رواية احببت قاسي💔الحلقة 32💔
🍁 الحلقة ٣٢ 🍁
.
🍁🍁🍁🍁🍁🍁🍁🍁🍁🍁🍁🍁🍁🍁🍁🍁
.
ديمة / بس انا مش عوزة اعيش مع انسان زى دة
وفهد بيقرب عليهم وبيبص لديمةوسعاد بتنزل من على السلم
سعاد / انا الى اتربيت علية وربيت عيالى علية ان البنت متخرجش من بيت جوزها غير على القبر
عبد العزيز بيبص لسعاد
سراج / بابا انا مش هامن لاختى انها تعيش هنا بابا لازم تروح معانا
وسراج بيروح على ديمة وبيمسك اديها وفهد بيمسك ايدها
سراج / سبها
احمد / سراج
وسراج بيبص لابوه وباين علية العصبية واحمد بيروح عليهم وسراج بيسيبو اديها
احمد / مفيش حد فى الدنيا دى هيخاف عليكى اكتر منى بس هم شهرين وبس وبعدها كل واحد فيكو يروح من طريق
احمد بيبص لفهد
احمد / بنتى عندك ولو بنتى حصلها اى حاجة ولا دمعة وحدة نزلت من عنيها مش هيكفينى روحك
فهد / فى عيونى يا عمى
وديمة دموعها بتنزل واحمد بياخد سراج وبيمشى وسراج مكنش عاوز يمشى وبيخرجو وديمة بتعيط وبتروح على اوضتها وجودى بتروح وراها
عبد العزيز / انت لازم تشكر حضرة المستشار فاروق على انو هو الى رجع مراتك البيت
فاروق دة هو الى حكم فى قضية الطلاق بتاعت وهو صديق قديم لعبد العزيز
فهد / اة طبعا يابابا
سعاد / وفكر هتحافظ على مراتك ازاى
فهد / ممكن متتدخليش فى اى حاجة تخصنى انا وديمة
عبد العزيز / امك عندها حق يا ابنى
.
************************************
.
ديمة فى الاوضة بتعيط وجودى بتدخل عليهاو بتخدها فى حضنها
جودى / انا اول مرة اشوف فى عيون فهد الخوف دة
ديمة بتبص لجودى
ديمة /خوف اخوكى
جودى /فهد امبارح طول الليل مقدرش ينام من الخوف انو يخسرك فهد بيحبك
ديمة / لا فهد بس مش عوز يخسر اى حاجة فهد ميعرفش اية معنى الحب
جودى / فهد الدنيا هى الى غيرتو بعد الى حصل
وجودى سكتت
جودى / انتى ارتاحى
ديمة / ميين ندى
جودى اتفجات بالاسم دة وبان عليها القلق اوى
جودى / ندى هى
ديمة / جودى انا لازم اعرف ميين ندى دى
جودى / انا مقدرش اتكلم يا ديمة سمحينى بس الى اقدر اقولهولك ان ندى دى كانت كابووس العيلة كلها كانت عايشة فية
وجودى بتخرج وبتسبها وديمة احتارت اكتر من الاول
.
************************************
.
