قصة (العمل الاكبر) كاملة
قصة ( العمل الأكبر ) كاملة
أنا بشتغل مساعدة لواحدة بتعمل أعمال وسحر أسود للناس
انا سارة 25 سنة وحيدة أهلي .. والدي ووالدتي اتوفوا مع بعض في حادث من سنة ..
ومن ساعتها في قواضي مرفوعه عشان اخد ورثي .. محدش من عيلتي بيساعدني لان اهلي ماكانوش على تواصل معاهم اطلاقا ولا كنا نعرف عنهم حاجه
اللي زود المصيبة ان الشقة اللي كنا فيها طلعت ايجار .. ووالدي الوحيد اللي كان رافض يسيب العماره عشان كانت ايجار قديم ولما عرف انهم توفوا بقى يهددني وطردني بره البيت
ما بقتش عارفه اروح فين ولا اجي منين ؟! لحد ما كلمت خالي الوحيد ..و رد عليا وقالي تعاليلي ووصفلي عنوانه .. جبت رقمه من ورق قديم بتاع ماما .. روحتله بشنطتي عشان يلحقني وننقل بيقة الحاجه اللي في شقتنا
فضل يقولي ماشي وحاضر وخليها بعدين وماتخافيش لحد ما قررت اروح انا بعد اسبوع اجيب حاجتي لوحدي لقيت العمارة مقفولة عشان هيبدأو يهدوا فيها.. صحيح انا خدت الحاجات المهمة من البيت بس في عفش وفي حاجات كتير بتاعتنا
لما دورت على صاحب العماره قالي انتي مشيتي ومش معايه رقمك ومش هوقف الدنيا عشان شويه عفش قديم اتخانقت معاه والشارع كله اتلم بس ماعرفتش اخد منه لاحق ولا باطل طبعا
روحت ببكي ومنهاره ..ومراة خالي شيفاني وعماله تتأفف حتى ما سالتنيش انتي زعلانه ليه حصلك ايه ؟ مالك انتي كويسه تعبانه ؟
حسيت اني لوحدي في الدنيا دي احساس صعب على اي راجل ما بالك بنت .. كلمت صحباتي البنات عشان مابقتش قادره اعيش مع خالي اللي بيتعامل معايه بقرف هوا ومراته .. بس هنا اتسالت سؤال كسرني مش عارفه اجابته .. صحبتي قالتلي طيب هتقعدي معانا قد ايه ؟
قولتلها مش عارفه ؟ قالتلي طيب هسال ماما واكلمك قولتلها ماشي قولت خلاص اقولها اسبوعين بس لحد ما اكون لقيت شغل .. فضلت مستنية ساعه اتنين تلاته ماقدرتش وكسرة نفسي بتقولي ما تكلمهاش
اتصلت بيها كنسلت سكت لحد تاني يوم كلمتها تاني تلفونها مغلق .. انا تبعت بجد وحيلي اتهد في شغل البيت والطبيخ مراة خالي مشغلاني خدامه عندها ماعنديش مشكله اساعدها بس معاملتها وحشه وبقى خالي هوا كمان يعاملني كده .. هما مش عايزيني .. لحد ما في يوم كسرت كوبايه ومراة خالي اتجننت عليا زعيق جامد
خدت شنطتي ونزلت وهي بتنده عليا رايحه فين ؟ نزلت وفضلت ماشيه بجر شنطتي ورايه مش عارفه اروح فين ؟ وتعبت لحد ما قعدت على الرصيف .. لقيت ست كبيرة بتقولي خدي بايدي يا بنتي عديني الشارع
خدت بايدها وعديتها قالتلي مالك يا حبيبتي ؟ قولتلها مافيش .. قالتلي عايزة مساعده قولتلها لا .. قالتلي طيب في مكان تنامي فيه ؟ استغربت سؤالها بس قولتلها لا .. قالتلي طب تعالي معايه طريقنا واحد
مشيت معاها وطلعت ساكنه في حته شعبية .. وصلنا قدام باب بيتها وفتحت وقالتلي تعالي انا ساكنه لوحدي دخلت معاها وانا مش فارق معايه اي حاجه تحصل .. قالتلي اوضتك اهي كانت اوضه بنتي قبل ما تتجوز
وعملتلي اكل وبصراحه ما قصرتش معايه .. وبعدها قالتلي احكيلي حكايتك فحكيتلها .. قالتلي ماشي انا هشوفلك شغلانه كويسه تاكلي منها الشهد .. قالتلي استني هنا وطلعت من شقتها ورجعت بعد نص ساعه قالتلي تعالي
قولتلها هنروح فين بليل كده ؟ قالتلي ماتخافيش مش هنطلع برة العماره وفعلا هي كانت ساكنه في الدور الاول فطلعنا الدور التالت .. ومطلعه مفتاح وفتحت الشقه وسحبتني من ايدي .
أول مرة قلبي يتقبض كده دنيا ضلمة ستات كتير لابسه عبايات سودة بخور ريحته تخنق .. خرز في كل حته .. الستات كلها بتبص عليا وهي سحباني من ايدي لحد ما دخلنا اوضه كلها بخور
وفي ست كبيرة قاعده قدامها شابه وبتقرالها الكف .. انا طول عمري بحس ان دي حاجات خياليه كلها .. بس لقيت البنت بتسمعها بكل تركيز وهي عماله تقولها طريقك صعب هيتقدملك واحد بس ماتقبليش فيه طمعان فيكي
هتتجوزي السنه الجايه لواحد قريب منك بعدها البنت شكرتها ورمتلها فلوس في سبت محطوط ومشيت .. بعدها قالتلي تعالي اقعدي عايزة تشتغلي ايه ؟؟
انا عيني برقت من الخضه الست مالحقتش تقولها حاجه .. بس بعدها لسه هحكي قالتلي وريني ايدك ادتلها ايدي بصت فيه وبرقت عينيها وقالتلي .. انتي الناس هتجيلك وهتحتاجلك وانتي بايدك تضحكي وتبكي
قولتلها مش فاهمه ؟ قالتلي بكره تفهمي .. انتي هتشتغلي المساعده بتاعتي وهتبداي شغل من دلوقتي .. تدخليلي اللي انتي شايفاه المفروض يخش الاول الاختيار ليكي حتى لو لسه جاي وفي ناس مستنيه من اربع ساعات
يلا .. قومت بسرعه وانا خايفه ومرعوبه وحاسه اني في حلم مش هصحى منه .. طلعت بره لقيت ستات كتير لقيت واحده قاعده وسانده واحده تانيه قاعده جنبها ..ندهتلها قامت وادتني في ايدي 100 جنيه
وبعدها دخلت معاهم لقيتهم اول ما داخلو الست قالت بنت عمتك هناء .. انتي مزعلاها ردت الست اللي معاها الست الي دماغها كل شويه تقع كانها بتنام
قالتلها هما فعلا متخانقين وفي بينهم مشاكل .. قالتلها خدي دي .. ادتها كيس قماش صغير كان بيطلع منه صوت صدف قالتلها حطيها تحت المخده بتاعتها النهارده وبعد 3 ايام لو مافاقتش تعاليلي
الست شكرتها ورمتلها فلوس في السبت .. قولتلها انتي عرفتي منين اسم بنت عمتها .. لقيتها بصتلي بصه تخوف وقامت وقربت مني جدا وانا مش عارفه اروح فين بعدها قالتلي ...
