رواية صديقي كن حبيبي الحلقة العاشره
🦋 الحلقة ١٠ 🦋
.
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
.
سليم / اية دة انتو هتتفقو عليا زى زمان
رحمة / بصراحة اة
وبيضحكو هم التلاتة وبيدخل المكتب عمرو وباين علية متعصب اوى
همسة /عمرو
عمرو / الحمد لله انك بخير وباين انك مبسوطة كمان
همسة / عمرو فى اية
عمرو / ولا حاجة
عمرو بيمشى وبيسبهم
سليم / عمرو عمرو استنى
ومبيردش على حد و همسة بتاخد شنطتها والموبيل وبتروح ورى عمرو و عمرو بيركب العربية بتعتو ومتعصب و همسة بتركب معاة
همسة / ممكن اعرف لية التصرف الى انت عملتو دة
عمرو / فعلا تصرف غير لائق انا بعتزر
همسة/ ممكن تفهمنى فى اية
عمرو / احنا متفقيين اننا هنتغدا مع بعض النهاردة صح
وانا فضلت اتصل بحضرتك بقالى ساعة وقلقت عليكى
جدا وجريت زى المجنون ادور عليكى وفى الاخر الايكى بتضحكى وبتهزرى
همسة / انت اتصلت بيا امتى
عمرو / من ساعة
همسة / والغداء خلص من ساعتين
عمرو / كان عندى اجتماع مهم
همسة / وانا الاحتياط بتاعك صح يا بش مهندس
عمرو / لا مش كدة
همسة / كان من الممكن تتصل قبل كدة وتقولى بس الاجتماع الاهم طبعا وبعد دة كلو جاى تتعصب عليا وتقولى انا الى غلطانة كمان
عمرو / انا اسف انا مضغوط اوى اليوميين دول
همسة / بعد ازنك
همسة بتنزل من العربية ومديقة اوى وبتوقف تاكسى
همسة / همسة استنى نتكلم
همسة / عمرو بعد ازنك خلينى لوحدى شوية
.
**********************************
.
همسة بتركب التاكسى وبتمشى وبتروح على النيل وبتقف بتفكر وبتبص على المراكب الى معدية والجو الجميل وبتطلع ورقة وقلم من الشنطة وبيجلها فكرة تصميم وبتبدا ترسم وبتيجى بنت صغيرة بتبيع مناديل وبتقف بتتفرج على همسة
وهى بترسم و همسة بعد فترة بتاخد بلها من البنت الصغيرة
همسة / عجبك دة
البنت / اة حلو اوى انا لما اكبر هشترى واحد زى دة
همسة بتبتسم اوى ومبسوطة والبنت بتشوف عربيات وقفت وبتجرى عليهم علشان تبيع المنديل و همسة بيجلها فكرة
همسة / ولية لا فكرة حلوة اوى
همسة بتروح توقف تاكسى وبتروح على البيت وبتنزل من التاكسى بتشوف رحمة و همسة الصغيرة. وقفين و بتروح عليهم وبتبوس همسة
رحمة / انتى كويسة
همسة / اة متقلقيش بس كان سوء تفاهم بس
همسة الصغيرة باين عليها مديقة اوى
همسة / ملها الجميلة زعلانة لية
رحمة / عوزة تلعب معاهم
همسة بتبص وره بتشوف سليم و اشرف بيلعبو مع ولاد صغيرين كورة فى الشارع
همسة / وانتى مش بتلعبى لية معاهم
همسة الصعيرة / بابى قالى البنات مش بيعرفو يلعبو
همسة / بابى هو الى قالك كدة
همسة الصغيره بتهز رسها بنعم وهمسة بتدى رحمة الشنطة بتاعتها وبتاخد همسة الصغيرة وبتروح عليهم
اشرف / همسة حمد الله على السلامة والله لما رحمة قالتلى مصدقتش
همسة / اولا الله يسلمك وثانيا انت لية بتقول لهمسة
ان مفيش بنات بيعرفو يلعبو
سليم واقف ورى همسة
سليم / اة فعلا وبتحداكى كمان
همسة بترفع حواجبها وبتبص لسليم اوى و سليم بيبص على جزمة همسة والكعب والفستان الى هى لبساة وشعرها
سليم / بيتهيقلى ان مبقاش ينفع انتى دلوقتى برة الساحة
اشرف بيضحك هو و سليم
همسة / ماشى
همسة بتمشى وبتسبهم
سليم / اوعى الكعب يتكسر وانتى ماشية هههههة
همسة بتروح على البيت و سليم و اشرف بيلعبو تانى همسة الصغيرة زعلانة ووقفة وبعد دقايق سليم بيشوف همسة جاية عليهم ولبسة ترنج وكوتش رياضة ورفعة شعرها لفوق وبتروح تاخد الكورة وبتحدف سليم بيها و سليم بيتعصب
سليم / همسة انتى مش قد التحدى
همسة / لو خايف انسحب
سليم / ماشى انتى الى جبتية لنفسك يا همسة هنعمل فريق
همسة الصغيرة بتجرى على همسة
