رواية صديقي كن حبيبي الحلقة ٣٣
🦋 الحلقة ٣٣ 🦋
.
. 🦋🦋🦋🦋🦋🦋🦋🦋🦋🦋🦋🦋🦋🦋🦋🦋
.
سليم / بس بحبك
همسة بتدايق اوى من برودو وبتبعد بعييد عنو وبتقاعد بعيد
و سليم بيبصلها ومبتسم اوى و يوسف بيروح لسليم
يوسف / من الظروف الى حصلت دى مقدرتش اقولك ان همسة
سليم / اة عرفت خلاص
يوسف / حاول تصلح الموضوع دة
سليم / حاولت اصلحو بس اختك بتخربش
ويوسف بيضحك و همسة بتاخد بلها انهم بيتكلمو عليها
و سليم بيفضل اسبوع كامل مع همسة و هاشم فى المستشفى بيحاول يتكلم مع همسة وهى رفضة خالص
يوم خروج هاشم من المستشفى يوسف بيجيب كرسى متحرك لهاشم
هاشم / لا انا همشى
همسة / هاشم انت لسة تعبان ومش لازم تجهد نفسك ابدا
هاشم / انا كدة مرتاح يلا خلونا نروح على البيت انا تعبت من المستشفى
ويوسف سليم و همسة مع هاشم ولسة بيخرجو من المستشفى والصحافة كلها والتلفزيوون يهجمو عليهم ويوسف بياخد هاشم بسرعة على العربية والصحافة بتهجم
على همسة و سليم بيشفها و همسة مش عارفة تعمل حاجة
و سليم بيجرى عليها وبيحاول يبعد الصحافة عنها وبيخدها فى حضنو و همسة بتبصلو اوى بحب وبيخدها على العربية
وبيمشو بسرعة
يوسف / شايف الناس بتحبك قد اية
هاشم / حب الناس دة نعمة الحمد لله
همسة /ميين ميحبش اخويا حبيبى
هاشم بيمسك ايد همسة وبيبسها
هاشم / ربنا يخليكو ليا
.
**********************************
.
وبيروحو على الفيلا والكل مبسوط برجوع هاشم بيطلعوة على اوضته
سليم /انا همشى بقي علشان ترتاح وكمان الوقت اتاخر
هاشم / هتمشى فيين
سليم / على بيتى طبعا
هاشم /انتو فى حاجة حصلت بنكو و انا معرفش
همسة / لا ياروحى هيحصل اية دة سليم مبيقدرش يرتاح غير فى شقتو
هاشم / خلاص روحى يلا مع جوزك يلا مستنية اية
همسة / هاشم بس ماما انت عارف انى مقدرش ابعد عنها وهى فى الظروف دى وكمان لازم اخلى بالى منك انت عامل عملية كبيرة ومحتاج رعاية
هاشم / خلاص سليم ينقل حجاتو هنا وكمان نبقي كلنا مع بعض
همسة / لاا
سليم / انا معنديش مانع طبعا
همسة / بس سليم
هاشم / الراجل قال انو معندوش مانع وكمان كفاية انكو مرحتوش شهر العسل بسببى هكون السبب انى ابعدكو عن بعض كمان
سليم مبتسم اوى
همسة / سليم عوزاك برة لو سمحت
.
**********************************
.
