رواية هذا هو العشق 💕 الحلقة الاولي💕

الفصل ( 1 )

مامى كلمتنى النهارده و أنا فى الكليه و قالتلى أن محمد ابن طنط أنعام _ و انا مش عارفه محمد و لا حتى طنط انعام_ جاى الليله عشان يشوفنى و يتقدم لى .

عشان كده ماما قالتلى ما بهدلش نفسى فى الشمس فى الكليه اوى و ارجع بدرى عشان العريس جاى الساعه سبعه و الحق اجهز .

مش عارفه اول مره ييجى بيتنا عريس يتفرج
رغم ان اخواتى البنات متجوزين
يمكن عشان كل واحده فيهم كانت مرتبطه بعريسها قبل الخطوبه و كانت مجية اهله عندنا مجرد شكليات .

انما انا طول عمرى رافعه شعار لا للارتباط
قولو على عسكرى بقه اى حاجه
لكن انا كنت شايفه انى لازم انتظر النصيب و ما فيش حد من اللى كانو عايزين يرتبطو بيا شكله نصيب خالص
شكلهم كلهم ناس عايزه تتسلى و انا مش بتاعة تسالى .

المهم روحت و لقيت الشغاله قاعده تلمع فى طقم الفضيه الشهير و مامى بنفسها بتطلع طقم الشاى التركى من البوفيه لحسن البنت تدشه والاستعدادات شغاله على ودنه .

مامى : نعم يا حبيبتى

:::جنى ::::مين محمد ابن طنط انعام و عرفنى منين

مامى : ما يعرفكيش يا حبيبتى و لا طنط انعام كمان دى واحده صاحبتى لسه متعرفه عليها النهارده الصبح

:::::: جنى :::: : اي ده يا مامى احنا هنهزر ازاى يعنى النهارده الصبح

مامي : و الله كنت عند الخياط باخد التايير بتاعى قابلتها هناك و بعدين واناباخد بنطلونك اللى كان بيضيق سالتنى انت عندك بنات قلت لها اه عندىالدكتورة جنى فى اعدادى صيدله قالت لى طيب ممكن نتعرف عليكم عشان اناعندى ابنى مهندس بترول فى السويس و ما بيجيش الا كل اجازه وهوه هنا و عايز يشوف بنتك

:::::جنى ::::: : يعنى من غير اى اساس كده يا مامى دى حتى ما تعرفش احنا مين و لا عيلتنا و لا اى حاجه

مامي : لا ماهو واضح ان الخياط كان مضبط معاها المعاد و قايلها علينا ده هوه اللى كلمنى النهادره و اصر انى لازم اروح اخد التايير

:جنى :: : ماشاءالله ده كمان خاطبه

مامي: يعنى اهو وسيله الناس تعرف بيها بعضها و مش حانخسر حاجه

:جنى ::: : خلاص يا مامى انا حاجهز و اجرب الموضوع ده هاها انا حاسه انى داخله انترفيو فى الجامعه ربنا يستر بقه و ما فضحكوش

مامي: لا انشاء الله تعدى على خير

و جاء العريس مع امه فى الميعاد تماما
كويس انا احب المواعيد الكويسه

بس كان جايب شكولاته كوفرتينا
انا بقه ما بحبش شكولاته كوفرتينا دى ربنا يستر بقه

و طلعت قعدت مع الناس و حسيت انى داخله على جهاز اشعه مش على انترفيو بس
يعنى طنط انعام قعدت تقيسنى من فوق لتحت بالقلم و المسطره و هى بتبوسنى حضنتنى جامد اوى مش عارفه ايه السبب و كان فاضل بس تطلعلى البندقه اكسرها بسنانى

بصيت للعريس و قعدت استنى تحصل حاجه زى اللى باسمع عنها فى الافلام و القصص
ما حصلش اى حاجه و لا كهربا و لا اى حاجه
بس الظاهر هوه حصل عنده عشان كان مش على بعضه خالص و عرقان ع الاخر
رغم ان الجو كان جميل

حكالى عن ظروفه و انه قاعد فى السويس عشان الشغل و ان مرتبه كويس و انه عايز عروسه تعيش هنا و تستناه لما يرجع من اجازته كل خمستاشر يوم