-------------------------------------------------------------------------------------
عارفه ايه اهم حاجه في الشغلانه دي .. قولتلها ايه ؟ قالتلي انك تحفظي الناس وتحفظي كل حاجه .. قالتلي في حاجات بعملها اعمال وفي حاجات مش مستاهله اعمل عايزة تشغيل دماغ .. قالتلي انا اللي كنت عامله للبنت دي العمل عن طريق بنت عمتها اللي جاتلي عشان بتكرهها
واديها التانيه جاتلي عشان تفك العمل .. اللي انا عاملاهولها .. بصي اللي بيجي هنا لازم تستفاد منه على قد ما تقدر لانه مش فاهم الحقيقه فين ؟ فهمتي حاجه
قولتلها تقريبا .. قالتلي دخلي اللي بعدها .. طلعت بره لقيت واحده وواحد قاعدين خايفين .. قومت اخترتهم هما ودخلنا لست البيت .. زي ما بيقولوا عليها .. قالتلهم اقعدوا
البنت قالتلها احنا متجوزين بقى لنا سنتين ومافيش اي حمل كشفت طلعت كويسه هوا كشف طلع كويس مش عارفه المشكله فين ؟
قالتلها استني .. راحت طلعت كيس قماش جواه عضم قالتلها حطيها تحت المرتبه بليل وطفي النور وما تتكلموش مع بعض بعدها لحد الصبح
شكروها وحطوا فلوس في السبت ومشيوا وانا طبعا هموت واسئل ليه ما يكلموش بعض .. لسه هسئل قالتلي لان اللي هيرد عليها مش جوزها هيبقى جن لابسه عشان يخلف منها
وشي جاب الوان وعرقت بصراحه .. قالتلي مالك خوفتي ليه انتي عارفه في كام جني في الاوضه اللي احنا فيها للحظة جسمي قشعر جامد .. قالتلي بعدها عايزاكي تدبحي فرخة من اللي في الاوضه التانيه وتجيبيلي رجولها وريش منها
قولتلها حاضر .. انا حاسه اني عايزة اعيط بس مضطره اعمل اللي بعمله ده مش هلاقي مكان يشغلني في يومها دخلت عملت اللي قالتلي عليه وروحت البيت اللي تحت عند الست اللي استضفتني عندها وانا معايه 800 جنيه بقشيش بس من الناس اللي بختارها تخش جبتها في يوم دي الميزة الوحيده ان الشغل ده شكله بيجيب فلوس كتير
نمت مع الست الطيبه دي اللي استضفتني عندها وكان اسمها نعمات وعرفت ان الست الكبيرة اسمها ست رقية
نعمات ساعدتني زي ما تكون عارفه اني هنا ومحتاجه مساعده حاجه غريبة جدا ..بس مش مهم جايز ربنا بيعوضني عشان تعبت في حياتي
نمت اليوم ده اول يوم ليا بره بيت خالي وبيتنا .. حاسه اني خايفه نعمات نايمه في الاوضه التانيه وانا الاوضه بتاعتي دور ارضي وباصه عالشارع .. الدنيا سكون بشكل مرعب .. سامعه حاجات بتخروش حواليا وجسمي بدا يقشعر بدات اتلفت وانا نايمه وفي صوت بدأ يظهر .. بدات اقلق بجد
الصوت جاي من ركن الاوضه واحد بيتنفس بحشرجه نفس .. زي ما يكون مش انسان او حد بيتنفس بصعوبه وانا خايفه اقوم اولع نور الاوضه فضلت نايمه بعدها وانا باصه على ركن الاوضه لحد ما نمت ونعمات صحتني العصر وقالتلي قومب بقى كفايه نوم انتي ما نمتيش بقى لك كتير ولا ايه
صحيت واتغدينا سوى وبعدها طلعنا لست رقية .. لقيتها بتقولي عايزاكي تاخدي الورقه دي وتروحي على العنوان ده تدفنيها فيها .. قومت وانا مش عارفه اعمل كده ولا لا بس روحت في الاخر لان مافيش قدامي حل تاني وحفرت حفره وقبل ما احط العمل فضلت افكر احرقه وخلاص ولا انا كده هئذي نفسي وهي هتعرف اني ما عملتش اللي قالتلي عليه.. بعدها ردمت عليه فعلا ورجعتلها
كانت الشمس غابت والناس بدات تيجي وتستنى دورها عشان تخش لست رقية .. لقيت بنتين شباب شكلهم صغير ايه جايبهم لست رقيه الموضوع استفذني فقولتلهم تعالو البنت ادتني 200 جنيه ودخلت بعدها قعدوا وقالو انهم متغاظين من واحده صحبتهم وعايزين يئذوها ما قالوش متغاظين منها ليه بس ليه في ناس كده اي حد مضايق من حد يروح يئذيه .. قالولها عايزين يخلو شكلها وحش عشان هي بتتمنظر بجمالها قالتلهم حددوا عايزين ايه قالولها عايزين شعرها يقع
طلبت منهم حاجه من ريحتها يعني ممتلكاتها .. ادولها سلسله بتاعتها سرقوها من شنطتها خدتها وحطت معاها ريش ورمتها في صندوق حديد وولعت فيها قاموا بعدها وحطوا فلوس في السبت ومشيوا وانا متخيله صحبتهم هيكون احساسها قد ايه صعب ؟
شغلتي دي على قد ما هي متعبه نفسيا بتخليك تشوف جانب وحش اوي في الناس كلها .. وأغلب الاعمال اللي بتتعمل عند الست رقيه بتبقى حد متغاظ من حد او حد عايز يئذي حد .. برغم التعب اللي انا فيه بس الوضع بقى وحش اوي .. بعدها طلعت لقيت واحده شكلها بنت ناس اوي ولابسه ذهب كتير دخلتها
قعدت مع الست رقيه وادتلها صوره قالتلها انا عايزة انتقم من الراجل ده قالتلها عايزة تعملي فيه ايه ؟ سكتت شويه قالتلها معرفش بس عايزاه ياما يحبني يا اما انتقم منهورقيه سالتها عن اسمها قالتلها انجي وسالتها عن اسم امها وتاريخ ميلادها .. واول مره اشوف حد يسيب كم الفلوس ده جوه السبت سابت فلوس كتير جدا ..
