رواية صديقي كن حبيبي الحلقة التاسعه
🦋 الحلقة ٩ 🦋
.
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
.
ولسة همسة بتبص بتشوف سليم قاعد مع هالة
هالة / اية رايك فى المفاجاة دى
سليم / انا و همسة اتقبلنا
همسة / ماما هدخل الحاجات دى المطبخ
هالة / هاتى انا ادخلها وانتى اقاعدي اتكلمو مع بعض زى زمان
سليم بيبص لهمسة و همسة بتروح تقاعد قدمه
سليم / حاسس انك وحدة غريبة عنى معرفتهاش ولا اتربيت معاها انا كنت فكرت انى لو شفتك فى يوم من الايام هجرى عليكى واحضنك زى زمان بس دلوقتى مش عارف
همسة / تحب تشرب اية
سليم بيضحك
همسة / بتضحك لية
سليم / انتى مش ملاحظة اننا بنتكلم بلطافة مع بعض مش داخل دماغى انك همسة صدقتى الصدوقة
همسة / مش انا بس الى اتغيرت انت كمان اتغيرت كتيير دلوقتى رجل اعمال
سليم / بس انتى والتصميم يعنى غريبة
همسة / انا درست تصميم فى ٣ سنين
سليم / برافو انتى طول عمرك بتنجحى فى كل حاجة بتدخليها
هالة بتخرج
هالة / سليم يا ابنى والدتك عاملة اية هى وحشتنى اوى
سليم / ماما الله يرحمها يا طنط اتوفت من سنة
هالة بتزعل اوى
هالة / الحبايب كلهم سابونى وراحو عزت و كريمة
هالة بتعيط و همسة بتروح عليها
همسة / ماما حببتى بلاش عياط الله يرحمها اية رايك نقرا لبابا وطنط الفاتحة مع بعض
وبيقرا الفتحة كلهم و سليم بيبص فى الساعة
سليم / الوقت اتاخر انا لازم امشى
هالة / خليك اتعشا معانا انت وحشنى اوى انت و رحمة وزينب هى رحمة فيين وعاملة اية
سليم / زينب اتجوزت وسفرت لبنان مع جوزها رحمة كمان عندها بنوتة خمس سنين
هالة / ربنا يخليكو لبعض يا حبيبى
سليم / لو احتجتو حاجة عرفوني تصبحو على خير
سليم بيمشى و همسة بتوصلو للباب
همسة / مع السلامة
سليم بيبتسم لهمسة
سليم / الله يسلمك
سليم بيمشى و همسة بتبص علية لحد ما بيبعد و بتروح اوضتها وقاعدة بتفكر ومديقة اوى
هالة / همسة يا بنتى انتى مش هتتعشى
همسة / لايا ماما مليش نفس عندى شغل كتير بكرة ولازم اصحى بدرى
هالة / ماشى يا بنتى يبقي لازم اجبلك كوبية لبن قبل ما تنامى
همسة بتبتسم لولدتها و هالة بتخرج و همسة بتفكر وبتفتكر ايام الجامعة لما كانت هى و سليم بيهزرو مع بعض وبيضحكو اوى و بتحاول تبعد الافكار من دمغها
وبتلف فى الاوضة وبتكلم نفسها
همسة / لا يا همسة مستحيل مركبك يغرق تانى فوقى يا همسة
همسة بتكلم عمرو
عمرو / انا كنت زعلان بس لما سمعت صوتك خلاص كل حاجة راحت
همسة / زعلان منى انا
عمرو / حضرتك بقالك ٥ ساعات مكلمتنيش فيهم ولا سمعت صوتك
همسة / لية هو المفروض ان انا الى اكلمك
عمرو / اة طبعا مش انتى الى بتحبينى
همسة / لاياشيخ وميين قالك كدة
عمرو / قلبى هو الى قالى
همسة/ قلبك وقلبك بقي قالك اية تانى
عمرو / انى بحبك وبموت فيكى
همسة بتضحك ومبسوطة اوى وبتسمع صوت فى الشارع وهيصة وبتروح على البلكونة وبتشوف ولاد بيلعبو كورة وبتشوف سليم بيلعب معاهم وبيضحكو اوى و بتقفل مع عمرو التلفون
سليم بيبص بيشوف همسة وبيبتسملها اوى و همسة بتدخل وبترمى بجسمها على السرير
.
