رواية حب الي النهاية الحلقة 33
🌟 الحلقة ٣٣ 🌟
.
🌟🌟🌟🌟🌟🌟🌟🌟🌟🌟🌟🌟🌟🌟🌟🌟
.
محمد / خليكى شوية
جويرية بتقاعد جمبو على السرير و محمد بيبصلها اوى وماسك اديها
محمد / متغيرتيش ابدا نفس نظرة عنيكى
جويرية / بالعكس اتغيرت كتير انا مش جويرية بتاعت زمان انا اتغيرت يا محمد
محمد / خلينا نلم الى باقى مننا تانى
جويرية بتسحب اديها من محمد وبتبص للارض
جويرية / بيتهيقلى مبقاش ينفع ولا انا جويرية الى حبتها زمان ولا انت محمد الى حبيتو زمان
محمد بيمسك ايد جويرية
محمد / خلينا ناخد فرصة تانية
جويرية / زمن الفرص انتهي انت لازم تهتم بصحتك وارتاح انا لازم اروح
محمد / بعد السنين دى كلها مقدرتيش تنسى غلطة واحدة غلطها زمان
جويرية / غلطة وحدة دمرتنى كسرتنى انت كسرتنى
محمد بينزل من السرير وبيمسك دراعو وبيتالم و جويرية بتعيط وبتديلو ضهرها وبتخبى دموعها و محمد بيروح عليها
وبيحضنها من ضهرها وبيشم ريحتها
محمد / جويرية
جويرية / ارجووك انا كنت مرتاحة وانا بعييد
جويرية مبتقدرش تبص فى عيونو وبتخرج من الاوضة
جويرية / ياسمين خلينا نروح يلا
ياسمين / ماما خلينى مع بابا
جويرية / ياسمين يلا خلينا نمشى كفاية بقي يلاااا
محمد بيخرج من الاوضة
محمد / جويرية هتهربى تانى
جويرية بتبصلو اوى
جويرية / مبقاش ينفع الهروب
مصطفي / محمد انت تعبان بلاش تنفعل اكتر
جويرية/ ياسمين خلينا نمشى
ياسمين بتمشى مع جويرية و محمد بيبص لياسمين اوى وهى ماشية مع جويرية و ياسمين كل شوية بتبص وره على محمد
محمد / مش عارف جويرية جابت القسوة دى منين
مصطفي / البعد بيعلم الاسى يلا انت لازم ترتاح
محمد / انا همشى من هنا مش لازم اضيع ولا لحظة تانى
مصطفي / محمد
محمد / مصطفي انا قررت مش هضيع وقت تانى
.
**********************************
.
بعد ساعة محمد بيقف بالعربية تحت بلكونة جويرية
مصطفي / محمد خلينا نروح الاوتيل ترتاح
محمد عيونو على البلكونة وبيشوف مودى بيخرج وبيركب
الموتوسكل بتاعو وبيمشى
محمد / امشى وره بسرعة
مصطفي بيسوق العربية وبيمشى وره مودى وبيقف قدم
نادى ومودى بيدخل و محمد بيدخل وره وبيدور على مودى و بعد عشر دقايق بيشوف حلبة وحوليها شباب وبيسقفو وبيشوف مودى بيطلع الحلبة وبيجهز نفسو انو هيلاكم شاب زيو فى السن
محمد / مصطفي دة ابنى
مصطفي بيطبطب على كتف محمد بحب وبيروح يتفرج على مؤيد ومؤيد بيشوف محمد واقف و محمد بيبتسم لمؤيد ومؤيد باين علية بيتعصب اوى وبيبدا اللعب ومؤيد رشيق جدا
محمد مبسوط اوى والشاب الى قدمه بيضرب مؤيد و محمد بيتالم لما الشاب بيضربو ومؤيد بيرد الضربة وبقوة والناس مبسوطة اوى ومؤيد بيشوف ان محمد مبسووط اوى ان مؤيد هيكسب الشاب