بقيت مخضوضه من اللي حصل كانت الست رقيه استكفت ساعتها النهارده وقامت وقالتلي خلي الناس كلها تروح احنا خلصنا .. الست رقيه قامت نزلت ومش بتنزل غير لما يكو حد مهم وتقيل جدا ما ينفعش يجيلها هوا بيبعتلها عربيه تاخدها
وممكن يكونوا ناس من بتوع الرهانات الكبيرة وخصوصا زي ما سمعت طراطيش من بعيد في البورصه او ماتشات كورة كبيرة كنت بسمع انها تخاريف بس الواضح انهم بيدخلوا في بعض اللعيبه الرئيسيه او حارس المرمى ويعرفوه ان معموله حاجه عشان ياثر على لعبه
المهم الست رقيه نزلت وانا مسكت صوره الشاب حسيتها لطيفه واسمه كان مكتوب على الظهر بتاع الصوره هاني محمد خدت الصورة ونزلت تحت على غرفتي في شقة نعمات وعملت سيرش عالنت على اسم الشاب ولقيت صورته ظهرت اخيرا وكان مع واحد صحبه دخلت صفحته قلبت فيها شكله انسان كويس بعتله رساله عالفيس قولتله
انجي عايزة تئذيك ليه انت عملتلها ايه ؟ واستنيت شويه ما ردش طلعت اتعيشت مع نعمات ورجعت فتحت الفيس لقيت مافيش رد نمت يومها وقبل ما اطلع لست رقيه لقيت صوت رساله عالفيس .. فتحت لقيته هاني بيقولي انتي تعرفيها منين ؟
قولتله انتي متخانقين ليه رد عليا بسرعه ؟ قالي انا مش زعلان منها بس هي عايزه كل حاجه تبقى ليها بالعافيه وانا بحاول ابعد عنها هي اللي بتجري ورايه .. قالي انتي مين وتعرفينا منين ؟ قولتله لا ماتشغلش بالك خلاص انا حبيت اساعدك بس عشان حسيت من صورتك وعينيك انك شاب غلبان
فضل يشكرني كتير لحد ما نعمات ندهت عليا قومت ماسحه اسم هاني محمد من ضهر الصورة وكتبت اسم تاني ..وطلعت حطيت الصوره زي ما كانت امبارح قبل ما الست رقيه تيجي وفعلا جت وبدات ادخلها الناس وبدات تديني حاجات اعملها ادبح مش عارف ايه واحط خرز لونه ايه مع ورقه هي بتدهالي في قماشه واربطهم
لحد اخر اليوم نزلت لقيت هاني باعتلي كلام كتير بيحكيلي كل حاجه حصلت معاه مع الست دي وعرفت انها غنيه جدا ومفتريه بصراحه هوا شاب وسيم بس هي هتموت عليه وعايزاه يحبها بطريقتها ويسمع كلامها هي اتعودت اي حاجه في الدنيا تحتاجها تاخدها
بصراحه علاقتي بقت قوية اوي مع هاني لحد ما في يوم طلب رقمي وفضلنا نتكلم وطلب يقابلني بصراحه انا حبيته جدا معرفش عشان ما حستش حد يسال عليا ويطمن عليا بشكل مستمر المهم لبست واتشيكت وقولت لنعمات انا نازله بصتلي وضحكت وقالتلي ربنا يجعله من نصيبك
جريت على تحت وروح كافيه كبير قالي عليه ودخلت وانا بقى لي كتير ما بخرجش وحاسه اني متوتره ولقيت هاني قاعد روحت قعدت معاه وقالي انتي جميله جدا على فكره انا احرجت جدا وفضلنا نتكلم وكان مصمم يعرف هي كانت هتئذيني ازاي وانا اقوله دا سر .. وقايلاله انا بشتغل عند واحده كبيره فالسن بساعدها في الشقه لكل حاجه عايزاها
هوا ماكنش غني ولا فقير متوسط الحال وبقيت معجبه بيه جدا .. وهوا اصر يعزمني يومها وانا فرحت بصراحه روحت بعدها وانا حاسه ان حياتي بدات تحلو اكتر .. وبدات اقابل هاني مرتين في الاسبوع والفلوس معايه بدات تكتر اوي بجيب في الشهر مش اقل من 40000 الف جنيه
والست رقيه هنا كريمه اوي غير البقشيش الكتير اللي باخده من الناس اللي بتيجي .. لقيت هاني بعدها بيطلب مني انه يتقدملي وماكنش ينفع يروح لحد غير خالي .. وانا عايزة ابلغ الست رقيه ان في عريس جايلي هي ونعمات وخايفه منهم يزعلوا اني همشي .. او ترفض اصلا
وفي يوم وانا مع هاني لقيت انجي اللي جاتلنا قاعده رى الطربيزه اللي فيها هاني .. وانا كنت رايحه اقابله واقعد معاه اول ما لمحتها كملت مشي عادي وقومت طالعه تاني بره الكافيه وهاي مستغرب من تصرفاتي طلعت بره واتصلت بيه وقولتله انجي وراك انا شوفتها خوفت اقعد معاك قالي تمام فضل هاني قاعد وطلب قهوه وانا شايفاه من بره وبعدها قام مشي
قلبي ساعتها كان بيدق جامد لانها بصيتلي اول ما قربت من طربيزة هاني زي ما تكون حفظت شكلي او كانت بتفتكر شافتني فين قبل كده .. بعدها بيومين لقيتها جايه لست رقيه اول ما لمحتها قلبي كان هيقف روحتلها عادي بعدها ودخلتها والدنيا مش منوره اوي في الشقه وفي بخور كتير ماحدش هيركز دخلت قالتلها الواد لا حبني ولا حصله حاجه وانتي بتكذبي عليا وست نصابه وهوديكي في داهيه الست رقيه هديتها وقالتلها مستحيل دا يحصل
قالتلها هاتي اسمه الحقيقي واي حاجه من ريحته قالتلها هجبلك بكره حاجه من ريحته بس المره دي مش هسيبك لو ما حصلوش حاجه .. الست مشيت ورقيه بصتلي جسمي كله قشعر .. وما اتكلمتش كلمه بعدها دخلت بقيه الناس ولما الست رقيه مشيت جبت ورقه وكتبت عليها اسم انجي وامها وتاريخ ميلادها كنت مسجلاهم من يومها وجيبت شويه حاجات من اللي الست رقيه بتعملها لما بتعوز تقتل حد وعملتها ومشيت
نمت يومها وانا بعيط وقلبي بيدق حاسه بتهديد على حاجه حلوة في حياتي انسان شوفته وعاشيرته .. وتاني يوم الست انجي ماجاتش ولا تالت يوم ولا رابع يوم بعدها لقيت هاني بيكلمني بيقولي انجي انتحرت .. مابقتش مصدقه حسيت بصوته فرحان زي ما يكون كان في شيطان بيجري وراه واتخلص منه وانا كمان كنت عايزة اتخلص من الشيطانه اللي شغاله معاها قبل ما اتحول انا كمان لشيطانه
