رواية احببت قاسي 💔الحلقة 21💔
🍁 الحلقة ٢١ 🍁
.
🍁🍁🍁🍁🍁🍁🍁🍁🍁🍁🍁🍁🍁🍁🍁🍁
.
فى الليل ديمة قاعدة مع الاطفال وبيزكرو و بتزكرلهم
و بتبص فى الساعة والوقت اتاخر اوى
ديمة / حبايبى انا لازم امشى
والاطفال زعلو ومش عوزنها تمشى وتسبهم وبتقنعهم انها هتيجى بكرة وبتمشى وبتوقف تاكسى وهى فى الطريق
بتشوف اسامة واقف جمب عربيتو ومعاة واحد شكلو مجرم
و بيدفعلو فلووس
ديمة / لو سمحت نزلنى هنا
السواق / بس يا انسة الحتة دى خطر وكلها مجرميين
ديمة / شكرا انا هنزل هنا
و بتدفع لسواق التاكسى وبيتروح فى اتجاة اسامة وبتبص حوليها واسامة مش موجوود بس عربيتو وقفة فى مكنها
وبتدور على اسامة وقلقانة اوى علية
و بتشوف اتنين شكلهم مش طبيعى قاعدين تحت شجرة وبيشمو بدرة و بتخاف وبتبعد بسرعة وبتطلع الموبيل وبتتصل بفهد
ديمة / فهد
فهد / حببتى انتى وصلتى البيت
ديمة / لا انا فى مكان غريب انا خايفة اوى على اسامة
فهد / انتى فيين انتى كويسة
ديمة / اسامة كان هنا وشكلو كان غريب خايفة احسن يكون حد هيازية
فهد / ديمة اسمعينى انتى كويسة
ديمة / اة متقلقش عليا بس اسامة
فهد / انتى فيين
و بتوصفلو الطريق وبتروح تقف جمب عربية اسامة
وبعد شوية بيوصل وبيشوف ديمة وبيجرى عليها بسرعة
فهد / انتى كويسة صح
ديمة / فهد اهدى اسامة انا خايفة عليه
وفهد بيبان علية العصبية
فهد / يلا خلينا نمشى
ديمة / نمشى فين ونسيب اخوك فى مكان زى دة
فهد / انتى لية بتحبى تدخلى نفسك فى مشاكل يلا نمشى
وبيشوفو اتنين ماشيين من جمبهم باين عليهم شربين حاجة وديمة بتمسك فى ايد فهد
ديمة / انا مش همشى من هنا غير ما اطمن على اسامة ازاى انت مش قلقان على اخوك
فهد / يعنى هتفضلى هنا
ديمة / اة مش همشى
فهد /يبقي انا همشى خليكى انتى هنا
و بيروح على عربيتو وديمة بتبصلو اوى على تصرفو دة
وفهد بيتعصب وبينزل من العربية وبيضرب العربية
برجلو ومدايق وبيروح لديمة
فهد / روحى انتى على العربية ومتفتحيش باب العربية لاى حد
ديمة / لا انا هاجى معاك
فهد / كفاية عناد بقي واسمعى الكلام يلا
وديمة بتبصلو وبتروح على العربية وفهد بيقفل عليها العربية وبيروح يشوف اسامة وديمة قاعدة قلقانة اوى
وفهد بيدور على اسامة وبيشوف عشة كبيرة بالخوص والطين زي القهوة وفى ناس قاعدين فيها وبيشربو خمر وشكلهم غريب جدا وفهد بيدخل وفى واحد بيسند علية مش متوازن وفهد بيقرف منو وبيبعدو عنو
ديمة فى العربية وبتقلق اوى لما فهد اتاخر شوية وبتنزل وبتروح فى نفس الاتجاة الى فهد مشى فية وخايفة اوى وفهد بيشوف ديمة وبيروح عليها وبيمسكها من اديها بقوة ومتعصب
فهد / انتى مفيش فايدة فيكى مبتسمعيش الكلام لية
ديمة / انا كنت قلقانة عليك انت اتاخرت
و بيشدها من اديها بعنف
ديمة / اااة فهد ايدى
ولسة فهد هيروح عند العربية وبيشوف بكس الشرطة وصل وبيبدا ينتشرو فى المكان
ديمة / فهد
وفهد بيضم ديمة علية وبيجرى بيها بعيد عن المكان
فهد / ياريت تكونى مبسوطة من الى احنا فية دلوقتى
ديمة / مش وقتو دلوقتى
وفهد بيقف
فهد / وكمان مش عجبك انتى الى جبتينا فى المكان وكمان
ديمة / ابوس ايدك خلينا نطلع من هنا الاول
و فهد بيشوف الشرطة بيقربو منهم وبيمسك ديمة بسرعة وبيجرى بعيد وبيستخبو وره شجرة كبيرة وبيخدها فى حضنو وديمة مخبية وشها فى حضنو ومغمضة عنيها اوى وفهد باين علية القلق وبيطلعو على الطريق وبيوقفو تاكسى وبيركبو
ديمة / واسامة
فهد / ياريت تكون الشرطة اخدتو ونرتاح
ديمة / بس
فهد / مش عاوز اسمع اى صووت انتى فاهمة
و بتسكت وبتبص لفهد الى مش عاوز يبصلها ومدايق اوى
ديمة / فهد
ومبيردش عليها و بتمسك ايدو وبتنام على كتفو بحنية
وفهد بيبصلها وبيضمها اوى وبيوصلها على البيت
فهد / مفيش خروح لوحدك وملكيش دعوة باى حد
ديم / حاضر طب ممكن اطلب منك طلب
فهد بيبصلها بغضب وبيهز راسو بنعم
ديمة / ممكن تطمنى على اسامة انا معتبراة زى اخويا بالظبط ومن حقى انى اطمن علية
فهد بيدايق وبيروح يركب التاكسى تانى وبيمشى وديمة بتبصلو اوى وهو ماشى وبتطلع
.
