رواية صراع بين الحب و الثأر الحلقة 34

💘  الحلقة ٣٤  💘


.

💘💘💘💘💘💘💘💘💘💘💘💘💘💘💘💘

.
عمار / انا شفت اكتر من مكان بس لسة مقررتش

فؤاد / ياريت تقرر اسرع من كدة

واسيل بتعيط وبتروح على اوضتها و عمار بيدايق اوى

فؤاد / بدل ما انت بتضيع وقتك فى حاجات ملهاش لزمة روح دور على مراتك احسن

عمار بياخد الشنطة وبيروح على عربيتو ومخنوق اوى وبيغمض عيونو وبيحس بايد قمر بتتحط على خدو وبيتخض وبيفتح عيونو وبيبص حولية وبيركب عربيتو وبيمشى بسرعة

.
      **********************************

.             

اسكندرية

فى المستشفى قمر فى الكفترية بتفطر والممرضات بيبصو عليها وبيتكلمو

الممرضة / انا مش عرفة اية الى بنها وبين الدكتور اياد دى هنا بقلها اكتر من شهر هى ملهاش اهل

الممرضة التانية / انا الى عرفتو انها مش فكرة اى حاجة والدكتور اياد بيصرف عليها متحمل كل مصارفها اصل هى حلوة اوى

ممرضة / لا الدكتور اياد مش بتاع الحاجات دى بس مين يعلم

قمر اديقت اوى وراحت على اوضتها وبتعيط وبيدخل الدكتور محمود

محمود / الدكتور اياد  هنا

قمر دموعها بسرعة

قمر / لا مش موجود هنا

محمود / انتى كويسة

قمر بتهز رسها بنعم و محمود بيروح يقاعد جمبها على السرير و قمر بتخبى وشها

محمود / اية الخدمة هنا مش عجباكى

قمر مش بتتكلم و بتبصلو

قمر / انا همشى من هنا

محمود / استنى انا اسف لو ازعجتك فى حاجة

قمر / انا الى اسفة

قمر بتعيط وحكت لمحمود على الى سمعتو

قمر / عندهم حق الى اية الى مخلينى هنا لحد دلوقتى والدكتور اياد دة حد محترم اوى وحنين اوى مينفعش استغلو للدرجة دى

محمود / طب اهدى شوية وكمان فى فحوصات لازم تعمليها بكرة لما تعمليها ممكن ساعتها نشوف حل فى المشكلة دى

قمر بتمسح دموعها ومحمود خرج وبيروح مكتب اياد وبيحكيلو على الى حصل و اياد بيدايق اوى وبيروح لقمر الاوضة

.
      **********************************

.
           

اياد / عاملة اية

قمر / انا الحمد لله كويسة وممكن اخرج بقي خلاص

اياد / هتروحى فين

قمر / اى حتة انا كويسة وممكن اعتمد على نفسى دلوقتى ولازم ادور على اهلى

اياد / مش هخليكى تمشى

قمر بتبصلو بعند

قمر / انا همشى دلوقتى مش هستنى لازم اعرف كل حاجة عن حياتى

قمر خرجت و اياد مش قادر يمنعها ولا عارف يعمل اية
             

.
      **********************************

.
  قمر بتخرج من المستشفى وبتروح على اقرب بتاع دهب وبتمسك السلسة بس بتحس ان السلسلة دى مرتبطة بيها اوى وبتبيع الخاتم بتعها وبتسافر على القاهرة ومش عارفة هى هتروح فين ولا لمين

.
      **********************************

.

