رواية احببت قاسي💔الحلقة 33💔
🍁 الحلقة ٣٣ 🍁
.
🍁🍁🍁🍁🍁🍁🍁🍁🍁🍁🍁🍁🍁🍁🍁🍁
.
فهد فى الشركة عندو اجتماع ومتعصب اوى
فهد / يعنى اية التصاميم لسة مخلصتش
موظف/ يا بش مهندس هم يوميين وتكون التصاميم كلها حاهزة
فهد / يوميين لا ساعتيين والى مش عجبو يعتبر نفسو برة الشركة
واسلام بيدخل
فهد / انا مش قولت مفيش حد يقاطعنى وانا فى الاجتماع
اسلام / بس برة فى
فهد / مهما كان الى برة يستنا
وديمة بتدخل وبتبصلو
فهد / انتى
اسلام / المدام ديمة عوزة تقابل حضرتك
وفهد بيبص للموظفيين
فهد / الاجتماع خلص يلا والنهاردة التصاميم تكون جاهزة
والموظفين بيخرجو وبيسلمو على ديمة وفهد باين علية متعصب اوى
فهد/ خلص انت وهو انتو مش فى فرح يلا كل واحد على شغلو
والموظفيين بيخرجو وديمة بتدخل وبتقف قدمه
ديمة / واية لزمت العصبية دى
فهد / نعم
دبمة / يعنى هم معملوش حاجة علشان تتعصب عليهم بالطريقة دى
فهد / انتى هتدخلى بينى وبين الموظفيين كمان انتى جاية هنا لية عوزة اية مش كفاية فى البيت
ديمة / اولا وطى صوتك ثانيا انا هنا علشان الشغل يعنى مش هموت واشوفك
فهد / شغل شغل اية
ديمة / روحت الشركة الى مسؤلة عن حفلة الافتتاح رفضو انى اشوف التصميم
وفهد بيبصلها وبيطلع موبيلو
فهد / فى حد جالك النهاردة علشان يتطلع على التصاميم الافتتاح
الموظف / اة يا فندم ورفضنا ان اى حد يتطلع على التصاميم
فهد / انت عارف دى ميين
الموظف /هى قالت ان اسمها ديمة احمد
فهد / يعنى بتكون مدام ديمة فهد
الموظف / انا انا اسف يافندم
فهد / ميتكررش دة تانى والى المدام تطلبو يتنفذ
و بيقفل التلفون وبيبص لديمة
فهد / لو كنتى قولتى انك مدام فهد عبد العزيز مكنش هيكون فى مشكلة
ديمة / بس انا اسمى ديمة احمد
وفهد بيبصلها بغضب وديمة بتخرج
.
************************************
.
بسمة بتروح على المستشفى وباين عليها التوتر وبتروح قدم اوضة اسامة وبتقف وبتبص حوليها على الممرضة وبتشفها من بعيد وبترحلها بسرعة
بسمة / فى اية الى حصل
الممرضة / مش عارفيين حالتو فجاة ادهورت خالص اتفضلى شوفية
وبسمة بتروح على اوضة اسامة و بتبص علية قبل ما تدخل وبيكون نايم وبتقرب علية واسامة بيفتح عيونو فجاة وبسمة بتتخض ولسة هتخرج و اسامة بيمسك اديها
بسمة / انت عاوز اية ابعد عنى
واسامة بيبصلها اوى وبيشوف فى عنيها الخوف
بسمة / ابعد عنى
اسامة / انا اسف
وبيسيب اديها
اسامة / انا اسف مكنش قصدى انى اخوفك بس كنت عاوز اشوفك بس
بسمة / تشفنى انا
اسامة / لما اتاخرتى ومجتيش تشوفينى قلقت عليكى
بسمة / انت
اسامة / انا كنت فايق وعرفت كل حاجة انا اسف بس صوتك كان بيريحنى
و بسمة بتتوتر ودموعها بتنزل وبتخرج بسرعة وبتجرى
واسامة بيخرج وراها والامن بيوقفو
اسامة / استنى استنى
والامن بيخدو اسامة على اوضته غصب عنو واسامة متعصب اوى وبيضرب الامن والممرضة والدكتور بيروحو لاسامة بسرعة والدكتور بيديلو حقنة مهدئ
.
