رواية حب الي النهاية الحلقة 35
🌟 الحلقة ٣٥ 🌟
.
🌟🌟🌟🌟🌟🌟🌟🌟🌟🌟🌟🌟🌟🌟🌟🌟
.
جويرية / ياسمين متديقيش بابا عندو اجتماع مهم
ياسمين بتبوس جويرية وبتخرج ومبسوطة اوى و محمد بيبوس جويرية من خدها وبخرج وبيقبلو مؤيد داخل العمارة
ياسمين / مؤيد انا ريحة مع بابا الشركة
مؤيد / ربنا معاكو
محمد / مؤيد انت كويس
مؤيد / اة كويس انا هطلع احسن جسمى عرقان اوى
ومؤيد بيدخل الاسنسير و محمد بيبصلو اوى وهو طالع
وبيمشى هو ياسمين
محمد بيدخل الشركة ومعاة ياسمين ماسكة فى دراعو وكل الموظفين بيحيو محمد وبيبصو لياسمين اوى باستغراب
محمد / مصطفي
مصطفي بيكون واقف مع موظفين ومتعصب عليهم اوى وصوتو عالى و محمد بيروح على المكتب ومعاة ياسمين
ياسمين / وااو دة مكتبك
محمد / عجبك
ياسمين / شكلو مخيف اوى
محمد بيضحك عليها و ياسمين بتلف المكتب وبتشوف مكتبة
ياسمين / المكتبة دى بتعتك.
محمد / اكيد طبعا مش انتى لوحدك الى بتحبى القراية
ياسمين / ماما قالتلى انك بتحب القراءة
محمد / بس بعد ما اتعرفت على والدتك نستنى القراءة
ياسمين بتضحك وبيدخل مصطفي متعصب اوى
مصطفي / محمد انت بعت امر التشغيل ازااى
محمد / كان لازم المكن يشتغل امال عوزنى اوقف الانتاج علشان حاجات تافهة
مصطفي / الحااجات التفاهات دى بالنسبالى مهمة جداا كان لازم تاخد راى الاول انا الى مسؤال عن الانتاج فى الشركة دى
ياسمين وقفة مخضوضة اوى من الى شيفااة انهم بيتخنقو
و بتخاف وبترجع خطوة
محمد / لو خلصت كلام ابعتلى كشف ايرادات شركة السياحة
مصطفي / تحت امرك يا فندم بعد ازنك
مصطفي بيخرج ومتعصب اوى وبيقفل الباب بقوة و ياسمين
بتتخض وعيونها على الباب
محمد / ياسمين ياسمين
ياسمين سرحانة وبتفكر
محمد بصوت عاالى اوى / ياسمين
ياسمين بتصرخ اوى من الخضة و محمد بيروحلها بسرعة
محمد / حببتى مالك
ياسمين / ازااى انت شرير كدة مع عمو مصطفي انت كلمتو بطريقة وحشة جدا
محمد بيضحك
محمد / حببتى الشغل حاجة والصداقة حاجة تانية انتى لسة
صغيرة وهتتعلمى دة كلو لما تكبرى
مصطفي بيدخل المكتب
مصطفي / الملف اتفضل واعمل حسابك الاجتماع كمان ربع ساعة
محمد / شكرا
مصطفي لسة هيخرج
محمد / مصطفي
مصطفي / نعم
محمد / انت و اسماء والاولاد معزومين على العشاء عندى النهاردة
مصطفي / جهز البلاستيشن علشان هاخد طاار المعركة الى فاتت
مصطفي بيبص لياسمين
مصطفي / ياسمين مالك وشك اصفر لية انتى كويسة
ياسمين بتبص لمصطفي و محمد
ياسمين / انا اول مرة اشوف كدة
ياسمين بتخرج و محمد بيضحك و مصطفي مفهمش هى بتقول اية
مصطفي / هى ملها
محمد / متشغلش بالك روح انت كمل شغلك
ياسمين بتخرج من المكتب وبتتفرج على الشركة وبتقابل
والموظفين بيستغربو ياسمين جدا وبيتكلمو مع بعض وبيسالو عوزين يعرفو ميين دى
ياسمين / هاااي
موظفة / اهلا بيكى
ياسمين / اهلا
الموظفة / بتتكلمى عربى.