مؤيد بيستسلم للشاب وبيخلى الشاب يضربو وبقوة و مؤيد عمل كدة لما عرف ان محمد بيتالم لما هو بيضرب ومؤيد بيسيب الشاب بيضربو وبقوة ومبيحاولش يدافع عن نفسو
و محمد متعصب اوى ومبيقدرش يشوف مؤيد بيتضرب
و بيخرج بسرعة من القاعة
مصطفي / محمد
محمد / انا عارف انو بيحاول يوجعني
ومؤيد بيخرج و محمد بيروح علية
محمد / مؤيد استنى لازم نتكلم
مؤيد / مليش كلام معااك وابعد عن طريقى
محمد / انا عارف انك بتحاول توجعني صح واستسلمت للشاب ومحولتش تدافع عن نفسك
مؤيد بيرجع محمد بيقف قدمه
مؤيد / لو وجعي بيوجعك انا مستعد اوجع نفسى علشان تتالم اكتر علشان تحس بكمية الالم الى امى اتالمتها انا كنت لما بقلق بالليل اشفها قاعدة ومسكة صورتك وبتعيط
محمد / انا غلطت ودورت عليكو
مؤيد / لااا مدورتش كفاااية مكنش كفااااية
ومؤيد بيصرخ فى وش محمد بقوة
مؤيد / لو مبعتش عناا انا هوجعك اكتر انت فااهم
مصطفي / مؤيد متنساش ان دة ابووك
مؤيد / ادينى دليل واحد انو ابوويا دة انا كرهت شكلى علشان شبهك بس انا مش هطلع زيك ابدا
ومؤيد بيركب الموتوسكل وبيمشى
مصطفي / انت ازاى تسيبو
محمد /مصطفي خليه يخرج كل الغضب الى فى قلبو وبعدها
انا متاكد ان كل حااجة هترجع احسن من الاول
.
**********************************
.
جويرية فى البيت قاعدة سرحانة
ياسمين / ماما انا خارجة
جويرية/ ياسمين ريحة فيين
ياسمين / كنت وخدة كتب من المكتبة ونسيت ارجعها لازم اروح
جويرية / متتاخريش
ياسمين بتخرج وبتوقف تاكسى وبتمشى ومؤيد بيرجع البيت وبيدخل وبيحاول يخبى وشو من جويرية
جويرية / مؤيد
مؤيد بيقف وبيديها ضهرو بقلق
جويرية / مؤيد بوصلى
ومؤيد بيبصلها
جويرية / اية الى عمل فيك كدة اتكلم
مؤيد بيدخل اوضته ومش بيتكلم ومتعصب اوى و جويرية بتروح وره
جويرية / مؤيد انا بكلمك رد عليااا
مؤيد / ماما لو سمحتى انا تعبان ومش عاوز اتكلم مع حد
جويرية / مؤيد تصرفك مع ابوك مش عجبنى انا عمري ما قسيت قلبكو علية اى خلاف بينى وبينو دة يخصنا احنا الاتنين
ومؤيد بيتعصب وبيضرب التربيظة برجلو بقوة
مؤيد / اية انتى مستحيل تسمحيه على الى عملو فيكى
جويرية / مؤيد وطى صوتك وانت بتتكلم
مؤيد جواة غضب شديد
جويرية / حبيبى اهدى شوية و ارتاح
جويرية بتخرج ومؤيد اخوها بيدخل البيت
مؤيد / جويرية عاملة اية
جويرية / مؤيد انا مش عرفة مودى امتى اخد الموقف دة من ابوة من قبل ما يعرفو
مؤيد /جويرية مؤيد من حوالى تلات سنين لما كان فى مصر راح يدور على محمد لحد ما لقاة ولما شافو كان خارج مع ولاد وبنات فى سن مؤيد وكانو بيضحكو ومبسوطين اوى وكان بيعاملهم زى ولادوه يعنى نوع من الغيرة كانت جوواة واتحولت كراهية
. **********************************
.
محمد فى اوضة الفندق والباب بيخبط و بيفتح الباب وبيشوف ياسمين وبيحضنها اوى
.
