الممسوسة 👻الجزء الاول👻

الممسوسة 
الجزء_الاول...
وهى قاعدة معايا مكانتش طبيعية .. دة كان اول مرة نقعد مع بعض لوحدنا .. كنت متقدملها وكانوا سايبنا لوحدنا نتعرف ع بعض  .. ..كانت كل شوية واحنا بنتكلم تسكت و تبص ورايا وتبرق اتخض وابص ورايا ملاقيش حاجة ارجع ابصلها تستغربنى وتكمل كلام عادى .. ومرة وحدة تروح مبرقة جامد وبصة ورايا كانها بتشاور لحد بحركة عنيها انه يمشى .. اتخضيت بصيت ورايا تانى ملقتش حد خبر اسود دى ملبوسة ولا اى ..
رجعت بصتلها تانى بصتلى وكانها مستغربانى .. وسألتنى انت بتبص وراك كل شوية لية فى اية ...رفعتلها حواجبى ولسة هشتمها راحت مبرقالى خفت اوووى وقبل ما هى تبص ورايا المرادى رحت ادورت وبصيت بسرعه ورايا ..... 
رحت ادورت بسرعه وبصيت ورايا ملقتش برضو حاجة .. حسيت قلبى اتقبض .. جيت بلف وشى ملقتهاش .. خبر اسود اختفت .. ولا راحت فين حسيت برعشة بجسمى وبدات افتكر كل افلام الرعب وحواديت الرعب الى قريتها ع الفيس او سمعتها من صحابى .. ومرة وحدة لقيت حد حط ايدة ع كتفى من ورا .. قلت فى سرى اعوذ بالله من كلمات الله التامات .. وبدأت ضربات قلبى تذيد ونفسى باخدة بصعوبة .. وخايف ابص ورايا راحت الايد اتشالت من على كتفى وبعد خبطت 3 خبطات ع كتفتى اتنفضت وقمت وقفت و ادورت ابص فى اى ورايا .. رحت كابب الصنية  والكوبيات الى كانت داخلة بيها عليها ... قعدت اعتذرلها واقولها اسف مقصدش مقصدش اصل ...اصل ..حد. .. و وبعدين سكت ... اى الوكسة دة يالهوى هقولها اى هتفكرنى مجنون يا ملبوس .. بس غريبة هى قامت امتى تجيب ......
خدت نفس عميق وقلت يمكن موهوم او مخظتش بالى .. او ملبوخ من الموقف ومجروح ع اول مرة اتقدم لبنت 
والصراحة ميادة امورة جدا مشوفتش فى حلاوتها قبل كدة .. قعت استنيتها تغير هدومها الى اتكب عليها العصير وترجع ..
كررت اعتذارى .. وكملنا كلمنا بس غصب عنى طول القاعدة ابص ورايا وكانى حاسس انها شايفة حد ورايا مع انى المرادى غيرت مكانى وبقى ضهرى للحيطة عشان ما يبقاش فى مجال لحاجة تيجى من ورايا ... بس نفس الحركات الغريبة بتعملها...
عدى اليوم واتفقنا على اننا نستنى اتصالهم لتحديد ميعاد تانى لو فى قبول 
روحت البيت وقعدت افكر بالى حصل 
اى دة فى حاجة فاتتنى ... ممكن ميادة تكون حولة ..
اكيد حولة ومش قالولى عشان كدة كانت بتبص ورايا كل شوية عموما المرة الجاية لو فيها مرة جاية هسالها بشكل صريح..
اتصلوا وقالوا فى قبول ..وحددنا معاد تانى
قبل الاتفاق طلبت من بابا ميادة اقعد معاها تانة شوية للوحدنا عشان محتاج اعرف منها شوية حاجات 
فعلا قعدت معاها .. كانت طبيعية جداااا بس الغريب ان نص الكلام بقيت احس صوتها يتخن وكان راجل الى بيتكلم .. وترجع تتكلم عادى 
المرادى مرضتش اسكت وسالتها لية صوتك بيتغير ؟
برقتلى ... اقسم بالله كنت هموت من الرعب ..  وبعدين بربشت بعنيها 
اسفة انت عارف المدرسين بقى صوتهم بيروح فى الشغل من كتر الزعيق والصويت فى العيال ..
وحسيتها اتحرجت ....
قعدت اكلم نفسى اى الغباء الى انا فية دة هو انا هطلع عقدى وجنانى ع الناس .هويام..
بباها ندة  علينا ...
طلعنا واتفقنا نتناقش بالتفاصيل . 
كانوا مسهلين عليا كل حاجة برضو الموضوع قلقنى 
وبعدين قلت لنفسى انى معنديش رضى لا كدة عاجب ولا كدة عاجب ...
بصيت لميادى وهى مش واخدة بالها منى عشان واستنيتها تبصلى وعنيها تيجى فى عينى    ... حبيت اعمل رومانسى واغمزلها بعينى بعد ماتم الاتفاق عشان تبقى اول حركة شقاوة بنا ...
ميادة بصتلى عينى جت فى عنيها ..  ابتسمت ..
بابا قال نقرا الفاتحة  .. محدش رد كرر تانى  يلا نقرا الفاتحة .. بصوت عالى 
النور قطع ..    وقفنا قراية الفاتحة وقاموا يدوروا ع شمع جابوا شمعة الاضائة كانت ضعيفة اوى شابفين ملامح بعض بالعافية 
قعدنا نهزر ونضحك ونقول بداية مبشرة وشك حلو وووووو
ميادة بدأت تضحك وتتفاعل معايا 
و بدئت تكبر الابتسامة وسنانها بدأت تظهر ....
اى دة عنيها بتنور كدة لية وبتتحول زى القطط بقت بالطول مش مدورة ...
وظهر بين سنانها انياب ....
يانهااااار اسوووووود اى الى ع الحيطة دة .. 
منعكس بضهر ميادة ع الحيطة خيال شيطان ضخم بقرون .هويام.. كان الى واقف قدام الشمعه شيطان مش ميادة...
الشمعه اطفت ... ارتعشت كنت من الخضة وسمعت اصوات كان فى حد بيجرى حواليا 
ندهت ع بابا رد وقالى مالك يا سليم انت خايف ولا اى وقعد يضحك هو وابو ميادة ..
النور جة لقيت ميادة واقفه جمبى .. رحت اتنفضت وبعدت عنها ..
وقلتلها ابعدى عنى بسم الله الرحمن الرحيم .. بصتلى وبرقت وبدات عنيها تدمع ودخلت تجرى ع الاوضه
شكلى بقى وحش اوى هو انا بيتهيئلى ما البنت طبيعية اهى استغفر الله 
طبعا بابا فضل يهزقنى وماما 
اعتذرت لحمايا وحماتى وطلبت منهم يندهولها وانا هصالحها ...
بعد فترة رضت تطلع ودخلت البلكونة نتكلم سوا 
انا كنت خايف منها وبنفس الوقت مش مصدق ولا مستوعب ...
دخلنا نتكلم وقعدت اعتذرلها ...وانكشها بالكلام ع تضحك ...
ابدا ...
ومرة وحدة بصتلى وعنيها نورت وبرقت ......
يتبع
استنوا باقي الاجزاء😍