ياسمين / اة
ياسمين مبسوطة اوى
الموظفة / انتى الى جيتى مع البش مهندس من شوية
ياسمين / بش مهندس ميين
الموظفة / البش مهندس محمد
ياسمين / اة باابى اااة انا.
الموظفين بيتخضو وبيبصو لياسمين اوى وكل واحد بيشوف شغلو بسرعة وبيسيبو ياسمين وقفة و ياسمين بتروح عليهم
ياسمين / فى اية انتو خايفين لية
الموظفة / انتى فعلا بنت البش مهندس محمد
ياسمين / انتو مستغربين لية كدة
الموظفين / اصل احنا اول مرة نعرف انو متجوز اصلا
والموظفين بيشوفو محمد بيخرج من مكتبو وكل واحد بيروح على شغلو بسرعة و ياسمين بتبص وره بتشوف محمد جاى عليهم وبيروح على ياسمين
محمد / حببتى بتعملى اية
ياسمين / كنت بتكلم معاهم
ياسمين بتبصلهم
محمد / تعالى ياروحى معايا افرجك على فرع الانتاج هناا
محمد بيلف دراعو علي رقبة ياسمين وبيمشى والموظفين بيبصلهم اوى
الموظفين / اول مرة فى حياتى اشوفو مبتسم شوفتو بيعامل بنتو ازااى ياربى
الموظفة / ياسلام لو كان عندى بابا زى دة دة انا مكنتش سبت ايدو دقيقة وحدة مش الى بيقلى غورى يا زفتة وروحى يا جرمة
والموظفين بيضحكو
ياسمين / هم خايفين منك لية كدة واستغربو ان انا بنتك كمان
محمد / حببتى هما مش خايفين دة بيكون احترام مش خوف
ياسمين وبتمسك فى راع محمد ومبسوطة اوى وبيخدها بيفرجها على الشركة والسكرتيرة بتيجى لمحمد بتمضى منو اوراق و ياسمين بتدخل بين الماكينات وبتتفرج عليها محمد بيكلم و ياسمين وهى مبتردش علية وبيبص جمبو وبيتخض انها مش جمبو وبيسيب الاوراق للسكرتيرة
محمد / ياسمين ياسمين
ياسمين مش سمعاة من صوت الماكينات وفى ماكينة وقفة
مش بتشتغل وبتفتحها وبتبص فيها و فجاة بتشتغل
و ياسمين بتصرخ وبترجع بضهرهاا بخاف وكانت هتخبط فى
ماكينة تاانية وفى شاب بيجى بيلحقها بسرعة و محمد بيروح عليها والشاب دة ماسك ياسمين فى حضنو و محمد بيمسك الشاب دة من هدومه بقوة
محمد / عملتلها اية
ياسمين / بابى مفيش حااجة انا بس اتخضيت من الماكينة
دى اشتغلت فجاة
محمد / انت ميين
وبيجى واحد كبير فى السن بيجرى عليهم
محمد / يا اوسطى محمود دة ميين انا اول مرة اشوفو هناا فى الشركة
الشاب / انا كريم
الاوسطة محمود / دة كريم ابنى فى كلية هندسة ولو فى
اى مشكلة فى الماكينات بيجى بيساعدنا بعد الكلية يعنى
كريم ايدو فيها شحم و بيمسحها وبيسلم على محمد
محمد / اهلا بيك انا اسف على انى اتعصبت عليك
كريم / لا ولا يهمك يافندم
ياسمين / شكرا انا ياسمين
محمد / ياسمين بتكون بنتى ياسمين دة الاوسطى محمود كبير المكان هنا وخيرو على المصنع كلو
ياسمين بتسلم على الاوسطى محمود ومبتسمة اوى
الاوسطى محمود / اهلا بيكى يا بنتى اسف انى قولتلك بنتى
محمد / مهى زى بنتك برضو يا اسطى محمود
الاوسطى محمود / ربنا يخليك لينا ياارب
محمد / انت فى كلية هندسة
كريم / لسة فى سنة تانية لسة قدمي مشوار طويل
محمد. / وانت الى صلحت الماكينات الى كانت وقفة
الاوسطى محمود / لما حضرتك اتصلت وقولتلى انى اتصرف ولازم تتصلح اتصلت بكريم وقالتلو انو مش هيمشى من الشركة لحد يصلحهم كلها زى ما حضرتك امرت
محمد بيخبط على كتف كريم ومبتسم اوى
محمد / برافو عليك ليك عندى مكافاة هتعجبك
كريم / شكرا يافندم
محمد / تعلالى فى مكتبى بعد لما تخلص
محمد بياخد ياسمين وبيمشى و ياسمين بتبص لكريم وبتبتسم اوى وكريم بيتكسف اوى لما ياسمين بصتلو وبيبتسم لياسمين
.
