رواية صديقي كن حبيبي الحلقة ٣٠
🦋 الحلقة ٣٠ 🦋
.
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
.
همسة / يوسف هاشم اعمل حاجة هيخدو يوسف معاهم
هاشم / متخفيش خلينا نروح ورهم
سارة دة كلو ووقفة بعيد وبتشوف سليم واقف لوحدو
و همسة و هاشم بيركبو وبيمشو وره الشرطة
سارة / سليم فى اية
سليم / سارة انا بحب همسة اوى ومش مستعد انى ابعد عنها ولا لحظة
سارة / ومستنى اية يلا روح ورها
سليم بيجرى على العربية بتعتو وبيروح ورهم على القسم
و بيوصل على القسم وبيشوف همسة و هاشم وقفيين برة
سليم / هاشم فى خبر
هاشم قلقان ومبيردش وبيحس بدوخة و سليم و همسة بيلحقة بسرعة قبل ما يقع و سليم بيسندو للعربية
همسة / هاشم فيك اية
سليم / اهدى يا همسة مفيش حاجة
هاشم / انا كويس متقلقيش بس ضغطى وطى شوية بس يوسف يخرج من هنا وانا هكون كويس متقلقيش
سليم / خلينا نروح المستشفى
هاشم / لاا لاااا انا كويس
يوسف / هاشم
هاشم بيبص بيشوف يوسف خارج مع كتيبة المحاماة الى هاشم جيبهم وبيجرى على هاشم وبيحضنو وبيحضن همسة اوى وبيلف بيها فى الهوى
همسة / يعنى خلاص كدة انت
يوسف / اخدت برائة
همسة / ازااى
يوسف بيبص لهاشم اوى
هاشم / كنت فاكر انى هتنازل عنك انت اخويا دة انا اهد الدنيا دى كلها
ويوسف بيعيط وبيحضن هاشم اوى وهمسة فرحانة و سليم بيبص لهمسة اوى قد اية فرحانة و همسة بتبص لسليم وبتخفى ضحكتها عنو وبتدارى وشها و هاشم بيبص للمحاميين بتوع يوسف
هاشم / يعنى كدة يوسف مفيش علية حاجة
المحامى / بعد الاوراق الى قدمناها الاسبوع الى فات اثبتنا ان يوسف كان تحت السن القانوني لما حصلت الحادثة وطبعا الحكم سقط من علية
سليم / مبرووك يا يوسف مبرووك على الحرية
يوسف فرحان اوى وبيحضن سليم و بيشكر المحاميين وبيمشو
هاشم / يلا انتو هتفضلو وقفيين كدة عندنا فرح
همسة بتبص لسليم اوى
سليم بيبتسم لهمسة ومشلش عنية من همسة وهاشم بيبص ليوسف وبيشاورلو على همسة و سليم انهم مبيشلوش عنيهم من عيون بعض بحب
هاشم / اية هتفضلو وقفيين سليم هات همسة وتعالة ورنا يلا
همسة و سليم بيروحو على العربية ويوسف بيركب مع هاشم العربية
.
**********************************
.
سليم / اسف على الكلام الى سمعتية من سارة
همسة / لا انا الى اسفة انى لغبطت حياتك بسببى
سليم بيقف بالعربية على جمب
سليم / همسة يمكن فى الاول كان الموضوع دة مجرد صداقة وبس اما دلوقتى بيتهيقلى مينفعش يفضل صداقة
همسة / بالعكس انا شايفة ان مينفعش يكون غير كدة
سليم بيبص لهمسة اوى
سليم / يعنى انتى شايفة كدة
همسة / اة
سليم بيسوق العربية تانى وبيمشى و همسة بتفكر وبتكلم نفسها
همسة / ازاى هيكون اكتر من صداقة وانا لسة شايفة اللمعة فى عيونك لما بتسمع اسم رانيا ازااى
وبيروحو على الفيلا و همسة بتنزل و سليم لا
همسة / مش هتنزل
سليم / لا عندى شغل كتيير النهاردة لازم اعملو
همسة / اوكى سلام
سليم بيمشى على طول حتى من غير سلام ومدايق اوى
و همسة وقفة بتبص علية لحد ما خرج برة الفيلا و بتدخل على الفيلا
هاشم / فيين سليم مدخلش معاكى لي
همسة / سليم عندو شغل
يوسف/ يااة يعنى انا دلوقتى حر
هاشم / لا مش حر اوى عينى عليك على فكرة
همسة باين عليها الحزن
همسة / انا هطلع اطمن على ماما
.
