رواية عذبني حبك الحلقة السادسة و السابعه

الفصل السادس والفصل السابع 

يجلس د هادي علي مكتبه لتفريغ مادار في الجلسه الاخيره بينه وبين نور، حتي يقدمه لدكتور منير الذي قام باستعجاله اكثر من مره، وبعد مرور بعد الوقت انتهي منه ونهض لمكتبه ليقابله فوجد سكريرته نسمه في استقباله فهتفت له قائله في حنو،،، 

- اهلا د هادي، ازي حضرتك انتظرتك امبارح، بس حضرتك اتاخرت ومجتش

هادي بسعاده لاحساسه انها انتظرته..
-اسف والله بس الجلسه طولت مع نور ومقدرتش اخلص تفريغها عشان اجي اقدمها... هو د منير موجود

نسمه تنظر له وقلبها يرقص من السعاده فترد قائله،،

- لا مش موجود عنده مرور دلوقتي

هادي ينظر لها ويقدم لها الملف مردد،،

- تمام اتفضلي ملف حاله نور، ولما يرجع ياريت تبلغيه اني جيت، مع السلامه

نسمه تنهض من مجلسها وتنظر له مردده بزعل تقول،،،

هتمشي بسرعه كده، اقصد ممكن حضرتك تتنظرة، عقبال ما تشرب فنجان قهوة، ولا حضرتك مستعجل

هادي بعد تفكير، متابعا لنظراتها التي اثرته ثم ينظر لها ويقول،،،

اوكي نشرب قهوة مفيش مشكله

نسمه بفرحه : ثواني وهتكون موجوده، قهوة حضرتك ايه؟

هادي ببتسامه رقيقه يقول،،،

مظبوطه اوووي

تخجل نسمه وتطلب القهوة من عامل البوفيه، وبعد دقائق ياتي ليضعها علي المنضده، ويستاذن بالانصراف فهتفت مردده....

- اتفضل يادكتور بالف هنا

هادي ببتسامه،، الله يهنيكي يانسمه

تشعر نسمه انها تطير في عنان السماء لمجرد انه جالس امامها، فهي منذ اكتر من عام وهي معجبه به، وهو لا يشعر بها مطلقا، وها هو امامها ويتحدث معها بكل هدوء كعادته، فتتفاجأ به يسالها سؤال غير متوقع

- انت مخطوبه يا نسمه

نسمه بندهاش؛ انا لا خالص

هادي ينظر لعينيها بتركيز : ولا مرتبطه

نسمه بنظره حب له تقول،،،

- وليه كل الاسئله دي، انت عندك عريس

هادي بتوتر يقول : بصراحه اه

نسمه وعلي وجهها ابتسامة تقول،،

- اممم ياتري مين بقي؟

هادي بنظرة اعجاب يقول : واحد اعرفه بس خايف يكون مش مناسب ليكي

نسمه باندفاع ترد،،،

ليه بتقول كده يمكن ارضي لو مناسب

هادي باحراج يقول،،

- اصله كبير عنك يانسمه، وكمان كان متجوز، بس دلوقتي، ارمل

نسمه بحب ترد،،،

السن مش مشكله، مادام هيكون في تفاهم بين الاثنين ايه المشكله، وكمان ساعتها الزوج هيكون عنده خبره كبيره لانه مر بالمرحله اللي زوجته عايشاها، فاكيد هيتجنب الأخطاء، بصراحة انا افضل السن الكبير

هادي بضيق يرد،،،

- معاكي بس مش اكتر من ١٠ سنين يانسمه

نسمه بكل هدوء تحاول تطمنه..

- ولو انا موافقه بس هو مين ياتري؟

هادي ينظر لها بحب ونظره خوف وبتردد يقول،،،،

انا يانسمه ينفع تقبليني زوج ليكي، وسندك في الحياة، وتكوني شريكة الباقي من اللي فاضل في عمري

نسمه بفرحة واندفاع تقول،،،

يااااه اخيرا نطقت، اخيرا طلبتها، انا عشت شهور بحلم باليوم ده، ازاي بما انت دكتور نفسي كبير محستش بيا، وبأعجابي بيك

هادي بنظرة خوف،،

- كنت حاسس بس متردد، خايف ترفضيني عشان فرق السن، واني ارمل، بس بعد موقف امبارح ولما اتاكد من مشاعري، وكلام معتز شجعني اني اكلمك

نسمه بفرحه ترد،،

- عمري ما فكرت كده ابدا، انا من اول مرة شوفتك فيها وانا اتمنيت اللحظة دي
وياما حلمت بيها

#عذبني حبگ بقلم إيمووو كمال

هادي بسعاده،،،، يعني افهم من كلامك انك موافقه

نسمة بكسوف وقد توردت وجنتاها خجلا قالت مردده،،،،

طبعا موافقه ده يوم المني

يتقدم هادي منها ويمسك يداها ويضع قبله عليها، فيهتف بفرحه

- انا فرحان جدا ان ربنا عوضني بيكي يا احلي نسمه دخلت حياتي، كلمي والدك النهاردة وحددي معاهم معاد اجي اتقدم رسمي

نسمه بسعاده تقول،،،،، حاضر هقولهم و ابلغك بكره

هادي؛ بكره ايه لا طبعا، هاتي رقمك وتبلغني النهاردة علي طول، وياريت يكون في اقرب معاد

نسمه تلمع عيونها من الفرحه، ثم تقول،،،

- مستعجل اوي كده

هادي ينظر لها وعيناه تلمع من السعاده قال مردد،،،

جدا جدا ده انا ما صدقت جتلي الشجاعه وصارحتك، بس كنت عايز احكيلك عن ظروفي يانسمه

نسمه باعتراض تقول،،،،

- انا مش عايزة أعرف حاجه، كل اللي يهمني انت، وانك عايز ترتبط بيا، اي حاجه تانيه مش مهمه، خلينا نبدأ من جديد، حياة جديدة مع بعض، وربنا يرزقنا الموده والحب والألفة بينا، ويكملها بالزرية الصالحة

هادي بفرحه،،

يارب يانسمه يارب، هاتي موبيلك عشان ارن علي نفسي واسجله، وهنتظرك بالليل، يالا اسيبك واروح اشوف شغلي

