رواية حبيبي كن صديقي الحلقه ٢٧
🦋 الحلقة ٢٧ 🦋
.
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
.
سليم /يوسف هتحاول تاقلم نفسك هنا لحد الصبح هبعت حد من الشركة موثوق فية ينضف المكان
يوسف / انا عشت السنين الى فاتت دى فى اماكن متتخيلهاش
همسة بتروح على يوسف
همسة / اكيد كل حاجة هتعدى على خير انا متاكدة
يوسف / انتو لازم ترجعو علشان مفيش حد ياخد بالو
همسة / خلى بالك من نفسك
يوسف / سليم انا متشكر على الى عملتو معايا
سليم / ولا يهمك ربنا معاك
همسة و سليم بيخرجو وبيروحو على الفيلا والصحافة بتكون مشيت و سليم بيدخل مع همسة الفيلا
هاشم / يوسف فى امان
سليم / متقلقش
همسة / الصحافة مشيت
هاشم / اة اخيرا
سليم / همشى انا الوقت اتاخر وانتو لازم ترتاحو شوية
هاشم / خليك معانا النهاردة الوقت اتاخر و اوضة يوسف فاضيه و الكل تعبان
سليم / بس
هاشم / انت قولت اننا عيلة وحدة
سليم بيبص لهمسة
همسة / انا هروح اطمن على ماما
هاشم و سليم قاعدين بيتكلمو مع بعض و هاشم بيطلع سليم على الاوضة و همسة بتخرج من عند والدتها
سليم / طنط هالة عاملة اية
همسة / مفيش فى دمغها غير الدبلة
سليم بيطلع دبلة همسة من جيبو
سليم / اكيد لما تشفها فى ايدك هتتطمن اكتر
هاشم / اليوم كان طويل النهاردة هروح ارتاح تصبحو على خير
همسة و سليم وقفيين بيبصو لبعض وفى ارتباك فى المكان
همسة / دى اوضة يوسف انا اوضتي دى الى جمبك
سليم / اة ما انا عارف
همسة بترتبك اوى ووشها بيحمر
همسة / لو احتجت حاجة انا صاحية تصبح على خير
.
**********************************
.
همسة بتروح على اوضتها و سليم بيبص عليها لحد ما بتدخل الاوضة وبيروح على اوضة يوسف وبيروح على البلكونة وبيقف يفكر وبيشوف همسة هى كمان دخلت البلكونة
همسة / انت مش جيلك نوم انت كمان
سليم /الجو حلو قولت اخرج اشم هوى
همسة / ممكن تستعمل هدوم يوسف
سليم بيضحك و همسة بتبتسم
همسة / بتضحك على اية
سليم/ النهاردة الصبح كنا متخنقيين وبالليل نايميين وبينا حيطة واحدة
همسة بترتبك وبتلف وشها فى الاتجاة التانى
سليم / تصبحى على خير
همسة / وانت كمان تصبح على خيير
وهم الاتنين بيدخلو من البلكونة وكل واحد بيقاعد على السرير وبيفكر
.
**********************************
.