همسة الصغيرة / هنفوز اكيد
همسة / طبعا يا روحى
وبيعملو فريقين
اشرف / سليم انا هروح مع بنتى
سليم / ماشى يا اشرف بتتخلى عنى
اشرف / لازم نسمع كلام البنات برضو
سليم / يلا ابداى
وبيبداو اللعب همسة و سليم بيتعملو كانهم فى حرب مش فى لعب و همسة بتجيب جوون
همسة /جووووووون جوووون
سليم / فى تسلل
همسة / لا مفيش حاجة انت الى مش قادر تصدق اننا نقدر نلعب احسن منكو
سليم / انا اصلا الى سبتك تجيبى الجون بمزاجى
همسة / هههههههة لا ياشيخ
وبيبداو يلعبو تانى همسة كانت هتجيب جون سليم بيخبطها وبيوقعها و بيجيب جون و بيرقص ومبسوط اى
همسة / انت غشاش غشااااش
سليم / اية يا قطة هتعيطى ولا اية اااااااا
همسة / انت غشاش الجون دة مش محسوب
سليم / لا الجون مظبوط جدا بس انتى الى مش عوزة تصدقى انك فاشلة
همسة / سليم متعصبنيش
سليم / متعصبنيش حاضر يا كابتن ماجد
همسة / سمسم سم سم سمسيمو
سليم / كابتن ماجد كابتن ماجد
اشرف / سليم اعقل شوية خلاص دى مجرد لعبة خلاص يا همسة
سليم بينادى على الولاد
سليم / يلا قولو ورايا كابتن ماجد كابتن ماجد
همسة بتتعصب اوى وبتجرى على سليم وبتضربو فى صدرو جامد و سليم بيمسك همسة من شعرها وبيضربو فى بعض هم الاتنين و رحمة بتروح عليهم وبتحاول تبعدهم عن بعض
همسة / انت غشاش وهتفضل غشاش
سليم / وانتى فاشلة يا ماجد
همسة بتنط على سليم وبتركب على ضهرو وبتضربو و سليم بيمسكها بقوة
عمرو / همسة
همسة بتسمع صوت عمرو بتقف مكانها وسليم بيبصلو اوى
و عمرو بيروح عليهم ومستغرب من الى شيفو و همسة بتحاول تظبط نفسها وشعرها
همسة / عمرو انا
عمرو / لو خلصتى الى بتعملية دة انا مع ماما فوق
عمرو بيمشى وبيسبهم
سليم / عمرو انقذك منى
همسة / مش هى دى النهاية
همسة بتروح ورى عمرو بسرعة و رحمة بتروح على سليم
رحمة / كويس الى انو عملتوة دة
سليم بيبص لهمسة وهى ماشية
سليم / كان لازم اطلع همسة القديمة الى كانت محبوسة جواها
اشرف / يعنى انت كان قاصد انك تعصبها وتستفزها
رحمة / بس خطبها دة شكلو رخم اوى
سليم ماسك ضهرو وبيتوجع
رحمة/ احسن تستاهل الى حصلك
.
**********************************
.
همسة بتطلع مع عمرو على شقتهم
همسة / اتفضل هروح اعملك القهوة
عمرو / ممكن نخرج نشرب القهوة برة
همسة / اوكى ثوانى ابلغ ماما واغير هدومي
.
**********************************
.
سليم اخد دوش وبيخرج البلكونة و رحمة بتروح علية وبتقف جمبو وبتبص على شقة همسة
رحمة / بس خطيب همسة دة شكلو رخم اوى مش ليقين على بعض خالص
سليم / لا بالعكس عمرو انسان محترم اوى
وبيشوفو همسة بتخرج مع عمرو و عمرو بيشوف سليم
و رحمة وقفيين و عمرو بيشاورلهم كنوع من السلام و سليم بيميل براسو كنوع من السلام
رحمة / انا عند راى
سليم / ممكن تريحى نفسك انتى وتدخلى تعمليلى حاجة اكلها انا قلبى وجعنى من اكل الشارع
رحمة / اولا انا واحدة حامل ومينفعش اقف قدم النار كتير
سليم / لا ياشيجة
رحمة بتضحك
رحمة / خلاص متتعصبش كدة هروح اعملك احلا اكل
رحمة بتدخل و سليم بيبص على اوضة همسة
.
**********************************
.
عمرو و همسة قاعدين فى كافية هادى
عمرو /انا جيت علشان اعتزر علشان الطريقة الى عملتك بيها النهاردة بس لما جيت وشفتك وباين انك كنتى مستمتعة وانا الى كنت طول الوقت قلقان ومدايق علشان انتى زعلانة
همسة / الموضوع مش زى ما انت فاهم
عمرو / بس بصراحة استغربت جدا انتى ازاى عملتى كدة
عمرو بيضحك
همسة / عمرو متضحكش
عمرو / دة انتى كنتى هتكلى الراجل ههههة
همسة / سليم هو الى استفزنى
عمرو بيضحك
همسة / عمرو خلاص متضحكش
وبيضحكو هم الاتنين اوى
.
