رواية حب بعد عذاب الحلقة الثانية
( حب بعد عذاب)
الحلقه التانيه:-
ذهبت حور الي منزلها وجمعت اشيائها ولكن وهي تجمعهم جائت الام تقول:ايه ياختي بتلمي عزاويلك ورايحه فين ياحيلتها
حور بخوف:جدو قالي اجيب حاجتي واروح ابات معاه
الام:نعم ياختي ومين اللي هينضف البيت هنا ياختي هاه
حور:هبقا اجي انضفو مالصبح
الام:لا مفيش مرواح ف حته اتهدي واقعدي هنا احسنلك
حور:بس جدو كدا هيزعل
الام:ملكيش انتي داعوه وبعدين رنا بنتي بتنام هناك هتترضيها عشان تنامي انتي هناك
حور:جدو اللي قالي والله انا قلتلو بلاش وبعدين رنا نايمه هناك مينفعش اقولها روحي انتي وانا هنام هنا قالي ملكيش داعوه انتي
الام:حسابك معايا بعدين بس اصطبري عليا
بعدما ذهبت الام قالت حور وهي تبكي خوفا مما سوف يحدث:والله ملييش داعوه جدو اللي قالي
~~~~~~~~~~~~~~~~~~~~~
عند حمزه ذهب الي شركته ودخل بهيبته ووقاره وصعد الي مكتبه
حمزه وهو يقول الي السكرتيره:هاتيلي ملف المناقصه الجديده وابعتيلي الاستاذ كريم
السكرتيره:حاضر ي فندم
دلف حمزه الي مكتبه واحضرت له السكرتيره الملف ثم دلفت الي الخارج
جاء كريم الي حمزه بمرحه المعتاد وهو يقول:صباحو اشطه عليك ازوومه
حمزه:يابني بطل بقا الهبل داا و تعالي اترزع خلينا نشتغل
كريم:ايه ياعم داخل علينا سخن كدا ليه حاضر جاي اهوو بس اطلبلنا قهوه بقاا
حمزه:حاضر
طلب حمزه من السكرتيره القهوه وقال ل كريم:لسه مفيش اخبار
كريم وقد بدي الحزن عليه:للاسف لسه
حمزه:ان شاء الله هتظهر اخبار جديده بس انت قول يارب
كريم:ياااارب يلا خلينا نشتغل
~~~~~~~~~~~~~~~~~~~~~
عند حور كانت تبكي خوفا مما سوف يحدث لها ولكن جائت الام وهي تقول لها:قومي ياختي هتروحي تتخمدي عند جدك
حور بفرحه تحاول ان تخفيها:حاضر
تجمع حور ثيابها وكتبها ثم تذهب الي منزل جدها وهي فرحه
حور:انا جيت ياجدووو
الجد:نورتي ي حبيبتي يلا روحي حطي حاجتك ف اوضتك وذاكري متعمليش حاجه تانيه غير المذاكره تمام
حور:حاضر ياجدو
ذهبت حور الي غرفتها ووضعت ثيابها في الدولاب وضبطت اشيائها وجلست تذاكر ولكنها جلست تبكي لان الاشخاص التي اعتبرتهم عائلتها ليسو عائلتها واين عائلتها لماذا تخلو عنها.