همسة و سليم بيخرجو برة الاوضة
همسة / انت اية الى بتعملو دة انا مستحيل اعيش معاك فى اوضة وحدة ابدا
سليم / بس هاشم
همسة / انت ادخل وقلو انك مش هترتاح هنا وخلاص
سليم / بس انا هرتاح طول ما انتى جمبى
همسة / سليم متحولش تستفزنى
سليم بيبص فى الساعة
سليم / ياااة نسيت عندى اجتماع مهم دلوقتى حالا سلام هتاخر اشوفك باليل يا روحى
سليم بيمشى
همسة / سليم سليم استنى
همسة بتجرى وري سليم وبتشوف والدتها بتبص عليهم
سليم / نعم يا همسة انا عارف انك
همسة بتحاول تسكت سليم احسن والدتها تسمع وبتحط اديها على شفيفو
همسة / حبيبى انا بنادى عليك علشان اقولك مع السلامة
سليم بيبصلها اوى وبيحط ادية على جبنها
سليم / انتى كويسة انتى سخنة ولا حاجة
همسة / هههههة بتحب انت الهزار مع السلامة ياروحى متتاخرش مستنيك
همسة بتقرب من سليم
همسة / ماما شيفانا
سليم بيفهم وبيبتسم اوى لهمسة وبيقرب عليها
سليم / لازم والدتك تشفنا فرحانين يعنى
هاشم / اة حاجة زى كدة
سليم بيمسك همسة من خصرها وبيقربها علية اوى
همسة / بتعمل اية
سليم بيبسها من خدها بحنية و هالة بتتكسف وبتتحرك بعيد بالكرسى المتحرك و همسة بتضرب سليم فى صدرو
همسة / لو عملت كدة تانى انت مش هتعرف هعمل اية فيك
سليم / سلام مش هتاخر عليكى يا روحى
همسة بتتعصب اوى و سليم بيبتسم ودة بيعصب همسة اوى وبيخرج و همسة بتروح على اوضة والدتها
.
**********************************
.
هالة /حمدالله على سلامة هاشم يا حببتى
همسة / الله يسلمك ياماما انا كنت خايفة اخسرو اوى انا خسرت كتير فى حياتى
هالة / بس كسبتى سليم دة كفاية عليكى
همسة / اة فعلا
هالة / ولية بتقوليها كدة
همسة / لا مفيش ياروحى يلا قوليلى عملتى اية فى الكام يوم الى مكنتش معاكى فيه ها عملتى اية من ورايا
هالة / ياااة كتيير
همسة/ ياخطيير انت يا هالة ياروحى انتى
هالة بتضحك اوى وبتحضن همسة
هالة / بس فى حاجة عوزة اخد رايك فيها
همسة / فى اية
هالة / مرات عمك عوزانى اروح عندهم البلد كام يوم كدة
همسة / تروحى لية فى حد دايقك هنا عوزة تسبينى وتمشى
هالة / حببتى انا مقدرش ابعد عنك ابدا انتى روحى وعقلى وكل حاجة ليا فى الدنيا دى بس كام يوم تغيير جو بس هناك فى الخضرة والمناظر الطبيعية وكفاية الجو هناك
همسة / لااا انتى مش هتروحى فى حتى بعيد عنى ماشى
همسة بتعيط
هالة / خلاص ياروحى خلاص الى انتى عوزاة بس مشفش دموعك ابدا
همسة / مش هتروحى وتسبينى
هالة / لاا ابدا
همسة بتحضن والدتها اوى و يوسف بيخبط على اوضة هالة
هالة /تعالة ياحبيبى ادخل
يوسف / عملة اية النهاردة
هالة / الحمد لله بخير ياابنى
يوسف / همسة موبيلك بيرن من بدرى
همسة بتاخد الموبيل من يوسف وبيكون مصعب
همسة / دة مصعب
همسة / الو يا مصعب
مصعب / اسف همسة انا عارف ان مش من المفروض اطلب منك الطلب دة بس انا محتاجك هنا باسرع ما يمكن
همسة / فى اية مش فاهمة حاجة
مصعب / فى مشكلة فى الشغل ولازم تكونى متوجدة
همسة / بس انت عارف عندى ظروف وكمان سليم على وصول دقايق ويكون فى الشركة
مصعب /مفيش حد هيحل المشكلة دى غيرك انتى
همسة / اوكى سلام
يوسف / فى حاجة
همسة / لا بس فى مشكلة فى الشغل لازم اروح
هالة / يابنتى انتى لسة عروسة ازاى تروحى الشغل
همسة / ماما مش هتاخر متقلقيش
يوسف / وكمان سليم هناك يبقي متقلقيش عليها
همسة بتبص ليوسف بغضب
يوسف / انا هروح اشوف هاشم لو محتاج حاجة
ويوسف بيخرج
همسة / ماما مش هتاخر اوكى
هالة / ربنا معاكى يا حببتى
.
**********************************
.