انا بقى معايه فلوس تخلينا انا وهاني نبدا حياه جديده مريحه بعد شغل 9 شهور مع ست رقيه .. قولت في الاول اجس نبض نعمات لانها بقى لها فتره كبيرة مع ست رقيه .. قالتلي الست عارفه كل حاجه عن اي حد بيجيلها ويقعد معاها ما بالك بيشتغل
وشي احمر قالتلي يعني هي عارفه كل حاجه عنك اللي بتعمليه هنا او في اوضتها او بره .. قلبي كان بيدق جامد قالتلي بس هي ست كمل مش ناقصه انا ياما غلطت وسرقت ذهب من عندها وسرقت من الهدايا اللي بتجيلها وهي عارفه ومش بتكلمني في حاجه بس ساعه ما اعمل غلطه كبيره ساعتها بتعاقبني ..وعقاب ماحدش يتحمله
قولتلها ازاي يعني ؟ قالتلي هي بتراضي كل اللي يشتغل معاها حتى بتاع الترب اللي بيدفنلها الاعمال الكبيره جوة الجثث .. بس ساعه ما تقلي باصلك معاها هتخلي حياتك كابوس تصحى منه جوة كابوس وماتبقاش عارف ان كده طبيعي ولا ملبوس
نعمات نبرتها اتغيرت وعينها طلعت شر اول مره اشوفه فيها .. حست ان الست رقيه اللي بتكلمني مش نعمات طريقه كلام ست رقيه طريقه نفسها طريقه تقطيع الجمل ونطق الكلام .. حسيت ان الست رقيه متجسده في نعمات وانا مش واخده بالي .. قولتلها ماشي نعمات انا عارفه ان ست رقيه خيرها علينا كلنا
وانا بصراحه كنت محتاجه شوية ذهب البسهم زي البنات قالتلي اطلبي منها اللي انتي عايزاه هي مش هتقصر معاكي في حاجه دي اتقل واحده بتعمل اعمال في مصر وبره مصر دا بيجلها ناس من بره مصر .. والزبون الواحد ممكن يدفع فوق المليون جنيه .. والست كريمه كفايه بايتين في عمارتها واكلين شاربين ببلاش
راجعت نفسي وقررت اني ما اقولهاش اني عايزة امشي دلوقتي .. هاني بداء يزن عليا ويقولي سيبي الشغل معاها وعايزين نتجوز وانا بحاول افهمه ان صاحبه الشغل رخمه وماسكه عليا فلوس قالي هحوش المبلغ ده وتدفعيلها ..
وعدى على الموضوع ده بتاع 20 يوم وكل شويه خناقات انا وهاني وعمال يصحي ضميري عشان اتخلص منها لحد ما في يوم قررت اعمل اكتر قرار جرئ في حياتي .. كانت الساعه 3 وفاضل نص ساعه والست رقيه تمشي وكانت نعمات معاها جوه .. كنت مجهزة جاز مخبياه ورى كراكيب في مخزن العماره من تحت وجيبته وغرقت الصاله في شقة رقيه الكراسي والسجاد والستاير وحطيت الجركن على باب رقيه وجريت اخر الشقه
وقومت مولعه كبريت ورمياه على الارض لقيت النار مسكت في الحاجه في ثانيه بتزيد قفلت باب الشقه بسرعه بالمفتاح وسيبت المفتاح فالباب عشان لو عدت النار ماتفتحش الباب .. وجريت على تحت جيبت شنطه صغيره كان فيها حاجات بسيطه لان فلوس كلها فالبنك اول باول وطلعت اجري وانا بدات اشوف الدخان طالع وفجأة سمعت صوت انفجار رهيب غالبا دي الانبوبه بتاعة المطبخ
والناس اتلمت وبدات تكبر وتهلل كل الناس فرحانه .. لدرجه الناس اللي كانت بتحاول تطفي النار كان في ناس بيمنعوهم ويقولولهم سيبوها تولع ياما اذت الناس .. كنت هجري بس قلبي كانش مطمن عايزة احضر الموقف للاخر وبعيط وسامعه الناس فرحانه حاسه اني عملت خير وفجاءة شوفت منظر كان هيوقف قلبي لقيت الست رقيه مولعه وبتنط من الشباك ونازله مولعه لحد ما نزلت على الارض
انا شهقت شهقه كان نفسي هيروح بجد .. والناس تقول ادي اخرة الاعمال والشعوذه .. شوفتها وهي بتسيح قدامي وبتتشوي والناس محدش راضي يطفيها .. الغريب بجد .. انها فضلت فوق ال30 دقيقه مولعه .. وانا واقفه مش عارفه في ايه
لدرجه الناس بدات تطفيها بمياه خلاص ما بتتطفيش عملوا معاها كل حاجه مش راضيه لحد ما ردموها بالتراب .. ولسه همشي بعدها لقينا النار طالعه فوق التراب .. انا اول مره اشوف حاجه بالمنظر الناس مابقتش عارفه تعمل ايه ولقينا فجأه دود كتير ملى المكان طالع من جوة الرمل
انا مقدرتش استحمل وطلعت اجري وكلمت هاني قولتله انا هربت ورجعت جري على بيت خالي .. اللي شافني خدني بالحضن وعرفت ان مراته اتوفت من شهرين .. وقالي تعالي عيشي معايه .. فضلت قاعده معاه اسبوعين لحد ما هاني جه واتقدملي وقرينا فاتحه .. وقررنا نبدأ سوى بدايه جديده ...
بس كنت كل يوم من ساعه موت الست رقية بحلم بصوت صريخها وهي بتنط من البلكونه مولعه .. ومنظرها وهي بتسيح قدامي .. بعدها عدى كام شهر عملت كتب كتاب وفرح انا وهاني من غير خطوبه وقعدنا في شقتنا جيبتها انا وهاني .. واهله ناس كويسه والجيران كلهم بداو يعدوا علينا يباركولنا .. وفي مرة وانا واقفه في البلكونه لمحت في البلكونه الي قصادي واحده واقفه في الضلمه
الشقه اللي قصادنا على طول مضلمه بس اول مره اشوف حد فيها بدأ الشخص دا يتحرك في الضلمه وانا قلبي بدا يدق وبحس احساس غريب لحد ما قرب من نور الشارع في البلكونه بدات الاحظ انها ست لحد ماطلعت خالص لقيتها نعمات واقفه وبتبصلي وعلى وشها بابتسامه غريبه ؟!