************************************
.
فى الليل
فهد فى الاوضة و قاعد لوحده و فاطمة وديمة فى المطبخ
فاطمة / روحى انتى يا ست ديمة احنا خلصنا كل حاجة
ديمة / انا هعمل عصير فرش
و بتحاول تضيع وقت علشان متطلعش الاوضة والوقت اتاخر
و فهد بيبص فى الساعة
فهد / هى اتاخرت لية لحد دلوقتى بتعمل اية
وبعد شوية ديمة بتدخل وبتشوف فهد قاعد بيلعب فى الاب بتاعو وديمة بتدخل بتروح على الحمام وبتاخد دووش وبتخرج و فهد بيبص عليها وهى بتنشف شعرها وفى نقط مياة بتيجى على وشو و بيبصلها اوى وديمة بتاخد بلها منو انو بيبصلها وبتروح علشان تنام
فهد / جووووون برافوو عليك
و بيلعب بلستيشن وصوتو عالى وكان قاصد انو يدايق ديمة
فهد / اية دة دة حكم ظالم لااااااا
وديمة بتبصلو اوى ومتعصبة اوى
ديمة / مش معقوول كدة مش عارفة انام
وفهد بيطنشها
فهد / جوووووووون
ديمة / انا بتكلم معاك عوزة انام
وفهد بيبصلها
فهد / دى اوضتى وانا حر فيها اعمل الى انا عوزو
ديمة / وانا ليا نص الاوضة كمان ومن حقى انى انام فى هدوء
وفهد بيطنشها
فهد / ايوة كدة جوووووون
وديمة بتروح علية وبتاخد التاب منو
فهد / هاتى التاب
ديمة / لا
و فهد بيقف وديمة بتخاف منو وبتبعد
ديمة / لما توعدنى انك هتسبنى انام فى هدوء
و بيجرى وراها وديمة بتجرى وبيجرو وره بعض وديمة بتطلع على السرير وفهد بيمسك رجليها وبينط عليها وبياخد منها التاب و بياخد بالو انهم قربين من بعض اوى وبيبصو فى عيون بعض وديمة قلبها بيدق بسرعة و فهد بيبصلها اوى وبيفوق من الى هو فية وبياخد التاب منها
فهد / دى اخر مرة تخدى حاجة منى انتى فاهمة
وديمة متوترة ومبتردش وبتروح تنام مبتخبى وشها فى المخدة
.
************************************
.
بسمة قاعدة فى اوضتها وسرحانة وبتفكر وبتحط اديها على بطنها بحنية
بسمة / متخفش يا ابنى انا هنا جمبك وهحميك
.
************************************
.
فى الصباح
سراج بيصحى من نومه وبيشوف ريم بتعمل شعرها
سراج / صباح الخير
وريم مبتردش علية وسراج بيبصلها كويس وبيشفها انها لبسة
سراج / انتى ريحة فيين من بدرى كدة
ريم / عندى ميعاد مع الدكتورة
سراج / بس بدرى كدة
ريم / انا هتاخر انا همشى
سراج / استنى هاجى معاكى
ريم / لا خليك انت عندك شغل كتيير ومش فاضى
سراج / ريم بلاش الاسلوب دة
ريم / امال عوزنى اكلمك ازاى بس احنا كنا بنحلم باليوم الى ربنا يرزقنا بطفل وانت مش فاضى ساعة وحدة تيجى معايا للدكتورة تطمن على ابنك
سراج / ريم انتى لية مش قادرة تحسى بيا انا فى مليوون حكاية فى دماغى
ريم / وانا مطلبتش منك حاجة بعد ازنك
وسراج بيروح ورها وبيوقفها
سراج / ريم بلاش تكبرى الموضوع
ريم زعلانة وبتبص الناحية التانية و سراج بيحضنها
سراج / انا اسف انا فعلا اهملتك المدة الى فاتت دى
ريم / اة اضحك عليا بكلمتين باة
سراج / طب اعمل اية ماانتى الى هبلة بيتضحك عليكى بكلمتين
ريم / نعم
سراج / بحبك
ريم / وانا كمان
سراج / ثوانى اغير هدومى واخدك نروح للدكتورة ونروح نفطر فى اى حتة
ريم / اوكى هروح اطلع العربية لحد ما تغير هدمك
وريم بتنزل وسراج بيروح يغير هدمه
.