**********************************
.
فى الصباح
سليم فى مكتبو وبيشتغل هو ومصعب و سليم متعصب اوى
سليم / يعنى اية الرواتب هتتاخر يوميين
مصعب / مفيهاش حاجة
سليم / ازاى مفهاش حاجة انت مش عارف كل واحد من العمال بيستنى يوم استلام المرتب دة ازاى
مصعب / عندنا القرض بتاع الماكينات الجديدة لازم يتدفع النهاردة ومينفعش الخزنة تكون فاضية هم يوميين لية مكبر الموضوع
سليم / والله دة مش زمبهم ابدا اننا بنعمل توسع فى الشركة مصعب الرواتب تدفع فى وقتهم
وبتدخل ريم المكتب
ريم / الانسة همسة برة ممكن ادخلها
سليم / دخليها طبعا بسرعة
وريم بتفتح الباب و همسة بتدخل و سليم ومصعب بيسلمو عليها
سليم / همسة لما تيجى تدخل المكتب فى اى وقت حتى لو انا مش موجود
ريم /حاضر يابش مهندس
همسة / انا الى قولتلها تستأذن انى ادخل
سليم / همسة انتى تدخلى فى اى وقت
و سليم بيبص لهمسة اوى
سليم / ولا علشان خايفة من الى عملتو فيكى
همسة / اية خايفة وهخاف لية افتكر كويس
سليم بيحط ايدو على ضهرو
سليم / بس وزنك زاد اوى
همسة / وانت مش رخم بس انت رخم اوى
سليم /انتى ارخم
همسة/انت ارخم
مصعب / تحبو اجبلمو اتنين ليمون
سليم/ وشجرة كمان
همسة بتبص لسليم وبتضحك
همسة / لسة فاكر
سليم/ هى دى ايام تتنسى
مصعب/ على اية
سليم / ايام الجامعة كانت كل البنات بتترمى عليا زى الرز
همسة /لاياشيخ
سليم / وكانت الهانم لما تشفنى مع بنت بتكلم كانت تقولنا اجبلكو شجرة واتنين ليمون
مصعب /يبقي اروح اجهز الشجرة لحد ما تشربو الليمون
وبيضحكو
سليم / مصعب الى قولتلك علية لو سمحت
مصعب /ماشى يا سليم
سليم / هما ملهمش زمب
ومصعب بيخرج
همسة / لو كنت قاطعتكو ممكن اروح انا على خط الانتاج لحد ما تخلص شغلك انت ومصعب
سليم / لااا احنا خلصنا خلينا نروح نشوف القماش الجديد
همسة و سليم بيروحو على خط الانتاج
.
**********************************
.
فى الليل
سليم بيدور فى المخازن على قماش لهمسة محتاجاة
و همسة قاعدة فى المكتب مستنية سليم و عمرو بيتصل بهمسة
همسة / عمرو انا لسة فى الشركة فى تصميم بشتغل علية
عمرو / يا روحى بس الوقت اتاخر
همسة / متقلقش سليم معايا واكيد هيوصلنى
عمرو / انتى مش ملاحظة اننا من ساعة مارجعنا مصر بتكونى مع سليم اكتر ما بتكونى معايا
همسة / عمرو انت عارف علشان الشغل
عمرو / بس خليكى عارفة انى بغير ماشي
همسة / ملوش لزوم للغيرة دة
عمرو / ماشى خلى بالك من نفسك وكلمينى اول ما تروحى على البيت
همسة بتقفل التلفون وبتفكر فى كلام عمرو ودمغها مشوش
و بتحاول تقطع تفكرها بسرعة وبتروح بسرعة على المخازن
وبتنادى على سليم
همسة / سليم
سليم فى اخر المخزن وبيسمع صوتها
سليم / همسة خليكى مكانك ثوانى وجاى للاسف مش لقى القماش
همسة بتدخل وبتدور فى الاتجاة التانى وبتشوف القماش وبتحاول توصلو و سليم بيشفها من بعيد وبيشوف ان فى صندوق لو همسة شدد القماش الصندوق هيقع عليها
سليم / همسة استني
همسة / اظن انى هعرف اجيبو متقلقش
همسة بتحاول بجيب القماش و سليم بيجرى عليها بسرعة
وبيرمى نفسو عليها والصندوق بيقع على سليم و بيغما علية
و همسة بتصرخ وبتبعد الصندوق من على سليم والصندوق تقيل اوى وبتدفعو بكل قوتها
همسة / سليم سليم كلمني سليم
همسة بتبعيط اوى وخايفة تحركو من مكانو وبتشوف دماغو فيها جرح و بتجرى بسرعة على المكتب بتاع سليم وبتاخد الموبيلو بتكلم الاسعاف وبترجع تانى لسليم و منهارة من العياط
همسة / سليم سليم فتح عنيك ارجووك
وردة ✍️
التعليقات على الموضوع