"بعد مرور 4 شهور"
كانت حور انهت امتحاناتها وظهرت نتيجتها وكانت الاولي علي الجمهوريه وكان الجد فخور بها جدا ولكن كانت هناك اعين تحقد عليها وهي اعين الام والاب ولكن كانو اخواتها فرحين لها جدا
-في احد الايام كانت حور تريد ان تعرف من هم اهلها الحقيقين فذهبت الي الام وقالت لها:لو سمحتي يا ماما ممكن اسالك سؤال
الام:اسالي ياختي
حور:انا بنت مين
تفاجئت الام من معرفت حور بهاذا الموضوع ولكنها لم تظهر هذا وقالت:بطلي هبل يابت انتي ويلا قومي شو في شغلك
حور:لا مش هقوم غير لما اعرف انا مين انا بنت مين انا عرفت اني مش بنتكو انا بنت مين قوليلي
الام ببرود:معرفش بنت مين كل اللي اعرفه اننا لاقيناكي ف الشارع وكان معاكي سلسله ع شكل قلب كدا
خور:طب وهي فين
الام:موجوده هجبهالك اهو
ذهبت الام واتت بعد قليل بقلاده علي شكل قلب
حور:يعني دي كانت معايا وانا صغيره
الام:ايوه
لاحظت حور ان القلاده تفتح ففتحتها ووجدت بها صوره لسيده ورجل يحملون طفله ويقف امامهم فتي تقريبا بعمر التاسعه وبالجهه الاخري يكتب بها اسمها كانت حور تبكي بشده لانها تعتقد ان اهلها رموها
حور:انا ماشيه رايحه عند جدو سلام
وذهبت دون ان تنتظر اي رد من الام وعندما وصلت منزل الجد دلفت الي غرفتها وظلت تبكي لفتره ثم مسحت دموعها وقالت:انا لازم اتصرف واعرف مين اهلي دول
جلست حور تفكر في ماذا سوف تفعل لتعرف من هم اهلها ثم جائت لها فكره
حور:ايوه انا هصورها وهحطها علي الفيس بوك يمكن حد يعرفها
وضعت حور صورة القلاده علي الفيس بوك ووصت ان من يعرف الاشخاص بالقلاده يحدثها لاهمية الموضوع ووضعتها باكثر من مجموعه
~~~~~~~~~~~~~~~~~~~~~~
عند حمزه كان يجلس بغرفة مكتبه يعمل ثم دلفت اليه اخته نور وهي تصيح ب:حمزااااااااه
حمزه بانزعاج:عاوزه ايه يامزعجه
نور:ماما بتقولك تعالي عاوزاك
حمزه:طيب لازم الازعاج دا يعني
نور بضحك:طبعا مبقاش نور لو معملتش كدا
حمزه بضحك وهو يضربها علي مؤخرة رأسها:طب يلا يامغلباني قدامي
نور بضجر:اه طب ليه كدا طااه
ضحك عليها حمزه ثم ذهب الي امه السيده رباب
(الام رباب سيده حنونه جدا علي اولادها في ال 45 من عمرها)
حمزه وهو يقبل يد والدته:ست الكل عامله ايه
رباب:كويسه ياحبيبي اقعد
جلس حمزه وهو يقول:ها ياست الكل الزقرده بتقول انك عاوزاني
رباب:ايوه ياحبيبي في ناس جايين عندنا يوم الجمعه الجايه ياريت تبقا موجود
حمزه وهو يضيق عينيه:ياريت ميكنش اللي ف بالي صح ياماما
رباب:ايوه صح ياحمزه بنت صحبتي ريم كويسه جدا يابني والف مين يتمناها
حمزه بزهق:ياامي انا مش عاوز اتجوز الا لما الاقي اللي قلبي يدقلها مش هتجوز جواز صالونات انا تمام
رباب بعصبيه:وهتلاقيها فين دي وانت بتخوف البنات كلهم يابني انت بقى عندك 28 سنه وداخل في التلاتين اهو
حمزه:امي امي كفايه اخر كلام عندي مش هتجوز الا عن حب وبس يلا سلام عندي شغل.