 القاهرة

عمار راجع من الشركة وبيروح الفيلا وبيشوف خيال قمر واقفة فى الجنينة وبيروح على الجنينة وبيدور عليها بلهفة

عمار / قمر قمر

اسيل / عمار

عمار / اسيل انتى هنا قصدى لية صاحية لحد دلوقتى

اسيل / مش جيلى نوم فقولت اتمشى شوية فى الجنينة انت كويس

عمار / انا اة الوقت متاخر يلا اطلعى نامى

اسيل بتروح مع عمار على الفيلا

اسيل / انت اتغيرت كتير

عمار / مفيش حد فينا متغيرش تصبحى على خير

اسيل / مش هتنام

عمار / لا عندى شوية شغل هعملهم قبل ما انام

عمار بيروح على اوضة المكتب واسيل بتبص علية لحد ما دخل وبتطلع على اوضتها ومدايقة و عمار بيفكر وبيروح يقف جمب الشباك وبيبص على الجنينة وبيفتكر قمر لما كان بيشتغل فى المكتب وهى بتتمشى برة فى الجنينة

.
      **********************************

.

قمر نزلت القاهرة ومش عرفة تروح فين ولا تعمل اية             
 قمر بتفضل تمشى فى الشوارع على امل انها تعرف اى شارع او اى حد بس بالعكس حاسة انها تايهة اكتر

.
      **********************************

.             

 الصعيد

 حسن فى المصنع ومتعصب على العمال اوى

احمد / حسن تعالة على مكتبى

حسن راح لولدو على المكتب

احمد / فيك اية فهمنى

حسن / انا مفيش حاجة انا كويس

احمد / سيب الشغل وروح ارتاح

حسن / لا مش عاوز اروح البيت عندى شغل كتير

احمد / قولتلك روح على البيت يلا انت لسة عريس جديد برضو خد مراتك واخرجو اتغدو برة

حسن بيسيب الدوسية من ايدو وبيروح يركب عربيتو وبيروح على البيت

.
      **********************************

.             

نادية / حمدالله على سلمتك يا ابنى انت جاى بدرى لية ابوك فى حاجة

حسن / ماما مفيش حاجة انا بس تعبان شوية وهطلع ارتاح

حسن بيطلع على اوضته و مي فى الاوضة و حسن مبيتكلمش ولا كلمة وبيروح ياخد لبس من الدولاب وبيدخل على الحمام وبياخد شور و مي متوترة ومش عرفة تعمل اية

 ولا تقول اية تقاعد ولا تقف تبصلو ولا متبصلوش و حسن بيخرج من الحمام والباب بيخبط و مي بسرعة بتروح تفتح وبتكون سندس جيبلهم الغداء

مي / شكرا يا سندس

سندس / حسن بتقولك ماما اهتم بمراتك مش رضية تاكل اى حاجة من الصبح

سندس ابتسمت لمي وخرجت و مي بتحط الغداء على التربيظة

حسن / مبتكليش لية

مي / مليش نفس

حسن / لازم تكلى حاجة احسن يقولو اننا مش بناكلك وبنعذبك

مي اديقت من كلامو

حسن / انا خارج وهتاخر

مي / هتروح فين

مي اتكسفت انها سالتو السؤال دة و حسن وقف على الباب وبيبصلها

حسن / هريحك منى شوية هروح اسهر مع اصحابي

حسن سبها ومشى و مي بتبص عليه من الشباك وبتعيط اوى وبتمسك التلفون ومش عرفة تكلم مين ولا تشكى لمين وبتقاعد  على الارض و بتعيط

.
      **********************************

.
           

قمر بتروح تقاعد على النيل وبتبص حوليها وبتتفرج على الناس يمكن تشوف اى حد يعرفها ومفيش فايدة

.
      **********************************

.             

عمار كان فى الشركة ورايح على البيت وبيلف بالعربية وبيروح على النيل فى نفس المكان الى قمر قاعدة فية ولسة هيروح يقاعد جمبها قمر بتتحرك وبتروح توقف و تحاول توقف تاكسى و عمار قاعد بيفكر فيها و قمر بتمشى جمب عربية عمار والعربية بتشبك فى الفستان الى هى لبساة وكان القدر عوزهم يتقبلو و عمار بيشوف فى وحدة فستنها مشبوك فى عربيتو ولسة هيروحلها و قمر بتفكو وبتمشى.

.
      **********************************

.             

