رواية احببت قاسي💔الحلقة 31💔
🍁 الحلقة ٣١ 🍁
.
🍁🍁🍁🍁🍁🍁🍁🍁🍁🍁🍁🍁🍁🍁🍁🍁
.
بسمة فى المستشفى عند اسامة والممرضة بتشفها
الممرضة / اتفضلى بس اوعى حد يشوفك
بسمة / طب الدكتور مقلش فى تحسن فى حالتو
الممرضة / فى تحسن شوية بس السم الى فى جسمو هياخد وقت شوية بس انتى اصبرى وان شاء الله هيقف على رجلو من تانى
والممرضة بتمشى وبسمة بتدخل لاسامة و بيكون صاحى وبيعمل نفسو نايم
بسمة / الدكتور بيقول انك بتتحسن بس محتاج وقت انا الى مشكلتى مع الوقت بتسووء اكتر تخيل بعد الى بينا دة كلو بيعمل نفسو ميعرفنيش بس انا الى غلطانة انا الى سلمتو نفسى وصدقتو بس انا كنت فكراة بيحبنى
والندل حتى ورقة جوزنا سرقها منى ومعنديش اى حاجة تثبت ابدا الى كان بينا انا فكرت كتيير انى اعمل حاجة فى نفسى بس مقدرتش مش عارفة خفت على ابنى ولا خفت من ربنا ولا اية انا مش عارفة مش قدرة افكر حتى
بس الى عوزاة انى مسبش حقى ابدا بس انا هعمل اية
انا خلاص انتهيت انت الوحيد الى اقدر احكيلك كل دة علشان عارفة انك مش سامعنى بس كفاية انى بتكلم وبس بحس براحة حتى مش قدرة اتكلم مع ديمة واحكلها الى حصل هى نصحتنى كتيير ان زكى بيضحك عليا بس انا مصدقتهاش كنت بحبو
واسامة سامع كل حاجة وعامل نفسو نايم
كفاية الى اخوك عملو فى ديمة والمشاكل الى بنهم ولسة قضية الطلاق بس انا لحد دلوقتى بشوف فى عيون ديمة حب كبيير لاخوك
الممرضة بتدخل
الممرضة / مش كفاية كدة
بسمة / حاضر خلاص انا همشى
و بتبص لاسامة وهو نايم وبتمشى والممرضة بتظبط الاجهزة لاسامة
اسامة / ميين الى كانت عندى دى يعنى اسمها اية
الممرضة / انت متعرفهاش
اسامة / لا مش قصدى
الممرضة / بس هى قالتلى انها حببتك علشان كدة بخليها تدخل تشوفك من غير الدكتور يعرف
واسامة بيفكر
اسامة / اة خليها تدخل على طوول بس مش عاوز حد يعرف
الممرضة / ولا يهمك يلا علشان الادوية
واسامة بياخد الادوية وبقي كل يوم يستني بسمة تيجى وبيفضل عامل نفسو نايم علشان تتكلم براحتها معاة ومن غيير ما تحس بية
.
**********************************
.
ديمة فى البيت وابوها فى المكتب قاعد مدايق و بتعملو عصيير وبترحلو
ديمة / اتفضل العصيير يا بابا
احمد سرحان ومبيردش عليها و بتروح تبوسو من خدو
ديمة / بابا فى اية
احمد / مفيش ولاقضية لحد دلوقتى جتلى ولا قضية حتى كل القضايا الى عندى اصحبها جم وسحبوها مفيش حد عندو ثقة فيا خلاص
ديمة / بابا متقولش كدة وكمان اعتبر انك فى وقت راحة من القضايا انت قضيت طول عمرك فى المحاماة والمحاكم دلوقتى وقت انك ترتاح
احمد / حتى بعد ما نزل فى الجريدة اعتزار ليا الناس لسة
وبيدخل سراج
سراج / عندى خبر حلو
احمد / مفيش دلوقتى اى خبر يفرح ابدا
وديمة دموعها بتنزل
سراج / لا يابابا فى خبر هيخليك تطيير من الفرح
وبيسمعو فايزة بتزغرت وصوتها عالى وفرحانة اوى
سراج / ريم حامل هتكون جد خلاص وانتى يا اوزعة هتكونى عمة
وبيفرحو اوى وبتدخل ريم وفايزة عليهم واحمد بيروح يحضنها
احمد / مبرووك يابنتى الف الف مبروووك
والكل مبسووط
ديمة / الف مبرووك ياريم انا عوزة بنت
سراج / لو بنت هسميها ديمة
احمد / ولو ولد امو الى هتسمية
ريم مبسوطة اوى و سراج بيروح على ديمة وبيقرب عليها
سراج / عوزك فى اوضتك فى كلمتيين مهميين اوى
وسراج بياخدها على اوضتها
.
