الممسوسة 👻الجزء الثاني👻

الممسوسة 
الجزء_الثانى 
مرة وحدة ميادة بصتلى وبرقت .. قلبى وقف وبدأت اقول بسم الله الرحمن الرحيم بسرى لسة مكملتش البسملة لقيتها صرخت فى وشى وقالتلى اى الى انت بتعملة دى ... ووشها احمر جدا .. وسابتنى ودخلت تجرى ع جوة ..
اتشليت مكانى لحظات وبعدين خفت اقف لوحدى دخلت جوة لقيتها قاعدة مهاهم بيضحكوا واول ما شافونى 
سكتواااااا... وبعد لحظات    كلهم قعدوا يضحكوا 
عملتها فيك تانى يا على .هويام.. قلبك ضعيف يا على .. 
شكلك داخل ع ايام سودة يا على   
راحت ميادة بصالى وابتسمت ابتسامة رقيقة ... وقالتلى كدة 2 صفر يا علوة 
معلش الزملكاوية ديما مهزومين ..وقعدت تضحك ...
استوقفتنى كلمة الزملكاوية وسالتها انتى عرفتى منين انى زملكاوى 
قالتلى انت قلتلى ..
قلتلها محصلش 
قالتلى قلتلى وسط الكلام ع فكرة ... هو فى اية ؟
حسيت انى قليل الزوق .. رحت لميت الموقف 
وقلتلها ... دخلت عليكى مش كدة 
كدة 2 واحد يا دودو ... 
راحت بصتلى بصى غريبة مفهمتهاش ...
وهى موطية راسها ومبرقالى لفوق ....
وقالتلى انت شايف كدة ... ماشى يا على 
وراحت ابتسمت ابتسامة صفرة ...
حسيت دمى تقيل ... مفهمتش قصدها اية ...  وقتها لكن بعد كدة فهمت كل حاجة بس كان الوقت اتاخر مع الاسف ...
رحت مغير الكلام ع فكرة احنا مقريناش الفاتحة يا جماعه ... اى رجعتوا بكلامكم ولا اية 
راحت ردة بسرعه ... فاتحة اى قاروها من زمان انت محستش ولا اية ؟
ولا مقريتهاش .... شكلك مش حافظها 
رديت عليها .... نعم بتقولى اية قروها امتى محصلش .. النور قطع ...
راحت قالت والله العظيم قروها فى اية يا على الهزار له حدود ع فكرة ...
بدأت اسخن واحس ان الجو بقى حر مع اننا بيناير ....
هو فى اية ... اى التوتر دة 
مرة وحدة راحة ضحكة بصوت عالى ...  فجعتننى اقسم بالله بت الملبوسة دى ..
وقالتلى كدة 3..1 يا على ... هقفلهم 6 ..1 فاكر ولا افكرك يا زملكاوى .... قروها واحنا بالبلكونة ماتخافش ... 
قلت فى سرى  يخربيت ابو  شكلك يا شييييييييييخة شكلى داخل ع ايام سودة ... اى البت دى 
عدى اليوم وروحنا البيت ...
قلت ادخل ادور عليها ع الفيس وابعتلها اضافة .. كتبت ميادة الشناوى ...
ظهرت يخربيت جمالها حاطة شوية صور بنت الاية دى 
اى دة لية شكل عنيها غريب بالصور ..
فتحت صورة ودققت فى عنيها وكبرتها لقيت زى كان فى حد اسود معكوس شكلة فى عنيها ...
جبت صورة تانية وتالتة ورايعة ... نفس الشئ  فى زى شبح اسود واقف جوة عنيها كانه قدامها بكل الصور وصورتة معكوسة جوة عنيها ... حسيت بجسمى سخن تانى  .. اى دة ....
اي دة .. اى دة ..ميادة بتتصل ..
الو ... ازيك يا على 
على :-الحمد لله
ميادة: بتقلب فى صورى ليييييه يا علوة وحشتك ولا اى 
على :- نعم ..
ميادة:- اى مستغرب من جرائتى مش بقيت خطيبتك ولا اى لا بص مش بحب ابقى مصطنعه وبحب اتعامل بحرية وبطبيعتى ... مش هفضل مكسوفة 8 سنين ومحروجة 9 ويضيع العمر ويفنى 
على:- لا مقصدش كدة .. عرفتى منين انى فاتح صفحتك ع الفيس وبقلب بصورك 
ميادة :انت قلتلى ..
