هذا هو العشق 💕الحلقه 14💕

الفصل ( 14 )

و فى منزل الحديدى..كان شريف يقاسى احزانه كل من فى المنزل احس بمدى الم
شريف و صدمته فيمن ظن انها احبته لقد اكتشفت شهيره كذب لبنى فى كل ما ادعته بمساعدة شوكت زوجها ضابط امن الدوله
فهى لا تسكن فى المهندسين بل فى بولاق ، و الداها منفصلان ووالدتها ليست صاحبة مركز تجميل بل كوافيره فى محل يملكونه
تحت منزلهم و لبنى نفسها كانت تساعدها احيانا فى المحل قبل ان تدخل الجامعه
كان هذا المحل يدر دخلا طيبا استغلته امها كله فى تلميع ابنتها و الباسها احدث الازياء و اغلاها كانت لبنى هى مشروعها لاصطياد عريس ثرى و كل ذلك كان من الممكن الا يعيبها لكن الذى عابها فعلا هو الكذب و الادعاء و محاولةالظهور بغير حقيقتها
و الادهى من ذلك انه عندماواجهها شريف بما عرفه لم تهتز و لم يطرف لها جفن و قالت لو قلت لك الحقايق دىمن اول يوم عمرك ما كنت حاتعرفني لكن دلوقتى انت بتحبنى و ممكن تسامحني ما لم تعرفه عن شريف انه من الممكن ان يدوس قلبه بحذاءه قبل ان يسمح بان يكون مغفلا و قد كان مقتنعا تماما بكلام شهيره عندما حذرته من انه لن يثق فيها يوما ، كيف يمكن ان يثق فيها و هى تكذب بمثل هذه الاعصاب البارده
حاولت جنى ان تواسيه و كان قد مر اسابيع على صدمته ولكنه كان لازال حزينا

شريف : اللى مش مصدقه ان فيه انسانه ممكن تكذب باعصاب حديديه و ثابته كده

جنى : : : : انت لسه يا شريف بتفكر فيها

شريف : مش بافكر فيها كحبيبه لا هى صعبانه على كانسانهانتى مش حاتصدقى دى كانت ساعات بتتنطط على انا شخصيا
و تقولى بابى عمل و مامى سوت ، و انا خايفه يا شريف ما تعيشنيش فى نفس مستوايا تصدقى ؟

جنى : : : : انت لازم تنساها و تركز بقه انت فى اخر سنه و لازم تجيب تقدير زى
العاده

شريف : بس انا خايف منها يا جنى انا عايز اخطب ، باى طريقه ، هى مش سايبانى فى حالى سايقه على طوب الارض عشان نرجع لبعض و اسامحها و بتكلمنى بالساعات فى التليفون و انتى عارفانى

جنى : : : : طبعا عارفاك قلبك رهيف و مش ممكن تزعل حد

شريف : ايوااه عشان كده عايز اخطب عشان اتحجج بخطيبتى و ابعد عنها

جنى : : : : بس خطيبتك دى كده حاتتظلم

شريف : لا ابدا ، انا مش باحب لبنى ، انا عمرى ما حبيتها اصلا ، انا حبيت حبها لىو الجو الخيالى اللى كانت معيشانى فيو احساسى انها ممكن تعمل اى حاجه فى الكون عشان ترضينىبس هوه ده اللى حبيته

جنى : : : : يعنى عاوزنا ندورلك على عروسه من الاخر

شريف : لا انا لقيتها ، حلوه و مؤدبه و عارفين اصلها و فصلها و اهلها محترمينو كفايه انهم عشرة عمر ، و على الاقل لسه ما لحقتش تلبس ميت قناع زى غيرها

دخلت جنى غرفتها و تركت اخاها وهى تفكر بماذا أرد عليه ؟ انه يريد ان يخطب منال ، و منال مرتبطه بخالد و اخبرتنى انه سيتقدم لخطبتها الصيف القادم لكن هل فعلا منال تحب خالد ، ام
انه عريس و السلام كما يقولون ، ان منال لا يبدو عليها انها تحبه ، لقد توقفت عن الحديث معه حتى لا تثار حولها الاقاويل ، و هى لا تقابله و لا تكلمه حتى فى التليفون .هل من حقها على ان ابلغها ان اخى يود خطبتها ؟ هل ستترك خالد من اجله ؟و فى نفس الوقت هل من مصلحة صديقتى ان ترتبط بشريف الان و هو محطم نفسيا من اثرصدمته فى لبنى دى ؟
وهل من مصلحة اخى ان يرتبط بانسانه تحب غيره ، حتى تركت غيره من اجله ؟ تساؤلات حائره ، لم تخلص بعدها جنى الى قرار معين و نامت والافكار تتقاذفها ان هذه المسئوليه اكبر منها احسن حاجه تسال منال الولد خالد ده جاد ولا مش جاد معاها

منال برضه حبيبتى و شريف اخويا و كفايه انها سمعت كلامى لما نصحتها انها تبعد عنه

اما بسام فقد كان فى هذه الفتره يبذل ما فى وسعه فى المذاكره والتحضير للماجستير ، وهو غير واثق أنه لو جاءته فرصة السفر سيقتنصها ام سيرفضها من اجل جنى ليبق فى مصر و يعمل جاهدا لجمع بعض المال حتى من الدروس ليستطيع خطبة جنى
و فاتح بسام والدته فى موضوع الزواج و ووجدها فى قمة السعاده ، و اخبرته انها ستبيع اخر ما تملك و هو بيت صغير فى السيده زينب لم ترد ان تبيعه طيلة هذه السنوات رغم انخفاض ايجاره تركته للزمن حتى ينفع يوما فى زواج بسام يا حبيبتى يا امى ، يعنى سبتيه طول العمر ده رغم اننا ياما مرينا بزنقات ، عشان خاطر اليوم ده

