ملكتني فأكتملت (الحلقه 21)❤❤
💖💖💖ملكتني فأكتملت 💖💖💖
بقلم_ولاءيحيي
الحلقه 21
نظر ريان إلى حياة الواقفه بجواره مصدومه مما قال توفيق وشعر بيديها تترك يده... فامسكها بقوة وقربها منه وهو يبتسم لها... ونظر إلى توفيق
ريان بابتسامه بارده : ابن مين يا باشا انا علاقتي بسونيا كانت خطوبه اكتر من كده محصلش...
يضحك توفيق عاليا وينظر إلى ريان : قولت اهزر مع الدكتورة (وينظر إلى حياة بنظرة خبيثة ويقترب ليسلم ) اصلي سمعت عن تغير لون عينها لما بتغضب وحبيت اشوفه
يمسك ريان يده بغيظ قبل ان يسلم على حياة الواقفه تنظر لهم دون فهم
ريان بغضب يداريه :ومسمعتش أن الدكتورة مبتسلمش على رجاله غريبه..
يقترب شخص من سونيا ويقف بجوارها... وينظر إلى ريان بكره وتكبر
ينظر إيهاب لريان بابتسامه بارده :وهو توفيق باشا غريب برده يا ريان
ريان باستغراب وضيق يداريه :إيهاب... بصراحة مفاجأة انت اخر واحد توقعت اشوفه هنا...
إيهاب بابتسامه واستهزاء :امال كنت متوقع تشوفني فين يا صاحبي... (وينظر إلى سونيا ويضع يده على ذراعيها) انا مكاني هنا مع مراتي وابني
يضحك ريان وينظر إلى توفيق : مش تقولوا كده... الباشا طبعا خرجك بعد ما اكتشف ان بنته حامل... و معرفش يشيلني الليلة فخرجك انت تصلح اللى عملته (وينظر إلى توفيق)بس خرجت ازاي... واضح ان ايدك واصله اوي يا باشا.. ومافيش حاجه بتقف قدامك
ينظر له توفيق ويبتسم: طبعا توفيق صادق ما فيش حاجه بتقف قدامه..(وينظر له بقوة) ولا حد يعرف يأخذ مكاني....
ريان بابتسامه : اكيد يا باشا انا اكتر واحد جربت ده
توفيق بابتسامه : ويارب تكون اتعلمت... (وينظر إليهم) اتفضلوا مش معقول هنفضل واقفين (وينظر إلى فايز) ازيك يا فايز... ريان نساني اسلم عليك
فايز :ولا يهمك يا باشا... (وينظر إلى سونيا) حمدالله على سلامتك يا هانم
سونيا بعدم اهتمام :الله يسلمك
كانت سونيا تنظر بضيق وغيرة إلى حياة التي تسير وهي ممسكة بيدي ريان...يجلس الجميع على طاولة كبيرة
تنظر سونيا إلى حياة بضيق : انا تقريبا اعرف كل إللى قاعدين...الا انتي
تنظر لها حياة ببرود: انا دكتورة روح الصفواني (فيكمل ريان وهو ينظر إلى سونيا بقوة)
ريان :مراتي.. (وينظر إلى حياة ويبتسم) دكتورة روح تبقى مراتي
تنظر سونيا إلى حياة بغضب وغيره... وتنظر لها حياة بقوة
سونيا بضيق :ماكنتش اعرف انك اتجوزت(وتنظر إلى حياة بتركيز) بس شكلك مش غريب عليا احنا اتقابلنا قبل كده
حياة باستهزاء :ايوه... اتقابلنا مره زمان (ينظر لها ريان باستغراب) بس هسيبك انتي تفتكري اتقابلنا فين وامتي
سونيا باستهزاء : اكيد كنتي واحده من إللى كان يعرفهم ريان واحنا مخطوبين
ينظر لها إيهاب بخبث : لا يا سونيا... ما اظنش كنت عرفتها على طول.. انا اول مره اشوف الجمال ده
ريان بغضب :وشكله هيكون آخر مره تشوف فيها خالص
توفيق بابتسامه : اهدي يا ريان.. احنا هنا عشان ننسى اي خلاف كان موجود بينا زمان... ونبدأ صفحة جديدة وترجعوا انت وإيهاب وسونيا أصحاب... انتم ما كنتوش بتفترقوا زمان
ريان بجدية :انا هنا علشان الشغل يا باشا مش علشان ارجع حاجه من زمان ... ريان بتاع زمان مش هو ريان اللى قاعد قدامك دلوقتي .. فياريت نتكلم في الشغل..
