رواية حب بعد عذاب الحلقة الثالثة
( حب بعد عذاب)
الحلقه الثالثه:-
استيقظت حور وقامت من فراشها وذهبت الحمام لتفعل روتينها اليومي ثم تخرج وتؤدي فرضها ثم تذهب الي جدها لتخبره انها عرفت من هم اهلها و
حور:صباح الخير ياجدو
الجد:صباح النور ياقلب جدو
حور:جدو كنت عاوزه اقولك حاجه كدا
الجد:خير يابنتي
حور:انا عرفت مين هم اهلي
الجد:عرفتي ازاي
حور:كنت من كام يوم نزلت بوست علي الفيس بوك بصورة السلسله واخويا شافها وكلمني
الجد:طب وانتي ايه يضمنلك انو مش بيضحك عليكي
حور:وراني نفس السلسله اللي معايا بس بتاعتو فضه مش دهب
الجد:طب يعني طلاما عرف مكانك اكيد هيجي عشان ياخدك صح
حور:هو قال هيجي انهارده بس انا مش عارفه اصدقو
الجد:مش عارفه تصدقيه ليه
حور:هو بيقول ان ناس خطفتني وانا صغير وبعدين رموني ف الشارع وانا مش عارفه اصدقه
الجد:لما يجي هنعرف بيكدب ولا لا بس لو مبيكدبش هتروحي معاهم ولا هتفضلي
نظرت حور الي جدها بدموع وقالت:لو طلع مش بيكدب مينفعش افضل بس انا مش عاوزه اسيبك
الجد:لما يجي يبقا يحلها ربنا يلا قومي شوفي وراكي ايه
حور:حاضر
~~~~~~~~~~~~~~~~~~~~~
استيقظ كريم من نومه بنشاط ودلف الي الحمام ليفعل روتينه اليومي ثم يخرج ويرتدي ثيابه ثم يؤدي فرضه ثم يخرج الي والديه و
كريم:ياصباح الفل ياعصافير الحب
والدة كريم:بطل قلة ادب ياولد وبعدين مالك شكلك مبسوط ع الاخر فرحنا معاك
محمد:مش واقته ياعفاف قولي ياكريم هتسافر انهارده
عفاف:يسافر فين وليه
كريم:شغل يا ماما وادعيلي يظبط انهارده ياماما ثم التفت الي والده وقال ايوه يابابا هفطر وانزل انا وحمزه
محمد:هو حمزه جاي معاك
كريم:ايوه
محمد:تمام اول ماتوصل طمني
كريم:حاضر
كانت عفاف تطالعهم بنظرات شك لهم:استني انت وهو
نظرو لها الاثنين بتساؤل لتقول هي:تطمن ع ايه يامحمد مخبيين عني ايه انتو الاتنين انا قلبي حاسس انكو مخبيين عني حاجه
كريم:طب اقوم انا بقاا لازم امشي حالا
عفاف:مش هتمشي غير لما اعرف في ايه
كريم:بابا عندك اهوو اعرفي منو اللي انتي عاوزاه انا لازم امشي مينفعش اتاخر اكتر م كدا
محمد:اه ياكلب بتسلمني تسليم اهالي كدا
كريم بضحك:امال اتعطل انا مانت قاعد مش وراك حاجه استلم انت بقاا يلا سلام
ذهب كريم فالتفتت عفاف الي زوجها وقالت:محمد بالله عليك تطمني انا قلبي بيقولي ان حاجه كويسه هتحصل
محمد بتنهيده:ادعي ان كريم ينجح في اللي رايحله وانتي هتفرحي فعلا ياعفاف
عفاف وضربات قلبها تزداد:م.مح.محمد قولي ان اللي ف بالي صح بالله عليك قول انو صح كريم لاقاها صح
محمد بتنهيدة وجع:ايوه لاقاها بس هي مش مصدقه انها اتخطفت مننا وبتقول اننا رميناها
عفاف:لا لازم تصدق انها اتخطفت مش رميناها ارجوك انا عاوزه بنتي وديني ليها
محمد:كريم مقليش ع العنوان بتاعها هنضطر نستني كريم لحد مايجي
عفاف ببكاء:مش هقدر مش هقدر استني انا عاوزه بنتي
محمد:ادعي ربنا انها توافق تيجي مع كريم الاول ياعفاف وبعدين انتي استنيتي كتير مش قادره تستني لبكرا واحتمال يبقا انهارده بليل كمان
عفاف ببكاء:يارب رجعلي بنتي ياااارب
~~~~~~~~~~~~~~~~~~~~~
تقابل كريم مع حمزه وذهبو الي بلدة حور ووصلو في الساعه ال 12 وسالو علي اسم جدها وعرفو المكان وذهبو اليهم وفي نفس الوقت كانت حور جالسه في غرفتها تبكي علي حظها وجدت عائلتها لكنها لاتعلم اتصدقهم ام ماذا وعندها سمعت صوت جرس الباب فقامت وارتدت حجابها بعدما مسحت دموعها لتري من بالباب وعندما فتحت الباب رات امامها شابان لتقول
حور بتساؤل:ايوه مين حصراتكم
كان كريم يقف بذهول عندما رئاها فهي تشبه والدته كثيرا وعندها عرف انه لاشك بانها شقيقته حور وعندما لاحظ حمزه سكوته قال
حمزه بحمحمه:احم ممكن نقابل انسه حور
حور:ايوه انا حور مين حضراتكم
فاق كريم من شروده وقال:انا كريم ياحور..اخوكي
تسمرت حور في مكانها ثم نظرت له بجمود وقالت: ثواني وجايه
علم كريم من نظرتها له انه لن يكون من السهل اقناعها بانهم لم يتخلو عنها بل تم خطفها وقال:اتفضلي
ذهبت حور الي جدها واخبرته بقدومهم فذهب لهم الجد وقال:اتفضلو ادخلو اتفضلو اهلا وسهلا
كريم وهو يصافحه:يزيد فضلك ياحاج
دلفو الي غرفة الصالون وهناك قال الجد لحور:-روحي ياحور اعمليلهم حاجه يشربوها.