**********************************
.
فى الصباح
همسة مستنية عمرو واتاخر و همسة بتتصل بية
همسة / عمرو انت اتاخرت اوى
عمرو / اتاخرت
همسة / انت نسيت مش المفروض انك هتيجى تخدنى ونروح نشوف القماش
عمرو / اسف حببتى والله نسيت خالص بس انا عندى
اجتماع مهم دلوقتى انا هبعتلك العنوان فى رسالة وانتى روحى وانا لما اخلص الاجتماع هاجى ومش هتاخر
همسة / ماشى يا عمرو
عمرو / انتى زعلتى
همسة / لا بس من المفروض انك تقولى انك مش هتقدر تيجى مش احسن ما انا مستنية كدة
عمرو / اسف يا روحى متزعليش منى واية رايك نتغدا مع بعض النهاردة
همسة / خلاص اوكى سلام بقي لازم الحق الميعاد
همسة بتقفل التليفون ومديقة اوى وبتاخد شنطتها وشنطة الى فيها التصاميم
همسة / ماما انا همشى علشان هتاخر
هالة / ربنا معاكى يا حبيبتى
همسة بتخرج ولسة هتخرج من العمارة بتشوف سليم ومعاة رحمة ومعاهم همسة الصغيرة بيركبو العربية و رحمة بتبص لهمسة اوى وبتركب العربية وباين عليها زعلانة اوى من همسة
سليم / صباح الخير
همسة / صباح النور
همسة بتبص لرحمة اوى و رحمة بتودى وشها فى الاتجاة التانى
سليم / لو تحبى اوصلك معانا تقريبا احنا ريحيين نفس المكان
همسة / لا شكرا انا فى حاجة هعملها الاول
سليم بيركب العربية وبيمشى و همسة بتوقف تاكسى وبتروح على النيل وبتقف بتشم هوى وبتفكر وبتروح على الشركة بتاعت سليم وبتروح على الاستقبال وبتسال الموظفة على مكتب سليم والموظفة بتقولها على المكتب و همسة لسة هتمشى وبتقابل مصعب
مصعب/ اهلا اهلا يا انسة همسة
همسة / اهلا بيك
مصعب / اتفضلى على مكتب سليم اتفضلى
ومصعب بياخد همسة على مكتب سليم و سليم مش موجود فى المكتب
مصعب / سليم مش هنا اكيد فى خط الانتاج ثوانى وابلغو
همسة / خلينا احنا كمان نروح وبالمرة نشوف الانتاج
مصعب / بس هناك دوشة انا ممكن اجبلك كل العينات هنا
همسة / لا مفيش مشكلة انا بحب الحركة
مصعب / برحتك اتفضلى
همسة بتروح مع مصعب على خط الانتاج وبتتفرج على العينات وبيشوفو سليم واقف بيتكلم مع العمال و بتبصلو اوى من بعيد وبيقربو وبتروح هى ومصعب على سليم
و سليم بيشوف همسة
سليم / اهلا يا همسة اية رايك فى الانتاج
همسة / منظم كل حاجة فى مكانها والجودة عالية جدا
سليم / الحمد لله انها عجبتك
سليم بيبص لهمسة اوى ومرتبك و مصعب بيشاور لسليم انو يفرج همسة على القماش
سليم / اتفضلى شوفى القماش دة كل حاجة فية من القطن الخالص
مصعب / بعد ازنكو هروح انا
ومصعب بيمشى و سليم بيرتبك ومش عارف يتكلم
سليم / انتى سافرتى لية يا همسة اية الى غيرك كدة حاسس فى الكلام بينا فى برود مع اننا كنا اقرب اصحاب وبيتهيقلى ان صداقتنا كانت حقيقية
همسة بتتهرب بعيونها
سليم / اية الى حصل حاسس انى بتكلم مع حد تانى مش همسة كابتن ماجد صدقتى الصدوقة
همسة / انا بيتهيقلى ان احنا فى الشغل دلوقتى يعنى
سليم / ماشى يا همسة اتفضلى افرجك على باقى الانتاج
سليم بيحاول يركز فى الشغل و بس
.