**********************************
.
فى الليل
جويرية بتدخل اوضة مؤيد و مؤيد بيعزف على الجيتار معزوفة حزينة وباين علية مدايق اوى
جويرية / مؤيد حبيبى الضيوف على وصول يلا غير هدومك
مؤيد / حاضر ثوانى بس
جويرية بتخرج وبتروح لياسمين فى اوضتها قاعدة بتقرا فى كتاب
جويرية / ياسمين الضيوف على وصول
ياسمين / حاضر يا ماما ثوانى بس
جويرية بتخرج و بتروح على اوضة محمد وبيكون قاعد معاة ملف فى ايدو وبيشتغل
جويرية/ محمد الضيوف على وصول ممكن تغير هدومك
محمد / حببتى ثوانى بس
جويرية / لاااا كدة كتيير اوى اروح لمؤيد يقولى ثوانى ياسمين ثوانى وانت ثوانى كدة كتيير بجد
محمد بيسيب الملف من ايدو وبيروح لجويرية وبيمسكها من خصرها وبيشدها علية بقوة
محمد / حببتى متعصبة لية..
جويرية / خايفة من مواجهتهم اوى خصوصا منة
محمد بيبسها من شفايفها 💏
جويرية/ محمد انا بتكلم بجد
محمد بيبسها من شفايفها تانى 💏
جويرية بتضحك اوى وبتحضن محمد اوى
و بعد دقايق الباب بيخبط
جويرية / محمد وصلووو وصلوو
محمد / هروح افتح الباب
.
**********************************
.
محمد بيفتح الباب وبتكون اسماء و مصطفي وحياة وخالد
مصطفي / جعاان
اسماء / انت كدة فضحنى على طول عامل اية يا محمد
محمد/ يعنى انتى عندك مطعم كبير وجوزك جعاان ازاى
وبيضحكو وبيدخلو يقاعدو
مصطفي / وائل لسة موصلش
اسماء / على وصول كنت بكلم منة من شوية وهما على وصول
والجرز بيرن تانى و محمد بيفتح الباب وبتكون منة و وائل ومعاهم ميرو و لمي بنتهم هم بيشبهو منة جدا والبنات بيتجموعو جمب حياة وبيبداو الرغى
منة / محمد انت قولتلنا ان فى مفاجاة عندك
محمد / هى مفاجاة كلنا كنا مستنينها من سنيين
وائل / انت لسة هتقول فوزير يا عم خلصنا بقي
جويرية بتنزل من السلم الحلزونى هى ومؤيد و ياسمين
والكل بيبصلها اوى باستغراب
حياة للبنات
حياة /شوفو هو دة الموزة الى بقولكو علية
والبنات بيضحكو اوى
اسماء / جويرية
جويرية بتبتسم لاسماء اوى و اسماء بتصرخ وبتجرى عليها
وبتحضنها اوى
اسماء / جويرية انتى ازاى تعملى فينا كدة ازااى
جويرية / اسماء خلينا ننسا الى حصل المهم ان انا هنااا معااكو دلوقتى
اسماء بتحضن جويرية اوى ومبسوطة و اسماء بتبص لمؤيد و ياسمين
جويرية / دى اسماء خالتكو وبتكون بنت عمى كمان
ياسمين ومؤيد بيتعرفو عليها و جويرية عنيها على منة
و منة وائل مبيتحركوش من مكانهم
جويرية / منة
منة / محمد انا شايفة انك مقولتش على المفاجاة بتعتك هى اية
محمد / منة خلينا نتكلم بهدوء
جويرية بتروح على منة
جويرية / منة انا عارفة ان من حقك انك تزعلى منى
منة / انا لا ابدا مش زعلانة اهلا بيكى بينا من جديد مبرووك يا محمد رجووع مراتك الى كنت هتموت من غيرهااا
جويرية / منة
منة / اة انا منة شوفى دة وائل جوزى كان ليا وحدة زمان كانت اعز اصحابي وكانت اكتر من اختى كانت رووحى
هى الى عرفتنى علية اصلو زملها فى الجامعة وشوفى دوول البنتين دول اة انتى مش فكراهم اة انتى اخر مرة شفتيهم امتى كان عندهم سنة تقريبا صح اهلا اهلا بيكى