*********************************
.
همسة بتطلع على الاوضة عند هالة و هالة بتتكلم فى التليفون
هالة / اة يا ابو خالد يوم الخميس الفرح اة متتاخرووش
هالة بتقفل التليفون
هالة / كنتى فيين يا حببتى
همسة / كنت فى الشركة فى شوية حاجات كنت بعملها فى الفستان
هالة / بس انتى بتتعبى اوى
همسة / فعلا تعبت علشان كدة عوزاكى تحضنينى اوى
همسة بتحضن هالة و هالة بتضمها بحنية
هالة / اعمامك كلهم جايين وفرحنين اوى
همسة دموعها بتنزل هالة بتحس ان همسة بتعيط و هالة بترفع عيون همسة
هالة / مالك يا حببتى فى اية قولى لامك
همسة / مفيش بس حاسة انى عوزة اعيط وخلاص
هالة / كل بنت قبل الجواز بتكون كدة انتى عارفة قبل فرحى بيوم واحد خرجت لابويا وقلتلو لا مش عوزة اتجوز والبلد اتقلبو عليا علشان صعيدة باة بس امى قاعدة معايا واتكلمت معايا وفهمتنى انى مش معنا انى هتجوز انى خلاص هبعد عنهم ومش هحس بالامن لا بالعكس جوزك عيكون امانك يابنتى وهيكون حنين عليكى زينا بالظبط
همسة / ربنا يخليكى ليا يا ماما وميحرمنيش منك ابدا
هالة / سليم بيحبك اوى يا بنتى انا شفت الحب دة فى عيونو من نظراتو ليكى يمكن انا مشلولة بس بفهم اوى نظرات الشخص الى قدمي
همسة / انا تعبانة هروح ارتاح شوية علشان عندى شغل كتيير
هالة / لااا مش هتمشى من هنا غير لما اشوف ضحكتك
همسة بتبتسم وبتحضن والدتها اوى وبتخرج
.
**********************************
.
سليم فى المكتب مدايق اوى وريم بتدخل
ريم / بش مهندس الانسة ابتسام مديرة sms منتظرة برة
سليم / اة دخليها
وبتدخل ابتسام وبتسلم على سليم وبيقاعدو يتكلمو فى الشغل و ابتسام بتشوف فستان همسة فى مكتب سليم
وبيعجبها جدا
ابتسام /ووواووو حلو دة اوى
وابتسام بتروح علية وبتتفرج علية عن قرب وبتمسكو
ابتسااام / دة من انتاج الشركة الجديدة انا سمعت عن الشركة
سليم / شكرا بس دة
وبتدخل همسة مكتب سليم وبتبص على المكتب سليم مش موجوود علية
سليم / همسة
همسة بتبص بتشوف سليم واقف مع ابتسام قدم الفستان بتعها
ابتسام / انا اختى هتتجوز كمان شهر انا مستعدة ادفع اى مبلغ انت تحددو فى الفستان دة رووعة فعلا
همسة بتبص سليم وبزعل
سليم /ابتسام اقدملك همسة المصممة للشركة
ابتسام / انتى روووعة بجد عندك افكار رووعة وخصوصا الفستان دة انت يا سليم متتخيلش اختى دورت على فستان مع كام مصمم
همسة / بعد ازنكو
سليم بيروح على همسة وبيمسك اديها وبيوقفها وابتسام بتستغرب اوى وبتبصلهم باستغراب
سليم/ ابتسام دى مصممة الشركة وكمان بتكون صحبت الفستان وخطبتى ويوم الخميس الفرح
ابتسام اتغير لونها و همسة بتستغرب اوى همسة بتبص سليم وعلى ايدو الى ماسك بيها ايدها بقوة و همسة هى كمان بتمسك ايدو و سليم بيحس بايد همسة وبيبصلها اوى
و ابتسام بتحس ان فى احراج
ابتسام / الف مبرووك مكنتش اعرف انك خاطب وهتتجوز كمان