اما جنى فطلبت ومن شريف تاجيل التفكير فى منال قليلا حتى تجس نبضها و تعرف ان كانت مرتبطه
و قد حاولت بالفعل جس نبضها يوما

جنى : : : : انت ما عدتيش بتكلمى خالد يا منال و الا ايه

منال : هه بتسالى ليه

جنى : : : : لا ابدا اصله واقف من الصبح هناك حتى ما صبحش عليكى ايه الادب ده ؟

منال : بنتعلم منك يا ستى ، يا بتاعة المدينه الفاضله ، بالذمه فى حد فى الزمن ده مقضيها شات الا انتى بس

جنى و قد اتسعت عيناها الجميلتان : امال انتى مقضياها ايه سعادتك
منال بارتباك : لا ابدا ، ده حتى الشات باقابله عليه قليل ، عشان المذاكره و كده

جنى : : انتى بتحبيه يا منال؟ يعنى لو كانت ظروفه وحشه و كده كنتى برضه حاتتمسكى بيه ؟

منال : مش عارفه يا جنى ، بس لو ظروفه صعبه ما كانش ينفع نتجوز ، و انا مش حاعيش طول عمرى مستنيه سراب

جنى : : : يعنى مش بتحبيه

منال : لا مش الحب الفظيع اللى ما بينيمش الليل زى حالاتك كده ، بس مستظرفاه و شايفه انه عريس كويس

جنى ضاحكه : طيب و لو اتقدملك عريس اكوس منه

منال : هوه عاد فيه عرسان فى الزمن ده ، لو ما مرطبتيش وانتى فى الجامعه مع حد يبقى شكرا جزيلا ، ان شاء الله لما يبقى عندك تلاتين سنه و عليكى خير و يجيلك بأه المطلق و الارمل ابو العيال و اللى عايز يتجوز على مراته
ما قدامنا يا بنتى النماذج دى

جنى : لا فيه احسن منه و عايزك فعلا ، و انتى صاحبتى يا منال و حبيبتى من زمان و اتمنى لك الخير ، و ما تتصوريش انا فرحت قد ايه لما رجعت عن اللى فى دماغك و بعدتى عن بخالد حسيت اد ايه انت قريبه منى
كفايه انى قدرت ارجعك لعقلك زى زمان

منال : انتى بتتكلمى جد يا جنى جايبالى عريس ؟
ابتسمت جنى لم ترد

منال : من فضلك يا جنى اتكلمى بقه ما تبقيش رخمه

جنى : بس خلاص انتى مش بتحبى خالد صح ؟ بدليل انك عايزه تسمعى
لو بتحبيه كنتى ادتينى بالقلم على وشى هاهاها

منال : لو ما اتكلمتيش حاديكى بالقلم فعلا
جنى : : : : طيب اهدى يا ستى ، اللى كلمنى عنك الدكتور شريف الحديدى اخويا

مرت ساعات على لقاء منال و جنى فى الجامعه
و مع ذلك لا تزال منال ساهمه منذ وصلت الى منزلها ، شريف الحديدى ، حلم بنات مصر كلها ، الطويل العريض الدكتور ، لاعب الاسكواش اللى واخد بطولات ، شبيه كريم عبد العزيز ، ده انا كنت ماشيه مع صندل .. عاوزني انا!! انا طول عمرى نفسى يبص لى بس و لما كان يبص كنت انزل عينى فى الارض من كسوفى منه ، ده احلى منى طيب و خالد ؟ اقوله ايه بس ؟ دهمغرقنى هدايا و بارفانات و فسح
فسح ايه يا عبيطه ؟

انتى عارفه يعنى ايه شريف هشام الحديدي؟؟
يعني العين السخنه ومارينا واسبانيا كمان لو عايزه عربيه فور باي فور وفرح في ماريوت ولا الفرو سيزون
يعنى تسكنى مع جنى فى نفس العماره اللى كنتى بتتباهى قدام قرايبك انك بتدخليها
شريف ؟؟؟؟؟؟؟؟؟؟؟
معقوله ؟!؟ ؟
انا مش مصدقه نفسى وفى اليوم التالى طلبت منال من خالد ان تقابله فى بيته و كانت تنوى ان تجس نبضه
و ذهبت فى ميعادها و قد تجملت اكثر من اى مره قابلته فيها
و بينما هى فى احضانه سالته :
خالد انت ناوى فعلا تخطبنى

خالد : ايه السؤال الغريب ده دلوقتى امال يعنى كل اللى بيننا ده ايه

منال : ايه كل اللى بيننا ؟ رد انت على السؤال ده

خالد : بحبك و حاتجوزك بس الظروف يعنى

منال : اصل بابا و ماما بدأوا يضيقوا على قوى فى الخروج و الدخول و كمان متقدملى عريس

رد خالد و قد انتفض و تركها و قام من مكانه :

عريس ....اه قولى كده بقه

بصى يا منال انا الرسم ده ما يمشيش معايا
عريس يا ختى روحى اتجوزيه الف بركه ، انا ما حبش اساليب الضغط بتاعة البنات دى اصلى انا مش تلميذ و لا اوعى تكونى فاكره نفسك ما حصلتيش و اللا حاجه

منال متباكيه : بس انت فهمتنى انى اول حب فى حياتك و اننا حانتخطب

خالد : بصى انتى كنتى عايزه تسمعى حاجه معينه فسمعتهالك و انا و انتى عارفين ان لسه قدامى سنين قبل ما اخلص كليه و اعرف اتجوز
العلاقه بيننا طول عمرها واضحه و صريحه هات و خد .........