نسمه بحب تقول،،، ؛ اوك هبلغهم واكلمك، مع الف سلامه

ويتركها هادي وعلي وجه سعاده تملئ الكون بأكمله، ثم يدلف الي غرفه نور، ليخبرها بخبر خطوبته، ويكمل معها جلستها

#عذبني حبگ بقلم إيمووو كمال

هادي ببتسامه وفرحه،،،،

- احلي صباح لاحلي نور في الدنيا

نور تنظر له بتعجب ثم تقول،،،،

صباح الخير يادكتور، مال شكلك فرحان اوي كده، خير

هادي يقترب منها ويقول،،،

- خير طبعا، هو لو كان مش خير هكون فرحان كده

نور متسائله،،

اه صح تصدق عندك حق، قولي بقي مالك؟ ايه سبب السعاده دي كلها؟

هادي بتنهيده يقول،،،

- النهاردة اخيرا صارحت نسمه بحقيقة مشاعري تجاها، وطلبتها للزواج

نور بفرحه،،،

بجد الف الف مبروووك، اخيرا يادكتور فتحت قلبك تاني من جديد

هادي وقزَد تبددت ملامحه الي حزن،،،

اخيرا يانور، قلبي كان السنين اللي فاتت مجروح بسبب فقداني لانجي بنتي اوي، ومحدش هون عليا غيرك انتي، مش انا بس اللي بحاول اعالجك يانور، بالعكس انتي كمان عالجتيني من غير ما تحسي

نور بتعجب؛ انا ازاي

هادي بنظرة حزن يردد،،

لما كنت بفضل احكيلك واتكلم معاكي شهور كتير، كنت فعلا محتاج اكلم واطلع اللي جوايا، وانتي برغم انك عمرك ما رديتي عليا، بس كان كفايه اني اطلع الشحنه المكبوته اللي كانت قربت تنفجر، والحمدلله بقيت احسن، وهبدا من جديد، عقبالك يانور

نور وارتسم علي وجها علامات الحزن و الاسي

- تفتكر ممكن يادكتور، بعد كل اللي حصلي ينفع ابدأ من جديد مع حد تاني، اعتقد انه شئ مستحيل مش صعب، انا قلبي وروحي اتقفلت عليه، وعمرها ما هتفتح لحد تاني ابدا، لاني ببساطة معنديش حاجه اقدر اقدمها لغيره، انا قدمت كل حاجه،... كل حاجة يادكتور، حب، اخلاص، شغل، عطف، اهتمام، حنان..... كل حاجه واي حاجه ممكن تتخيلها، وللاسف ماخدتش غير غدر، وجرح في قلبي، قلبي اللي كل ذنبه انه عشق الراجل الغلط

هادي يقترب منها ويقول لها،،،

لا بقولك اية... انا جاي فرحان وسعيد، مش عايز نكد ولا زعل النهاردة، فخلينا نقضي جلستنا كلها في حاجات حلوة

نور بضحكه رقيقه تقول: حاضر يادكتور هحاول، ولو قلبت نكد تخلصها ونكمل بعدين

هادي : طيب انا جاهز، انتي جاهزة.

نور بتأكيد ؛ اه جاهزة يادكتور

هادي ينظر لها ويقول بجديه ؛ انتهت جلستنا امبارح عند رد فعلك لما حاول تقبيلك

نور : اه، بعدها سبته وطلعت، وكانت مشاعري متلخبطة اوووي، فرحانه انه ابدي يعجب ويميل ليا، وزعلانه من اللي عمله، وفضلت افكر كتير لحد ما عيني نامت، وقومت الصبح وانا مقررة اني مفتحش معاه الموضوع خالص، ولا اجيبله سيرة، وعملت اللي بعمله كل يوم، اخدت الشور بتاعي وصليت، واتشيكت، ونزلت احضر الفطور، وبعدين، صحيته وحضرت حمامه ولبسه، ولا كأن حصل حاجه، وبعد كده نزل ايهاب وهو على وجه الف سؤال و سؤال،

" فلاش باك"

إيهاب ينظر لها نظره توتر ثم يقول،،،

- صباح الخير يا نور

نور بنبره رسمية قالت،،،

صباح الفل، ياريت تخلص فطار وتشرب قهوتك بسرعه عشان جدولنا النهادرة مشغول جدا، عندنا بروفات علي الاغاني اللي هتغنيها، في الفرحين بليل، بعد ما تخلص اول فرح، هتطلع علي التاني، ومش هنرجع غير الصبح، فياريت تفوق وتركز النهاردة

ايهاب بضيق،، مش بحب انا فرحين في يوم واحد بيبقي صعب اوي

نور بهدوء تقول،،،

- معلش دول واخدين معاد من فتره، وكمان مش انا اللي ادتهم المعاد، يوم ويعدي، كل حاجه بتعدي مهما كانت صعبه ومؤلمه

إيهاب ببتسامه لها يرد قائلا،،،

- انتي كل حاجه عندك كده بتعرفي تبسطيها، وتهونيها مهما كانت صعبه

نور تقترب منه وتقول بنبره هادئة،،،

- عشان هي مش صعبه اساسا،. عمر الانسان بيخلص، يبقي يوم شغل زياده مش هيخلص ويعدي

إيهاب بنبره راضيه يقول،،،

فعلا علي رأيك، يالا بينا، عشان منتأخرش

نور تنظر له بحنان ثم تقول،،

- لسه معانا وقت، قهوتك ثواني وهتكون جاهزة، عقبال ما تشربها هكون انا طلعت جهزت البدل اللي هتلبسها، في الفرحين

ايهاب بتعجب،،

بدل ماهي بدله واحده، ايه لازمه البدل

نور باعتراض،،

- لا طبعا، مينفعش طبعا تروح الفرحين بنفس البدله، هيكون معانا بدله في العربيه وهتغير قبل ما تمشي من الفندق

ايهاب ينظر لها متسائلا،، وهغير في بقي؟

نور موضحه له؛ انا حجزت غرفه في الفندق يوم عشان تلبس فيها، وتريح عقبال ما فقرتك تيجي