همسة / لو حبيتى الفستان عادى ممكن
ابتسام / لااا طبعا مبرووك عليكى الفستان بجد روعة وهيكون عليكى يجنن
همسة / شكرا
سليم / ممكن همسة تساعد اختك انها تلاقى الفستان المناسب
ابتسام/ اة طبعا انا اتاخرت لازم امشى
سليم / بس احنا لسة محددناش النظام
ابتسام / اة خليها يوم تانى انت مش هتخلص منى بالسهولة دى
وابتسام بتمشى و همسة بتبص لسليم
همسة /ممكن تسيب ايدى
سليم / اة خديها
همسة / اة هخدها مش ايدى لازم اخدها
سليم يبصلها بحب
همسة / ممكن متبصليش كدة
سليم / ازااى يعنى
همسة / وكمان انت ازااى تخليها تمسك الفستان بتاعى
سليم / هى شفتو وعجبها وانتى دخلتى وسمعتى
همسة / لا ممكن من الاول تقولها انو مش للبيع وخلاص دة لوحضرتك مش عاوز عكس كدة طبعا
سليم / احنا كدة تقريبا كل ساعتيين بنتخانق احنا عدينا الرقم القياسى
همسة / انا خارجة من هنا احسن اتخنقت
سليم / يكون احسن
همسة بترجع من على الباب تانى لما بتسمع رد سليم وبتقف قدمه بغضب
همسة / انت قولت اية
سليم بخوف من نظرتها
سليم /انا قولت مع السلامة
همسة بتتعصب وبتخرج من الاوضة بسرعة و سليم بيضحك عليها وبيروح يقاعد على المكتب بيفكر ومبتسم اوى
.
*********************************
.
ريم بتشوف همسة
ريم / انسة همسة انسة همسة
همسة / نعم ياريم نعم قولى
ريم / الجواب دة جالك من يوميين ونسيت ادية لحضرتك
همسة / من يوميين وفكرة دلوقتى
ريم / اسفة
همسة بتاخد الجواب من ريم وبتفتحو وبيكون من عمرو
عمرو / همسة بما انك رفضة تكلمينى او تردى على التلفون انا ببعتلك الجواب دة همسة صدقينى انا عمرى ما كدبت عليكى ابدا سليم بيخدعك ولو عوزة تعرفى هو بيخدعك فى اية لازم اشوفك انا فى الفندق ومنتظرك ومش هسافر من مصر غير لما اشوفك واحكيلك على الى عملو سليم
همسة بتبص على اوضة سليم وبتقطع الجواب وبترمية فى الزبالة وهى مشيا بتشوف يوسف وبتروح علية
همسة/ يوسف انت هنا فى اية ماما كويسة اتكلم فى اية حصل
يوسف / انتى مش سيبانى اتكلم اصلا اهدى مفيش حاجة انا جاى لسليم
همسة / سليم
يوسف / اة متخفيش مش هكلو الفرح قرب ولازم نروح نشوف البدل
همسة / اة اوكى ان كان كدة اوكى
ويوسف بيبوس همسة من خدها وبيروح على مكتب سليم
ريم / انسة همسة
همسة/ فى اية تانى يا ريم
ريم / ممكن سؤال شخصى شوية
همسة / شخصى
ريم / ميين الشاب المووزة دة الى كان واقف معاكى
همسة بتتعصب
همسة /ريم متعصبنيش اة الشاب المزة دة بيكون اخويا
ماشى شوفى شغلك ياريم اوكى
ريم / بس هو عيونو زرقة وانتى عسلى هو ابيض زي البدر وانتى يعنى امحوية شوية هو طوييل ووسييم اوى وانتى كمان حلوة على فكرة بس هو حاجة تانى
همسة / انتي عارفة لو ممشتيش من هنا هقتلك
ريم بتخاف وبتجرى على مكتبها و همسة بتبصلها بغضب ولسة هتمشى
ريم / انسة همسة
همسة / فى اية تانى
ريم / البش مهندس طالب حضرتك
.
**********************************
.
