رواية حب بعد عذاب الحلقة الرابعة
(حب بعد عذاب)
الحلقه الرابعه:-
ذهب الجد ليفتح الباب فوجد ابنته زهيره فقالت وهي تدخل بصياح:-هي فين مقصوفة الرقبه دي انتي يابت تعالي هنا اخلصي.
خرجة حور من غرفتها وقت خروج كريم وحمزه ايضا وقالت:- نعم ياماما.
زهيره وهي تمسك بزراعيها وتعنفها:-انتي مبتجيش تنضفي البيت ليه يابت ولا عشان قاعده هنا يبقا خلاص تطنشي هناك.
حور بحزن:-بس جدو هو اللي قالي مش اجي.
الجد بحده:- جرا ايه يا زهيره انا اللي خلتها متجيش.
زهيره بعنف اكثر:-سبني اربيها براحتي يابابا مليش يلا يابت غوري قدامي يلا عشان الشغل مستنيكي.
حور ببكاء:-بس..
كادة زهيره ان تصفعها لولا امسكتها يد من حديد لتنظر زهيره لتجد شاب ما يمسك يدها يماد يكسرها من شدة ضغطه عليها فاختبأت حور خلفه وقال الشاب بغضب:-لو فكرتي بس مجرد تفكير انك تمدي ايدك عليها هقطعلك ايدك قبلها.
زهيره بألم:-يوه جرا ايه ياخويا سيب ايدي وبعدين انت مالك واحده وبتربي بنتها مالك انت.
الشاب ببرود:-عاوزه تعرفي انا مين تمام انا ابقي كريم محمد الشاذلي اخو حور.
زهيره بعدم فهم:-نعم اخوها ازاي.
كريم:-زي السكر ف الشاي، عندما قال كريم هاكذا ضحكة حور ولكنها كتمت ضحكتها عندما نظر لها حمزه الذي يشاهد بصمت لكي تصمت فاكمل كريم قائلا:-هو ايه اللي ازاي اخوها لاقيت اختي اللي اتخطفت وانتو لاقيتوها ومرمتوها معاكو.
زهيره:-احسن انكو لاقيتوها خلصتونا من همهاا ثم وجهت حديثها لوالدها وقالت:-انا ماشيه يابابا سلام.
التفت كريم لحور واحتضنها وقال لها ها ياقلبي خلصتي ولا لسه.
اومأت لوه حور اشارة للموافقه فرد كريم طب يلا البسي عشان نمشي فأومأت له وذهبت لترتدي ثيابها.
قال الجد بكسوف من افعال ابنته:-سامحني يابني ع اللي بنتي عملتو.
كريم:-متقولش كدا ياحاج انت ع راسي مش مشكله البي حصل حصل وانا بشكرك انك كنت بتقف ف صف حور وبتدافع عنها.
الجد:-مقدرش مادافعش عنها دي قلبي كلوو.
كانت حور قد انتهت من ارتداء ملابسها وخرجت وكان اول من رأاها هو حمزه وعندما رأاها تصنم مكانه ولم يستطع الراك من جمالها الطبيعي فقال في نفسه:-يا الله ما هذا الجمال اهذه الملاك البرئ موجود فعلا علي الارض، فاق من تحديثه بقا علي صوتها وهي تقول لكريم:-ابيه كريم انا خلصت.
نظر لها كريم وقال:-باسم الله ماشاء الله ايه القمر دااا القمر دا كلو هيفضل معايا ع طول والله لاقطعك خروجات وفسح ونغيظ البت نور.
ضحك حمزه بشده وقال:-عمرك ماهتكبر ابدا دايما حاطط نقرك من نقرها.
كريك بمزاح:-طبعااا مش هي اللي بتستفزني ع طول تشرب بقاا.
نظرت حور لهم بتسائل وقالت:-نور مين!؟
نظر لها حمزه وقال:-اختي الصغيره وتقريبا قدك ف السن.
حور:-اهاا تمام.
قال كريم لحور:-هاا يلا بيناا.
اومأت حور وبحثت عن جدها ولم تجده فقالت:-الله امال جدو راح فين.
حمزه:-طلع برا لما كريم حضنك.
حور بحزن:-اكيد عشان ميودعنيش طول عمره بيكره لحظات الفراق دي.