ايهاب بنظرة أعجاب،،،

- انتي مش ناسيه حاجه خالص

نور ببتسامه،،،

- اولا ده شغلي يعني مينفعش اتهاون في اي حاجه ابدا، اسيبك عشان اجهز اللي قولتلك عليه

وتتركه لتصعد الي غرفته، وتختار اشيك الملابس التي سوف يرتديها، بكل لوازمها، ووضعتهم في حقيبه خاصة لتأخذها معها، ثم دلفت الي غرفتها لتجهز ما سوف ترتديه، فهي أحبت ان تختار شيئا مختلف ليبهر معشوقها، حتي تكون اكثر جاذبيه، وظلت تبحث وتبحث، وتمسك اكثر من فستان وتقذف بهم علي فراشها، فهي لاول تختار بتركيز كذلك، حتي وقع الاختيار اخيرا علي فستان سواريه اسود غاية في الروعه، والرقه، فكان متناسبا يبرز منحنيات جسدها، ويوضح جمال بشرتها البيضاء، فنتهت تجهيز كل شئ ثم دلفت اليه، فوجدته في انتظارها، فهتفت مردده...

- انا جهزت كل حاجه، يالا بينا يادوب نلحق البروفات، الفرقة جاهزة في غرفة البروفات، انت مستعد

إيهاب : اه مستعد يالا بينا

واستمر عمل البرورفات لبضعه ساعات ، انصرفت نور بعض الوقت، لتقوم بتجهز الغذاء، فاحبت اليوم ان تقوم بأعداده خصيصا له، وقد فرغت من كل شيئا، وانتظرته حتي ينتاولون سويا الغداء، واذا به تراه واقفا بهيئته ووكاره فهتف لها،،،

- روحتي فين كل الوقت ده يانور اتاخرتي عليا

نور : اولا انا متاخرتش ولا حاجه، انا كنت بحضر ليك الغداء، ايه رايك بقي، احلي صينية مكرونه بالباشميل، وفراخ مشوية، وجلاش، وبطاطس محشية، تاكل صوابعك وراها

ايهاب ينظر لها باعجاب شديد، ثم يقول،،،،

- تسلم ايديك، انتي جهزتي كل ده ليه تعبتي نفسك، انا مش اكيل اوي كده

نور بسعاده وهي ناظره في مقلتيه، ثم تقول،،،

- انا قولتلك قبل كده، انا سعادتي بتكون اني اعمل اي حاجه ليك، ولو كانت بسيطة، انت ليه مش عايز تفهم كده، اني ببقي سعيده لما تاكل من ايدي، عشان لما امشي تفتكرني و يكون في ذكريات حلوة بينا

ايهاب بزعل وضيق، يرد عليها مرددا،،،

- ليه بتقولي كده، انا مقدرش استغني عنك يا نور، انتي بقيتي حاجه مهمه اوي عندي، ارجوكي متقوليش كده تاني

نور بنظره حانيه تقول،،،

- طيب مش هقول، بس يالا بقي دوق وقولي رايك

ايهاب ينظر لها، وممسك يداها ويضع قبله عليها، ثم يقول،،،

- اولا من قبل ما ادوق وريحه الاكل تحفه بصراحه، ما بالك بقي الطعم، هاتي ياستي،" ويتذوق وينظر لها ويقول مره واحده"

- وااااو ايه الجمال ده يانور بجد دي اول مرة اكل مكرونه بالحلاوة دي، تسلم ايديك بجد، انتي عليكي نفس رهيب ماشاءالله

نور بفرحه شديده، تقول،،،

- بجد عجبتك، طب خد من ايدي قطعه الجلاش دي

ايهاب بنظره اعجاب للطعام شديده يقول،،

- يانهاري احلي واجمل، ولا البطاطس تحفه، خلاص بجد انا مش قادر انتفس، تسلميلي ايدك

ويطبع قبله علي يديها، لتسحبها فورا بكسوف وخجل وتهتف...

- بس انت ملحقتش تاكل حلو

ايهاب ياخذ نفس عميق ثم يرد عليها،،،

- ازاي دي اول مرة اكل فيها كده، انتي اللي ماكلتيش يانور كويس

نور بنظرة عشق : انا لما انت تاكل وتشبع، كأني اكلت وشبعت

ينظر لها ولا يجد كلامات ممكن ان تقال، ليرد علي ذوقها ورقتها، فلماذا يقف دائما امامها، وتخونه كلمات الغزل التي كان محترف بها، ولا يجد صعوبه في ترددها الي اذن الفتيات، لكن نور مختلفه حقا عن كل بنات حواء، فهي الوحيده التي جعلت قلبه يدق لها،،،، فنتبه علي صوتها..

- ايه مالك هتفضل باصصلي كده كتير،،، يالا عشان تلحق تاخد شور، وانا كمان اجهز، البدله الاولي موجوده علي السرير بكل لوازمها، عايز اي مساعده مني

إيهاب سارحا في نظرتها فيقول،،،

- لا شكرا اطلعي اجهزي انتي، وانا هلبس وهستناكي

ويصعدون سويا، كل منهما،، يتوجه الي غرفته، ليقوم بارتداء ملابسه، ويمر الوقت لتخرج نور في ابهي صوره لها، فيقف منبهر بجمالها، فكانت جميله ورقيقه حقا، بفستانها الاسود الجميل، فكانت شبه الملائكه في هلتها، فنظر لها نظره اعجاب، فمسك يداها ويستقلون السيارة لحضور الفرح الاول.،، ويمر بعض الوقت حتي وصلوا، ثم توجه الي المنصه لاداء فقرته الخاصة، فغني اجمل الاغاني العذبه،

وكانت نور جالسه مستمتعه بصوته العذب، وقبل انتهاء الفقرة اذ بها تسمع من ينادي عليها فلتفتت اليه فوجدته المطرب عادل فهمي هتفا لها ....