همسة بتروح على مكتب سليم ومتعصبة اوى
همسة / فى اية طلبتنى لية
يوسف بيبص لهمسة اوى ومستغرب هو و سليم لية متعصبة
عليهم وهم معملوش حاجة
يوسف / انا اعرف ان العرايس بتكون متوترة قبل الفرح بس بالشكل دة مظنش طبعا
همسة بتحاول تهدى وبتقاعد
سليم / انا ويوسف هنروح نجيب شوية حاجات يعنى البدل وكام حاجة كدة ومحتجينك معانا بما انك مصممة مشهورة دلوقتى
همسة / لا مش فاضية
يوسف / اية مش فاضية لية سليم المدير بتاعك وهيديك اجاة يلا يلا علشان منتاخرش
ويوسف بيشد همسة من اديها و سليم بيضحك وبيخرجو
سليم / ريم لو حد سال عليا انا مش هرجع الشركة النهاردة واجلى كل حاجة لا بصى ابعتى كل حاجة على مكتب مصعب
ريم/ حاضر يافندم
.
**********************************
.
فى بيت اشرف
منير قاعد فى اوضة الولاد بيذاكر والولاد نايميين
و رحمة بتجيب لمنير قهوة
منير / انا متشكر جدا بس ملهوش لازوم التعب دة انا كنت نزلت عملتها بنفسى
رحمة / لا ولا يهمك
اشرف بياخد القهوة من رحمة وايدو بتيجى على اديها
و رحمة بتبعد اديها والولاد بيعيطو و رحمة بتروح على النونو تهدية
منير / انتى ام مثالية جدا
رحمة/ لا مش للدرجة دى
اشرف بيوصل ومعاة همسة الصغيرة و بيدخلو اوضة الولاد
رحمة / حبيبى حمدالله على السلامة
اشرف بيبص لمنير اوى و رحمة بتنيم البيبى وبتلاعب
همسة
اشرف / حببتى عندى شغل لازم ارح
جع الشركة وممكن اتاخر
رحمة / ماشى يا حبيبى
اشرف بيمشى
رحمة / سوسو تعالى يلا تغيري هدومك وتقوليلى عملتى اية فى المدرسة
و بيخرجو و منير بيبص لرحمة وهى خارجة بنظرات غريبة وبيقاعد بيزاكر
.
**********************************
.
همسة مع سليم ويوسف فى مول كبير وبيدخلو محل للبدل
وبيتفرجو على البدل وبيختارو البدل بتاعتهم و يوسف بيقرب من سليم وبيوشوشو على حاجة
همسة / فى اية انت وهو
سليم / اخوكى عاوزنا نعمل حفلة عزوبية
يوسف /اة دى هتكون اخر مرة هتشوف بنات تانى فى حياتك
همسة / يوسف متنساش ان الجواز دة على الورق وبس سليم ممكن يعمل الى هو عوزو
سليم بيبص لهمسة
سليم / عندك حق يا يوسف فعلا فكرة الحفلة دى حلوة ومن نعملها فى الفيلا عندى
يوسف / سيب الباقى عليا انا بقي انا هجهز كل حاجة
همسة مديقة اوى و سليم بيبصلها ومدايق
.
**********************************
.
يوم حنة همسة
رحمة بتروح لهمسة الفيلا و همسة فى اوضتها نايمة
رحمة / همسة همسة اصحى يلا بسرعة
همسة / رحمة فى اية سبينى عوزة انام
رحمة / يلا النهاردة الحنة وفى تجهيزات كتيير يلا بسرعة
همسة بتقاعد على السرير
همسة / رحمة يا حببتى حنة اية وبتاع اية انا مش فهمتك اكتر من مرة ان انا و سليم
هالة بتدخل على الكرسى المتحرك الاوضة و همسة بتسكت
هالة / صباح الخير يا عرووسة
همسة بتروح عليها وبتحضنها
همسة / صباح الخير يا حببتى
رحمة / شايفة يا طنط همسة والكسل الى هى فية النهاردة الحنة وورانا حاجات كتيير
هالة / اة ومراتات اعمامك وبنات اعمامك كلهم هيكونو
موجوديين النهاردة هما وصلو الشقة وهيرتاحو وهيجو هنا
همسة بتتعصب وبتبص لرحمة بعصبية
رحمة / الله كدة الحفلة كملت وانا كمان عزمت كل بنات زميلنا الى كانو معانا فى الجامعة لولو وتوتة وليلى وكمان نفيين
همسة / بس انا بكرة البنات دى
رحمة / اة علشان سليم يعنى بس الكلام دة كان زمان
همسة / لا البنات دى بالذات مش عوزاهم
فايزة / همسة عييب يلا روحى خدى شور بسرعة لحد لما اخليهم يجهزو الفطار
همسة وهى ماشية بتضرب رحمة فى كتفها و رحمة بتضحك
.