ينظر له توفيق بضيق ... ثم ينظر إلى إيهاب وسونيا
توفيق :اهتموا بالضيوف انتم لحد ما اخلص شغل.. مع ريان باشا
تقف سونيا وإيهاب... و يغادرون الطاولة بضيق وغضب.. وتقف سهر
سهر بدلع :انا كمان هاقوم .. اصلي ماليش في شغلكم
فايز :خدي معاكي كريم ابن عمتك يا سهر
تنظر لهم سهر بضيق :يلا ... يقف كريم بضيق.. وتتحرك خطوتين
ينظر ريان إلى حياة :روحي معاها يا حياة
تنظر سهر إلى حياة بضيق
حياة :لا(وتنظر إلى ريان بضيق وغضب) انا هاقعد معاكم...
تمشي سهر وتتركها... وينظر لها ريان بضيق
توفيق بابتسامه : واضح ان الدكتورة حبه تفهم شغلك
ريان بضيق :حضرتك عارف طبعا موضوع الشحنة اللى في الجمارك
توفيق :طبعا دا الجمارك والصحة مقلوبين بسببها... لو فايز ما كلمنيش في الوقت المناسب ولحقت أوقف الإجراءات كان زمانك مقبوض عليك... ورجعت السجن تاني
تصدم حياة وتنظر إلى ريان...وكان توفيق يتابع انفعالات حياةٍ
ريان بابتسامه :ما انا قولتلك يا باشا.. ريان بتاع زمان مش هو اللي قدامك.. انا لو عاوز احلها هحلها.. بس انا مش عاوز شوشره حاوليه الأيام دي...وعشان كده انا هنا... تخلص المشكلة دي... وتاخد عمولتك زي ما بتعمل مع الكل.... قولت ايه
ينظر له توفيق بغضب :ما فيش حد ممكن يخرجك من المشكلة دي غيري... دي شحنة اكل فاسدة يعني فيها مؤبد أو إعدام.. وانا هخلصها تعويض عن اللى حصل زمان... وعلشان خاطر فايز... هو واحد من رجَالتي
ريان ببرود :يبقى مش هنختلف... وشغلك اللى مع شركتي هيزيد طول ما مصلحتنا واحده
توفيق :اتفقنا... يا ريان باشا
ريان :هاستلم الشحنة امتى
توفيق باستغراب :شحنه ايه.. الشحنه احنا هنخلص منها بطريقتنا
يضحك ريان عاليا :تخلص من ايه يا باشا الشحنة بمليارات... انت عاوزني اخسر والا ايه.. انا عاوز استلم الشحنة دي... وانا هاخلص منها بمعرفتي
ينظر له توفيق بقوة :الشحنة دي لو حد كل منها هيموت
ريان بابتسامه :الأعمار بيد الله اللى مكتوب ليه يموت هيموت مش الحمه أو الفراخ اللى هتموته... وبعدين الشعب المصري معدته واخده على الاكل الفاسد سواء خضار أو فاكهة أو مياه. جت على اللحمة بتعتي يعني
يضحك توفيق عاليا. :مابقيتش سهل يا ريان... هخلصها ليك.. بس ابعد عن المحافظات الكبيرة... خليك في المتغطي
ريان بابتسامه :متقلقش... انا عارف اتصرف فيها ازاي
تقف حياة بصدمة وغضب... وينظر لها الجميع. وابتسامه الشماتة على وجوههم... وقبل أن تتكلم... نظر لها ريان نظره قويه غاضبة...