همسة بتروح على اوضتها وبتاخد شنطتها وهى لسة هتخرج بتشوف نفسها فى المرايا بتشوف ان شعرها ملغبط شوية وهى لبسة جينس وبتروح تغير وبتلبس فستان كتان ابيض وبتعمل شعرها وبتفردو وبتفتكر سليم لما قالها انو بيحب شعرها مفروود وبتبتسم اوى وبتخرج
وبتروح على الشركة والموظفيين طبعا بيبركوها على الجواز
ومصعب بيشوف همسة بيروح عليها
مصعب / همسة الحمد لله انك وصلتى
ومصعب بياخد همسة على مكتبو بسرعة
همسة / ممكن تفهمنى اية المشكلة
مصعب / المكنه الجديد الى استوردناة من الصين نوع القماش بتعنا مش هيمشى فية ابدا
همسة / ازاى يعنى
مصعب / زى مابقول كدة النهاردة كان اول يوم للمكينات وكانت صدمة للكل كدة خلاص كل حاجة راحت خلاص انتى عارفة الخسارة هتكون قد اية
همسة / اهدى اكيد فى حل
مصعب / اتصلت بالمورديين وقالو ان دى غلطتنا احنا
همسة / عندهم حق
مصعب متعصب اوى
مصعب / اكيد لازم يكون فى حل
همسة / سليم رايو اية
مصعب / لسة معرفش الى حصل هو حظرنى اكتر من مرة بس دى غلطتى انا
همسة / ممكن تهدى خلينا نفكر شوية تعالة خلينا نروح لسليم ونفكر مع بعض
.
**********************************
.
مصعب و همسة بيروحو على اوضة سليم و همسة بتشوف ابتسام مع سليم فى المكتب
همسة / لو عندك شغل احنا ممكن نستني شوية
سليم / همسة فى حاجة حصلت
همسة / لا بخصوص الشغل
ومصعب بيدخل من وري همسة وبيقاعد على كرسى وباين علية مدايق اوى
ابتسام / مبروك يا همسة اسفة انى مقدرتش احضر الفرح
همسة / شكرا
همسة / همسة تعالى انتى هتفضلى وقفة كدة
ومفيش كرسى همسة
سليم / تعالى اقاعدي
سليم بيقف وبيروح يمسك ايد همسة وبيخليها تقاعد مكانو على المكتب و همسة بتبص لسليم اوى
همسة / بس دة مكانك انا
سليم / مكانى هو مكانك
همسة بتغمرها سعادة كبيرة من الكلام دة و سليم بيقاعد على حرف المكتب قريب من ابتسام
ابتسام / اسفة لازم نخلص الشغل دة النهاردة
مصعب / لا عادى ولا يهمك
همسة بتبص لمصعب ومصعب مدايق اوى
همسة / مصعب هدى نفسك كل حاجة ليها حل اكيد
همسة بتمسك ايد مصعب من نوع المواساةر و سليم بيبصلهم اوى وابتسام بتاخد بلها ان سليم عيونو مع همسة
ابتسام. / خلينا نكتفى بكدة النهاردة انا هروح على المحاسبة اشوف باقى الاوراق
سليم / اوكى بتقابل بكرة
ابتسام / اكيد قولتلك انت مش هتخلص منى
وابتسام بتضحك و همسة بتبصلها اوى هى و سليم
همسة / تعالة اقاعد مكانك
سليم / خليكى مكانك
سليم بيقاعد قدم المكتب جمب مصعب
سليم / اية المشكلة الى الاستاذ خلاكى تيجى من البيت ومن غير حتى ما تقوليلى
همسة / لية هو انا لازم اخد اذنك
سليم/ انتى نسية انى جوزك ولا اية
مصعب / ممكن تحلو المشكلة دى فى البيت وتشوفو مشكلتى انا
سليم / ها اية الى حصل تانى
مصعب / همسة قولى انتى
همسة / المكينات الجديدة البرنامج بتعها
همسة بتسكت
سليم / سمعك اتكلمى
همسة / القماش بتعنا مش هيدخل المكينة الجديدة
سليم / ازاى يعنى