************************************
.
فهد بيصحى من النوم بيبص على ديمة ومش موجودة
وبيروح ياخد دوش وبينزل وعيونو بتدور عليها
فاطمة / البية الكبير فطر من بدرى وخرج
فهد / وديمة فيين
فاطمة / الست ديمة هى الى جهزت الفطار من بدرى وخرجت
فهد بيخرج من القصر وبيقف قدم العربية
فهد / ازاى تخرج من غير ما تقولى
وموبيل فهد بيرن وبيكون اسلام وبيبلغو انو اتاخر على الاجتماع فى الشركة الكميائية الى الافتتاح بتعها النهاردة
فهد / انا ثوانى واكون فى الشركة
و بيركب العربية وبيمشى بيروح على الشركة الجديدة
وطبعا فى عمال شغليين فى الشركة علشان الافتتاح وبيزينو الشركة و عيونو بتلف فى المكان بيدور عليها بس مش عاوز يعترف لعقلو ان عيونو بتدور على ديمة
واسلام بيستقبل فهد
اسلام / احنا جلنا اكتر من عرض لاكثر من بلد
فهد / لازم ندرس العروض دى كويس جدا مش عاوز اى لغبطة او تقصير
وفهد بيسمع صوت ديمة عالى وبتزعق جامد
ديمة / انا قولتلك الستاير دى حطها فى الجها التانية
العامل / بس هنا احسن
ديمة / اظن انا المشرفة على العمل هنا والى اقولو يتنفذ
العامل / اسف بس مديرى فى الشركة هو الاستاذ سامح وانا باخد الاوامر منو
ديمة بتتعصب و فهد واقف ورها بيتفرج عليهم
ديمة / انت متعرفش انا ميين انا مدام ديمة فهد عبد العزيز يعنى جوزى يكون صاحب الشركة دى وانا الى اقول دى تتحط فيين بالظبط
العامل / اسف يافندم
والعامل بيعمل الى هى عوزاة وديمة لسة هتمشى وبتبص بتشوف فهد واقف ومبتسم وبترتبك اوى وبتحاول تهرب بعيونها منو و بيقرب منها
فهد / انا شايف انك استخدمتى اسمى بسهولة المرة دى
وديمة بتمشى وبتسيبو وفهد بيشد شعرها وهى مشية
ديمة / اااة
فهد / ماخدش بالى وجعك
ديمة / انا عارفة انك قاصدها
فهد / يعنى انتى تستخدمى اسمى بسهولة كدة ومش عوزانى استخدم حق من حقوقى
وديمة بتقرب منو وبترفع صبعها فى وشو
ديمة / انا بحظرك ابعد عنى
وفهد بيمسك صبعها جامد وديمة بتبعد عنو وفهد بيضحك
و بتهرب منو بسرعة وبتتكعبل وبتقع على ستاير كتيير محطوطة فى الطريق و بيضحك اوى من قلبو وديمة بتبصلو
اوى دى اول مرة تشوفه بيضحك كدة من قلبو بالطريقة دى
وفضلت تبصلو اوى وهو بيضحك عليها وبيمشى بيدخل الشركة وديمة مبتسمة اوى
.
************************************
.