فهد بيخرج من القصر ومتعصب من كلام ولدتو معاة
وديمة فى الاوضة
و فى الليل جودى بتخبط على ديمة وبتدخل
جودى / ديمة انا همشى الوقت اتاخر
وديمة مبتردش عليها و جودى بتروح عليها
جودى / حولى تدى فهد فرصة تانية وتفتحو مع بعض صفحة جديدة
ديمة مبتردش عليها
جودى / لسة مش عوزة تكلى حاجة
ديمة / مش جعانة لو سمحتى يا جودى انا تعبانة
جودى / عمر بعتلى السواق كان نفسى افضل معاكى يوميين كمان بس
ديمة / روحى انتى متقلقيش عليا
وجودى بتخرج وديمة قاعدة فى اوضتها وبتروح تقف فى الشباك طول الليل وفهد مرجعش من برة
وديمة بتسمع صدمة عربية ةوة الجنينة وبتجرى على الشباك وبتشوف عربية فهد بتكون خبطة فى شجرة فى الجنينة
و بتنزل بسرعة وبتخرج الجنينة وبتشوف سعاد وعبد العزيز وقفيين و فهد بينزل من العربية ومش قادر يقف على رجلو وبيقع على الارض
ديمة / حد يساعدو
عبد العزيز / سعاد خلينا ندخل الوقت اتاخر
سعاد / بس فهد
عبد العزيز / مراتو معاة
وعبد العزيز بيبص لديمة وبياخد سعاد وبيدخلو القصر
وفهد باين علية سكران ومش قادر يمشى خالص وديمة لسة كانت هتدخل ومش هتساعدو بس بتبص علية تانى وبتشوفو وهو بيقع وبيتخبط فى دماغو و بتجرى علية بسرعة
ديمة / فهد
و بيبص لديمة
فهد / انتى جيتى هنا امتى هههههة اة انتى بتكرهينى هههههة
ديمة / فهد ساعد معايا يلا
و طبعا مش قادرة ترفعو وبتسندو وحدة وحدة وبتخدو على القصر وعبد العزيز بيقف قدم اوضته بيبص يشوف ديمة ساندة فهد وطلعة بية بيبتسم وبيدخل اوضته تانى وبيسبهم
وديمة تعبت وفهد محمل جسمو عليها وبيقعو هم الاتنين على السلم وديمة بتقع على فهد وبيبصو لبعض اوى
و بيلمس شعرها
فهد / شعرك حلو اوى
و بتبعد ادية عنها وبتوقفو
ديمة / خلينى اطلعك على اوضتك ساعد معايا
و بتطلعو على الاوضة وبتحدفو على السرير وبتنهج اوى وبتاخد نفسها وبتبصلو اوى وهو نايم من التعب وبتروح علية بتحاول تفكلو جاكيد بتاعو علشان يعرف ينام وبتحركو بالعفيا
و بيفتح عنية وبيبص لديمة وبيمسك اديها و بتبصلو اوى وبتحاول تفح اديها من قبضة ايدو
فهد / انتى بتعملى اية
ديمة / انا كنت الجاكيد
وفهد بيضحك وبيشد ديمة علية وبيمسكها اوى وبيقرب منها
وبينام تانى و بتبصلو اوى وهو نايم وبتملس على شعرو بحنية وبتفك الجاكيد والجرافتا بتعتو وبتغطية وبتسيبو ينام
فهد / بكرهك
وديمة بتبصلو اوى وفهد نايم وبيتكلم وهو نايم
ديمة / للدرجة دى الكره الى فى قلبك ليا حتى وانت مش فى وعيك
فهد / انا لازم انتقم منك
و بتتعصب اوى وبتمسك المخدة وبتروح علية
ديمة / يعنى انا اخنقك وارتاح منك
وفهد بيشرق وهو نايم وديمة بترمى المخدة وبتجرى تاخد كوبية المياة وبتشربو مياء وفى مياة بتقع علية و بتنشفلو المياة بحنية وبتحس ان فى مشاعر جواها بتتحرك وبتبعد عنو بسرعة
ديمة / لا لا مستحيل ترجعى ضعيفة من تانى انا لازم ابعد عنو على قد ما اقدر و بتروح على الكنبة وبتنام وعنيها علية
.
***********************************
.
فى الصباج
بسمة بتروح لاسامة المستشفى والممرضة بتشفها وهى دخلة المستشفى وبتروح عليها
الممرضة / عندى ليكى اخبار حلوة
بسمة / حصل حاجة
الممرضة / الدكتور نقلو على اوضة
بسمة / اية
الممرضة / اة ودلوقتى ممكن تشوفية من غير ما تستخبي ومفيش حد يقدر يمنعو وتفضلى الوقت الى انتى عوزاة
بسمة / يعنى هو خلاص اتحسن
الممرضة / من اسبوع بس كانت حالتو صعبة جدا بس انتى من اليوم الى جيتى هنا وهو صحتو اتحسنت وكمان بقي ياخد الادوية بنفسو
بسمة بتبتسم
الممرضة/ تعالى اوريكى الاوضة بتعتو تعالى
و بتروح مع الممرضة وبتقف على الباب و بتفكر وبتكلم نفسها
بسمة / اكيد دلوقتى هو واعى بكل حاجة وهيسالنى انا ميين وبعمل اية هنا لا انا لازم اروح حالا
بسمة / بصى دى نمرة تلفونى لو فى حاجة مهمة كلمينى
الممرضة / مش هتدخلى
بسمة / نعم اة بس انا نسيت حاجة هروح اجبها
واسامة بقالو يوميين مستني زيارة بسمة لية وقاعد مستنيها و بتمشى بسرعة والممرضة بتدخل واسامة بيعمل نفسو نايم
بيحسبها بسمة والممرضة بتصحية علشان الادوية
بسمة / هو انتى
الممرضة بتضحك
الممرضة / كنت بتحسبنى هى صح
اسامة / هى فيين
الممرضة / هى فرحت اوى انك اتحسنت بس نسيت حاجة وراحت تجبها يلا ميعاد الادوية
و بيفكر وبياخد الادوية من الممرضة
اسامة / لية حاسس انى مش هشفها تانى
و بيروح على شباك الاوضة بتعتو وبيبص عليها
اسامة / ازاى هعرفها وانا مشفتش شكلها مفيش غير ديمة بس هوصل لديمة ازاى وفهد قاطع كل الاتصالات بينى وبين اى حد
.