**********************************
.
ديمة / فى اية
سراج/ بكرة ميعاد القضية لازم نتفق هتقولى اية الاول
ديمة / سراج متقلقش انا وفهد خلاص
سراج / وعلشان متتفجايش ممكن هناك تشوفى الصحافة بلاش تتكلمى
ديمة / اية الصحافة
سراج / بقلهم يوميين هجميين على فهد وفى كلام كتيير عن جوزكو ومش عارف ميين الى سرب موضوع الطلاق دة خلاص بكرة الصبح هاجى اخدك ونروح مع بعض
وديمة بتفكر وسراج بيسبها لوحدها وبيخرج و بتفتكر فهد ايام الخطوبة والسعادة الى كانت فيها وبعد الجواز بس برضو كانت بتحس بسعادة من نوع خاص
ديمة / ياربى اعمل اية لية كل لما اسمع اسمو قلبى يدق بطريقة دى بعد الى عملو فيا وفى اهلى برضو لسة بحبو لا لا انا بكرهو بكرهو انا مش عارفة اسمى الحب دة باية
.
**********************************
.
جودى قاعدة فى اوضتها ومديقة وعمر قاعد بيلعب فى الموبيل
جودى / عمر يعنى احنا مش هنسافر نحضر المناسبة دى مع بعض
عمر / حببتى انا عندى شغل مهم ومش هكون فاضى هناك
انا هروح علشان اعمل علاقات فى الشغل وانتى هتزهقى اوى
جودى / طب انا زهقت اوى من الحبسة دى انا بقالى شهر مخرجتش من البيت
عمر / يوووة انا مقولتلكيش متخرجييش اخرجى روحى فى اى حتة
جودى /بس انا معرفش اى حاجة هنا وكمان معنديش اصحاب
عمر / اية الملل دة انا خارج
وعمر بيخرج وبيسبها
جودى / اهو زعلتو تانى اعمل اية ياربى انا كل مرة كده مش كفاية انو طول النهار فى شغلو وبيرجع متاخر وانا جاية دلوقتى اديقو بالكلام دة
.
**********************************
.
بسمة فى البيت و قاعدة بتفكر وجرز الباب بيرن وبتروح تفتح بتكون سالى
سالى / لقيتك مبتساليش قلت اسال انا
بسمة بتحضنها
بسمة / انتى رجعتى امتى
سالى / الله على المغرب يا بسمة جميلة اوى مش هحكيلك دلوقتى خلينا نروح نشوف ديمة انا قريت فى الجريدة اخبار كدة غريبة
بسمة / فى حاجات كتيير حصلت وانتى مسافرة
سالى / بس انتى شكلك متغير لية فى اية
بسمة / انا لا مفيش انا مالى
سالى / وانتى متوترة لية دة سؤال عادى ولا انتى مخبية عنى حاجة
بسمة / فى اية يا سالى انتى من ساعة ما وصلتى وانتى بتسالينى اسالة غريبة وكانى متهمة
سالى بتروح تقف قدمها
سالى / احنا متربين مع بعض وانا عرفاكى كويس ودلوقتى قوليلى فى اية واية الى مخليكى بالحالة دى
بسمة / انتى شيفانى بشد فى شعرى
سالى / اية الى حصل يا بسمة احكيلى زكى صح انا متاكدة
بسمة بتبكى وبتحضن سالى
سالى / الحقير دة عمل معاكى اية تانى
بسمة / انا حامل
وسالى اتصدمت ومش مصدقة
.
