قصة نداهة الحمام
مش مؤمن انا بفكرة النداهة اللي أمي دايمًا بتحكيلي أنها كانت موجودة فبلدنا زمان و حتي لو موجودة ف ده كان زمان، أنما دلوقتي خلاص مبقاش زمن الجن و العفاريت ده زمن النت و طلوع البشرية للفضاء، و برضه مش مؤمن بكلام أمي أن انا لو دخلت الحمام و معايا الموبايل هتلبس...قال اتلبس قال.
لحد ما ف يوم كنت مالي البانيو مايه و نايم فيه كالعاده و كان الموبايل فأيدي و بتكلم مع بنت من أصحابي و فجاءة الكهربا اتقطعت عن الشقة كلها لكن المفاجاءة الأكبر لما لقيت الموبايل اتقفل مع أنه مشحون؟؟!
حاولت اقوم من مكاني لكني كنت حاسس أن انا متكتف، كنت حاسس زي ما يكون الماية مكتفاني... حاولت اقاوم و اضرب الماية بأيدي و رجلي لكني برضه كنت متكتف و مش قادر اقوم من مكاني لحد ما فجأة لقيت الموبايل اللي وقع مني جنب البانيو طلع منه نور...بصيت عليه لقيت الشاشة منورة نور أبيض و مكتوب ف نص الشاشة بخط أسود(لقد عشقتك و انت ملكي الأن) صرخت بصوت عالي و أول ما صرخت الكهربا رجعت تاني و الموبايل اشتغل زي ما كان، قمت من مكاني و خرجت من الحمام و خدت الموبايل و لبست هدومي و روحت سألت أمي هو أيه سبب أن الكهربا اتقطعت ردت و قالتلي أن الكهربا ما تقطعتش اساسًا؟؟!
المهم ماهتمتش و دخلت نمت و أول ما غمضت عيني حلمت بنفسي واقف فالحمام و في بنت مالية البانيو مايه و قاعدة جواه و رافعه دراعتها الاتنين نحيتي و بتهمس بصوت جميييل(خااااالد.....تعالى يا خاااالد)...
غصب عني لقيت نفسي بقرب منها و انا مسلوب الأرادة علشان أول ما ابقى قصادها الاقيها شدتني ناحيتها و نزلتني البانيو و كانت بتحاول تغرقني، حاولت أقاوم و أقاوم لحد ما فجاءة كل حاجة هديت و بصيت حواليا لقيت نفسي جوه البانيو بهدومي و مفيش حد حواليا و ماكنتش نايم...لأ انا كنت صاحي!!!
و من يومها و انا بسمع بنت بتنادي بأسمي من الحمام و أكتر من مرة أنام و احلم بيها و يحصل اللي حصل تاني لدرجة أن انا بقيت خايف انام ف مرة ماصحاش و اموت غرقان فالبانيو......
( أنا أم خالد و لقيته كاتب الكلام ده ف الأجندة بتاعته بعد اما ف يوم صحيت الصبح لقيته مالي البانيو ماية و ميت غرقان فيه....)
تمت
#محمد_شعبان
لحد ما ف يوم كنت مالي البانيو مايه و نايم فيه كالعاده و كان الموبايل فأيدي و بتكلم مع بنت من أصحابي و فجاءة الكهربا اتقطعت عن الشقة كلها لكن المفاجاءة الأكبر لما لقيت الموبايل اتقفل مع أنه مشحون؟؟!
حاولت اقوم من مكاني لكني كنت حاسس أن انا متكتف، كنت حاسس زي ما يكون الماية مكتفاني... حاولت اقاوم و اضرب الماية بأيدي و رجلي لكني برضه كنت متكتف و مش قادر اقوم من مكاني لحد ما فجأة لقيت الموبايل اللي وقع مني جنب البانيو طلع منه نور...بصيت عليه لقيت الشاشة منورة نور أبيض و مكتوب ف نص الشاشة بخط أسود(لقد عشقتك و انت ملكي الأن) صرخت بصوت عالي و أول ما صرخت الكهربا رجعت تاني و الموبايل اشتغل زي ما كان، قمت من مكاني و خرجت من الحمام و خدت الموبايل و لبست هدومي و روحت سألت أمي هو أيه سبب أن الكهربا اتقطعت ردت و قالتلي أن الكهربا ما تقطعتش اساسًا؟؟!
المهم ماهتمتش و دخلت نمت و أول ما غمضت عيني حلمت بنفسي واقف فالحمام و في بنت مالية البانيو مايه و قاعدة جواه و رافعه دراعتها الاتنين نحيتي و بتهمس بصوت جميييل(خااااالد.....تعالى يا خاااالد)...
غصب عني لقيت نفسي بقرب منها و انا مسلوب الأرادة علشان أول ما ابقى قصادها الاقيها شدتني ناحيتها و نزلتني البانيو و كانت بتحاول تغرقني، حاولت أقاوم و أقاوم لحد ما فجاءة كل حاجة هديت و بصيت حواليا لقيت نفسي جوه البانيو بهدومي و مفيش حد حواليا و ماكنتش نايم...لأ انا كنت صاحي!!!
و من يومها و انا بسمع بنت بتنادي بأسمي من الحمام و أكتر من مرة أنام و احلم بيها و يحصل اللي حصل تاني لدرجة أن انا بقيت خايف انام ف مرة ماصحاش و اموت غرقان فالبانيو......
( أنا أم خالد و لقيته كاتب الكلام ده ف الأجندة بتاعته بعد اما ف يوم صحيت الصبح لقيته مالي البانيو ماية و ميت غرقان فيه....)
تمت
#محمد_شعبان
التعليقات على الموضوع