- نور ازيك وحشاني اوي، بقالك كتير مش باينه فينك

نور بطريقه رسميه تقول،،

- ازيك يا استاذ عادل، انا الحمدلله بخير، ازي حضرتك

عادل؛ انتي معزومه هنا، ولا في شغل

نور؛ لا مش معزومه، انا في شغل مع ايهاب، انا مديرة اعماله، انت معندكش فكره ولا ايه؟

عادل بصدمه : ايه! انتي اشتغلتي مع إيهاب عمر، من امتي يانور، انا ياما اتحايلت عليكي وانتي كنتي بترفضي، طلبت اتجوزك ورفضتي، اشمعني ايهاب، احسن مني في ايه عشان مترضيش تشتغلي معايا، وترفضي حبي وتروحيله، ليه ليه نور ده انا حبيتك

نور تنظر له بحده ثم تقول،،،

- عشان عمري ما كنت هحس بيك ياعادل، انا عشت عمري كله احلم اني اشتغل معاه هو بالذات، دخلت المجال ده عشانه هو، مش عشان حد تاني، ارجوك متزعلش مني، انا بعتبرك صديق واخ بلاش تخسرني كصديقه، لاني مش هقدر اقدملك غير ده، ايهاب كان وما زال حب عمري اللي هعمل المستحيل عشان اوصله

عادل بأسف؛ للدرجه دي ايهاب ماثر عليكي

نور؛ وليه متقولش العكس، اني انا اللي عايزة اثر عليه، واخليه يحس بيا

عادل بالم وضيق،، هو في حد عاقل ميحسش بيكي يانور

وفي هذه اللحظه يتدخل ايهاب ليرد عليه بعنف

- تصدق لسه في يا عادل حد مجنون ومحتاج بتعالج عشان يحس بيها

عادل ينظر له بضيق ثم يقول،،،

- نور لما تدخل حياة اي حد بتكون هي النور اللي بينور دنيته وحياته يا ايهاب، ياريت نصيحه خالصه متضيعهاش من ايديك، لانك لو ضيعتها هتندم ومش هتعرف تعوضها ابدا

ايهاب بغضب وغيرة واضحه جدا؛،،

- شكرا علي النصيحه يا عادل، عن اذنك، مش يالا يانور عشان نلحق نغير قبل الفرح التاني، ولا لسه في كلام تاني هتكمليه مع عادل

نور تنظر اليه وعلي وجهها سعاده بغيرته عليها ثم حاولت جاهده ان تداري ابتسامتها فقالت له بنبره هادئة،،،

لا ابدا يالا بينا، اللبس جاهز في الغرفه، اتفضل رقمها ٢٣١ والمفتاح اهو

ايهاب ينظر لها بغيره ويقول مرددا،،،

- اتفضلي تعالي معايا، انتي واقفه عندك بتعملي اية

نور ببتسامه ترد،، حاضر اتفضل

ويتوجهون الي الغرفه في صمت حتي قطعه فهتف بكل ضجر وغضب وحده قائلا،،،،

- اعتقد مكنش في لزوم وقفتك مع عادل يا انسه، انتي بتشتغلي معايا انا، مش معاه عشان ترغوا كل ده

نور بهدوء محاوله تهدئته برغم الغضب الداخلي،،

- اولا انا موقفتش معاه كتير، هو جه وافتكرني معزومه في الفرح، مكنش يعرف اني موجوده في شغل، واني بشتغل معاك اصلا

ايهاب بضيق وغضب،،

- وهو ماله اصلا يعرف، ولا ميعرفش، اية البرود ده

نور بهدوء ترد،، ؛

- ممكن تهدي الموضوع مش مستاهل ابدا كل الغضب ده

ايهاب بحده يقول،،،

- لا ياهانم يستاهل، ويستاهل اكتر من كده كمان، انتي متعرفيش عادل ده اصلا، اكيد بقي عجبك انه بتغزل فيكي مش كده

نور بنبره حده وغضب قالت،،،

انا مسمحلكش يا ايهاب، الزم حدودك لو سمحت، انا مفيش راجل علي وجه الكره الارضيه يعرف يميل راسي، ولا أعجب بكلامه غيرك انت
"قالتها بدون وعي"

ايهاب بسعاده اقترب منها، وامسك يداها وطبع قبله رقيقه في باطنها وهتف..

- بجد يانوري مفيش غيري بس اللي له تاثير عليكي

نور تنظر له بكل حب وعشق تقول،،،

- معقول انت لسه بتسأل بعد كل ده يا ايهاب، اعمل ايه عشان اثبتلك اني بعشقك، مش بحبك بس، انت انت ايه، ليه مش راضي تصدق، ليه قلبك مش عايز يصدق، قلبك "وتشاور عليه وتضع يداها عليه" اللي انا عشقته وكل نبضه في قلبي بتنادي عليه، لسه منبضش بحبك ليا

ايهاب ينظر لها نظره كلها حب، ولكن يوجد شئ واقف حائلا بينهم ولا يستطيع ان يتخطاه..

- حاسس صدقيني حاسس بس، خايف

نور مقتربه منه وعيونها في مقلتيه، ثم تقول،،،

- خايف من ايه؟ قولي صارحني

ايهاب بنظره خوف، يقول،،

- خايف اسلملك قلبي

نور متعجبه من رده، فسالته مردده،،،

- طب ليه ده انا سلمتلك قلبي من زمان اووي، جرب واعيش معايا جنوني، عيش وانسي الماضي وأبدأ معايا المستقبل، واحلم معايا ببيت نملاه حب، وعشق، وجنون، واولاد يجروا حولينا، ونعلمهم معني الحب، ودفئ الاسرة

ايهاب بنظرة تمني يقول،،،

- نفسي يانور نفسي بس اعمل ايه في خوفي، انا جربت مرة زمان، وبعدها حلفت ان قلبي مش هيدق تاني،، سيبي الايام هتعمل فينا ايه يانور، ممكن بقي تطلعي اللبس عشان اجهز كده هنتاخر

نور بستسلام؛ حاضر، اتفضل اللبس جاهز، هستناك في العربيه

ايهاب معترضا،، لا خليكي هنا، انا هغير في التواليت وهخرج علي طول

تركها ثم دلف ليرتدي ملابسه، ثم خرج وكان غايه في وسامته، فاقتربت منه حتي تقوم بتظبيط كرافتته، ثم نظرت له نظرة وابتسمت وهتفت

- كده احلي، يالا بينا

ايهاب ببتسامه ؛ يالا يانور

#عذبني حبگ بقلم إيمووو كمال

وتوجهوا فورا الي موعد الفرح الاخير، وقدم اغانيه وانتهي ثم مضي الي الفيلا، وهما في غايه التعب والإرهاق...