تمت ... النهاية
#بقلم_عمر_ليمونه
أنا بشتغل مساعدة لواحدة بتعمل أعمال وسحر أسود للناس
انا سارة 25 سنة وحيدة أهلي .. والدي ووالدتي اتوفوا مع بعض في حادث من سنة ..
ومن ساعتها في قواضي مرفوعه عشان اخد ورثي .. محدش من عيلتي بيساعدني لان اهلي ماكانوش على تواصل معاهم اطلاقا ولا كنا نعرف عنهم حاجه
اللي زود المصيبة ان الشقة اللي كنا فيها طلعت ايجار .. ووالدي الوحيد اللي كان رافض يسيب العماره عشان كانت ايجار قديم ولما عرف انهم توفوا بقى يهددني وطردني بره البيت
ما بقتش عارفه اروح فين ولا اجي منين ؟! لحد ما كلمت خالي الوحيد ..و رد عليا وقالي تعاليلي ووصفلي عنوانه .. جبت رقمه من ورق قديم بتاع ماما .. روحتله بشنطتي عشان يلحقني وننقل بيقة الحاجه اللي في شقتنا
فضل يقولي ماشي وحاضر وخليها بعدين وماتخافيش لحد ما قررت اروح انا بعد اسبوع اجيب حاجتي لوحدي لقيت العمارة مقفولة عشان هيبدأو يهدوا فيها.. صحيح انا خدت الحاجات المهمة من البيت بس في عفش وفي حاجات كتير بتاعتنا
لما دورت على صاحب العماره قالي انتي مشيتي ومش معايه رقمك ومش هوقف الدنيا عشان شويه عفش قديم اتخانقت معاه والشارع كله اتلم بس ماعرفتش اخد منه لاحق ولا باطل طبعا
روحت ببكي ومنهاره ..ومراة خالي شيفاني وعماله تتأفف حتى ما سالتنيش انتي زعلانه ليه حصلك ايه ؟ مالك انتي كويسه تعبانه ؟
حسيت اني لوحدي في الدنيا دي احساس صعب على اي راجل ما بالك بنت .. كلمت صحباتي البنات عشان مابقتش قادره اعيش مع خالي اللي بيتعامل معايه بقرف هوا ومراته .. بس هنا اتسالت سؤال كسرني مش عارفه اجابته .. صحبتي قالتلي طيب هتقعدي معانا قد ايه ؟
قولتلها مش عارفه ؟ قالتلي طيب هسال ماما واكلمك قولتلها ماشي قولت خلاص اقولها اسبوعين بس لحد ما اكون لقيت شغل .. فضلت مستنية ساعه اتنين تلاته ماقدرتش وكسرة نفسي بتقولي ما تكلمهاش
اتصلت بيها كنسلت سكت لحد تاني يوم كلمتها تاني تلفونها مغلق .. انا تبعت بجد وحيلي اتهد في شغل البيت والطبيخ مراة خالي مشغلاني خدامه عندها ماعنديش مشكله اساعدها بس معاملتها وحشه وبقى خالي هوا كمان يعاملني كده .. هما مش عايزيني .. لحد ما في يوم كسرت كوبايه ومراة خالي اتجننت عليا زعيق جامد
خدت شنطتي ونزلت وهي بتنده عليا رايحه فين ؟ نزلت وفضلت ماشيه بجر شنطتي ورايه مش عارفه اروح فين ؟ وتعبت لحد ما قعدت على الرصيف .. لقيت ست كبيرة بتقولي خدي بايدي يا بنتي عديني الشارع
خدت بايدها وعديتها قالتلي مالك يا حبيبتي ؟ قولتلها مافيش .. قالتلي عايزة مساعده قولتلها لا .. قالتلي طيب في مكان تنامي فيه ؟ استغربت سؤالها بس قولتلها لا .. قالتلي طب تعالي معايه طريقنا واحد
مشيت معاها وطلعت ساكنه في حته شعبية .. وصلنا قدام باب بيتها وفتحت وقالتلي تعالي انا ساكنه لوحدي دخلت معاها وانا مش فارق معايه اي حاجه تحصل .. قالتلي اوضتك اهي كانت اوضه بنتي قبل ما تتجوز
وعملتلي اكل وبصراحه ما قصرتش معايه .. وبعدها قالتلي احكيلي حكايتك فحكيتلها .. قالتلي ماشي انا هشوفلك شغلانه كويسه تاكلي منها الشهد .. قالتلي استني هنا وطلعت من شقتها ورجعت بعد نص ساعه قالتلي تعالي
قولتلها هنروح فين بليل كده ؟ قالتلي ماتخافيش مش هنطلع برة العماره وفعلا هي كانت ساكنه في الدور الاول فطلعنا الدور التالت .. ومطلعه مفتاح وفتحت الشقه وسحبتني من ايدي .
أول مرة قلبي يتقبض كده دنيا ضلمة ستات كتير لابسه عبايات سودة بخور ريحته تخنق .. خرز في كل حته .. الستات كلها بتبص عليا وهي سحباني من ايدي لحد ما دخلنا اوضه كلها بخور
وفي ست كبيرة قاعده قدامها شابه وبتقرالها الكف .. انا طول عمري بحس ان دي حاجات خياليه كلها .. بس لقيت البنت بتسمعها بكل تركيز وهي عماله تقولها طريقك صعب هيتقدملك واحد بس ماتقبليش فيه طمعان فيكي
هتتجوزي السنه الجايه لواحد قريب منك بعدها البنت شكرتها ورمتلها فلوس في سبت محطوط ومشيت .. بعدها قالتلي تعالي اقعدي عايزة تشتغلي ايه ؟؟
انا عيني برقت من الخضه الست مالحقتش تقولها حاجه .. بس بعدها لسه هحكي قالتلي وريني ايدك ادتلها ايدي بصت فيه وبرقت عينيها وقالتلي .. انتي الناس هتجيلك وهتحتاجلك وانتي بايدك تضحكي وتبكي
قولتلها مش فاهمه ؟ قالتلي بكره تفهمي .. انتي هتشتغلي المساعده بتاعتي وهتبداي شغل من دلوقتي .. تدخليلي اللي انتي شايفاه المفروض يخش الاول الاختيار ليكي حتى لو لسه جاي وفي ناس مستنيه من اربع ساعات
يلا .. قومت بسرعه وانا خايفه ومرعوبه وحاسه اني في حلم مش هصحى منه .. طلعت بره لقيت ستات كتير لقيت واحده قاعده وسانده واحده تانيه قاعده جنبها ..ندهتلها قامت وادتني في ايدي 100 جنيه
وبعدها دخلت معاهم لقيتهم اول ما داخلو الست قالت بنت عمتك هناء .. انتي مزعلاها ردت الست اللي معاها الست الي دماغها كل شويه تقع كانها بتنام
قالتلها هما فعلا متخانقين وفي بينهم مشاكل .. قالتلها خدي دي .. ادتها كيس قماش صغير كان بيطلع منه صوت صدف قالتلها حطيها تحت المخده بتاعتها النهارده وبعد 3 ايام لو مافاقتش تعاليلي
الست شكرتها ورمتلها فلوس في السبت .. قولتلها انتي عرفتي منين اسم بنت عمتها .. لقيتها بصتلي بصه تخوف وقامت وقربت مني جدا وانا مش عارفه اروح فين بعدها قالتلي ...