**********************************
.
سليم فى الشركة فى مكتبو و مصعب بيدخل المكتب
مصعب/ سليم انت بتعمل اية هنا
سليم / يعنى هكون بعمل اية بشوف شغلى طبعا
مصعب / يلا على البيت يلا انت فى اجازة من النهاردة لمدة اسبوعيين كمان
سليم / ماشى يا مصعب
سليم قاعد بيكمل شغلو
مصعب / انت مفكر انى بهزر يلا روح من هنا يلا
ومصعب بيخرج سليم من المكتب والموظفيين بيشوفو سليم
الموظفيين / الف مبرووك يا بش مهندس الف مبروووك
مصعب / شايف الكل متحمس اوى غيرك انت
سليم / مصعب خلينى ارجع مكتبى اكمل شغلى
مصعب/ يلا على بيتك وجهز السهرة علشان الحفلة النهاردة
سليم / اكيد يوسف
مصعب / مع السلامة يا عريس
سليم بيروح على عربيتو
.
**********************************
.
فى الليل
همسة بتلبس فستان ازرق قصير و رحمة معاها فى الاوضة
رحمة / انا مش عارفة انتى رفضة لية تلبسى الزى الهندى دة
همسة / رحمة انا مش هلبس حاجة غير الفستان دى ولو مش عجبك هنزل بالبجامة
رحمة / طب انا جيبالك الزى التركى او لبس الفرعنة حلو اوى
همسة / فيين البيجامة بتعتى
رحمة / خلاص خلاص حلو الفستان دة
همسة و رحمة بينزلو والفيلا مليانا بنات كتيير
همسة / ميين دوول كلهم
رحمة / اة نسيت اقولك انى الى بعزمو بقلو يعزم اصحابه
همسة / حسابك معايا بعديين
والكل بيهيص لهمسة والكل فرحان اوى و همسة بتروح على والدتها وبتبوس اديها و هالة بتعرفها على مرات عمها واولدها وبتروح بتسلم على البنات
نفيين زملتهم من الجامعة وكانت بتحب سليم
نفيين / مبرووك يا همسة مبرووك فى الاخر قدرتى تعملى الى احنا مقدرناش نعملو
همسة بتبص لرحمة و رحمة بتهرب وسط البنات
همسة / عقبلكو
هالة بتنادى لهمسة علشان الحنانة هترسملها حنة
همسة / ماما ارجوكى انا مبحبش الحاجات دى
هالة / لا دى العادات بتاعتنا ولازم كل عروسة تعملها
وبيرسمو لهمسة حنة على اديها ورجليها وبعد شوية همسة بتتخنق اوى من الهيصة وبتخرج البلكونة و رحمة بتروح عليها
رحمة / همسة انا بحاول اخليكى مبسوطة بس انتى
رحمة / المفرووض انك اكتر وحدة عرفانى كل دة بيوجعنى اوى لما بفتكر ان كل حاجة مجرد لعبة وبس
رحمة / مش يمكن دة كلو يتغير واللعبة تقلب حقيقة
همسة / انتى بتحلمى
وموبيل رحمة بيرن وبيكون اشرف
رحمة / نعم يا حبيبى يعنى انتو عند سليم دلوقتى اية فى الفيلا اشرف والله لو عملت حاجة غلط هاجى اطربق الفيلا على دماغك ولو قربت على اى بنت منهم هقتلك بايدى
همسة بتقرب على رحمة
همسة / بنات اية
رحمة / اشرف ياستى بيتصل بيا وبيقولى ان يوسف جايب رقاصات فى الحفلة الى عملها سليم علشان توديع العزوبية
اشرف بيقولى علشان لما اعرف مقفش علية يعنى
همسة / رقصات ماشى
رحمة / انا هروح اشوف البنات لو محتاجيين حاجة وانتى روحى اغسلى الحنة كدة خلاص ويلا تعالى
همسة بتروح على الحمام ومتعصبة اوى وبتكلم نفسها
همسة / رقصات كمان ماشى يا سليم ان مفيش فرح وهروح اهد الحفلة على دماغك كمان
وردة ✍️
التعليقات على الموضوع