منة بتخرج من الشقة وبتعيط
جويرية / وائل
وائل بيروح على جويرية وبيبسها من جبنها
وائل / انتى متعرفيش منة كانت عاملة ازاى من غيرك
لازم نمشى يلا يا بنات
وائل بياخد البنات وبيخرجو و جويرية بتعيط و محمد بيروح عليها جويرية بتحضنو اوى
جويرية / انا جرحتكو اوى
مؤيد بيدايق وبيروح على اوضته وبيقفل الباب وبيرجع
للجيتار بتاعو من تانى
اسماء / منة كانت بتدور عليكى زى المجنونة كل يوم وكانت متخيلة انك فى اى وقت هتتصلى بيها او تخبطى عليا
جويرية / انا كنت موجووعة وكان لازم ابعد
اسماء / بس انتى بعدتى اوى يا جويرية ولايهمك كام يوم وكل حاجة ترجع زى الاول
مصطفي بياخد اسماء والولاد وبيمشو و جويرية بتعيط اوى
.
**********************************
.
فى الصباح
محمد و جويرية بيروحو لوائل و منة البيت و لمي بتفتح الباب لجويرية
لمي / اهلا يا طنط اتفضلى
محمد و جويرية بيدخلو
منة / لمي ميين الى بيرن الجرز لو البواب قليلو ياخد الزبالة وهو نازل
جويرية بتدخل لمنة المطبخ
جويرية / منة
منة بتسمع صوت جويرية مبتبصلهاش
منة / اهلا وسهلا البيت بيتك
منة بتغسل اديها وبتخرج من المطبخ وبتشوف محمد
منة / اهلا يا محمد اتفضل انت واقف لية لمي اعملى لعمك محمد القهوة
منة بتروح على اوضتها و محمد زعلان اوى على جويرية
لمي / ماما منمتش طول الليل
وائل بيدخل الشقة
وائل / منة انا وصلت
وائل / محمد جويرية اهلا
جويرية بتى
جويرية / انا اسفة
وائل بيروح عليها وبيحضنها اوى
وائل / حمدالله على سلمتك فين منة
جويرية/ دخلت الاوضة مش عوزة تبصلى حتى
وائل / روحلها
جويرية بتبص لمحمد و محمد بيبتسم لجويرية اوى وبيضمها
وجويرية بتروح لمنة الاوضة وبتدخل الاوضة وبتشوف منة قاعدة على السرير و جويرية بتروح تقاعد جمبها
جويرية / منة انا
منة / غبية انتى غبية
منة مش بتبصلها حتى و جويرية دمعها بتنزل
جويرية / منة صحبتى واختى
كنزة / انا ولا صحبتك ولا اختك انتى معملتيش اعتبار لعشرة السنين
جويرية بتعيط اوى
جويرية / منة وحشتينى بجد
منة بتبص لجويرية اوى وبيحضنو بعض اوى وبيعيطو هما الاتنين وبيقعو من على السرير وبيصرخو و محمد و وائل بيجرو على الاوضة بسرعة وبيدخلو وبيشوفو
منة و جويرية على الارض وبيضحكو اوى هم الاتنين
و محمد و وائل بيروحو عليهم وبيوقفوهم و جويرية ماسكة دمغها و منة و جويرية بيبصو لبعض وبيحضنو بعض اوى
وائل و محمد بيخرجو وبيسبوهم لوحدهم تانى
منة / جويرية محمد كان تعبان اوى لما روحتى كان زى المجنون كان بيمشى فى الشوارع يدور عليكى فى كل حتة حرام يا جويرية كان ميت من غيرك
جويرية بتحضن منة اوى وبيخرجو لوائل و محمد و جويرية بتبص لمحمد اوى وبتروح تحضنو اوى وبتعيط
محمد / جويرية حياتى
جويرية بتعيط وحضنة محمد اوى و محمد بيخاف اوى عليها
محمد / منة انتى
منة / متقلقش عليها العياط دة كان فى قلبها من ١٦ سنة
محمد بيرفع عيون لجويرية وبيبصلها اوى و جويرية بتبصلو ودموعها بتنزل وبتشوف دموع محمد بتنزل و محمد بيضمها اوى
.