فى الليل
سليم مش عارف ينام خالص وبيخرج من الاوضة وبينزل تحت بيسمع صوت خربشة فى اتجاة المطبخ وبيتسحب براحة وبيروح على المطبخ وبيشوف همسة بتعمل ساندوتش
وبيقف بيتفرج عليها وهى بتقطع الخيار وفى خصلة من شعرها بتنزل على عنيها و همسة بتنفخ فيها علشان تبعد عن عنيها و سليم بيقرب على همسة بهدوء من غير ما تحس وبيبعدلها الخصلة عن عيونها همسة بتتخص وبتصرخ
همسة / سليم انت انت
سليم / مجاليش نوم قولت انزل الجنينة اشم هوى شوية وانتى بتعملى اية
همسة / حسيت انى جعانة نزلت اعمل سندوتش تاكل معايا
همسة / معنديش مانع
همسة بتبتسم وبتعمل لسليم اكل معاها
سليم / خلينى اعمل انا العصير
همسة / فى عصير فى التلاجة
وبيجهزو عشاء بسيط هما الاتنين
همسة / خلينا ناكل برة فى الجنينة
همسة و سليم كل واحد بياخد السندوتش بتاعو والعصير وبيخرجو الجنينة
سليم / تسلم ايدك سندوتش مميز
همسة / ههههة دة عبارة عن جبنة و خيار يعنى مش حاجة
سليم / اى حاجة من ايدك مميزة
همسة بتتكسف اوى
همسة / ممكن اسالك سؤال
سليم/ ممكن طبعا
همسة / انت و رانيا لية حصل بنكو كده
سليم / همسة الجواز بالنسبة لرانيا انها تلبس الفستان الابيض وتتصور
همسة / انا بقصد
سليم / اشربى العصير احسن
همسة / يعنى مش عاوز تتكلم فى الموضوع دة
سليم / ما انتى زكية اهو
همسة / بس دة بيدل ان لسة جرحك بينزف
سليم / انا جرحى كويتو بالنار
هاشم بيروح عليهم
هاشم / اية سهرنين لية لحد دلوقتى
سليم مدايق اوى
سليم / الوقت اتاخر عندى شغل الصبح تصبحو على خيير
همسة ساكتة وبتكتفى بنظرة لسليم
هاشم / مالو سليم فى اية
همسة/ مفيش حاجة
هاشم بيبص لهمسة اوى
هاشم / طب يلا انتى كمان تعالى علشان تنامى الوقت اتاخر
همسة لسة هتشيل الاكل
هاشم / سيبى كل حاجة هم هيجو ينضفو يلا تعالى
هاشم بياخد همسة وبيروحو على اوضهم
هاشم / تصبحى على خيير
همسة / وانت من اهل الخير
.
**********************************
.
فى الصباح
سليم فى الشركة و همسة بتصحى وبتخبط على اوضة يوسف على سليم ومبيردش وبتفتح وبيكون خرج
و همسة بتروح على اوضة والدتها
هالة / صباح الخير يا حببتى
همسة بتروح تبوس ولدتها وبتقاعد جمبها بهدوء
هالة/ مالك يا حببتى شكلك زعلانة لية
همسة / لا مفيش بس كنت بفكر فى حاجة كدة متشغلييش بالك انتى دكتور العلاج الطبيعى ميعادو النهاردة
الممرضة / اة الساعة ٢
همسة / انا عندى شغل يا ماما هروح وهرجع قبل الدكتور
هالة/ روحى يا بنتى ربنا معاكى خلى بالك من نفسك
همسة بتخرج وبتشوف هاشم
هاشم / همسة انا عندى مشوار مهم هروح ومش هتاخر
همسة / وانا كمان لازم اروح الشركة الشغل ملهوش زمب انو يتعطل
هاشم / الامن هيكون معاكى هيوصلك للمكان الى انتى عوزاة وهيستني لحد ما ترجعى تانى
همسة / بس انا
هاشم / همسة يا اما تنفذى الى بقولو يا اما مفيش خروج انا اتاخرت لازم امشى
هاشم بيمشى و همسة بتروح على اوضتها تغير هدومها
وبتقف قدم المرايا بتظبط نفسها وبترجع تغير الفستان وبتلبس جينس وتيشيرت و بتربط شعرها لفوق وبتروح على الشركة بتروح على مكتب سليم و سليم مش فى المكتب
ريم / اهلا انسة همسة اتفضلى
همسة / سليم مش هنا
ريم / البش مهندش بيمر على العمال تحبى اديلو خبر
همسة/ لاشكرا
و بتروح على خط الانتاج
مصعب / اهلا همسة اية النشاط دة
همسة / قولت لازم ابدا بقي الشغل احسن مديرى يطردنى
مصعب / للاسف انتى تخصصك مع سليم يعنى انتى تحت ايد الى مبيرحمش ابدا