 الصعيد

 بالليل حسن بيرجع وبيروح على الاوضة وبيدخل وبيشوف مي نايمة على الارض و بيروح عليها وبيشيل شعرها من على وشها بحنية وبيشلها بين دراعو وبينيمها على السرير وبيغطيها وبيروح ياخد البيجامة وبيبص على صانية الاكل وبيشوف انها مكلتش حاجة برضو وبيدايق اوى وبيبص عليها من بعيد وبيروح ينام على الكنبة وعيونو عليها وهى نايمة

.
      **********************************

.             

القاهرة

 فى الصباح فى فيلا فؤاد اسيل بتجهز الفطار مع سارة
 و عادل قاعد فى الجنينة وبيعزف و عمار  فى اوضته وسرحان اوى وبتدخل فاتن الاوضة

فاتن / عمار عوزة اتكلم معاك فى موضوع

عمار / نعم يا امى فى اية

فاتن / اسيل يا ابنى بتحبك وانت ظلمتها كتير اوى واستحملت علشان الولد واستحملت نظرة الناس ليها بس الولد لما يكبر هتقولو اية

عمار / ماما انا تعبان انتى عوزة منى اية دلوقتى

فاتن / تتجوز اسيل دى تتمنى منك كلمة حلوة بس وكمان اية زمب الولد فى غلطة عملتوها لازم تتحملو الغلطة دى

عمار بييقف وبيروح لولدتو

عمار / ماما لو سمحتى انسى الموضوع دة خالص انا جربت مرة وحدة ومش مستعد اجربو تانى ومش عاوز حد يكلمنى فى الموضوع دة وكمان اسيل عرفة الكلام دة كويس وهى موفقة على كدة

 فاتن / لو اسيل موفقة تبقي علشان بتحبك ومش عوزة تخسرك وكفاية الى خسرتو من حياتك بلاش تخسر ابنك كمان

وفاتن خرجت وسابت عمار متعصب وبيلف فى الاوضة زى المجنون

.
      **********************************

.             

قمر فى بنسيون صغير وبتخرج كل يوم وبتمشى فى الشوارع على امل ان اى حد يشفها ويتعرف عليها وطول ما هى ماشية بتبص على الوشوش كويس اوى وفى ناس بتفكر انها مجنونة من كتر ما بتبصلهم اوى

.
      **********************************

.
           

اسيل فى اوضتها وبتدخل عليها فاتن

فاتن / حفيدى البطل عامل اية

اسيل / مراد صاحى من بدرى واكل كل اكلو علشان يطلع قوى زى باباة

واسيل بتبص لفاتن

اسيل / طنط انتى كويسة

فاتن / انا خايفة على عمار اوى انا النهاردة كلمتو فى موضوعك انتى وهو

اسيل / اة فهمت ولا يهمك يا طنط انا مبسوطة طول ما هو مبسوط ومرتاح انا عرفة انو مش هيقدر ينسي قمر ولا قمر هتنساة انا مستحيل اخد مكنها وانا عارفة انها هترجع تانى
 و وقت لما ترجع هيكون عمار مستنيها

اسيل دموعها نزلت غصب عنها وفاتن بتخدها فى حضنها

اسيل / طنط لو سمحتى ممكن تخلى بالك على مراد

فاتن / انتى ريحة فين

اسيل / انا هروح بس اتمشى شوية ولازم افكر فى مستقبلى انا وابنى

.
      **********************************

.
           

قمر بتروح على النيل ونفسيتها تعبانة اوى وبتطلع باقى الفلوس الى معاها وبتشفهم قليلين اوى ولحد دلوقتى مش عرفة تروح فين وحست بالياس وقاعدة تفكر

قمر / انا لو ليا حد لية هو الى مش بيدور عليا لية انا لو ليا اهل رمونى ونسيونى انا كمان مش عوزة اعرفهم ولا اشفهم

قمر بتعيط وبتقرر ترجع الاسكندرية من مكان الى بدات فية ولسة بتمشى وبتخبط فى وحدة

قمر / انا اسفة يا انسة انا بس انا

قمر بتنهار من العياط وبتروح تقاعد فى مكنها تانى وبتعيط

اسيل / انتى

وردة ✍️