- انا خلاص مش قادر بصراحه خلصت النهاردة، محتاج انام نوم عميق

نور بتعب ترد ؛ اطلع خد شور دافي ونام، احنا معندناش حاجه بكره، وهسيبك تصحي براحتك، بس لما تقوم تسمع كلامي في اللي هطلبه منك

ايهاب يضيق حاجبه متعجباََ،، في ايه يانور، مش مرتاحلك يابنت الناس

نور مدعيه البراءة؛ انا ليه بس بتقول كده، انا عايزاك تعيش جنوني بس

ايهاب يغمز لها ثم يقول،، نور

نور ببتسامه،،

- ايهاب لا تقلق، بس سيب انت نفسك ليا، اطلع نام انت وبكره يحلها المولي

ويصعد الي غرفته وهو شارد الذهن يفكر في طلب نور وايه هو الجنان اللي هجربه معاها...

#عذبني حبگ بقلم إيمووو كمال

في مكان اخر نجد زين وسمية زوجته يتحاورون سويا عن ابنتهم نور....

سميه بضيق تقول،، يعني متصلتش بيك يازين خالص

زين ينظر لها بنظرة قلق يقول،،

- ابدا وحياتك بقالها يومين من اخر مكالمه مسمعتش صوتها

سمية تنظر له نظره محيره ثم ترد قائله،،،

- طيب انا مش هسكت كده ومعرفش عنها اي حاجة، انا هتصل بيها

زين بهدوء يقول،،

- طيب استني شويه كمان، ولو متصلتش انا هكلمها ياستي، يمكن تكون مش فاضيه، انتي عارفه بنتك كويس لما بتشتغل بتنسي نفسها، ودي مش اول مرة

سميه بغضب ترد،،

- ايوه مش اول مرة، ومتعوده منها علي كده، بس المره دي هي مش مع اي حد يا زين، ده ايهاب وانت عارف هو ايه بالنسبالها، انا قلبي مش مطمن، ربنا يجيب العواقب سليمه، ويرجعها لحضني يارب

زين ينظر لها وعيونه بدا عليها القلق، ثم يرد عليها مرددا،،

- انتي هتقلقيني ليه بس كده، بقولك ايه قومي اعمليلي فنجان قهوه كده اعدل بيه دماغي اللي هتتفرتك دي، وبعدين اتصل بيها

نسمه معترضه ترد قائله،،

- اطمن عليها الاول وبعدين اعملك اللي انت عايزة، اتصل الاول

زين يتأفف منها قائلا،،

- ياساتر عليكي، مش بعرف اهرب من زنك ابدا، هتصل اهو ياستي،

ويمسك فونه ويقوم بالاتصال علي ابنته وينتظر ردها..

نور بحب ترد عليه،،،

- بابا حبيبي ازيك وحشني اوووي

زين ببتسامه يقول،،

- اه خديني بقي وكلي بعقلي حلاوة يابكاشه

نور تضحك بشده وتقول،،

- انا برضو، لا والله انت وحشني اوي اخبارك ايه ياحبيبي وماما ازيها

زين بلهفه يرد،،

- امك هتجنن عليكي يا حبيبتي خدي اهي معاكي

سميه بنبرة زعل تقول،،،

- ازيك يانور كده برضو متتصليش بقالك يومين، انا زعلانه اوي منك

نور بنبرة حب تقول،،،

- معلش حقك عليا، بس انتي عارفه الشغل مش بيرحم وعقبال ما بنخلص كل مواعدنا بكون هلكانه من التعب باخد شور وبنام زي القتيله مش بدري بنفسي، مزعليش مني وحياتي

سميه ترد بنبرة ضيق،،

- وكان ايه بس اللي جابرك علي كده يابنتي

نور بضيق ترد،،

- ماما مش هنعيده تاني، انا صدقيني عايشة اسعد ايام حياتي، عايشة الدنيا اللي كنت بحلم بيها طول حياتي، اني اقرب منه، واعيش لحظه في قربه، ايهاب اتغير اوي، بقي انسان تاني كله حيوية، ونشاط، وامل، وحب، وتفاءل، انا غيرته كتير ياماما ولسه كمان هعيشه دنيتي اللي كنت نفسي اعشها وياه، وهيحبها انا واثقه من كده

سميه بتنهيده عاليه تقول،،

- طب واخرتها ايه بس

نور ببتسامه وحب تقول،،

- اخرتها فل الفل، بس انتي ادعيلي ربنا يكملها علي خير

سميه؛ يارب يابنتي يحققلك مرادك، وحلمك

نور؛ آمين يارب العالمين، وان باذن الله في اقرب وقت هجي ازوركم، سلميلي علي بابا، مع السلامه ياحببتي

سميه بحب،،،

- مع السلامه ياقلبي

زين يقترب منها ويقول،،

- ادعلها ياسميه، وبلاش تشيلي الهم كده، اللي فيه الخير يقدمه ربنا ليها

سميه بتتهيده : يارب يازين يارب

زين ببتسامه يقترب منها ويقول،،،

طب ايه؟

سميه بضحكه وابتسامه تقول،،،

- ايه ياراجل في ايه؟

زين ببتسامه وغمزه،،

- القهوه ياسوسو انتي نسيتي ولا ايه؟

سميه تنظر له متذكره،،،

- اااه حاضر من عينيه هقوم اعملها حالا انت تامر ياقلبي

زين بضحكه يجذبها اليه ويقول،،

- لا ما دام فيها قلبي، سكي علي القهوه وخليها عصير فريش، اصل شكل ليلتا بيضا النهاردة وانا مش عارف

سميه بضحكه؛ والله انت مش هتعقل ابدا يازين، وهتفضل كده علي طول مجنون

زين بحب ياخذها بين احضانه ويقول،،

- تعالي بس معايا وانا اوريكي العقل، والجنان كله على اصوله جوه

سميه تعالي ووريني الجنان،اموت انا فيك يا مجنوني ههههههه

"باك"