ريم وسراج عند الدكتورة منتظريين فى مريضة عند الدكتورة وبتخرج المريضة دى
ريم / بسمة
و بترتبك اوى ومش عارفة تتكلم
ريم / بسمة انتى هنا بتعملى اية
بسمة / انا بس كان عندى شوية مشاكل كدة
سراج / انتى كويسة
بسمة / انا اة انا عندى ميعاد مهم لازم امشى
وريم بتبص لبسمة اوى ومستغربة وسراج وريم بيدخلو عند الدكتورة والدكتورة بطمن على ريم
الدكتورة / لا صحتك مش عجبانى لازم تتغذى كويس علشان حجم الجنيين صغيير
سراج / يعنى اية يا دكتورة الجنيين فى حاجة
الدكتورة / لا متقلقش بس هى تتغذى شوية وكل حاجة هتكون تمام وانا هكتبلها على فيتاميين لازم تخدو يوميا
ريم / شكرا يا دكتورة
وبيخلصو ولسة هيخرجو
ريم / دكتور لو سمحتى كنت عوزة اسال حضرتك المريضة الى كانت قبلنا
الدكتورة / مدام بسمة
ريم / مدام بسمة
الدكتورة / باين عليكو انتو يا امهات اليوميين دول بتخافو على جسمكو احسن يبوظ هى كمان محتاجة تغذية وطلبت منها إشاعات لازم تعملها
ريم / تقصدى ان بسمة حامل
الدكتورة / وفى الشهر التانى انتى متعرفيش
سراج مصدوم من الى سمعو
سراج / اة كنا نعرف بس كنا حبين نطمن عليها مش اكتر
وسراج وريم بيخرجو وبيروحو على العربية
ريم / انا مش مصدقة الى سمعتو بسمة حامل ازاى
سراج / مش عارف بسمة متربية معانا انا وديمة ونعرفها من زمان جدا
ريم / تفتكر ديمة تعرف
سراج / مظنش
.
************************************
.
ديمة فى الشركة بتجهز للحفلة وفهد بيخرج من الشركة وبيروح لديمة
فهد / لازم نمشى دلوقتى لازم تجهزى نفسك
ديمة / لا مش هقدر امشى من هنا لحد ما اخلص كل حاجة
فهد / بلاش عناد خلينا نمشى بابا زمانو منتظرنا ولاحضرتك هتقبلى الضيوف بالجينز دة وبشعرك ده
ديمة بتحط اديها على شعرها
ديمة / مالو شعرى
فهد /روحى شوفى شكلك فى المراية لو مش عوزة تيجى خليكى انا همشى
و بيمشى وبيسبها وديمة بتمسك صانية التقديم وبتشوف شكلها فيها وفهد فى عربيتو وبيبص عليها وهى بتشوف شكلها فى الصانية
فهد / محنونة
وبيمشى وبيسبها مع العمال
.
************************************
.
فى القصر عبد العزيز مستني تحت هو وسعاد جاهزين
عبد العزيز / اية يا ابنى اتاخرت لية
فهد / ثوانى اغير هدومى وهنزل
عبد العزيز / وفيين ديمة
فهد / الهانم عندها لسة توضيبات بتعملها قبل الضيوف متوصل
سعاد / كالعادة متقدرش تعمل حاجة مظبوطة ابدا ولما الناس تسال عليها
فهد / الى هيسال هيسالنى انا مش هيسال حضرتك بعد ازنك يابابا مش هتاخر
و بيروح على اوضته وبياخد شور بسرعة وبيلبس بدلة سودة وببيونة وطالع وسيم اوى كالعادة وبيحط برفان المعتاد بتاعو وبيظبط شعرو وبينزل وعبد العزيز بيبص علية وهو نازل
عبد العزيز / ماشاء الله يا ابنى يلا خلينا نمشى قبل الضيوف ماتوصل
وبيروحو كلهم على الافتتاح وبيكون فى صحافة بتقابلهم
وفهد بيدخل ولدو وولدتو على القاعة الافتتاح وبيدور بعيونو على ديمة
فهد / روحتى فيين انتى كمان
وفى صحفيين بيدخلو وبيروحو على فهد وبيسالوة على الشغل كتيير
صحفى / يعنى فى احتفال مهم زى دة ومفيش حد فينا شاف المدام
فهد بيبص للصحفى وبيدايق ولسة هيتعصب
الصحفى / ممكن نعرف لية المدام مش موجودة فى افتتاح المصنع الى بيعتبر اكبر مصنع كيميائى فى الشرق الاوسط
ديمة / ميين قال انى مش موجوودة
و بترووح تقف حمب فهد و بيبص عليها ومتفاجا
لبسة فستان ابيض طويل وفردة شعرها على كتفها بكل رقة
و بتبص لفهد اوى وهو بيبصلها والصحفيين بيصوروهم وهم بيبصو لبعض
وردة ✍️
التعليقات على الموضوع