كل ده و انا عماله افكر
يعنى الواحد بيتولد و يفضل مع اهله من قديم الزمان لكن ينفع يختار اهل كده مايعرفهمش و يعاشرهم لحد اخر الزمان معقول

المهم القعده خلصت انهم اعجبو بى خالص و انه نفسه ييجى تانى بكره لوحده من غير مامته يقعد معايا شويه
ماما وافقت و ودعناهم و نزلو

و بعد ما نزلو مامتى سالتنى ايه رايك
قلت لها يا مامى ده انا باخد وقت اطول من كده عشان اانقى فستان عايزانى انقى عريس كده فى ساعه سيبنى افكر لحد بكره

عدل:: بسام : من رباط عنقه و تاكد من وجود اوراقه فى مكانها بالحقيبه قبل ان يذهب
لتناول الافطار مع والدته .

الام : صباح الفل يا حبيبى انت نازل بدرى النهارده .

بسام :::: ايوه يا ماما ادعيلى احسن النهارده اول مره ادخل سكشن و اشرح .

الام : داعيالك يا حبيبى و انت قدها و قدود و تاكد ان ربنا مش حايضيع تعبك .

يعنى معقوله المذاكره و الاجتهاد ده كله و اول دفعتك خمس سنين و تقلق من شويه

عيال فى اعدادى صيدله لسه جايين من المدارس الثانوى امبارح .

بسام :: : الطلبه بتبقى عندها ميزان حساس بصرف النظر عن سنها بتوزن بيه المدرس .

الام : و انت ان شاء الله تكون من الناجحين الموزونين ان شاء الله و اشوفك عريس يا

بنى يا رب .

بسام :: : ماشى يا ماما عايزه حاجه انا نازل .

الام : خليك كده كل ما نجيب سيرة الجواز تتهرب .

بسام :: : لسه يا ماما ما لقتش واحده تخطفنى و تخلينى احس انى لازم اقضى عمرى
معاها .

الام : يا حبيبى انت حاتتقدم و يحصل تعارف و بعدين ان شاء الله يحصل القبول .

بسام :: : نتفاهم بعد ما ارجع يا حبيبتى عشان انا لازم انزل سلام .

و قبل بسام امه و نزل و هو يفكر فى كلامها , هل من الممكن ان يتزوج بهذه الطريقه

ان يختار شريكة عمره وحياته لمجرد ان اهلها ناس
طيبين و انها حلوه و ست بيت

بشهاده الشهود
لا احد يعلم ماذا يخبئه النصيب لكنه دائما يستطيع ان يتمنى التوفيق من الله .

دخلت جنى الكليه ساهمه و سالتها منال صديقتها

منال : انتى مش طبيعيه النهارده يا جوجو

جنى ::: ايوه انا قلقانه اوى امبارح جالى عريس

منال : مبروك و اللى يجيلها عريس تقلق دى تفرح .

جنى : : ما هو انا ما حستش اى احساس بيه و خايفه اظلمه يعنى بس اعمل ايه .

منال : يعنى هوه لازم يكون حب من اول نظره .

جنى :: : ما قصدش حب من اول نظره لكن ع الاقل ارتياح من اول نظره , وهو جاى

النهارده تانى .

منال : طيب اديله فرصه يمكن من تانى نظره .

جنى :: : مش عارفه انا قلقانه و مش مبسوطه و صليت استخاره امبارح و يعنى

حاسه انى مش مرتاحه .

دخل الطلاب الى السكشن و كان عددهم قليل بعكس المحاضرات فتوفرت لبسام

الفرصه ان يراقبهم عن قرب

السعاده الممزوجه بالترقب و الطموح فى اعينهم و معها الفخر بالانتساب لكلية

الصيدله
فى جامعة القاهره العريقه لقد كان بسام احدهم يوما ووفقه الله الى كل ما حلم به

و بدأ بسام الكلام مع الطلبه و تعريفهم بمادته و بعد دقائق سمع قرعا على الباب

و ظهرت فتاتان متاخرتان عن الميعاد

و احتار ماذا يفعل هل يؤنبهما ام يتركهما تدخلان ام ماذا يفعل

ياه احداهما فى غاية الرقه و تبدو مثل الاطفال فى وداعتها و الثانيه متنمره و تنظر له

بتحدى........