كريم بمواساه:-معلش اكيد زعلان انك هتبعدي عنه ف محبش اللحظه دي تيجي عليه ويحس بوجع فراقك.
اخرجت حور تنهيده قويه وقالت:-معاك حق.
قال حمزه:-طب ايه مش يلاا انا هنزل اشغل العربيه عما تجيب الشنط وتيجي ياكريم.
كريم:-تمام.
ذهب حمزه واشغل السياره وانتظرهم الي ان جاء كريم مع حور وهو يحمل الحقائب ثم وضعهم في السياره ثم قال لحور بعد ان فتح لها الباب:-يلا ياحور اركبي.
فأومأت له حور وركبت في الخلف ثم ركب كريم في الامام بجانب حمزه وانطلقو عائدين الي القاهره.
~~~~~~~~~~~~~~~~~~~~~
بعد مرور بضع ساعات وصل كل من كريم وحمزه وحور ال منزل كريم فقال كريم لحور: يلا يا حور وصلنا.
فلم يستمع الي رد فنظر خلفه فوجد حور غارقه في النوم فابتسم كريم وايقظها بحنيه وقال: حور حور يلا اصحي وصلنا.
استيقظت حور وقالت: حاضر صحيت اهو.
كريم: طيب ي حبيبتي، ثم نظر الي حمزه وقال: يلا انت كمان انزل عشان تشيل الشنط معايا.
حمزه: يانغه مش عارف تشيل شنطتين.
ضحكت حور عليهم بخفوت
فقال كريم بغيظ: لا ي خفيف الشنط حجه عشان تدخل انت للمدفع.
حمزه بخوف مصطنع: هاهاااو المدفع لا ياحلو مش كل مره تحطني ف وشه اطلعلها لوحدك مليش داعوه.
حور بعدم فهم: هو مين المدفع دا.
كريم بابتسامه بلهاء: ماما.
حور: مالها وبتقولو عليها مدفع ليه.
حمزه بضحك: اصل لما بنتاخر ع حاجه هي هتموت عليها او لما نعمل اي حاجه مش عاجباها بتعابنا جامد والاستاذ كل مره يخليني انا ابقا ف وشها.
كريم بضحك: مانت اللي بتعرف تصرف معاها الله.
حور باستغراب: طب هو يعرف ماما منين بردو.
كريم بشرح: بصي ياستي حمزه غير ان هو صاحبي فهو يبقي للاسف الشديد ابن خالتي ف ماما تبقي خالتوه.
حمزه بتريقه: لا انا اللي مبسوط انك ابن خالتي اوي.
كريم باستفزاز: انت تطول اصلا دانت المفروض تفتخر اني صاحبك واني ابن خالتك اصلا.
حمزه بنفاذ صبر: انزل يلاا انزل خلصني عبوشكلك.
كريم وهو ينزل: ربنا يسامحك مش هرد عليك عشان انا محترم.
حور بضحك: دانتو مشكله.
كريم بضحك: طبعا يابنت هو انا في زيي اصلا.
حمزه بابتسامه: يلا ياخويا شيل الشنطه وانت ساكت واطلع قدامي يلاا.
كريم: نعم نعم قول كدا تاني قلت ايه ياخويااا.
حمزه بنفاذ صبر:عبوشكلك هطلع انا الاول.
حور بعدما فهمت ضحكت عليهم وقالت وهي توجه حديثها لكريم: شكلك جبان اوي.
حمزه: اوووي دا اجبن خلق الله قدام خالتي بيبقا زي الفار المبلول.
علت ضحكات حور علي كلام حمزه فقال كريم بغيظ:انا مش خايف ياظريف انا بحترمها بس وعشان اثبتلك اني مش بخاف هطلع انا الاول.
حمزه بابتسامة استفزاز: اتفضل واول مانوصل عند الباب هتدخلني الاول ونشوف.
كريم بتحدي: هدخل الاول ونشوف.
كانت حور في نوبه من الضحك عليهم فنظر لها حمزه ولجمالها فقال لنفسه: باسم الله ماشاء الله ع جمالك قم قال لنفسه بعدما نظر بعيدا عنها ايه ياحمزه مينفعش تبصلها دي بنت خالتك واخت صاحبك وغير كدا اصغر منك كتير.
