لا تعبث معهم 💀الجزء الاول💀

لا_تعبث_معهم
الجزء_الاول
مقدمة
فى عالم موازى لعالمنا ..ديما كان عندى احساس ان دى مش حياتى وان القصص الى بعيشها دى مش بتاعتى وانها فترة مؤقتة لحد موصل لحياتى الحقيقية . وكان ديما افكارى بتميل لانى مش انسيه وانى انتمى للعالم الاخر .ووجودى بين البشر لمهمة معينة هخلصها وهرجع لمكانى الاصلى بينهم .. عمرى ما حسيت اى حاجة بعملها وانا انسية ..عمر ما عملت حاجة وانا بينكم وحسيتها ولا لنست قلبى .. عمر ما مشاعركم الحلوة او السودة اثرت فيا لا حبيتكم ولا شعرت بالشفقه عليكم ولا كرهتكم ولا حسيتكم ... مجرد دور فى فيلم كنت بمثله بدون ادنى مشاعر .. كان كل همى اطلع الاولى وانجح وتصدقونى  وخلاص عشان لما اخلص المهمة  وارجعلهم ..هويام. اكون مشرفاهم بينكم ويقولى سيبتى بصمة حلوة بين بنى البشر... بعد يوم بعد سنة بعد 100 سنة انا واثقه انى هرجعلهم لان دة مش عالمى .. انا لا انتمى اليكم .. افتكروا دة كويس جدااااااااااااا.....قمررر..
دة كان جزء من مذكرات بطلت قصتنا قمر .
فلاش باك .من 20 سنة ..10 يناير سنة 1999 فى مدينة  الاسكندرية ..
قمر كانت فى اولى ابتدائى ونتيجتها ظهرت وجابت درجات حلوة جدااا
بباها ومامتها قرروا يجيبولها هدية  عشان هى نجحت وده كان اول امتحان ليها فكانوا عاوزين يهادوها ويحسسوها اد اى الى عملته دة شئ عظيم عشان تتشجع ديما وتنجح عشان تحصل ع مقابل ...
بابا قمر مكنش راجل تقليدى .. فمفكرش ف لعبة ولا عروسة ولا قطر ...
خد قمر ونزلوا شارع النبى دنيال فى محطة مصر ..
وقالها هنشترى قصص كتير لميكى عشان نقراها سوا بالاجازة ونفهم الدنيا اكتر ...
شارع النبى دنيال من اشهر شوارع اسكندرية القديمة والمعروفة والى لما حد بينزل اسكندرية لازم يعدى عليها ..
الشارع ملينا اكشاك والاكشاك مليانة كتب كتير قمية لكتاب عرب واجانب مشاهير جدا ..
بابا قمر من اول منزلوا الشارع عمال يفهمها احنا فين وبنعمل اى هنا وفايدة الكتب دى اى واد اى القرائة حاجة مهمة جداااا وانها بتفتح العقل وبتنورة وان الى مش بيقرا مهما كان ناجح بحياته هيفضل جاهل فى افكارة....هويام.
بدأ بابا قمر يسال البياعين عن قصص ميكى وبدأ يجمع كل الطبعات القديمة ..
وصلوا عن كشك كانت الكتب فيه مش مرتبة ومرمية ع بعضها ..
راح بابا قمر يسال عن البياع عن باقى الاعداد الى نقصاه عشان يكمل سلسله ميكى
قمر كانت واقفه تلمس الكتب وتتفرج عليها وتحاول تجمع الحروف جمب بعضها عشان كانت لسة متعلمة القراية ..