-------------------------------------------------------------------------------------
عارفه ايه اهم حاجه في الشغلانه دي .. قولتلها ايه ؟ قالتلي انك تحفظي الناس وتحفظي كل حاجه .. قالتلي في حاجات بعملها اعمال وفي حاجات مش مستاهله اعمل عايزة تشغيل دماغ .. قالتلي انا اللي كنت عامله للبنت دي العمل عن طريق بنت عمتها اللي جاتلي عشان بتكرهها
واديها التانيه جاتلي عشان تفك العمل .. اللي انا عاملاهولها .. بصي اللي بيجي هنا لازم تستفاد منه على قد ما تقدر لانه مش فاهم الحقيقه فين ؟ فهمتي حاجه
قولتلها تقريبا .. قالتلي دخلي اللي بعدها .. طلعت بره لقيت واحده وواحد قاعدين خايفين .. قومت اخترتهم هما ودخلنا لست البيت .. زي ما بيقولوا عليها .. قالتلهم اقعدوا
البنت قالتلها احنا متجوزين بقى لنا سنتين ومافيش اي حمل كشفت طلعت كويسه هوا كشف طلع كويس مش عارفه المشكله فين ؟
قالتلها استني .. راحت طلعت كيس قماش جواه عضم قالتلها حطيها تحت المرتبه بليل وطفي النور وما تتكلموش مع بعض بعدها لحد الصبح
شكروها وحطوا فلوس في السبت ومشيوا وانا طبعا هموت واسئل ليه ما يكلموش بعض .. لسه هسئل قالتلي لان اللي هيرد عليها مش جوزها هيبقى جن لابسه عشان يخلف منها
وشي جاب الوان وعرقت بصراحه .. قالتلي مالك خوفتي ليه انتي عارفه في كام جني في الاوضه اللي احنا فيها للحظة جسمي قشعر جامد .. قالتلي بعدها عايزاكي تدبحي فرخة من اللي في الاوضه التانيه وتجيبيلي رجولها وريش منها
قولتلها حاضر .. انا حاسه اني عايزة اعيط بس مضطره اعمل اللي بعمله ده مش هلاقي مكان يشغلني في يومها دخلت عملت اللي قالتلي عليه وروحت البيت اللي تحت عند الست اللي استضفتني عندها وانا معايه 800 جنيه بقشيش بس من الناس اللي بختارها تخش جبتها في يوم دي الميزة الوحيده ان الشغل ده شكله بيجيب فلوس كتير
نمت مع الست الطيبه دي اللي استضفتني عندها وكان اسمها نعمات وعرفت ان الست الكبيرة اسمها ست رقية
نعمات ساعدتني زي ما تكون عارفه اني هنا ومحتاجه مساعده حاجه غريبة جدا ..بس مش مهم جايز ربنا بيعوضني عشان تعبت في حياتي
نمت اليوم ده اول يوم ليا بره بيت خالي وبيتنا .. حاسه اني خايفه نعمات نايمه في الاوضه التانيه وانا الاوضه بتاعتي دور ارضي وباصه عالشارع .. الدنيا سكون بشكل مرعب .. سامعه حاجات بتخروش حواليا وجسمي بدا يقشعر بدات اتلفت وانا نايمه وفي صوت بدأ يظهر .. بدات اقلق بجد
الصوت جاي من ركن الاوضه واحد بيتنفس بحشرجه نفس .. زي ما يكون مش انسان او حد بيتنفس بصعوبه وانا خايفه اقوم اولع نور الاوضه فضلت نايمه بعدها وانا باصه على ركن الاوضه لحد ما نمت ونعمات صحتني العصر وقالتلي قومب بقى كفايه نوم انتي ما نمتيش بقى لك كتير ولا ايه
صحيت واتغدينا سوى وبعدها طلعنا لست رقية .. لقيتها بتقولي عايزاكي تاخدي الورقه دي وتروحي على العنوان ده تدفنيها فيها .. قومت وانا مش عارفه اعمل كده ولا لا بس روحت في الاخر لان مافيش قدامي حل تاني وحفرت حفره وقبل ما احط العمل فضلت افكر احرقه وخلاص ولا انا كده هئذي نفسي وهي هتعرف اني ما عملتش اللي قالتلي عليه.. بعدها ردمت عليه فعلا ورجعتلها
كانت الشمس غابت والناس بدات تيجي وتستنى دورها عشان تخش لست رقية .. لقيت بنتين شباب شكلهم صغير ايه جايبهم لست رقيه الموضوع استفذني فقولتلهم تعالو البنت ادتني 200 جنيه ودخلت بعدها قعدوا وقالو انهم متغاظين من واحده صحبتهم وعايزين يئذوها ما قالوش متغاظين منها ليه بس ليه في ناس كده اي حد مضايق من حد يروح يئذيه .. قالولها عايزين يخلو شكلها وحش عشان هي بتتمنظر بجمالها قالتلهم حددوا عايزين ايه قالولها عايزين شعرها يقع
طلبت منهم حاجه من ريحتها يعني ممتلكاتها .. ادولها سلسله بتاعتها سرقوها من شنطتها خدتها وحطت معاها ريش ورمتها في صندوق حديد وولعت فيها قاموا بعدها وحطوا فلوس في السبت ومشيوا وانا متخيله صحبتهم هيكون احساسها قد ايه صعب ؟
شغلتي دي على قد ما هي متعبه نفسيا بتخليك تشوف جانب وحش اوي في الناس كلها .. وأغلب الاعمال اللي بتتعمل عند الست رقيه بتبقى حد متغاظ من حد او حد عايز يئذي حد .. برغم التعب اللي انا فيه بس الوضع بقى وحش اوي .. بعدها طلعت لقيت واحده شكلها بنت ناس اوي ولابسه ذهب كتير دخلتها
قعدت مع الست رقيه وادتلها صوره قالتلها انا عايزة انتقم من الراجل ده قالتلها عايزة تعملي فيه ايه ؟ سكتت شويه قالتلها معرفش بس عايزاه ياما يحبني يا اما انتقم منهورقيه سالتها عن اسمها قالتلها انجي وسالتها عن اسم امها وتاريخ ميلادها .. واول مره اشوف حد يسيب كم الفلوس ده جوه السبت سابت فلوس كتير جدا ..