**********************************
.
ديمة مع سراج وبيدخلو المحكمة وبتشوف فهد قاعد بثقة
ومعاة اسلام ومحامى بتاعو و سراج بيبصلو بغضب
سراج / هاين عليا اطلع سلاحى وافرغو فى صدرو
ديمة / سراج مش عوزيين مشاكل كفاية لحد كدة بابا مش هيستحمل اى مصيبة تانية
وبينادو على القضية بتاعتهم
سراج / يلا بينا
وفهد بيستني لما هما يدخلو الاول وبيدخل بعدهم ومبتسم
وديمة كل شوية تبص لفهد اوى وهو بيبصلها والقضية بتبدا والمحاميين بيتكلمو وفهد و ديمة قاعدين قدم بعض ونظرتهم هى الى بتتكلم
القاضى / انا دلوقتى هسالكو انتو
و بيقفو جمب بعض قدم القاضى
القاضى / انتى ديمة احمد متاكدة انك عوزة تنفصلى عن جوزك السيد فهد عبد العزيز متاكدة يابنتى
ديمة بتبص لفهد اوى وباين عليها التوتر وبتبص لسراج
وسراج بيشاور براسو لديمة انها تقول نعم
ديمة / نعم يا سيد القاضى انا عوزة اتطلق
القاضى / وانت يا فهد عبد العزيز عاوز تنفصل عن مراتك ديمة احمد نهائيا
فهد بيبص لديمة اوى وهى بتبصلو بغضب
فهد / انا بحب مراتى جدا ومش عاوز انفصل عنها
ديمة / كداب دة بيكرهنى وانا بكرهو ومستحيل اعيش معاة
فهد / لية بتقولى كدة يا ديمة
ديمة /فهد خلينا ننهى الخلاف الى بنا هنا
فهد / ياديمة ارجعى معايا
و بيمسك ايد ديمة وسراج بيتعصب وبيروح على فهد وبيهجم علية وبيضربو بالبكس والامن بيبعدوهم عن بعض
وديمة بتعيط
القاضى / انا مش هحسبك على الى عملتو دة
سراج / يافندم هو
القاضى / اخرج برة
والامن بيخرج سراج برة وسراج بيتعصب وديمة بتعيط
ديمة/ انا مش عوزة اعيش معاة تانى انا عوزة اتطلق
القاضى / انا هديكو فرصة شهريين هتعيشو مع بعض بحكم المحكمة ولو مصممة بعد الشهريين دول انك تطلقى ساعتها انا هحكملك بالطلاق
ديمة / ياحضرة القاضى لا اسمعنى
والقاضى بيمشى وبيسبهم
فهد / يلا يا حببتى خلينا نمشى على بيتك بابا مستنيكي هناك
وديمة بتبصلو وبتعيط وبتستسلم وبتخرج
سراج / عملتى اية
ديمة / القاضى حكم انى اعيش معاة شهريين
سراج / مستحيل اسيبك تروحى معاة ابدا
المحامى / بس احنا لزم ننفز حكم المحكمة
فهد / يلا يا ديمة
ديمة / سراج اعمل حاجة
المحامى / مدام ديمة لازم تنفذ حكم المحكمة
وسراج مش عارف يتكلم ومتعصب اوى وماسك ايد ديمة
و فهد بياخد ديمة من سراج وبيخرج بيها من المحكمة وسراج متعصب اوى
ديمة / لا مش هروح معاك مستحيل
وبتيجى صحافة عليهم و الصحافة بتهجم عليهم وبتسالهم اسالة كتيير
الصحافة / ممكن نعرف بعد قصة الحب دى كلها اية سبب الطلاق
وديمة لسة هتمشى و بيمسك اديها وبيوقفها
فهد / ميين الى قال اننا هنا علشان طلاق انا وديمة مفيش حاجة هتفرقنا
المحامى / البشمهندس فهد ومدام ديمة هنا علشان يوثقو عقد الزواج
والصحافة بتسال اسالة كتيير وفهد بياخد ديمة على العربية بسرعة واسلام بيبعد الصحافة عنهم
ديمة / ابعد عنى انا مش هروح معاك انا هقول للصحافة عن كل حاجة
فهد / كفاية الى كتبتو الصحافة ان الاستاذ الكبير احمد مش محتاج فضيحة تانية فى الجرايد مش لوحدى الى هتازى
وديمة بتفتكر والدها لما كان مدايق
فهد / هم شهريين وبس وبعدهم كل واحد يروح لحالو من غيير مشاكل ولا صحافة
و بيشاور لاسامة انو يركب معاهم و بيركب العربية معاهم
فهد / اطلع على البيت يلا يا اوسطى
والسواق بيسوق العربية وديمة مديقة اوى وبتشوف سراج واقف ومتعصب وبيتكلم مع المحامى
.