ذهب حمزه وترك والدته تدعي بان يجد من يحبها قلبه لكي تزوجه وتري اولاده قبل ان يتوفاها الله
~~~~~~~~~~~~~~~~~~~~
بعد مرور اسبوع
كان كريم يعبث في حسابه الشخصي في الفيس بوك وصادف منشور حور الذي وضعت به صورة القلاده فهب معتدلا في جلسته عندما رأها وفتح حساب حور الشخصي وبعث لها رساله مضمونها:انا اعرف الناس اللي ف الصوره انتي جبتي السلسله والصوره دي منين
رأت حور الرساله ورضت عليه:السلسله دي كانت معايا من وانا صغيره والناس دول لسه عارفه م كام يوم انهم اهلي
فرح كريم بشده لانه واخيرا قد وجد اخته التي تم خطفها وهي صغيره وقال لها:-انتي فين اعرف اوصلك ازاي
حور:الاول كدا حضرتك تعرفهم منين لازم اتاكد الاول انك تعرفهم
كريم:انا الولد الصغير اللي ف الصوره انا اخوكي
صدمت حور من كلمه ايعقل انها وجدت عائلتها اخيرا ايعقل انها وجدت من تخلو عنها ورموها،بكت عينيها الكثير من الدموع وهي تكتب له:طب ليه ليه رميتوني واتخليتو عني حرام عليكو انا اتعذبت اووي ليه ليه
وظلت تبكي وكريم يبكي ايضا ويقول لها:والله العظيم مارميناكي انتي اتخطفتي مننا وانتي صغيره وقعدنا ندور ع اللي خطفك كتير لحد ما لاقيناه بعد الحادثه ب 5 سنين قالولنا انهم رموكي ف الشارع من زمان وميعرفوش حصلك ايه واحنا لحد انهارده كنا بندور عليكي
حور:يعني انا كنت مخطوفه واللي خطفوني رموني ف الشارع، طب ايه يثبتلي ان كلامك دا صح
كريم:مش عارفه ايه يثبتلك بس اقسملك بالله ان دي الحقيقه، ممكن تقوليلي عنوانك ايه بقا
حور:ليه عاوزني تاني ليه مانتو خلاص رميتوني
كريم:والله العظيم مارميناكي انتي اتخطفتي والله، بالله عليكي قوليلي انتي فين وعنوانك ايه
حور:انا ف محافظة المنوفيه ف المنطقه....اسال ع الحاج مصطفي الاشعل هيوصلوك
كريم:خلاص انا جايلك بكرا هتلاقيني عندك
حور:متفرقش
كريم:بس تفرق اوي معايا
اغلقت حور معه الكلام وظلت تبكي اما كريم عندما اغلق معها ضغط عدة ضغطات واتي برقم حمزه واخبره انه واخيرا وجد اخته وقال:اخيرا ياحمزه لقيتها اخيرا
حمزه:لقيت ايه يابني احنا مش كنا مع بعض م شويه ومكنش في حاجه ضايعه
كريم:انا قصدي علي حور لقيتها خلاص واخيرا
هب حمزه يعتدل في جلسته وقال :بجد ياكريم لقيتها فين وازاي
كريم:كانت حاطه بوست ع مجموعه وحاطه صورة السلسله اللي كانت معاها وهي صغيره اللي زي اللي معايا ف دخلت كلمتها وعرفت مكانها
حمزه:طب هتروحلها امتي عشان اجي معاك
كريم:هروح بكرا بس انا خايف من مقابلتها
ضم حمزه حاجبيه وقال:خايف ليه ايه هيحصل يعني
كريم:اصلها مش مصدقه انها اتخطفت وان اللي خطفوها هم اللي رموها ف الشارع وان احنا اللي رميناها
حمزه:اه فعلا ردها هيقلق بس متخافش توكل علي الله واسأل والدك علي اي ادله انها اتخطفت وانكو مرميتوهاش
كريم:حاضر يلا سلام انت بقاا هقوم اسأله
حمزه:سلام
اغلق كريم مع حمزه وتنهد ثم قام وذهب الي والده ليسأله عن اي دليل و
كريم:بابا عاوزك ف موضوع كدا
الاب محمد:خير يابني
كريم:هو في اي ادله تثبت ان اختي اتخطفت وان احنا مرمينهاش
الاب(محمد):ايه انت لاقتها ياكريم
كريم:ايوه يابابا لاقيتها بس هي مش مصدقه اننا مرميناهاش وانها اتخطفت
الاب:معايا الادله اللي تثبت كدا الحمد لله اني احتفظت بيها
كريم:طيب هاتو عشان انا هروحلها بكرا
الاب:وانا جاي معاك
كريم:لا يابابا خليك عشان ماما وانا اوعدك اني هعمل كل اللي اقدر اعملو عشان اجبها معايا
الاب:حاضر يابني بس امانه تجيبها معاك
كريم:حاضر هحاول بس متقولش لماما الا لما اتاكد الاول انها هتوافق تيجي معايا
الاب:حاضر يابني
ذهب كريم الي غرفته بعدما اخذ الورق من ابيه وظل يفكر هل اخته.سوف تقتنع بكلامه ام لا.
~~~~~~~~~~~~~~~~~~~~~~~~~~~~
بًقُلَمًيَ #~روٌنِآء سِلَيَمًآنِ~#
~~~~~~~~~~~~~~~~~~~~~~~~~~~~
التعليقات على الموضوع