حياة بغضب :انتم ايه عصابة... انا
وقبل أن تكمل صرخ بها ريان :حياة اسكتي... مش عاوز اسمع كلمة منك... و اتفضلي روحي اشربي اي حاجه على ما اخلص شغل (وينظر إلى بوسي بقوة) خديها يا بوسي
تقف بوسي بابتسامه وتقترب من حياة :تعالى معايا يا دكتورة. نشرب حاجه ونسيبهم هم يشتغلوا
كانت حياة تنظر إلى ريان وهو ينظر لها بقوه وغضب... فلقد كان غاضبا يريد أن يقول لها الحقيقة... لا يريد نظرة الكرة التي يراها في عينيها
تمسك سمر يدي حياة.. ولكن حياة تدفعها بقوة... وتذهب.. وتسير حياة تائهه تصطدم بالجميع... فهي لا تعرف ماذا تفعل... اقترب منها كريم مسرعا عندما رائها على وشك السقوط
كريم بقلق :دكتورة .. دكتورة مالك
حياة بتعب ودموع :تعبانة.. قعدني
يمسكها كريم.. ويجلسها على إحدى الطاولات
كريم بحزن :حضرتك ايه اللي جابك مع الناس دى... دا مش مكانك يا دكتورة.. اكيد سمعتي شغلهم وصفقاتهم.. انا ببقي تايه زيك وانا بسمع.. وابقى نفسي أبلغ عنهم ويقبضوا عليهم كلهم... (ويكمل بحزن) بس افتكر ان بابا وماما معاهم.. فاسكت وادعي ربنا يهديهم
حياة بدموع :يهديهم... دول شياطين... شياطين... اعمل ايه يا ربي اعمل ايه
كريم بحزن : بلغي جدي رضوان.. اكيد هو هيقولك... انا كتير حاولت اقابله واقوله بس كنت برجع... بخاف يفتكرني زيهم.. هو اكيد بيكرهني علشان انا ابنهم.. (وينظر لها بحزن) بس انا والله ما زيهم.. انا نفسي اخلص الكلية علشان اسيبهم واسافر
تنظر له حياة وتمسح دموعها :صح هو جدي اللى هيقولى اعمل ايه... انا لازم اقوله... (وتنظر إلى كريم وتبتسم) على فكره جدي عمره ما بيكره... ولو شافك هيحبك.. وهيفرح بيك اوي...
كريم بابتسامه : وانا هاجي اقابله...انا من زمان نفسي ادخل بيت الصفوانيه.. واكون منهم
حياة بابتسامه :انت منهم يا كريم فعلا... انت مش كريم الصفواني.. (تبتسم وتنظر له) انا هاروح اغسل وشي.. ونمشي من هنا... تعرف الحمام فين
يقف كريم :هناك كده... تعال هاروح معاكي واستناكي ونمشي سوأ
تبتسم حياة.. وتسير مع كريم.. وتذهب إلى دوره المياه... ووقفت أمام المرأة تغسل يديها ووجها... ولكنها سمعت صوت احد يتألم داخل دورة المياه.. فذهبت إلى مصدر الصوة
حياة بقلق : يالى جوه انتي كويسه
سهر بألم :ايوه كويسه.. ابعدي
حياة باستغراب :سهر... هو انتي اللي جوه (لا تجيب سهر وتسمع حياة صوت انينها) سهر انا حياة... مالك فيكي ايه... افتحي خليني اساعدك
سهر بدموع :ابعدى وسبيني... امشي من هنا
حياة بضيق :مش همشي... قوليلي مالك وخليني اساعدك... افتحي يا سهر والا اروح انادي جدك وابوكي
قالت حياة كلماتها... فوجدت الباب يفتح.. وتخرج منه سهر وهي ممسك بيديها حقنه.. وربطه يديها.. وتحاول أخذها
سهر بدموع ورجاء : عاوزاكى تساعديني... اديني الحقنه دي... ايدي بتترعش ومش عارفة أخذها
نظرة حياة إلى يد سهر بصدمة.. فيديها زرقاء بسبب الحقن التي تأخذها... وقفت ترتعش وتبكي
سهر بدموع :ابوس ايدك اديني الحقنه... انتي مش قولتي هتساعديني... اديني الحقنه بقى.. اديهالى بسرعه احسن هموت
تقف حياة تنظر لها مصدومة وهي تقبل يديها أن تعطيها الحقن