محمد / حببتى تعالى
محمد بياخد ياسمين من اديها وبيخليها تقاعد جمبو
محمد / مش بتتكلمى ليه اتكلمى عاوز اسمعك
ياسمين / انت كويس
محمد بيحط ايدو على خدها بحنية وبيبسها من خدها
محمد / انا بخير يا روحى انتى بتدرسى اية هااا عاوز اعرف كل حاجة عنك كل حااجة
ياسمين بتحكيلو عنها
محمد / ياسمين ماما تعرف انك هنا
ياسمين بتسكت
محمد / حببتى يلا خلينى اوصلك البيت يلا
ياسمين / خلينى معاك شوية خايفة احسن مشفكش تانى
ياسمين بتحضن محمد اوى وبتعيط و محمد دموعو بتنزل
محمد / حببتى لازم ترجعى لماما دلوقتى هى اكيد قلقانة عليكى
ياسمين / لا مشى هتكون قلقانة ولا حاجة
محمد / مفيش حد هيعرف امك اكتر منى يلا خلينى اوصلك
ياسمين و محمد بيروحو على عربية محمد وبيمشو
.
**********************************
.
بيوصلو قدم البيت و مودي بيشوف ياسمين بتحضن محمد وبيروح عليهم وبيشد ياسمين من حضن محمد
ياسمين / مؤيد انت بتعمل اية
مؤيد / انتى اية الى بتعملية دة مع الشخص دة
ياسمين / دة بابااا
مؤيد / يلا اطلعى على فوق
محمد / ياسمين اسمعى كلام اخوكى واطلعى
مؤيد / انا بحظرك ابعد عننا
ياسمين / مؤيد انت اتجننت ازاى تكلم بابا بالطريقة دى
محمد / ياسمين حببتى متقلقيش اطلعى انتى يلاااا
مؤيد / متقربش مننا تانى انت فاهم ولو شفتك قريب مننا انا مش هسيبك
جويرية/ مؤيد
مؤيد بيبص لجويرية اوى
محمد / مؤيد خلينا انا وانت نقاعد مع بعض ونتكلم راجل لراجل
مؤيد / انت فاكر نفسك راجل ولا اية انت مش
وفجاة جويرية بتروح على مؤيد وبتضربو بالقلم بقوة
و مؤيد مصدوم وبيبص لامو اوى
.
مؤيد / انتى بتضربينى يا امى علشاان دة بتضربينى
محمد / جويرية لية عملتى كدة
مؤيد / انا مش عوزك تدافع عنى انت فااهم ابعد عننا بقي ابعد عنناااا انا بكرهك بكرهك
ومؤيد بيركب الموتوسكل بتاعو
جويرية / مؤيد مؤيد استنى هنااا مؤيد
ومؤيد متعصب اوى وبيمشى و محمد مش عارف يتكلم
وبيركب عربيتو بحزن وبيبص لجويرية اوى و ياسمين بتروح علية
.
ياسمين / بابااا باباا انت وعدتنى انك مش هتروح وتسبنى تانى.
محمد بيمسك ايد ياسمين وبيبسها بحب.
محمد / حببتى انا جمبك وفى اى وقت تحتاجينى هكون جمبك
.
جويرية مبتتكلمش ولا كلمة وبتاخد ياسمين من اديها بعنف وبتدخل البيت و محمد بيمشى وبيقف قدم البحر
.
**********************************
.
جويرية بتروح على اوضتها وبتقاعد قدم المراية وبتبص لنفسها وبتفرد شعرها وبتبص لملامحها اوى والباب بيخبط
جويرية / ياسمين روحى دلوقتى مش عوزة اتكلم
ومؤيد اخوها بيفتح الباب وبيدخل
مؤيد. /جويرية
جويرية بتبص لمؤيد بحزن ومؤيد بيروح يقاعد على حرف السرير قدمها وبيبصلها اوى
مؤيد /انتى كويسة
جويرية / مش عارفة
مؤيد / لسة بتحبية صح
جويرية دموعها بتنزل ومؤيد بيروح عليها وبيحضنها اوى
جويرية / انا بعشقو يا مؤيد بعشقو لحد دلوقتى حبى لية متهزش ابدا بس قلبى موجووع منو انا لحد دلوقتى بفتكر لمساتو لياا بعد كل السنين دى لية مش قادرة انسي لية
و جويرية بتنهار من العياط و مؤيد بيمسح دموع جويرية
مؤيد / جويرية كفاية الى ضاع منكو قلبك هيتداوا وانتو مع بعض
جويرية / مش عارفة مش عارفة انا حاسة انتى ضيعة انا تعبانة بجد تعبانة لاول مرة بتمنى الموت مش قادرة انسااة ازااى ازاااى حياتى فى دووامة من ناحية حنين ياسمين لابوها الى مش قادرة ابعدها عنو بعد لما فرقتهم السنين دى كلها وكره مؤيد لابوة وانا السبب فى الكره دة
جويرية بتتعصب اوى وبتضرب الكريمات من على التسريحة بقوة وبتعيط ومؤيد بيخرج وبيسبها لوحدها وبيشوف مودى كان واقف بيسمعهم و مؤيد بيبص لمودى
مودى / انا السبب صح
مؤيد بيحضن مودى وبيطبطب على ضهرو
مؤيد / ابوك مش وحش اوى كدة يمكن غضبو خله يغلط فى امك بس حبو لامك هو الى خلاة يعيش لحد دلوقتى كان ممكن يموت من القهر انت متعرفش يعنى اية تروح من ايدك روحك وتضييع مع السنين
ومؤيد بيمشى وبيسيب مودى واقف بيفكر
.