بقيت مخضوضه من اللي حصل كانت الست رقيه استكفت ساعتها النهارده وقامت وقالتلي خلي الناس كلها تروح احنا خلصنا .. الست رقيه قامت نزلت ومش بتنزل غير لما يكو حد مهم وتقيل جدا ما ينفعش يجيلها هوا بيبعتلها عربيه تاخدها
وممكن يكونوا ناس من بتوع الرهانات الكبيرة وخصوصا زي ما سمعت طراطيش من بعيد في البورصه او ماتشات كورة كبيرة كنت بسمع انها تخاريف بس الواضح انهم بيدخلوا في بعض اللعيبه الرئيسيه او حارس المرمى ويعرفوه ان معموله حاجه عشان ياثر على لعبه
المهم الست رقيه نزلت وانا مسكت صوره الشاب حسيتها لطيفه واسمه كان مكتوب على الظهر بتاع الصوره هاني محمد خدت الصورة ونزلت تحت على غرفتي في شقة نعمات وعملت سيرش عالنت على اسم الشاب ولقيت صورته ظهرت اخيرا وكان مع واحد صحبه دخلت صفحته قلبت فيها شكله انسان كويس بعتله رساله عالفيس قولتله
انجي عايزة تئذيك ليه انت عملتلها ايه ؟ واستنيت شويه ما ردش طلعت اتعيشت مع نعمات ورجعت فتحت الفيس لقيت مافيش رد نمت يومها وقبل ما اطلع لست رقيه لقيت صوت رساله عالفيس .. فتحت لقيته هاني بيقولي انتي تعرفيها منين ؟
قولتله انتي متخانقين ليه رد عليا بسرعه ؟ قالي انا مش زعلان منها بس هي عايزه كل حاجه تبقى ليها بالعافيه وانا بحاول ابعد عنها هي اللي بتجري ورايه .. قالي انتي مين وتعرفينا منين ؟ قولتله لا ماتشغلش بالك خلاص انا حبيت اساعدك بس عشان حسيت من صورتك وعينيك انك شاب غلبان
فضل يشكرني كتير لحد ما نعمات ندهت عليا قومت ماسحه اسم هاني محمد من ضهر الصورة وكتبت اسم تاني ..وطلعت حطيت الصوره زي ما كانت امبارح قبل ما الست رقيه تيجي وفعلا جت وبدات ادخلها الناس وبدات تديني حاجات اعملها ادبح مش عارف ايه واحط خرز لونه ايه مع ورقه هي بتدهالي في قماشه واربطهم
لحد اخر اليوم نزلت لقيت هاني باعتلي كلام كتير بيحكيلي كل حاجه حصلت معاه مع الست دي وعرفت انها غنيه جدا ومفتريه بصراحه هوا شاب وسيم بس هي هتموت عليه وعايزاه يحبها بطريقتها ويسمع كلامها هي اتعودت اي حاجه في الدنيا تحتاجها تاخدها
بصراحه علاقتي بقت قوية اوي مع هاني لحد ما في يوم طلب رقمي وفضلنا نتكلم وطلب يقابلني بصراحه انا حبيته جدا معرفش عشان ما حستش حد يسال عليا ويطمن عليا بشكل مستمر المهم لبست واتشيكت وقولت لنعمات انا نازله بصتلي وضحكت وقالتلي ربنا يجعله من نصيبك
جريت على تحت وروح كافيه كبير قالي عليه ودخلت وانا بقى لي كتير ما بخرجش وحاسه اني متوتره ولقيت هاني قاعد روحت قعدت معاه وقالي انتي جميله جدا على فكره انا احرجت جدا وفضلنا نتكلم وكان مصمم يعرف هي كانت هتئذيني ازاي وانا اقوله دا سر .. وقايلاله انا بشتغل عند واحده كبيره فالسن بساعدها في الشقه لكل حاجه عايزاها
هوا ماكنش غني ولا فقير متوسط الحال وبقيت معجبه بيه جدا .. وهوا اصر يعزمني يومها وانا فرحت بصراحه روحت بعدها وانا حاسه ان حياتي بدات تحلو اكتر .. وبدات اقابل هاني مرتين في الاسبوع والفلوس معايه بدات تكتر اوي بجيب في الشهر مش اقل من 40000 الف جنيه
والست رقيه هنا كريمه اوي غير البقشيش الكتير اللي باخده من الناس اللي بتيجي .. لقيت هاني بعدها بيطلب مني انه يتقدملي وماكنش ينفع يروح لحد غير خالي .. وانا عايزة ابلغ الست رقيه ان في عريس جايلي هي ونعمات وخايفه منهم يزعلوا اني همشي .. او ترفض اصلا
وفي يوم وانا مع هاني لقيت انجي اللي جاتلنا قاعده رى الطربيزه اللي فيها هاني .. وانا كنت رايحه اقابله واقعد معاه اول ما لمحتها كملت مشي عادي وقومت طالعه تاني بره الكافيه وهاي مستغرب من تصرفاتي طلعت بره واتصلت بيه وقولتله انجي وراك انا شوفتها خوفت اقعد معاك قالي تمام فضل هاني قاعد وطلب قهوه وانا شايفاه من بره وبعدها قام مشي
قلبي ساعتها كان بيدق جامد لانها بصيتلي اول ما قربت من طربيزة هاني زي ما تكون حفظت شكلي او كانت بتفتكر شافتني فين قبل كده .. بعدها بيومين لقيتها جايه لست رقيه اول ما لمحتها قلبي كان هيقف روحتلها عادي بعدها ودخلتها والدنيا مش منوره اوي في الشقه وفي بخور كتير ماحدش هيركز دخلت قالتلها الواد لا حبني ولا حصله حاجه وانتي بتكذبي عليا وست نصابه وهوديكي في داهيه الست رقيه هديتها وقالتلها مستحيل دا يحصل
قالتلها هاتي اسمه الحقيقي واي حاجه من ريحته قالتلها هجبلك بكره حاجه من ريحته بس المره دي مش هسيبك لو ما حصلوش حاجه .. الست مشيت ورقيه بصتلي جسمي كله قشعر .. وما اتكلمتش كلمه بعدها دخلت بقيه الناس ولما الست رقيه مشيت جبت ورقه وكتبت عليها اسم انجي وامها وتاريخ ميلادها كنت مسجلاهم من يومها وجيبت شويه حاجات من اللي الست رقيه بتعملها لما بتعوز تقتل حد وعملتها ومشيت
نمت يومها وانا بعيط وقلبي بيدق حاسه بتهديد على حاجه حلوة في حياتي انسان شوفته وعاشيرته .. وتاني يوم الست انجي ماجاتش ولا تالت يوم ولا رابع يوم بعدها لقيت هاني بيكلمني بيقولي انجي انتحرت .. مابقتش مصدقه حسيت بصوته فرحان زي ما يكون كان في شيطان بيجري وراه واتخلص منه وانا كمان كنت عايزة اتخلص من الشيطانه اللي شغاله معاها قبل ما اتحول انا كمان لشيطانه