**********************************
.
فى الليل
ديمة بتتصل على نمرة الفيلا وسعاد هى الى بترد و بتقفل بسرعة وبتتصل تانى
جودى / الو
ديم / جودى انا ديمة بلييز ممكن مفيش حد يعرف انى الى بتكلم
جودى / اة طبعا انتى كويسة
ديمة / كنت حبة اعرف اسامة فى البيت
جودى / اسامة اة فى اوضته فووق فى حاجة
ديمة / لا بس انا كنت محتاجة حاجة وخلاص مش مهم سلام
وجودى مستغربة اوى من مكالمة ديمة وسعاد بتنادى لجودى
جودى / نعم يا ماما
سعاد / ميين الى على التلفوون
جودى / دى ديمة
وجودى بتحط اديها على شفايفها وندمت انها اتكلمت
سعاد / وعوزة اية
جودى / ديمة هى كانت عوزة
سعاد / اتكلمى
جودى بتشوف فهد بيدخل من الباب
جودى / كانت عوزة تتطمن ان فهد وصل ولا لا
سعاد بتبص لفهد و بيبصلها وبيطلع على اوضته وهو طالع بيقابل اسامة خارج من اوضته وفهد بيبصلو اوى وبيمشى وبيسيبو
و فهد فى اوصته ومتعصب اوى
فهد/ انا الى غلطان علشان بسمع كلمها انا اية الى بيحصلى
و متعصب اوى
.
**********************************
.
بعد يوميين ديمة مع ولدتها بتشترى فستان الفرح و مش عجبها حاجة عوزة.فهد هو الى يختار معاها
ديمة / ماما اية رايك اتصل بفهد يجى يختار معانا
فايزة / لا طبعا فال وحش ان العريس يشوف فستان قبل الفرح
ديمة / ماما انتى بتؤمنى بالحاجات دى
فايزة / مش عوزة نقاش ابدا
ديمة / طب اية رايك نروح نشرب حاجة انا تعبت اوى
فايزة بتبص لديمة وبتمشى معاها على الكفتيريا وديمة بتبعد وبتتصل بفهد وهو فى اجتماع مهم وبيكنسل عليها و بتلح بالاتصال كتيير وفهد بيقلق
فهد / ممكن ناخد استراحة خمس دقايق
والموظفيين بيخرجو من المكتب وفهد بيتصل بديمة
فهد / انتى عارفة انى فى اجتماع مهم
ديمة / مليش دعوة انت لازم تيجى حالا لزم تختار الفستان معايا
فهد / مش هقدر هاتى الى يعجبك وخلاص
ديمة / لا خلاص مش هجيب حاجة
فهد / الشركة بتمر بوقت صعب جدا وعندى شغل كتير
ديمة / يعنى الشغل اهم منى انا خلاص احنا ناجل الفرح لحد ما حضرتك تخلص شغل سلام
و بيتعصب اوى وبيمشى فى المكتب وبيفكر
فهد / عارف انها مجنونة
وبيخرج من المكتب
فهد / اجلى الاجتماع لبكرة عندى شغل مهم
و بيمشى
.
**********************************
.