************************************
.
ديمة فى المطبخ وسعاد بتنزل وبتشوف ديمة جهزت الفطار كلو لوحدها
سعاد / انا مبسوطة اخيرا انك عرفتى واجباتك
وديمة بتبصلها ومبتردش عليها
.
************************************
.
و فهد بيصحى ودماغو بتوجعو
فهد / اااة دماغى
و بيحاول يفتكر الى حصل امبارح وبيفتكر ان ديمة هى الى كانت بتساعدو انو يطلع اوضته ومبيفتكرش حاجة تانى
فهد / زمان بابا مدايق دلوقتى من الى عملتو
و بيمسك المخدة وبيرميها على الارض بعصبية
.
************************************
.
فاطمة بتدخل لديمة المطبخ
فاطمة / انتى تعبتى يا ست ديمة خلينى انا اساعدك
سعاد / فاطمة روحى انتى جهزى السفرة
ديمة / انا جهزتها فاطمة خدى اللمون دة لفهد على اوضته
وسعاد بتبص لفاطمة انها ترفض
فاطمة / بس انا عندى تنضيف برة مش هقدر وديمة بتبص لسعاد وبتدايق و بتاخد اللمون وبتطلع على اوضة فهد وهو قاعد على السرير ودماغو مصدعة اوى
ومبيحسش بديمة لما بتدخل
ديمة / اشرب دى
و بيبصلها اوى
فهد / اية حطالى فيها سم علشان تخلصى منى
ديمة / بصراحة انت زكى جدا اة حطة فيها سم
و بتحطها جمبو وبتخرج و بتنزل تانىوبعد شوية عبد العزيز بينزل وبعديه فهد و بيدور بعيونو على ديمة وعبد العزيز بيقاعد على السفرة وفهد بيروح علية
فهد / بابا علشان امبارح انا
عبد العزيز/ انت بتغلط يا ابنى مش هو دة الحل المشكلات انت بكدة بتهرب
فهد / انا عارف يابابا بس
عبد العزيز / اقاعد افطر الاول ونتكلم بعديين
وديمة وسعاد بيخرجو من المطبخ وسعاد بتقاعد فى اخر السفرة وفهد بيبص لديمة و بتاخد طبقها وبتروح تقاعد جمب سعاد و فهد بيبصلها
فهد / بيتهيقلى انك كنتى معترضة على العادات دى
ديمة / فى اوقات العادات بتكون سلاح فى ادينا
وسعاد مبسوطة طبعا علشان ديمة بتنفذ كل الى هى عوزاة
وفهد بيدايق من ابتسامة سعاد لديمة
فهد / انا همشى عندى اجتماع علشان افتتاح المصنع الكميائى
عبد العزيز / بس انت مكلتش حاجة يا ابنى
و فهد بيبص لديمة
فهد / نفسى اتسدت
عبد العزيز /استنى عاوز اتكلم مع مراتك فى موضوع
وفهد بيبص لديمة
عبد العزيز / ديمة يابنتى بس كنت عاوز اطلب منك طلب لو قدرتى
ديمة /لو اقدر يا عمى معنديش مانع طبعا
عبد العزيز / عاوز اعمل حفلة بمناسبة افتتاح المصنع الجديد وتكونى انتى المشرفة على الحفلة لو عندك مانع عادى متديقيش نفسك
وديمة بتبص لفهد
فهد / بابا انا اتكلمت مع شركة وهم هيتكفلو بكل حاجة
ديم / لا طبعا يا عمى معنديش مانع
عبد العزيز/ كويس جدا فهد ادى ديمة كل معلومات الحفلة وانا متاكد انها هتجهز لكل حاجة بس انتى معندكيش وقت كتيير بكرة الحفلة
ديمة / ولايهمك ياعمى هتصل بالشركة وهنظم معاهم كل حاجة
سعاد / بس انا محتاجة مرات ابنى فى البيت عندها واجبات هنا
ديمة / ماما بعد ازنك انا مش هقصر فى اى حاجة
فهد / انتى فكرة نفسك تقدرى تعملى كل حاجة
عبد العزيز / انا متاكد ان ديمة جواها طاقة كبيرة
ديمة / شكرا على ثقتك بيا يا عمى
وفهد بيتعصب وبيخرج وبيبص لديمة قبل ما يخرج وديمة بتبصلو بتحدى
.