انا بقى معايه فلوس تخلينا انا وهاني نبدا حياه جديده مريحه بعد شغل 9 شهور مع ست رقيه .. قولت في الاول اجس نبض نعمات لانها بقى لها فتره كبيرة مع ست رقيه .. قالتلي الست عارفه كل حاجه عن اي حد بيجيلها ويقعد معاها ما بالك بيشتغل
وشي احمر قالتلي يعني هي عارفه كل حاجه عنك اللي بتعمليه هنا او في اوضتها او بره .. قلبي كان بيدق جامد قالتلي بس هي ست كمل مش ناقصه انا ياما غلطت وسرقت ذهب من عندها وسرقت من الهدايا اللي بتجيلها وهي عارفه ومش بتكلمني في حاجه بس ساعه ما اعمل غلطه كبيره ساعتها بتعاقبني ..وعقاب ماحدش يتحمله
قولتلها ازاي يعني ؟ قالتلي هي بتراضي كل اللي يشتغل معاها حتى بتاع الترب اللي بيدفنلها الاعمال الكبيره جوة الجثث .. بس ساعه ما تقلي باصلك معاها هتخلي حياتك كابوس تصحى منه جوة كابوس وماتبقاش عارف ان كده طبيعي ولا ملبوس
نعمات نبرتها اتغيرت وعينها طلعت شر اول مره اشوفه فيها .. حست ان الست رقيه اللي بتكلمني مش نعمات طريقه كلام ست رقيه طريقه نفسها طريقه تقطيع الجمل ونطق الكلام .. حسيت ان الست رقيه متجسده في نعمات وانا مش واخده بالي .. قولتلها ماشي نعمات انا عارفه ان ست رقيه خيرها علينا كلنا
وانا بصراحه كنت محتاجه شوية ذهب البسهم زي البنات قالتلي اطلبي منها اللي انتي عايزاه هي مش هتقصر معاكي في حاجه دي اتقل واحده بتعمل اعمال في مصر وبره مصر دا بيجلها ناس من بره مصر .. والزبون الواحد ممكن يدفع فوق المليون جنيه .. والست كريمه كفايه بايتين في عمارتها واكلين شاربين ببلاش
راجعت نفسي وقررت اني ما اقولهاش اني عايزة امشي دلوقتي .. هاني بداء يزن عليا ويقولي سيبي الشغل معاها وعايزين نتجوز وانا بحاول افهمه ان صاحبه الشغل رخمه وماسكه عليا فلوس قالي هحوش المبلغ ده وتدفعيلها ..
وعدى على الموضوع ده بتاع 20 يوم وكل شويه خناقات انا وهاني وعمال يصحي ضميري عشان اتخلص منها لحد ما في يوم قررت اعمل اكتر قرار جرئ في حياتي .. كانت الساعه 3 وفاضل نص ساعه والست رقيه تمشي وكانت نعمات معاها جوه .. كنت مجهزة جاز مخبياه ورى كراكيب في مخزن العماره من تحت وجيبته وغرقت الصاله في شقة رقيه الكراسي والسجاد والستاير وحطيت الجركن على باب رقيه وجريت اخر الشقه
وقومت مولعه كبريت ورمياه على الارض لقيت النار مسكت في الحاجه في ثانيه بتزيد قفلت باب الشقه بسرعه بالمفتاح وسيبت المفتاح فالباب عشان لو عدت النار ماتفتحش الباب .. وجريت على تحت جيبت شنطه صغيره كان فيها حاجات بسيطه لان فلوس كلها فالبنك اول باول وطلعت اجري وانا بدات اشوف الدخان طالع وفجأة سمعت صوت انفجار رهيب غالبا دي الانبوبه بتاعة المطبخ
والناس اتلمت وبدات تكبر وتهلل كل الناس فرحانه .. لدرجه الناس اللي كانت بتحاول تطفي النار كان في ناس بيمنعوهم ويقولولهم سيبوها تولع ياما اذت الناس .. كنت هجري بس قلبي كانش مطمن عايزة احضر الموقف للاخر وبعيط وسامعه الناس فرحانه حاسه اني عملت خير وفجاءة شوفت منظر كان هيوقف قلبي لقيت الست رقيه مولعه وبتنط من الشباك ونازله مولعه لحد ما نزلت على الارض
انا شهقت شهقه كان نفسي هيروح بجد .. والناس تقول ادي اخرة الاعمال والشعوذه .. شوفتها وهي بتسيح قدامي وبتتشوي والناس محدش راضي يطفيها .. الغريب بجد .. انها فضلت فوق ال30 دقيقه مولعه .. وانا واقفه مش عارفه في ايه
لدرجه الناس بدات تطفيها بمياه خلاص ما بتتطفيش عملوا معاها كل حاجه مش راضيه لحد ما ردموها بالتراب .. ولسه همشي بعدها لقينا النار طالعه فوق التراب .. انا اول مره اشوف حاجه بالمنظر الناس مابقتش عارفه تعمل ايه ولقينا فجأه دود كتير ملى المكان طالع من جوة الرمل
انا مقدرتش استحمل وطلعت اجري وكلمت هاني قولتله انا هربت ورجعت جري على بيت خالي .. اللي شافني خدني بالحضن وعرفت ان مراته اتوفت من شهرين .. وقالي تعالي عيشي معايه .. فضلت قاعده معاه اسبوعين لحد ما هاني جه واتقدملي وقرينا فاتحه .. وقررنا نبدأ سوى بدايه جديده ...
بس كنت كل يوم من ساعه موت الست رقية بحلم بصوت صريخها وهي بتنط من البلكونه مولعه .. ومنظرها وهي بتسيح قدامي .. بعدها عدى كام شهر عملت كتب كتاب وفرح انا وهاني من غير خطوبه وقعدنا في شقتنا جيبتها انا وهاني .. واهله ناس كويسه والجيران كلهم بداو يعدوا علينا يباركولنا .. وفي مرة وانا واقفه في البلكونه لمحت في البلكونه الي قصادي واحده واقفه في الضلمه
الشقه اللي قصادنا على طول مضلمه بس اول مره اشوف حد فيها بدأ الشخص دا يتحرك في الضلمه وانا قلبي بدا يدق وبحس احساس غريب لحد ما قرب من نور الشارع في البلكونه بدات الاحظ انها ست لحد ماطلعت خالص لقيتها نعمات واقفه وبتبصلي وعلى وشها بابتسامه غريبه ؟!
تمت ... النهاية
#بقلم_عمر_ليمونه
التعليقات على الموضوع