وقع قدامها كتاب .. ووقع منه كم ورقة .. وطت قمر ومسكت الورق الى وقع من الكتاب .هويام. وبدأت تقراها لقيتها كلها حروف ورسومات ودواير فرحت جدا بيها عشان حروف بسيطة وكلمات من حرفين قدرت تقراها فحست انها شاطرة ..  هى مش فاهمة حاجة بس قعدت تبص ع الورق وتقرا بصوت عشان تلفت انتباه الناس انها شاطرة .. محدش خد باله منها مهائى راحت خبت الكم ورقة الى وقعوا من الكتاب بشنطتها الصغيرة الى جدتها جابتهالها هدية بمناسبة النجاح ووطت تشيل باقى الكتاب من ع الارض ع ترجعه مكانة ظهرت فى وشها قطه سوووووودة كبيرة وعنيها شبة عنين البنى ادمين مش القطط قمر مكانتش بتخاف من القطط وحاولت تهشها عشان تشيل الكتاب القطة هجمت على قمر ووقعتها بالارض وخربشتها فى دراعها .. بباها خد باله وجة ضرب القطة بعصاية عشان يبعدها عن قمر .هويام.. وخد قمر وروحوا البيت ...
فضلت قمر تعيط وتصرخ من دراعها ودوهالدكتور قال بسيطة جرح سطحى وهى بتدلع عليكم  وكتب ليها ادوية ومضادات عشان التلوث .... 
روحوا البيت ونامت قمر .. بس طول الليل كانت بتصرخ وهى نايمة وتقوم مفزوعة وترجع تمام تانى ...
عدى يومين ع الوضع ده .. لحد م انتهى نهاااائى
افتكرت قمر الورق الى خبتة فى شنطتها جريت دخلت اوضتها وطلعته .. وفضلت تقراه وتتمرن على قرايتة كويس عشان تقدر تقراه قدام بباها ومامتها صح فيسقفولها ويقولوا عليها شاطرة .. وجابت كراسة الرسم والالوان ... وبدأت تسمع لنفسها الحروف والكلمات وفضلت ترسم الرموز الموجودة بالورق ...
مرة وحدة الاوضة ضلمت والشبابيك اتقفلت والورق الى هى رسمتة باديها اتحرق وولع نار وصلت للسقف فضلت تصوت قمر بس محدش سامعها اصلاااااا
الورق الى رسمتة قمر اتفحم تماما واتحول لرماد .. وظهر شئ اسود مخبى وشة بحاجة سووووودةد فى زاوية من زوايا اوضة قمر ...هويام..
فضلت قمر تصوت تصوت والشئ دة يقرب منها اكتر وملامحة بدأت تظهرلها
وشة جمجمة لونها اسود مالوش جلد ولا احم هيكل عظمى او جسمة عضم بس عنية مدورة وبيضة ومشقوقة بالطول زى عنين القطط ولونها احمر ... بدأ يقرب ليها ويقولها قمر قمر
قمر قااااااااامر ....... قاااااامر.... مرحباااااا قمااااامر متخافيش انا مارد فضلت تصرخ قمر عشان حد يسمعها ولكن برضوا مافيش حد بالاوضة ....
بعد لخظات... اختفى كل دة والنور رجع والشبابيك اتفتحت ..هويلم.. بس كراسة الرسم اختفت طلعت قمر تجرى على باباها ومامتها عشان تحكيلهم ... لقت جدها وجدتها وخلانها وعيالهم جم يباركولها ... سكتت عشان محبتش تبان خوافة قدامهم   وكتمت فى نفسها لحد ما مشوا
بالليل قبل متنام قالت لمامتها ... انا شوفت عفريت يا ماما الصبح قالتلها عيب يا حبيبتى مش عشان بنت خالو سمرا شوية تقولى كدة ولو قلتى كدة تانى ومسمعتيش الكلام ربنا هيزعل منك وانا هزعل منك وهخاصمك .. وسابتها وطلعت
   لما طلعت مامت قمر من الاوضة قمر اتغطت ونامت وهى وعلانة ... بعد شوية بابا الاوضة خبط قمر عملت مقموصة ومخاصمة مامتها ومردتش ترد عليها اتفتح باب الاوضة وحد دخل والباب قفل .. وسمعت قمر صوت نفس حد بيقرب منها وخطوات على الارض بتقرب منها ... يتبع