**********************************
.
بعد ساعتين
سليم / انتى كدة اختى فكرة عن الانتاج هنا وانواع القماش الى موجودة
همسة / فعلا وانا اخترت كام قطعة حاليا هيكونو حلويين اوى للتصاميم
سليم / خلينا نروح المكتب نكمل كلمنا
همسة و سليم بيروحو على المكتب و همسة بتطلع التصاميم بتاعتها
سليم / واااو روعة بجد بجد روعة
همسة / عجبوك
سليم / جدا وبالذات الفستان ده ثوانى
سليم بيفتح دورج مكتبو وبيطلع قطعة قماش كبيرة وبيروح على همسة
سليم / بيتهيقلى ان القماش دة هيكون جميل اوى
همسة / فعلا عندك حق
سليم و همسة بيشتغلو فى المكتب ومبيحسوش بالوقت ابدا
ومصعب بيدخل المكتب
مصعب / اية دة انتو لسة بتشتغلو يلا وقت الغداء
همسة بتبص فى الساعة
سليم / فى الشركة هنا كافتريا خلينا ناكل حاجة ونرجع
همسة / اسفة عمرو عازمنى على الغداء ولازم امشى
سليم / عمرو اة اوكى
همسة بتتصل بعمرو ومبيردش على التلفون
سليم/ تلقية عندو شغل ومش سامع الموبيل
همسة بتبص لسليم اوى ومديقة
همسة / اوكى يبقي هنزل اتغدا معاكو
وبينزلو على الكفترية و همسة بتسيب موبيلها فى المكتب وبتروح مع سليم ومصعب على الكفترية و بتشوف الكفترية وبتعجبها
همسة / بصراحة فكرة الكفترية فى الشركة عجبتنى وكمان كل الموظفيين هنا
مصعب / دى فكرة سليم علشان الموظفيين يحسو اننا اسرة واحدة
سليم / دة الى لازم يحصل فى كل شركة
وبيقاعدو يتغدو كلهم مع بعض
همسة / انتو اتعرفتو على بعض ازاى
مصعب / ياريت متساليش
همسة / لية
سليم / فى القسم
وبيضحكو كلهم
مصعب / كان سليم نفسيتو تعبانة اوى وكان بيروح يسكر فى بار وحصلت خناقة وانا كنت موجود مع زميلى وقدرنا نحل الموضوع انا وزميلى وتعرفنا على بعض ومن ساعتها احنا مع بعض وعرفت انو خريج كلية ادارة اعمال وانا كنت بحاول اسس الشركة قررنا نشتغل مع بعض
سليم / المهم انك فضحتنى يعنى
مصعب / انا لية هو انا قولت حاجة
سليم / لا مقلتش انى كنت سكران وكنت فى بار ولا اى حاجة
وبيضحكو
مصعب / هو كان ساعتها مطلق جديد يعنى علشان كدة
سليم / مصعب
مصعب / فى اية انت مش قولتلى انكو اصحاب من زمان يعنى هى اكيد تعرف رانيا طلقتك
سليم / الظاهر ان لسانك دة مش هيسكت خالص
مصعب / الظاهر كدة انا هروح احسن بالهناء والشفاء
همسة بتبص لسليم اوى
همسة / مكنتش اعرف ان انت و رانيا اتطلقتو
سليم / بلاش نتكلم فى الموضوع دة احسن كل حاجة راحت وانتهت
وريم بتروح لسليم
ريم / بش مهندس مدام رحمة فى المكتب مستنية حضرتك
سليم / اة حاضر