حياة بصدمة : حقنه ايه دي.. دي ماكس... انتي مدمنه
سهر بدموع :ايوه انا زفت مدمنه... الحقيني هاموت اديني الحقنه... ابوس ايدك الحقيني
حياة بدموع :ما انتي كده بتموتي يا متخلفة
كانت سونيا ذاهبه إلى دورة المياه فراءتهم وسمعت فأخرجت هاتفها وقفلت خلفها الباب ترى ماذا ستفعل حياة
سهر بدموع :ابوس ايدك يا حياة ارحميني... ابوس ايدك.. اديني الحقنه وانا هاعمل كل اللى انتي عاوزاه... اديهاني وخدي الفلوس اللى عاوزاها... هعملك اي حاجه... بس اديني الحقنه ابوس ايدك يا حياة
تصمت حياة قليل وتنظر لها بحزن... وبعد تفكير تأخذ منها الحقنه وتنظر لها
حياة :انا هاديكي الحقنه... بس بعدها هتخرجي معايا من غير اي اعتراض.. وهتعملي كل اللي هقولك عليه
سهر بدموع :حاضر حاضر... هاسمع كلامك وهعمل كل اللى انتي عاوزاه.. بس اديني الحقنه بسرعه
تمسك حياة الحقنه. تمسك يدي سهر بحزن... وتقوم بأعطائها نصف الحقنه... مما جعل سهر تهدئ قليل.. ونامت بالأرض... وحياة جالسه أمامها.. تنظر لها بحزن
أغلقت سونيا هاتفها بعد ما قامت بتصوير فيديو.. وذهبت مسرعة دون أن يراها أحد
تقترب حياة من سهر وتساعدها على النهوض... وسهر تتحرك بين يديها دون اعتراض... غسلت حياة وجه سهر وقامت باسنادها إلى أن خرجت من دورة المياه... فتجد كريم واقف ينتظرها
حياة بتعب :كريم تعال بسرعه
يذهب كريم مسرعا إليها باستغراب : سهر!!! هي مالها
حياة :اسندها معايا خلينا نخرج من هنا بسرعه..
يمسك كريم بيدي سهر ويقوم بمساعدة حياة... و يذهبون إلى سيارة ريان
كريم :العربية مقفول.. اروح انادي المهندس ريان
حياة بضيق :لا المفاتيح معايا... سيبهم احنا هنمشي... لازم نلحق سهر.. اهو ننقذ حد فيهم
تفتح حياة السيارة وتساعد سهر على النوم على المقعد الخلفي
تنظر حياة إلى كريم: هتيجي معانا والا هتفضل هنا
كريم :هاجي معاكم طبعا مش هسيبكم
تعطيه حياةٍ مفتاح السيارة :سوق بسرعه وارجع بينا على قنا... بسرعه يا كريم
تصعد حياة إلى السيارة بجوار سهر... وتضع راسها على قدمها ويصعد كريم ويقود السيارة ويذهب مسرعا
وداخل الحفل ذهبت سونيا إلى الطاولة التي يجلس عليها ريان وتوفيق ومن معهم.. وتقف بجوار توفيق
سونيا بابتسامه :بابي... عاوزاك دقيقه... (وتنظر إلى الجميع) بعد اذنكم طبعا
يقف توفيق ويقترب من سونيا باستغراب
توفيق :في ايه يا سونيا
تبتعد سونيا مع توفيق قليل... وتعطيه الهاتف ليشاهد ما قامت بتصويره... اقتربت سونيا من الطاولة فنظر لها ريان
ريان بقلق :فين حياة يا سمر..
سمر بابتسامه :مشيت يا بشمهندس
يقف ريان بغضب :مشيت ازاي وراحت فين
سمر بدلع :معرفش شوفتها خارجه مع كريم.. رحت وراها لقيتهم ركبوا العربية اللى جيتوا فيها ومشيوا سووا هم الاتنين
قبل ان يتحرك ريان... سمع صوت ضحكات قويه... يطلقها توفيق وهو ممسك بالهاتف.. والتفت ينظر له
توفيق بابتسامه :على فين يا ريان...دا السهرة والشغل ابتدأ دلوقتي... وانت هتنفذ كل إللى هاطلبوا منك
#بقلم_ولاءيحيي
ماذا سيحدث وهل ستدخل حياة لعبة توفيق وماذا سيفعل ريان ليحميها .. نعرف الحلقة القادمة
التعليقات على الموضوع