هادي ينظر لها متعجبا،، يامجنونه انتي جننتي الراجل يانور

نور مبتسمه،،،،

- من ناحية جننته، فانا جننته، وحبيت اعيشه جنوني ودنيتي

هادي متسائلا،، وايه هو الطلب بقي

نور تنظر له وتقول،،، بكره هتعرف عشان انا تعبت، وكمان انت مفروض تروح عشان تجهز للخطوبه، ولا نسيت

هادي يضرب بيده جبهته ويقول،،،

- انا والله انتي اللي يقعد معاكي ينسي الدنيا كلها

نور ببتسامه تقول ؛ ماشي يادكتور مقبوله منك، بس ممكن اطلب منك طلب صغير

هادي؛ انتي تأمري يانور خير

نور بخجل تقول،،، هطلبه منك اول الجلسه بكره ان شاء الله

# عذبني حبگ بقلم إيمووو كمال

الفصل السابع

يجلس دكتور هادي في مكتبه ليفرغ جلسه كعادته كل يوم مع نور، ويفكر في ماهو الطلب الذي تريده منه ولكنه توقع شيئا واراد التحقق منه، لينتهي من عمله في موعد متأخر ليذهب الي منزله، ويقوم بتبديل ثيابه، وانعاش جسده بماء دافئ قبل محادثته مع نسمته التي جعلت حياته كالنسمه منذ ظهورها، فقد غيرتها للاحسن، واذا يجدها ترن فيهاتفها مسرعا..

- مساء الورد والياسمين علي نسمتي وحشتيني

نسمه بخجل : مساء النور يادكتور

هادي بجرئه ؛ ايه يابنتي الخجل ده، انتي بتكسفي مني يانسمه

نسمه باحراج؛ بصراحة مش مسئلة كسوف بس بتحرج اووي

هادي ببتسامه؛ ماشي ياستي كل ده هينتهي مع الوقت، بس طمنيني قولتي لوالدك

نسمه بفرحه ؛ اه ومنتظرينك بكره ان شاء الله علي الساعة ٨ م

هادي بفرحه؛ بجد ده احلي خبر سمعته، طب معترضوش علي فرق السن اللي بينا

نسمه بنظرة حزن تقول،،،

- بصراحه ماما اعترضت بس انا اقنعتهم متقلقش، هنتظرك بكره

هادي بنبرة بحب يقول،،

- ان شاءالله تعالى، هعد الساعات لحد ما بجي بكره، اشوفك بكره مع السلامه

وتغلق معه نسمه الهاتف وتجلس تتذكر حوارها مع والدها ورفضهم في بادئ الامر له ومحاولاتها بقناعهم، فهم خائفين عليها من فارق السن، ومن تجربته السابقه، ولكنها وضحت لهم انه انسان مثالي وانه الشخص الوحيد الذي سوف يسعدها، فخضعوا لرغبتها، وتمنوا نجاح هذه الزيجه وان يكتب لها الله تعالى التوفيق، فتنتبه لدخول والدتها اميره تعاتفها متسائله..

- اتصلتي بدكتور هادي وبلغتيه يانسمه بالمعاد؟

نسمه تنظر لها وتنهض من مجلسها وتقول،،،

- اه يا ماما بلغته لسه قافله معاه حالا قبل دخول حضرتك

اميرة ؛ تمام ياحببتي ربنا يوفقك يارب ويجعله الزوج الصالح ليكي ويرزقك خيره يابنتي، انا عايزاكي متزعليش مني ومن والدك احنا كل هدفنا سعادتك في الدنيا، لاننا مش هنعشلك العمر كله ياحببتي، ولازم نطمن من اللي هيتقدملك، هيقدر يسعدك ويحققلك الحياة الهاديه ولا لاء

نسمه بحب ترد،،،،

- انا عارفه والله ياماما كل اللي بتقوليه ومقدراه جدا، بس صدقيني لما تقعدوا معاه هتتاكدي اني اخترت الراجل الصح اللي هيصوني ويحتويني، انا لو لفيت الدنيا كلها مش هلاقي زي هادي في ادبه واخلاقه وطيبته، دي المستشفي كلها بتحلف بحياته والله متقلقيش انتي، وادعيلي كده من قلبك بابا ميدققش معاه في الشكليات بتاعت الجواز، ويتمها علي خير

اميرة تقترب منها وتربت علي كتفها وتقول بتمني وحب،،

- انتي شكلك مستعجله اوي يا نسمتي، متقلقيش ابوكي عاقل ولو حس انه شاريكي مش هيدق، وانا ياستي هوصيه واهديه من ناحيته، وهدخل اكلم معاه ولا تحطي في بالك، امك وراكي

نسمه بفرحه تجري لتحتضن والدتها في سعاده مردده،،،،

- حببتي ياماما، ربنا ميحرمنيش منك ابدا يارب، وتفضلي كده دايما في ظهري وتسنديني يا احلي ام في الدنيا

اميرة بحب محتضنه ابنتها ثم تقول،،،

- ويباركلي فيكي ياحببتي ويسعد قلبك ربنا ويتمملك علي الف خير، يالا هقوم اروح لابوكي وانتي نامي عشان بكره ورانا حاجات كتير هنعملها وياريت تستاذني بدري بكره من الشغل، عشان تلحقي تجهزي نفسك

نسمه : حاضر ياماما انا كنت ناويه اعمل كده، تصبحي علي خير ياحببتي

اميرة بحب ترد،،،

وانتي من أهل الخير يا قلبي

وتتركها الام لتتوجه الي غرفتها فتجد زوجها سليم يرقد شاردا في موضوع دكتور هادي فينتبه لصوت زوجته تهاتفه برقتها الموعوده قائله..