همسة / انا اتاخرت لازم اروح
سليم / خلينا نروح المكتب واتكلمى مع رحمة شوية
همسة / رحمة
سليم / يلا تعالى
سليم بيروح مع همسة على المكتب و رحمة قاعدة هى وهمسة الصغيرة و سليم بيدخل هو و همسة و رحمة بتشفها
همسة /خاالو خاالو
رحمة بتتجاهل وجود همسة
همسة / رحمة عاملة اية
رحمة / سليم قالى انك رجعتى وكمان مخطوبة وكمان بتشتغلى مع سليم فى مجال التصميم الف مبرووك باين ان حياتك مليانة
رحمة مبصتش حتى فى وش همسة
همسة / الظاهر انك مش حبة تشوفينى انا هروح
سليم / همسة استنى
همسة الصغيرة / انتى اسمك همسة
و همسة بتروح علي همسة الصغيرة بتنزل لمستواها
همسة / اة انا همسة وانتى
همسة الصغيرة / انا كمان اسمى همسة
همسة بتبص لرحمة
همسة / يعنى انتي همسة وانا همسة بس انا مش حلوة زيك اوى كدة
همسة الصغيرة بتضحك
همسة / انا عارفة انك من حققك انى تزعلى منى بس انتى عارفة انا
رحمة / لا طلعت انى معرفش اى حاجة عنك يا همسة
فضلت اكتر من سنة اتصل بيكى كل يوم وكل ساعة علشان بس اطمن عليكى وانتى ولا مرة حاولتى تردى عليا وانا مكنتش بمل ولا بزهق ابدا يا همسة بس انتى
سليم /انا هروح اجيب حاجة نشربها
سليم بيخرج وبياخد همسة الصغيرة معاة و همسة بتروح على رحمة وبتقاعد جمبها
همسة / وحشتينى
رحمة دموعها بتنزل ومبتردش عليها
همسة / انا فى الوقت دة كنت موجوعة ومكنتش قادرة اتكلم مع حد
رحمة/ انتى حاسبتينى على حاجة انا مليش زمب فيها
همسة / خلاص كل حاجة عدت وانتهت وعرفت انها كانت لعب عيال وبس
رحمة / فعلا كل حاجة انتهت
رحمة لسة هتمشى وهتسبها و همسة بتمسك اديها و رحمة بتبصلها
همسة / وحشتينى اوى
رحمة دموعها بتنزل وبتروح على همسة وبتحضنها اوى وبيعيطو
همسة / اسفة اسفة على كل حاجة سميتي بنتك علي اسمي يا مجنونة
رحمة / وحشتيني
وبيدخل سليم عند رحمة و همسة المكتب
سليم / نفسى اعرف لية البنات بتموت فى النكد تفرحو تعيطو تزعلوو تعيطو
رحمة / انت هتفضل كدة طول حياتك مش هتفهم البنات ابدا
سليم / طب الحمد لله انى مبقدرش افهمهم بس قوليلى يا رحمة اية رايك فى همسة بعد التغيير بقيت حلوة صح
رحمة بتضرب سليم على كتفو
همسة / لاياشيخ
رحمة / همسة حلوة من زمان
سليم / اية دة انتو هتتفقو عليا زى زمان
رحمة / بصراحة اة
وبيضحكو هم التلاتة وبيدخل المكتب عمرو وباين علية متعصب اوى
همسة /عمرو
عمرو / الحمد لله انك بخير وباين انك مبسوطة كمان
همسة / عمرو فى اية
عمرو / ولا حاجة
عمرو بيمشى وبيسبهم
وردة ✍️
التعليقات على الموضوع