن وكأنه راجل  عجوز وانا بحاول اتكلم صوتي مش طالع بحاول انادي علي حد من برا مش عارف لاقيت نور بسيط اقدر اشوف منه لكن مش بوضوح مش قادر اشوف غير رجلين مليانين شعر وظوافر طويله سودا وكان الصباع الكبير في الرجل اليمين مقطوع ،الرجلين بتقرب عليا وانا ثابت في مكاني كأني مشلول الرجلين قربت مني وبعدين لاقيت دم بينزل علي الارض دم كتير والرجلين  بتبعد والدم بيتكتب بيه حاجه "هتموت بعد ٣ ايام او تموت اصحابك التلاته اختار نفسك او هما! "
بعدها الحيطان بدأت تبعد وعرفت اتحرك جريت بسرعه اولع النور وفتحت باب الاوضه وجريت نزلت الشارع وفضلت الف فيه زي المجنون مش عارف اعمل حاجه ورقم 3عمال اشوفه في كل حته وشكل البنت وهي بتعيط مش بيخرج من دماغي قعدت علي الرصيف وحطيت ايدي علي دماغي لاقيت حد بيحط ايده علي كتفي فتخضيت
-مالك يا ابني ؟
*راجل كبير شعره ابيض ودقنه طويله معندوش حواجب ووشه رفيع *
=مفيش يا حج انا بس عندي مشكله مش عارف احلها
-المشكله حلها عندك تقتلهم يستاهلوا القتل
*عينه بقت بتلمع بطريقه غريبه وايده اللي كان حاططها علي كتفي ببص عليها لاقيت عليها وشم برقم 3 اتخضيت وقمت من مكاني لكن هو فجأه اختفي وكأن مكنش في حد هنا فضلت الف وابص يمين وشمال لكن هو ملوش أثر ،روحت ونمت وفضلت نايم يوم كامل معرفش ازاي وكأن حد قاصد يخليني نايم فات يوم ومحدش من صحابي اتصل عليا وبرن عليهم مش بيردوا مش عارف اعمل ايه ،قومت لبست وروحت لكريم عرفت من امه انهم سافروا اسكندرايه امبارح من غير ما يقولولي اتعصبت جدا وحسيت انهم مش متخيلين المصيبه اللي احنا فيها وبدأت افتكر كلام الراجل واني ليه اضيع حياتي علشان ناس متستاهلش وعلشان كده قررت اقتلهم ،سافرت اسكندرايه روحت شقه علي. خبطت الباب
علي:ايه ده خالد انت طب تعال خش 
خالد:ايه مش عارف تجمع كلمتين علي بعض
علي:خش يا عم بس ونتكلم جوا
كريم:اهلا
خالد:انتو معندكوش دم ولا احساس قتلنا البت وبتصيفوا وبتحشيشوا كمان
آدم:بقولك ايه يلاه انت اللي قتلتها واحنا ملناش دعوة وبطل شغل العيال ده وغور في داهيه يلا
*جريت علي المطبخ وجبت سكينه كان علي داخل ورايا ضربته في بطنه ووقع علي الارض خبطته بسن السكينه علي دماغه كريم وآدم لما سمعوا الصوت جم يجروا عليا فضلت اضرب فيهم معرفش القوة دي جتلي منين ولا يمكن علشان  بيشربوا فكانوا  مش فايقين مش عارف بس انا ضربتهم ومسكت السكينه قطعت رقبه آدم الدم كان مالي كل حته وغرزت السكينه في قلب كريم هدومي اتغرقت الدم الصاله بقت لونها احمر وانا واقف مش مستوعب اني عملت كل ده صحابي مرمين حواليا وانا اللي قتلتهم جريت بسرعه غسلت ايدي ولبست تيشرت تاني ومشيت وسبت كل حاجه الدم وصحابي والسكينه فجأه صحيت والحمدلله طلع حلم قومت من النوم كان هاين عليا احضن كل الناس من الفرحه ،لاقيت ماما بتتصل عليا
-انت فين هنتأخر علي المعاد
=معاد ايه
-يا أخرة صبري احنا هنقابل العروسه انهارده ده احنا اتاخرنا هو انت لسه ملبستش
-ها لالا لابس اهو مسافه السكه
*يالهوي انا ازاي نسيت لبست بسرعه وانا سعيد ان كل ده كان حلم قابلت ماما وروحنا خبطنا فتحلنا طفل صغير دخلنا وقعدنا  لكن المفاجاه ان البنت اللي زقتها والراجل اللي شوفته في الشارع في الحلم كانوا داخلين علينا كانت هي العروسه وهو ابوها قومت اصرخ زي المجنون واقول ازااااااي ازاااااي واجري وفتحت الباب ومشيت.
اول ما خرجت اتصلت علي كريم ليكون مش حلم وهما فعلاً ماتوا لاقيته بيرد اطمنت وروحت البيت لاقيت امي طبعا اتصلت تهزقني واني كسفتها قدام الناس بعد ما قفلت مع ماما لاقيت رساله علي الواتس
-انت جريت ليه كده من عندنا
*ايه ده جابت رقمي منين انا قربت اتجنن حاسس اني هلاقيها قاعده جمبي*
=مين !
-انا منه  اللي كنتو بتزورونا انهارده بس انت اول ما شوفتني جريت زي المجنون هو في حاجه ؟
-انا اسف مكنش قصدي اعمل كده ،هو انتي شوفتيني قبل كده  ؟
=انا شوفتك بس معرفش انت شوفتني ولالا
-شوفتيني فين ؟
=في الحلم ،انا حلمت بيك كنت واقفه مستنيه المترو وكان صحابي جاين عليا من بعيد وكل ما يقربوا كنت اشوفهم تعابين وحشرات شكلها يخوف وكانوا هاجمين عليا جيت انت زقتني بعيد عنهم ووقفت تحميني ،انا اول ما صحيت روحت لماما  تفسرلي الحلم وقالتلي ان صحابي مش بيحبوني وان الشخص ده هيعوضك عنهم وهينقذك من شرهم
-انتي بجد حلمتي بكده!!!!
=انا لو محملتش الحلم ده مكنتش كلمتك انا عمري ما عملت كده لكن انا بهتم بالعلامات والصدف جدا اول ما خرجت وشوفتك كنت هعمل زيك كده واجري بس اتماسكت برغم اني اتفاجأت لما شوفتك نفس الشخص اللي شوفته في الحلم بالضبط ،ولما جريت استغربت اكتر وكان لازم افهم منك
-انا كمان حلمت بيكي
=كنت حاسه،حلمت بأيه ؟

*حكتلها الحلم وفضلنا نتكلم كتير وحسيت انها كانت علامه علشان تعرفنا ان صحابنا مش كويسين وانهم مش بيتمنولنا الخير وان الحلم ده كان رساله ليا وليها   روحت واعتذرت لابوها عن اللي عملته و وصحابنا عملوا حاجات تثبت اكتر ان الحلم ده مكنش مجرد حلم دي رساله لينا  قطعت علاقتي بصحابي وهي كمان عملت كده ،واتخطبنا وكل يوم بكتشف ان العلامات والاحلام لازم نركز  معاهم لان فيهم رسايل عظيمه  "وأن الخير احيانا يختبئ وراء شرًا  ظننته الأفضل
"
‏Menna_elshamy