- سبها علي ربنا ياحبيبي، ومتفكرش كتير

سليم : ونعم بالله يااميرة بس الفرق بينهم كتير اوي، وكمان كان متجوز ومخلف قبلها

اميرة تقترب منه ثم تقول،،

- هو يعني عشان كان متجوز ومخلف خلاص مش من حقه يعيش حياته تانى، بنتك انا حاسه انها بتحبه ياسليم من الاخر، ومنتساش انها مش صغيرة في السن، يعني هادي فرصه كويسه، وكمان هي بتشكر فيه جدا وفي أخلاقه ايه المانع اننا نقابله يمكن يكون انسان محترم زي ما بتوصفه، ويسعدها، معلش حاول كده تهدي وانت مش عايزاك تدقق اوي في الشكليات الجواز المهر والشبكه وكده

سليم بحده يقول،،،

يعني عايزاني ارمي البنت ومعززهاش يا اميرة، كلام ايه ده اللي بتقوليه

اميرة محاوله تلطيف الموقف : لا ابدا ياحبيبي انا بقول بس نسمع منه ظروفه الاول، يمكن يكون مرتاح ماديا فمفيش داعي نحبكها ما دام شاري البنت، انت فاهمني

سليم : انا فاهمك ويارب ربنا يخيب ظني ويطلع كويس هو انا اكره انها تكون سعيده وتحت جناح راجل يصونها، واطمن عليها، دي الحيله اللي طلعنا بيها من الدنيا، ربنا يكرمنا فيها يارب

اميرة بترجي ؛ يارب ياحبيبي، انا حاسه وقلبي بيقولي انه هيطلع ابن حلال، وبكره تقول اميرة قالت
سليم؛ يارب

#عذبني حبگ بقلم إيمووو كمال

ويشرق يوم جديد ساطع باشعته الممتلئله لتنير الدنيا، فتستيقظ نور علي صوت الممرضة لتعطيها دواءها، بعد تناول فطورها، ثم تنصرف، لتخبرها قبل انصرفها بموعد جلستها مع دكتور هادي، وهو سوف ينتظرها في حديقة المشفى، فتنهض نور تاخد حمامها وتؤدي فرضها وتتناول فطورها، وعلاجها، وتدلف الي الحديقه، فتجد هادي بانتظارها فهتف له مردده،،،

- صباح الخير يادكتور هادي

هادي مبتسما لها ثم يقول،،،

- صباح الفل يانور، معلش الجلسه بدري النهاردة عشان اللحق اخلصها وافرغها، عشان همشي بدري، هروح اقابل اهل نسمة

نور تنظر له ثم تجلس علي مقعدها وتقول،،،

- ولا يهمك، والف الف مبروك ربنا يتتم بخير، انت تساهل كل خير والله

هادي مبتسم لها،،، عقبالك يانور

نور بحزن واسي : معتقدش يا دكتور انا خلاص جربت حياتي مرة، وصعب افتحها لحد تاني، بل مستحيل اصلا

هادي بنبرة حانيه يقول،،،،

- الدنيا مش بتقف عند شخص معين يانور، انا اهو مثال قدامك، كنت فاكر اني بعد موت بنتي الدنيا هتقف ومش هقدر اكمل حياتي ، لحد ربنا مانور طريقي وحسيت بنسمه،،،، اد ايه انسانه جميله وانها عوض ربنا ليا، اللي شايله ليا بعض كل اللي مريت بيه

نور بنظرة محبه له،،،

- ربنا يسعدك، يمكن كلامك يكون صح لكن انا قلبي مش ملكي للأسف، قلبي ملكه هو وبس، واتقفل عليه لحد ما اموت، مستحيل ينبض لغيره ابدااا

هادي بضيق،،

- ماشي يانور هنشوف الموضوع ده بعيد، نبدا بقي جلستنا، واحب اعرف انتي امبارح طلبتي مني طلب بس مقولتيش عليه ايه هو بقي

نور بترجي،،،

- كنت عايزة اسمع صوت بابا وماما لو يعني ينفع

هادي ينظر لها ويرد بجديه،،،

- عندك استعداد للمكالمه دي، ممكن يتفتح حوارات ميكنش عندك لسه استعداد لها، انا خايف عليكي

نور بجديه وتحدي،،،

- متخافش يا دكتور انا حاسه اني افضل، وخلاص ايهاب صفحه وطوتها من حياتي، ومش عايزة افكر فيها تاني

هادي بتركيز، يرد يقول،،،

- لو طوتيها زي ما بتقولي مكنتيش تقولي ان قلبك قفلتيه علي حبه يانور، انا عايزك تكوني واضحه مع نفسك وصريحه، انتي لسه بتحبيه بس مجروحه منه، ادي لنفسك فرصه تداوي الجرح ده، ووقتها هتعرفي تحددي انتي عايزة اية

نور وعلي وجهها الحزن والالم، تقول،،،

- تفتكر هقدر اداوي اهانته وجرحه ليا

هادي بهدوء يقول،،،

- لو انتي عايزة هتقدري وتتخطي كل الازمات، بس خليكي اقوي من الاول

نوربنظرة امل وتفاءل تقول،،،،

- صح عندك حق، وحياة حبي ليه، وقلبي اللي داس عليه، لادوقك يا ايهاب من نفس الكاس اللي شربت منه اضعاف كمان

هادي بنظرة حزن،،،

- انتي ليه يانور متحطيش احتمال واحد بس انه يكون مظلوم

نور بانفعال؛ مظلوم ولا ظالم مش ممكن، محدش اتظلم وداء الظلم غيري، وكان ضحيه حب كبير غيري انا

هادي محاولا تهدئتها يقول،،

- طب خلاص حاولي تهدي، ولا مش عايزة تكملي

نور؛ لا يادكتور، هكمل، انا نفسي اخلص كل حكايتي واتعالج واطلع ابدا من جديد، دنيتي وحشتني اووي

هادي ينظرة لها ويبث لها الطمأنينه والثقه،،،

- باذن الله تعالى هتخفي وترجعي لدنيتك، بس اوعي تنسيني يانور، انا دايما هكون معاكي في اي مشورة هتلاقيني جنبك

نور بنظرة شكر وامتنان تقول،،،

- عمري ما اقدر انسي افضالك عليا ابدا يادكتور

هادي؛ طيب يالا بقي قوليلي اية الطلب المجنون اللي طلبتيه من ايهاب

نور تبتسم لذكري حلوة مرت بها،،

- طلبت منه اننا نخرج نروح هاييبر ماركت نشتري طلبات البيت

هادي بضحكة،،،

- يامجنونه وهو وافق، انتي عارفه مطرب يروح اماكن زي دي ايه اللي ممكن يحصله

نور بضحك؛ هو وافق بس بعد ما طلع عيني، وكان يوم جميل جدا،،، هحكيلك

" فلاش باك"