همسة / دة عيب مننا علشان مشفناش الكتلوك بتاع المكينة وكمان الصين التقنية بتاعتهم احدث
سليم / وحضرتك كنت فيين
مصعب / عارف انى غلطان وعندك حق فى كل حاجة انت تقولها
سليم متعصب اوى وبيرمى الاوراق بايدو بعييد
سليم / انت عارف الكلام دة معناة اية معناة اننا هنشهر افلسنا
همسة / سليم ممكن تهدى شوية ونفكر بهدوء اكيد فى حل
ومصعب مش قادر يتكلم خالص وحاطط ايدو على دماغو ومش عارف يتكلم
سليم / انت السبب اكتر من مرة اقولك لازم تدرس كل خطوة بتعملها اما انت لا متهور وغبى غبى
همسة بتروح على سليم لما بتشوف مصعب دموعو بتنزل
همسة / سليم بهدوء
مصعب / زى ما انت هتخسر انا كمان هخسر
سليم / انت غبى ضيعت كل حاجة بتهورك وغبائك دة
همسة بتقف بين سليم ومصعب وبتبعد سليم وري وبتحط اديها على صدرو انو يهدى و سليم بيبصلها اوى وفعلا بيهدى وبيبصلها اوى
همسة / سليم اكيد فى حل بس احنا نهدى ونفكر بهدوء لو سمحت انا عندى حل ممكن يحل المشكلة دى لو غيرنا برنامج القماش بتعنا على حسب المكينات كدة ممكن نقدر نعدى من المحنة دى
سليم / انتى عارفة دة هيكلفنا قد اية وكمان مفيش وقت لازم نسلم المجموعة اخر الشهر مفيش وقت
ابتسام بتدخل ومعاها ورقة فى اديها
ابتسام / سليم محتاجة امضاء منك هنا لو سمحت
ابتسام بتستغرب من وشهم اوى
ابتسام / اسفة انى دخلت فجاة بس
سليم / تعالى ادخلى انتى كمان لازم تعرفى
همسة بتبص لسليم اوى وبتدايق انو هيدخلها فى المشكلة
و سليم بيقول لابتسام على المشكلة
سليم / وبكدة احنا لازم نوقف الجلوود الى بنخدها منك ومتقلقيش كل الفلوس هتوصل فى معادها
ابتسام / انا مش عارفة اقول اية بس انا عندى فكرة
سليم / فكرة اية
ابتسام / لو همسة تحول التصاميم بتاعتها من قماش لجلد كدة ممكن برنامج المكينات هيتوافق مع الجلوود
سليم بيبص لهمسة
سليم / ممكن دة يحصل
همسة / اة ممكن بس التصاميم كدة لازم يحصلها تغيرات بسيطة
ابتسام / لو همسة لو مش هتقدر انا اعرف مصمم فرنسى ممكن يساعدنا
همسة بتدايق اوى من كلام ابتسام و سليم بياخد بالو
سليم / بس انا عندى ثقة كبيرة فى همسة و همسة هتقدر تعمل دة
مصعب / همسة هتقدرى تعملى دة
همسة / بس دة هياخد وقت كتير ومفيش وقت
سليم / لا هنلحق متقلقيش
همسة بتبص لسليم ومبسوطة انو واثق فيها اوى
همسة / اوكى
ابتسام / كدة انا وانتى لازم نقاعد مع بعض ونتكلم فى التفاصيل
همسة / شكلك مش وثقة فيا انى اقدر اعمل الشغل دة
ابتسام / لا ابدا بس الى اقصدو انك مش محترفة فى مجال الجلود يعنى
سليم / ممكن نهدى شوية احنا هنا علشان نتفق مش علشان نتخانق
مصعب / همسة انتى ابداى اشتغلى على التغيرات دى الاول
سليم / ومتنسوش اننا لازم نبعت التغيرات دى لايطاليا ولو معجبتهمش اكيد كل حاجة هتروح
ابتسام / انا عند راى خلينا نكلم المصمم الفرنسى بدل ما نخسر وقت وفلوس
همسة / ابتسام عندها حق بعد ازنكو
همسة بتخرج ومتعصبة اوى
وردة ✍️
التعليقات على الموضوع