على :-محصلش
ميادة :-هو فى اى ؟
على :- من غير هزار المرادى بتكلم جد مش كل حاجة هزار  لو سمحتى 
عرفتى منيييييين يا ميادة انا بعمل اى .  
ميادة:- اهدى طيب هفهمك 
بصى يا على انا بفهم بالشخصيات جدا ولغه الجسد .. بقدر اتوقع افعالك و ردود افعالك .. بقدر اتوقع اى الى ممكن تعملة بالموقف الفلانى واى الى مش هتعملة ...
دة غير انى بفهم بالابراج جداااااا ودة برضو بيساعدنى افهم الشخصية الى قدامى .. انت برج الاسد مش كدة ؟
على ... على  على 
رحت فين ...
على :- معاكى بس بحاول افهم كلامك ...
عجبانى دماغك الصراحة 
ميادة :- دة  جد ولا هزار 
على :- بجد والله  فعلا اسلوبك واكل دماغى  .. 
مييادة:- واكل ؟
على:- ههههعههههههه مقصدش واكل اقصد يعنى مخلينى الف حوالين نفسى من يوم م عرفتك يعنى اسلوبك طريقتك تفكيرك افعالك مخلينى ديما عمال افكر بتقول اية بتقصد اية .. بالرغم من انى حاسس انى هتعب معاكى بس انتى فعلا شغلانى بطريقتك دى انا عمرى ما حسيت انى اتخطفت او اتشديت لواحدة زى منا حاسس معاكى 
ميادة:- اى الكلام دة لا براحة عليا مش كدة 
على :- انتى  لسة  شوفتى حاجة زى منتى مدوخانى معاكى انا كمان هدوخك 
ميادة:- ياراجل .. طيب لما نشوف مين هيدوخ مين 
على :- انتى برج اى صحيح 
ميادة :- سرطان 
على :- ياساتر 
ميادة:- ههههههههه خير دة حتى كيوت ...
على :- بس اسمة وحش 
ميادة:- مالهاش علاقة .. قولى صحيح انت حبيت قبل كدة يا على 
على :- لا خالص كنت مركز بالدراسة وبعد التخرج الشغل وكنت محافظ على قلبى للى هتجوزها عشان تاخد الحب كلة والتفاصيل كلها اعيشها معاها...
ميادة :- امممم بجد طيب .. سلمى ع طنط ولو سالتك كنت بتكلم مين متقولش ميادة ع الوقت اتاخر 
الخط قفل .....
ماما خبطة الباب ..  وسالتنى اى يا حبيبى كنت بتكلم مين .... اعمل حسابك بكرة هنروح نزور جدك بالترب بكرة الذكرى السنوية 
اتخضيت من السؤال  هو اى الى بيحصل ..  هى قفلت السكة ليه ... وعرفت منين ان ماما هتدخل عليا وتسالنى بكلم مين ....
بعد ما ماما طلعت اتصلت عليها تليفونها مقفول .. 
اتضايقت جدا ....
فضلت سهران افكر فيها طول الليل 
نمت على نفسى ... وصحيت متاخر قرب المغرب تقريبا ..
احية كان المفروض اصحى بدرى اروح معاهم المقابر ازور جدى 
طيب همة مصحونيش لية ... ماما هتزعل ... طيب اقوم اروح ازورة وخلاص يمكن الاقيهم هناك او حتى لو ملقتهمش لما تعرف انى رحت هتسامحنى ومش هتزعل منى 
قمت لبست ونزل ورحت الترب 
الدنيا ضلمت وتقريبا مافيش حد بالمقابر خالص ...
لقيت نور باخر المقابر ... ممكن تكون ماما وبابا 
بدأت اروح نحية النور ...
لقيت بنت قاعدة مديانى ضهرها قدام مقبرة وعماله تعيط جامد جدا ...
صعبت عليا قريت منها وقلتله محتاجة مساعدة ...
بطلت عياط .. وادورت وهى قاعدة ع الارض ... وبدأت ترفع وشها ... الشعر مغطى وشها تماما ... ملامحها بدأت تظهر ....
اى دة بس. بسم بسم الله .. ميااااادة ...
بدأت تنبش بالارض وتقطع فى جلد وشها وترجع تخبط وتحك ضوافرها بالارض تانى وتعوى زى صوت الكلاب 
يتبع
استنوا باقي الاجزاء😍😍