**********************************
.
مؤيد فى الاوضة بيعزف على الجيتار و ياسمين بتدخل لمؤيد
ياسمين / مؤيد
مؤيد مبيردش عليها وبيعزف
ياسمين / مؤيد مؤيد
مؤيد بيبصلها وبيتعصب
مؤيد / قولتلك اكتر من مرة لما بكون بعزف مبحبش حد يتكلم معايا
ياسمين / احنا من اليوم الى رجعنا فية مصر وانت عصبيى
وحتى مبتتكلمش معايا
مؤيد / ياسمين روحى من هنا خلينى اركز
ياسمين / فيين بابا وماما
مؤيد / راحو عند صاحبة ماما
ياسمين / طب انا بتصل بيهم مفيش حد بيرد لية
مؤيد / يعنى انا اعمل اية
ياسمين بتزعل من مؤيد وبتخرج من الاوضة وبتقاعد فى الرسبشن لوحدها ومديقة وبتخرج من البيت وبتخرج بتتمشى وفى اتنين شباب بيعكسوها و ياسمين مبتردش عليهم وبتمشى وبيفضلو وره فترة بيكلمو فيها وهى مبتردش عليهم
وبتتطر انها تروح اماكن متعرفهاش علشان تبعد عنهم وبتدخل فى شوارع كتيير لحد ما بيبعدو عنها ياسمين بتبص وره وبتتاكد انهم مشيو خلاص بتتنهد اوى وبتحاول تفتكر طريق البيت ومش عارفة منيين
وبتوقف واحد بتسالو عن البحر منين وبيوصفلها طريق البحر وبتوصل ومش هى المنطقة الى فيها العمارة دى منطقة صيد وفيها مراكب وخافت اكتر وبتقاعد على مركب بتفكر
ياسمين / انا غبية حتى ماخدتش معايا الموبيل بتاعى
والناس بتبص لياسمين باستغراب على لبسها وكانت لبسة
جيب قصير اوى وبدى من غير اكمام و ياسمين بتبص لهدومها والناس مستغرباها اوى وفى عربية فيها اتنين شباب بيقفو وبيكلموها انها تركب معاهم
ياسمين / شكرا
الشباب بيديقوها اوى و ياسمين بتخاف منهم اوى وبتوقف تاكسى وبتركب فى التاكسى
السواق / فين يا انسة
ياسمين بتشوف الشباب وقفين بالعربية جمبها وبيضحكو
ياسمين / لو سمحت امشى دلوقتى
والتاكسى بيمشى
التاكسى / هتروحى فيين يا انسة
ياسمين خايفة ومش عارفة تروح فيين ولا تقول اية
.
**********************************
.
جويرية و محمد بيرجعو البيت
مؤيد / ياسمين
جويرية / مؤيد فين ياسمين
مؤيد / كانت فى اوضتي بتسال عليكو واتعصبت عليها
ولما خرجت علشان اصالحها ملقتهاش نزلت ادور عليها حولين العمارة مش موجوودة
جويرية / محمد ياسمين
محمد / جويرية اهدى ياسمين مش طفلة صغير يمكن راحت على الشاطئ
مؤيد / انا هروح ادور عليها هناك
محمد بيتصل بموبيل ياسمين وبيسمعو الموبيل فى البيت
و جويرية قلقانة اوى
محمد / حببتى متقلقيش يمكن بتتمشى شوية عادى هتلقيها ملت من البيت
وردة ✍️
.
التعليقات على الموضوع