**********************************
.
فى الصباح
جويرية معرفتش تنام طول الليل و ياسمين ومودى كل واحد فى اوضته منمش ابدا و جويرية بتخرج من اوضتها ومسكة الروب فى اديها وبتلبسو وبتفتح الباب وبيكون محمد.
جويرية / محمد ارجووك انا مش
محمد / انا مسافر مصر
جويرية بتبصلو اوى بحزن
محمد / مقدرش اتحمل انى اهز العلاقة الى قدرتى تبنيها بينك وبين الاولاد بس هحاول اتحمل بعدكو عنى بس لو سمحتى خلينى اطمن عليكو كل فترة مش هحاول ازعج اى حد فيكو كفاية انكو بامان
جويرية مبتتكلمش وبتبص للارض
محمد / ممكن اشوف ياسمين شوية
جويرية لسة هتتكلم
ياسمين / بابى
ياسمين بتجرى علية وبتحضنو اوى
ياسمين / انت كويس انا اسفة على الى حصل
محمد / هششش
ياسمين بتبصلو وبتسكت و محمد بيلمس شعرها بايدو بحنية
وبيلمس خدها وعيونها بايدو
محمد / انا يمكن مش الاب المناسب ليكى بس خليكى متاكدة ان امك اعظم ام فى الدنيا ولو انا اتمنيت مستقبل ليكى هتمنى انك تكونى زى امك فى كل حاجة
ياسمين / انت لية بتقول كدة
محمد /انا هسافر مصر
ياسمين بتبعد عن محمد بسرعة بخضة و جويرية وقفة ورها بتمسح دموعها وبتحاول تكون قوية قدم محمد و محمد بيبص لجويرية و جويرية مبتحاولش تبص لعيونو
ياسمين / انت هتسبنى تانى
محمد/ بنتى انا
ياسمين/ متقولش بنتى رووح يلا اهرب انت كمان زى ما امى هربت زمان ومفكرتش فى مشاعرنا لما نكبر من غير اب هنكون عامليين ازااى ولما رجعتلنا انت كمان هتهرب
محمد / ياسمين
ياسمين بتعيط وبتجرى على اوضتها و محمد دموعو بتنزل وبيخبها بسرعة وبيتنهد اوى وبيبيص لجويرية
محمد/خلى بالك من نفسك
محمد بيمشى بسرعة وبيروح على العربية و مصطفي مستنيه وبيبص على البيت بيشوف مؤيد ابنه واقف فى شباك اوضته وبيبصلو اوى و محمد بيبتسم لمؤيد اوى وبيرفعلو ايدو للتحية ومؤيد مبيديش اى تعابير خالص
محمد بيقف مبتسم بيملى عيونو منو وبيمسك دراعو لما بيحس بالم فية وبيركب العربية جمب مصطفي
مصطفي / محمد انت كويس
محمد بيبص لمصطفي اوى وبيرجع يبص لشباك اوضة مؤيد
ومؤيد مش موجوود
مصطفي / نمشى
محمد بيهز راسو بنعم
وردة ✍️
التعليقات على الموضوع