وديمة بتروح لولدتها
فايزة / يلا اشربى العصيير خلينا نخلص باقى الحاجة
ديمة / ارتاحى لسة قدمنا وقت
وديمة قاعدة وبتبص كل شوية لباب الموول
فايزة /ديمة قولى لو مش عوزة تجيبى حاجة انا تعبت
ديمة / خلاص يلا يا ماما
و بتطلع مع ولدتها وبيتفرجو على فساتيين كتيير و مديقة اوى
فايزة / ديمة روحى البسى دة كدة يمكن يعجبك
و بتخدو وبتدخل تلبسو وبتخرج وفايزة بتظبط فية وديمة
بتشوف فهد واقف بيبص عليها ومبتسم اوى وديمة ضحكتها بترجعلها
فايزة / اية رايك يجنن عليكى
ديمة بتبص لفهد و هو واقف بعيد و بيشاور ان تشوف حاجة تانية
ديمة / لا مش عجبنى يا ماما طب اية رايك فى دة
و بتبص لفهد و بيقول لا
دبمة قبل ما فايزة تتكلم
ديمة / لالا مش عجبنى
والبنت فى المحل بتشوف فهد واقف على الباب وبيشاور لديمة والبنت بتضحك اوى وديمة بتشاورلها علشان ولدتها
ديمة / ممكن تورينى دة
البنت روحى البسية شوفية عليكى
و بتلبسو وبتخرج وفهد بيبصلها اوى وبيسرح فى جملها والفستان طالع عليها جمييل اوى و فهد بيشاور لديمة انها تلف و بتلف وبيشوف الضهر انو عريان اوى و بيكشر اوى
فايزة / دة بقي جميل عليكى اوى ومش محتاج اى حاجة
فهد بيبان علية العصبية وبيقولها مستحييل وديمة عجبها الفستان وبتقولو حلو اوى وفايزة بتبص لديمة وبتشفها بتبص بعيد وبتبص بتشوف فهد واقف
فايزة / انتى لازم تنفذى الى انتى عوزاة صح
وفايزة بتضرب ديمة على دمغها وديمة بتبسها وفايزة بتشاور لفهد انو يقرب
فايزة / انتو الاتنين مجانين زى بعض
وفهد مبتسم اوى
فايزة / انا تعبت هروح انا الكفتيريا وانتو اختارو الى يعجبكو
وفايزة بتمشى
فهد / عجبك الى عملتية دة
ديمة / يعنى عوزنى اختار الفستان وانت مش معايا
فهد / انتى عنادية اوى انتى خلتينى الغى الاجتماع
ودى اول مرة الغى اجتماع
ديمة / اسفة لحضرتك خلاص روح يلا مش عوزاك معايا يلا واقف لية
فهد / يعنى اروح
ديمة / هو انا مسكاك
وفهد لسة هيتحرك و بتمسك ايدو و بيبصلها اوى وبيبعد شعرها عن خدها
فهد / مجنونة
ديمة / بس بحبك
البنت الى وقفة
البنت / احم احم
وبيبتسمو الاتنين
فهد / ممكن لو سمحتى تطلعلها احسن فساتين عندك
وبيروحو يتفرجو على فساتين كتيير بيعجبها فستان قصيير بطرحة طويلة
ديمة / حلو دة اوى
فهد / دة تلبسية لما هتتجوزى سوسو مش انا شوفى غيرو
ديمة / كدة خلاص مفيش تانى
فهد / خلاص خليكى كدة انتى عجبانى زى ما انتى مش مهم
ديمة / لاياشيخ
البنت / طب فى كتلوج جديد لسة واصل النهاردة ممكن تشوفية يمكن يعجبك حاجة
والبنت بتجيب الكتلوج و بيتفرجو على الفساتين وبيشوفو فستان جمييل اوى ورقيق ومنفوش من عند الخصر
ديمة/ حلو دة
فهد بيشاور للبنت على الفستان
البنت / الفستان هيوصل بكرة ممكن تسيبى العنوان واحنا نبعتو
ديمة / اوكى
وديمة فرحانة اوى و فهد بيدفع الفلوس وبيخرجو
ديمة/ انا فرحانة اوى اوى
فهد / والناس بتتفرج عليكى
ديمة/ وفيها اية انت خطيبى وكمان يوميين فرحنا وفرحانة
فهد بيبص فى الساعة
ديمة / متقولش انك هتمشى
فهد / عندى شغل كتيير
ود يمة بتدايق
فهد / متنسيش ان بعد الفرح هاخد يوميين اجازة والشغل هيقف
ديمة / اية يومين وشهر العسل
فهد / ايامنا كلها هتكون عسل سلام انا اتاخرت لازم امشى بااى
و بيمشى وديمة زعلانة وبتروح لولدتها وبتقولها على الى حصل
فايزة / انتى خطيبك رجل اعمال كبير لازم تقفى جمبو
المهم انكو تكونو مبسوطين وبس مش مهم شهر العسل ولا يومين عسل المهم انكو تكونو مع بعض وكل ايامكو تكون فى سعادة
وديمة بتبوس فايزة
ديمة / ربنا يخليكى ليا يا احن ام فى الدنيا
وردة ✍️
جميله
ردحذف