نور؛ طلبي اننا نروح مع بعض هاييبر ماركت

ايهاب بصدمه: بتقولي اية؟ انتي اتجننتي اكيد رسمي اكتر ما انتي مجنونه

نور بقمصه تنظر له وتمثل الزعل، ثم تقول،،،،

- ليه بقي ان شاء الله

ايهاب متعجباََ ؛ عشان انتي عارفه مكان زي ده ممكن يحصل فيه ايه من تجمعات للناس

نور بثقة؛ عارفه وهو ده اللي عايزاه

إيهاب بعدم فهم؛ مش فاهمك

نور بهدوء؛ بص يا هوبا انا عايزك تعيش معايا دنيتي وتكون ليوم واحد بس في كام ساعة انسان طبيعي بيعيش حياتة بشكل طبيعي جدا بينزل يشتري طلبات، واحتياجاته، وبيسهر زي اي حد

إيهاب معترضاََ،،،

- بس في ناس بتقوم بالدور ده غيري

نور تنظر له وترد بنره حانيه ومترجيه حتي تأثر عليه، ثم تقول،،،

- وليه انت متجربش ولو لمره واحده، صدقني احساس حلو انك تعيش طبيعي زيك زي اي حد، وفي نفس الوقت هتقطع لسان اي حد يقول انك مغرور، ومش ببتعبر المعجبات بيك، وبتتعالي عليهم

ايهاب بزعل ؛ انا مغرور يانور، انتي شوفتي مني كده

نور بنظره نافيه،،،

#عذبني حبگ بقلم إيمووو كمال

- انا مشفتش بس في كتير بيقول كده، تعالي معايا وعيش دنيتي، اللي نفسي تعيشها معايا، صدقني التجربه هتعجبك جدا

إيهاب بنبره هادئه يقول،،،

- لو كنا خارج مصر كنت طوعتك، بس هنا صعب

نور ببتسامه تقول،،،

- ولا صعب ولا حاجه، اطلع اجهز لبسك محضراه علي السرير، وانا هلبس ونروح ومن غير سواق، انت اللي هتسوق كمان

إيهاب ينظر لها ويحرك راسه يمينا ويسارا، ثم يرد عليها قائلا،،،

- انتي مجهزة بقي كل حاجة وواخده القرار بدالي

نور ببتسامه وحب، تقول،،،

- ايون، ويالا عشان منتاخرش، عشان خاطري، بليز... وتنظر له بنظره ترجي وحب

ايهاب بستسلام يقول،،

- خلاص يانور عشان خاطرك موافق وربنا يسترها

ويصعدون لارتداء ملابسهم، ثم يتوجهون الي هايبر ماركت، وهو في حاله لا يرسي لها، فتلاحظة نور فتهتف مردده

نور بنظرة قلق تقول،،

- مالك مش علي بعضك ليه كده

إيهاب بتوتر يقول،، مش عارف متوتر شويه

نور بنظرة حانيه تقول،،

- دي حاجة لطيفه جدا خد انت بس زق العربيه دي عشان احط فيها الحاجات اللي هنشتريها،، يالا واقف ليه امشي

إيهاب بتنهيده يقول،،

- حاضر لما اشوف اخرتها معاكي

نور تضحك بشده ثم تقول،،،

- اخرتها فل الفل، بس انت صفي نيتك معايا هههههههه

ايهاب يضحك بشدة،،،

- اصفي نيتي اكتر من كده ماشي يانور

تضحك نور بشده، ثم يتوجهون الي قسم اللحوم، لشراء ما يحتاجون اليه

ايهاب؛ احنا هنروح فين دلوقتي

نور؛ احنا ياسيدي عند قسم اللحوم، هنشتري منه اللي عايزينه

ثم تملي للموظف كل ما تحتاج اليه وتضعه في العربه، واذا ببعض البنات يتحدثون فتلاحظهم نور وتبتسم لهم

بنت تنظر له باعجباب شديد وتقول،،،

- ايوة يابنتي هو والله ايهاب

صديقتها تنظر اليه مدققه ثم ترد،،،

- لا مش معقول، مش ممكن ايهاب عمر في هاييبر ماركت، وياتري مين اللي معاه دي وبتشتري الطلبات

- تلاقيها مديرة اعماله نور، انا سمعت انها مش بتسيبه ابدا، يابختها

- طب ايه احنا هنفضل كده، ماتيجي نروح نتصور معاه

- لحسن نكون متطفلين ونضايقه يابنتي

- ولا نضايقه ولا حاجة تعالي انتي بس

ويقتربون منهم ويبدون اعجابهم به، ويطلبون ان يلتقطون بعض الصور لنشرها في السوشال ميديا

- متتخيلش احنا بنحب حضرتك اد ايه، وكان نفسنا من زمان نشوفك ونتصور معاك والله

ايهاب ينظر لهم بسعاده، ثم يقول،،

- انا اسعد والله، انا بحيا بوجودكم حواليا وبحبكم ليا، تعالي يانور صورينا

نور بفرحه،،،

- تمام اتفضلي يا انسه عشان اصوركوا

وينصرفوا مسرورين وسعداء، وبسرعه البرق الصور كانت متشيره علي الفيس من قبلهم، والسوشال ميديا كلها تتحدث عنهم

وتم شراء اللحوم، ثم توجهوا الي قسم الخضروات، ثم الي قسم المنظفات، ثم تحرك الي شئ جذب انتباه فامسكه ونظر له بشده، واذا تري نور ان ايهاب ممسك بيده شيئا، فضحكت باعلي صوتها عليه

ايهاب مستغرباََ؛ انتي بتضحكي علي ايه انا عايز اعرف؟

نور متسائله،،

- علي اللي ماسكها دي يا ايهاب

والى هنا تتنهي حلقتنا عند هذا الحد لنتعرف غدا ياتري ايهاب كان ماسك ايه في ايده ونور ضحكت عليه؟
هنعرف بكره في احداث جديده كلها حب وعشق

اللي هيتوقع صح هبعتله الحلقه الجديده خاص... نزلت حلقتين برغم اني زعلانه جدا من التفاعل اتمني ان روايتي المتواضعة تنال رضا الجميع

"عذبني حبگ"

ايمووو كمال ✍️