************************************
.
سراج فى البيت وقاعد بيفكر
ريم / حبيبى عندى معاد مع الدكتورة النهاردة
سراج مبيردش وسرحان
ريم / سراج انا بكلمك
سراج / نعم بتقولى حاجة
ريم / لا كدة كتيير اوى مش معقول الى انت بتعملو دة مش بتتكلم معايا وطول الوقت سرحان فى اية
سراج / عندى مشاكل فى الشغل بس انتى متعصبة لية مش الدكتورة قالت انك مش لازم تتعصبى
ريم / على اساسةانت سال فيا اصلا
وسراج بيروح عليها وبيمسك اديها بحنية
سراج / حولى تفهمينى شوية يا حببتى انا بالى مشغوول اليوميين دول ديمة الى مش مطمن عليها ابدا وكمان عندى قضية مهمة لازم احلها باقرب وقت ممكن
ريم مديقة اوى
ريم / انا عندى معاد مع الدكتورة دلوقتى بعد ازنك
وريم بتسيبو وبتمشى
.
************************************
.
جودى قاعدة فى اوضتها وبتحاول تتصل بعمر وعمر مبيردش عليها مسافر الاسكندرية عندو شغل وكمان بيحضر مناسبة هناك
.
************************************
.
بسمة فى عربيتها فى الطريق وسرحانة وكانت هتخبط حد بالعربية بس محصلش حاجة و بتقف على جمب وبتعيط وبتمسح دموعها وبتسوق العربية بسرعة وبتروح الفيلا بتاعت اهل زكى وبترن الجرز والخادمة بتفتحلها
بسمة / زكى موجوود
الخادمة بتدخلها وبتطلع تدى خبر لزكى ان ف ضيفة عوزاة تحت وزكى بينزل وميعرفش ميين الى تحت وبيتفاجا ببسمة
و بيروح عليها بسرعة وبيمسكها من اديها وبيبعد بيها
زكى / انتى اية الى جابك هنا
بسمة / ابعد ايدك انت لازم تشوف حل فى الى احنا فية دة لازم نتجوز انا مش عارفة اعيش بين الناس انت مبتفكرش غير فى نفسك وبس
زكى / روحى من هنا بسرعة مش عاوز اشوف وشك هنا انا مش بتاع جواز انا بتاع انبساط وبس وكانو يوميين واظن انك اتبسطى زى
و بتضربو بالقلم وزكى بيتعصب اوى وبيمسكها بقوة من اديها
زكى / روحى من هنا احسنلك يلا برة يلا
بسمة / انا مش هسيبك وهرفع قضية عليك وهتشوف
زكى / هههههههة ماشى ورينى هتعملى اية
وزكى بيمسكها بقوة وبيخرجها من باب الفيلا بقوة وبيقفل الباب وبسمة منهارة من العياط والموبيل بيرن و بترد
بتكون الممرضة بتاعت اسامة وبتكلمها
بسمة / انا جاية حالا
و بتبص على فيلا زكى وبتركب العربية وبتمشى
وردة ✍️
التعليقات على الموضوع