همسة بتضحك و سليم بيسمع ضحكة همسة وبيبص فى اتجاة الصوت وبيشوف همسة وقفة مع مصعب وبيبصلها اوى
العمال / يابش مهندس الزيت هو الى عاوز يتغير
سليم عيونو على همسة وضحكاتها مع مصعب ومبيردش على العامل
العامل / يابش مهندش يابش مهندس
سليم / اية اة ماشى غير الزيت وانا هرجعلك تانى
سليم بيسيب العامل وبيبص ف اتجاة همسة و همسة مش موجوودة وبيروح فى المكان الى همسة كانت وقفة فية وبيدور عليها مش موجودة و همسة بتروح للعمال بتسال على سليم
العمال / البش مهندش كان هنا وراح
همسة بتدايق و سليم بيروح على مكتبو وبيدور على همسة ومش موجوودة
مصعب / سليم الاجتماع مع شركة sms كمان خمس دقايق انا تحت فى الحسابات لو احتجتنى
سليم/ مصعب هى همسة كانت هنا
مصعب / اة قابلتها فى خط الانتاج تحت
سليم / هى فيين
مصعب/ ابعت حد يشفها
سليم / لاااا
مصعب بيمشى وبيسيب سليم و سليم مدايق اوى
ريم / بش مهندس دة الملف الى يخص شركة sms
سليم / سبية هنا وانا هشوفو
سليم بيمسك الملف ومش عارف يفكر وبيخرج برة المكتب
بيلف فى الشركة وبيدور على همسة و همسة بترجع مكتب سليم وهو مش موجوود
همسة / دة لو انا بدور على مفتاح على بابا كنت لقيتو
همسة بتخبط فى الارض ولسة هتخرج وبتخبط فى سليم وبتتكعبل و سليم بيلحقها وبيضمها علية وبيسندها وبيبصو لبعض اوى بحب وكانهم فى عالم تانى
سليم / انتى كويسة
همسة / انا انا ااة ااة
همسة بتبعد عن سليم بسرعة ومتوترة
سليم / باين عليكى رجعتى زى زمان
همسة / ازاى يعنى
سليم/ الجينس يعنى
همسة / لية وحش
سليم / اى حاجة عليكى حلوة
همسة / لاياشيخ
سليم / لا بجد انتى اى حاجة بتلبسيها بتكون مختلفة
ريم بتدخل
ريم/ بش مهندس الاجتماع جاهز وشركة smsوصلو
سليم / روحى انتى وانا جااى
همسة/ دى شركة الجلوود صح
سليم / اة هيوردلنا الجلوود للشركة
همسة / انا مش عوزة اعطلك انا هستعمل مكتبك شوية هعمل شوية تعديلات فى التصاميم
سليم / المكتب تحت امرك صبعا لو احتجتى حاجة اطلبيها من ريم
همسة / اوكى
سليم / اشغلك التكييف
همسة / لا الجوو برد
سليم / اة احنا فى الشتاء خلاص انا هروح وانتى اعتبرى المكتب مكتبك طبعا
سليم لسة هيخرج وبيرجع بيروح على همسة وبيشدلها شعرها وبيفكو
سليم / كدة احسن متشديش شعرك اوى كدة خلية كدة
همسة بتبتسم اوى و سليم بيخرج بيروح على الاجتماع
.
**********************************
.
سليم بيروح الاجتماع وبيقابل مديرة شركة sms و سليم مستغرب اوى
ابتسام / حاسة ان حضرتك مستغرب
سليم/ اسف بس كنت مفكر ان مدير شركة sms بيكون الاستاذ فارق مختار
ابتسام / وانا بكون بنتو وانا المسؤالة حاليا دة لو معندكش مانع طبعا
سليم / لااا لاا طبعا خلينا نبدا الاجتماع
سليم بيتكلم مع ابتسام فى العقد والاتفاق وبيمضو العقود
سليم / اتشرفت بمعرفتك
ابتسام /وانا كمان وان شاء الله الشغل الى بينا مفهوش اى مشاكل
سليم / اتمنى كدة
ابتسام / استاذن انا لازم امشى
سليم بيخرج معاها والموظفيين بيبصو على ابتسام اوى
طبعا من جملها وانها شيك جدا باستثناء ان الفستان الى لبساة يادوبك شبر ونص بس و سليم بيوصلها لعربيتها وبيقفو يتكلمو
ابتسام / اتشرفت بمعرفتك انا سمعت عنك كلام كتيير
سليم / يكون خير ان شاء الله
ابتسام / بابا معجب بيك جدا وبيقول انك من احسن رجال الاعمال الشباب فى البلد الى بنو نفسهم من الصفر
سليم / دة شرف ليا طبعا
.
**********************************
.