ثم صعد حمزه خلف كريم وعندما وصلو الي باب المنزل نظر كريم الي حور ولكن لم يجدها فنظر الي حمزه وقال: الله امال فين حور.
نظر حمزه خلفه فلم يرها فوضع هو وكريم الحقائب ونزلو للاسف ليروها واقفه في وسط الدرج ودموعها علي وجهها فهرع اليها كريم وقال وهو يحاوط وجهها ويمسح دموعها: مالك ي حور بتعيطي ليه ي حبيبتي.
حور بقلب قلق: مش عاوزه اطلع انا خايفه.
احتضنها كريم وقال بحنو: متخافيش هتتبسطي جدا لما تشوفي ماما وبابا يلا بينا ومتقلقيش خالص.
فاومات حور وصعدت معه بخوف تقدم قدم وتؤخر عشره وعند وصولهم امام باب المنزل قرع كريم الجرس واخفي حور التي تشبثت بثيابه خلفه وعندما فتح الباب ظهر الاب وحينما رأي كريم قال بلهفه: هي فين قول انها جت معاك بالله عليك.
حمزه: اهدي ي عمي اهدي ادخل كدا بس مش ع السلم.
دخل الاب وبعده حمزه وكريم وحور وهي مازالت خلف كريم فنقدم الاب بعدما لاحظ اختبائها خلف كريم منهم وابعد كريم من وسطهم وقال: اوعي يلا كدا خليني اشوف بنتي وروح انده امك يلاا.
كريم: حاضر.
ذهب كريم لينادي لامه واقترب الاب من حور واخذ ينظر الي وجهها زينفحصها جيدا ثم جذبها له واحتضنها بشده وظل يبكي وهي تبكي معه ويقول: اااه يابنتي اخيرا لقيتك اخيرا خدتك ف حضني اخيرا.
في هذا الوقت جائت الام وهي تركض وازاحت زوجها واخذت وجه حور بين يديها ودموعها تهبط بغزاره ثم احتضنتها بشده وظلت تبكي بشده وتقول: اااه اخيرا ياقلب امك اخيرا لقيتك اخيرا بقيتي ف حضني عمري ماهطلعك م حضني تاني ياقلب امك عمري ذهب لهم الاب واحتضنهم معا وظل يبكي معهم بعد قليل من البكاء قال كريم الذي كان يتابعهم بصمت ودموعه تنهمر من عينيه: ايه هي جات بقت ع الحجر وكريم يترمي بقاا احضنوني معااكو، ثم ذهب واحتضنهم فضحك الجميع عليه بعد وقت قليل قال حمزه بمزاح: الدمعه فرت والله بجد مشهد مؤثر، وجد حمزه الذي جاء في وجهه فصرخ وقال: ااااااه ايه ياحجه في ايييه.
الام عفاف: مانت معفن شايفنا كدا وتتريق ي معفن.
الاب محمد: سيبك منو ي عفاف.
عفاف: ماشي،ثم ذهبت لحور التي كانت بحض والدها واخذتها منه وقالت: ابعد شويه سيبلي بنتي شويه كدا.
محمد: ماهي بنتي انا كمان ع فكره.
كريم: اقولكو انا ع حل حلو.
محمد: قول ياخويا.
كريم: اقعدو وخدوها ف النص بينكم.
عفاف: اول مره تقول حاجه تنفع.
كريم: تشكري ياست الكل.
حمزه بضحك: طول عمرك مهزء. ثم قام وقال: همشي انا بقا ي خالتي عاوز مني حاجه.
عفاف: ابقي خلي رباب تيجي بقا.
حمزه: حاضر هجبها بكرا هي ونور.
عفاف: ماشي ي حبيبي.
حمزه: تمام يلا سلام عليكم.
الجميع: وعليكم السلام.
ذهب حمزه الي منزله وهو يحاول الا يفكر في حور وعندما وصل وجد........
يتبع.....
~~~~~~~~~~~~~~~~~~~~~~~~~~~~
بًقُلَمًيَ #~روٌنِآء سِلَيَمًآنِ~#
~~~~~~~~~~~~~~~~~~~~~~~~~~~~
رايكم
التعليقات على الموضوع