كريم بمقاطعه:-لالا شكرا ياحاج ممكن ندخل ف الموضوع ع طول.
الجد:-تمام اقعدي ياحور، ها يابني ايه يثبت انك اخوها.
اخرج كريم صورة والدته والقلاده الخاصه به واعطاهم للجد وقال:-حضرتك شوف الصوره دي كدا وشوف الشبه بينها وبين حور وكمان السلسله دي معايا من صغري.
تفاجأ الجد عندما رأي الشبه بين تلك السيده وحور وقال:-ازاي مين دي.
كريم:-دي والدتي انا وحور ياحاج.
وهنا قالت حور:-وايه يثبتلي اني كنت مخطوفه مش انتو اللي رميتوني.
كريم:-شوفي الورق دا كدا وانتي تعرفي الحقيقه.
قرأت حور الورق وعرفت انها قد تم خطفها ولم يرمها اهلها ف بكت وعندها هب كريم من مقعده وجلس امام قدميها وهو يمسح دموعها وقال:-طب بتعيطي ليه دلوقت خلاص عشان خاطري متعيطيش.
زادت حور في بكائها وهي تقول:-خلاص صدقتك ياريتك ظهرتلي من زماان.
كريم بألم:-خلاص انا جيت اهو انا معاكي متخافيش.
ثم اخذها داخل احضانه ويربت علي ظهرها لكي تهدأ وعندما هدأت قال وهو يبتسم:-يلا قومي لمي هدومك عشان نمشي زمان بابا وماما مستنيينك ع نار.
وهنا نظرة حور الي جدها فرأته ينظر لها بحزن فقامت وارتمت داخل حضنه وقالت:-مش تزعل انا هجيلك كل فتره مش هنساك ابدا.
احتضنها الجد وقال بنبره حزينه:-هتوحشيني جدا ياقلبي، ثم قال بمرح:-يلا قومي لمي هدومك يابنت يلا قبل هولاكو و امنا الغوله مايجو.
ابتسمت حور وقالت:-حاضر.
كان حمزه يتابع الموقف بصمت وعندما قال الجد هولاكو وامنا الغوله شك في الام وعندما ذهبت حور قال بتسائل:-هم مين هولاكو وامنا الغوله دي.
قال كريم:-ايوه انا لسه كنت هسأل نفس السؤال دا هم مين.
حزن الجد وقال:-بنتي وجوزها.
كريم بعدم فهم:-ازاي هم مالهم بحور عملولها ايه.
قص لهم الجد كل شئ عن معاملتهم لحور وانهم يجعلونها تعمل كخادمه في منزلهم ويفضلون ابنائهم عنها فغضب كريم وحمزه جدا وقال كريم:- الحمد لله اني جيت دلوقت ومسبتهاش هنا اكتر من كدا.
الجد بحزن:-معاك حق مش هلومك ع كلامك مهما تقول.
عندما انهي الجد كلامه سمع صوت جرس الباب يرن فقال:-ثواني اشوف مين ع الباب.
حمزه:-خد راحتك.
ذهب الجد ليفتح الباب فوجد ابنته زهيره فقالت وهي تدخل:-...............
~~~~~~~~~~~~~~~~~~~~~~~~~~~~~
بًقُلَمًيَ #~روٌنِآء سِلَيَمًآنِ~#
~~~~~~~~~~~~~~~~~~~~~~~~~~~~~
التعليقات على الموضوع