همسة فى مكتب سليم وهى معدية من قدم الشباك بتشوف
سليم واقف مع ابتسام وبتقرب اوى انها تشوف كويس وبتتخبط فى الازاز
همسة / ااااة همسة يا غبية غبية
همسة بتبص عليهم تانى ومش موجوديين
همسة / هما راحو فيين
سليم / هما ميين
همسة بتصرخ من الخضة وبترمى الورق الى فى اديها فى الهوى و سليم بيضحك
همسة / ابو شكلك
سليم بيلم الورق بتاع التصاميم و همسة كمان بتشيل الورق معاة وهما الاتنين بيمسكو ورقة واحدة وسليم بيمسك ايد همسة و همسة بتسيب الورقة والورقة بتقع وهما الاتنين بينزلو يجيبو الورقة فى نفس اللحظة وبيخبطو فى دماغ بعض و همسة بتتعصب وبتحط الورق على المكتب وبتخبط فى الارض وبتخرج
..
سليم / مجنونة
همسة بتروح على مكتب ريم وبتقاعد علية و بتتصل بالارشيف وبتطلب منهم تصاميم وبتقاعد على مكتب ريم وبتشتغل
ريم / انسة همسة تحبى اساعدك فى حاجة
همسة / لا شكرا ريم اسفة انى احتليت المكتب بتاعك
ريم / لا ابدا انا طول اليوم بكون وره البش مهندس وتقريبا مبستعملش المكتب
همسة / ريم تعرفى ميين الى كانت مع سليم من شوية يعنى شكلها مش غريب عليا بيتهيقلى شفتها قبل كدة يعنى
ريم / دى مديرة شركة sms للجلوود الى هناخد منها الجلوود
همسة/ اية هى دى مديرة sms
ريم / انا قرات الملف بتاع الشركة هى ناجحة جدا فى شغلها وجميلة كمان وشيك جدا واستيل واااو
همسة / ريم خلاص شكرا انتى بتتكلمى كتيير لية
همسة بتسيب ريم وبتمشى
ريم / هو انا قولت حاجة علشان تتدايق كدة
.
**********************************
.
همسة بتروح لسليم
سليم / همسة تعالى كنت عوزك شوفى التصميم دة
همسة بتروح عند سليم بتشوف التصميم
سليم / بيتهيقلى ان نوع القماش دة مش هينفع
همسة / لا بالعكس دة مناسب جدا
سليم / ازاى دي تصاميم صيفية ودة قماش شتوى يعنى
همسة / خلاص مدام انت شايف كدة انت المدير وممكن تغير الى انت عوزو سلام
سليم بيروح وره وبيمسك اديها قبل ما تخرج
سليم / فى اية يا ستى انا اسف دة كان مجرد راى بس وانتى حرة طبعا دى تصاميمك
همسة / لا انا اسفة عندك حق خلينا نتكلم بعديين لازم امشى
سليم / ريحة فيين لسة فى شغل
همسة / دكتور العلاج الطبيعى على وصول وعوزة اكون موجوودة
سليم / ثوانى هاجى معاكى اطمن على طنط انا وعدتها انى هرجعلها تانى
همسة / بس انت عندك شغل كتيير انا هقولها انك كان عندك شغل
سليم / انا معنديش اهم من عيالتى
همسة بتبص لسليم اوى و سليم بيفتح الباب لهمسة
سليم / يلا نمشي
همسة و سليم بيخرجو وبيروحو على العربيات و الامن بتاع همسة
الامن / انسة همسة حضرتك لازم تركبى معانا
سليم / سليم معايا
الامن / اسفيين معندناش اوامر بكدة
سليم بيتعصب اوي
سليم / لما اكون مع همسة يبقي خلاص
همسة / سليم فى اية اهدى
همسة / خلاص انتو روحو علي الفيلا واحنا كمان رجعيين على الفيلا
الامن/ يبقي هنكون وره حضرتك اتفضلو احنا وراكو
سليم متعصب
همسة / سليم يلا خلينا نروح متكبرش الموضووع
همسة و سليم بيركبو العربية
.
**********************************
.
رحمة مع الولاد فى الاوضة وبتوصف لمنير كل حاجة عن الولاد و اشرف بيدخل الاوضة
رحمة / اشرف حبيبى حمدالله على السلامة
اشرف / الله يسلمك اهلا بيك فى اول يوم
منير / اهلا بحضرتك
رحمة /حبيبى انت رجعت بدرى لية من المكتب
اشرف / لية مش عوزانى ارجع بيتى
وردة ✍️
التعليقات على الموضوع