**********************************
.
بيروحو على القصر وديمة بتدخل هى وفهد وبتكون جودى فى انتظارهم
جودى / اهلا يا ديمة نورتى بيتك
فهد بيدخل وبيشوف ولدو قاعد وبيروح علية
فهد / بابا انا رجعتلك مرات ابنك البيت
وعبد العزيز بيقف وبيبص لديمة و هى بتروح علية
عبد العزيز / اهلا يابنتى انتى نورتى بيتك كل زوجة ملهاش غير بيت جوزها حتى لو فى اى خلاف بنها وبين جوزها لازم يتحل بنهم
ديمة / عمى انا
عبد العزيز / لا يابنتى انا مش بلومك ابدا لا انا بعتبرك زى بنتى بالظبط وعلشان فرحة القصر رجعت تانى انا هعمل حفلة كبيرة ونعزم فيها البلد كلها وانا هتصل بعيلتك بنفسى
احمد وسراج بيدخلو القصر
احمد / انا جيت من غير اى عزومة
وديمة بتبص وره بتشوف ابوها وسراج وبتجرى على ابوها
احمد / انتى كويسة يابنتى
فهد / اكيد كل زوجة بتكون كويسة فى بيت جوزها
احمد بيبص لفهد
احمد / انا جاى علشان اخد بنتى معايا انا مستحيل اخلى بنتى تعيش مع واحد غصب عنها ابدا
فهد / متنساش ياعمى ان دة حكم المحكمة
احمد / متقلقش ابدا انا محامى قديم وليا اكتر من ثغرة فى القانون ممكن اخرج بنتى منها
عبد العزيز / فهد
و فهد بيبص لولدو وبيسكت
عبد العزيز /اهدى شوية يا احمد وخلينا نتكلم شوية
احمد / مفيش اى كلام بنا الكلام انتهى
عبد العزيز / انا عارف ان الولاد فى بنهم سوء تفاهم وانت عارف فى اول الجواز بيكون فى مشاكل بس مش معنى كدة ان كل وحدة تحصل بنها وبين جوزها مشكلة توصل للمحكمة بالسرعة دى وفى الوقت دة بيجى دور الاهل الى لازم ينصحو ولدهم والبنت ملهاش غير جوزها مهما حصل
اسلام / بش مهندس فى صحافة برة كتيير عوزين يعملو مقابلة مع حضرتكرتك
فهد / قولهم انى مش فاضى دلوقتى
احمد / بنتى مش عوزة تعيش مع ابنك
عبد العزيز / اديهم فرصة يمكن ساعتها يقدرو يفهمو بعض
احمد بيبص لديمة الى عيونها على فهد وفهد بيتكلم مع اسلام علشان الصحافة و احمد فجاة بيسيب ايد ديمة
احمد / شهريين بس هما شهريين وهاجى ساعتها اخد بنتى من هنا
سراج / بابا انت
احمد بيشاور لسراج يسكت
ديمة / بابا بس انا
احمد / هم شهريين بس ولو حصل لبنتى اى حاجة انت الى مسئول يا عبد العزيز
جودى / انا متاكدة ان ديمة هتكون مبسوطة اوى
وردة ✍️
التعليقات على الموضوع