رواية صراع بين الحب و الثأر الحلقة 31

💘   الحلقة  ٣١   💘

.

💘💘💘💘💘💘💘💘💘💘💘💘💘💘💘💘

.
اياد / انتى كويسة

قمر مبتردش وبتكرر النمرة اكتر من مرة الرقم ودموعها بتنزل

اياد / لازم نروح دلوقتى

قمر بتغمض عنيها جامد وبتمسك التلفون وبترن تانى و عمار  بيتعصب وبيرفع سماعة التلفون

عمار / الووو

قمر ابتسمت اوى و عمار بيسكت وبيحس بيها

عمار / قمر
               

قمر بتقفل التلفون بسرعة و عمار بيصرخ باسمها

عمار / الو الووووو قمر قمر

قمر بتبص لاياد

اياد / جاهزة

قمر / اة جاهزة

اياد بيجبلها الكرسى و قمر بتقاعد علية وبيخرجو وبيروحو على  العمليات

اياد / اعرفك الدكتور محمود هو دكتور التخدير متخفيش

محمود / اهلا يا انسة

قمر / قمر انا اسمى قمر

اياد بيبصلها اوى وبيبداو التخدير

محمود / فكرى بشخص انتى بتحبية او لحظة حلوة كانت فى حياتك

قمر بتغمض عنيها وبتشوف عمار وهو كان شيلها وبيلف بيها فى الاوضة بتاعتهم وكانو بيضحكو اوى ومبسوطين وبتبدا العملية

.

      **********************************

.             

عمار فى اوضته متعصب ومدايق اوى ومستني  ان قمر هتتصل تانى و فقد الامل انها تتصل وبيتعصب اوى وبيضرب التلفون وبيكسرو

عمار / ماشى يا قمر عايزة تخرجى من حياتى انا هخرجك من حياتى

عمار بيطلع كل هدوم قمر من الدولاب وبيحطها فى شنطة كبيرة وكل الاكسسورات بتاعتها وبيروح يحطهم فى البدرون بتاع الفيلا وهو متعصب اوى وبيرجع على الاوضة وبينهج اوى وبيروح يقاعد على السرير وبيبص على المخدة بتاعتها وبيتخيل انها نايمة وبتضحكلو وبيحط ايدو على راسو

.

      **********************************

.             

قمر لسة فى العملية ومر عليهم اربع ساعات ولسة العملية مخلصتش و اياد بيعمل الى يقدر علية والحمد لله استاصل الورم بس للاسف الجهاز بيدي اشارة ان نبضات القلب بتضعف وبيحولو معها بكل الطرق

.

      **********************************

.             

 عمار فى الاوضة وبيحس انو مخنوق اوى وبيروح على الشباك بتاع الاوضة وفى مطر وبيزيد ودة مخوفو اوى وبيحاول يقفل الشباك ومن قوة الهوى مش عارف وفى برق شديد ورعد و عمار بيقفل الشباك والستاير وقلبو بينبض بسرعة جدا

.

      **********************************

.
           

 قمر فى  العمليات و اياد بيضربها بالصدمات الكهربائية

.

      **********************************

.
         

و عمار تعبان اوى وحاسس ان روحو بتروح منو وبيدخل علية عادل وبيشوفو شكلو تعبان وبيجرى علية وبيسندو وبينيمو على السرير و عمار مخنوق و عادل مش عارف يعمل اية ولا عارف اخوة فية اية

.

      **********************************

.             

قمر قلبها بيقف

محمود / اياد خلاص اعلن ساعة الوفاة

اياد بيبعد محمود عنو بعنف وبيضرب بايدو على صدر قمر بقوة

اياد / لازم تعيشى لازم تعيشى

وفعلا النبض بدا يظهر على الشاشة وكل الى فى الاوضة مستغربين والكل رجع للعملية ولاسعفها بسرعة ومحمود بيطبطب على كتف اياد علشان اياد بان علية التعب والقلق

.
      **********************************

.             

عادل قاعد جمب عمار و عمار بدا يهدى وبينام

.

      **********************************

.             

وبتخلص العملية وبينقلو قمر على  العناية المركزة

محمود / مبروووك يا دكتور كان يوم صعب اوى

اياد بيبتسم وبيروح وري قمر على العناية وبيقف مع الممرضات وهم بيدخلوها  العناية وبيطمن عليها ان كل الاجهزة شغالة وبيفضل بيتابعها بنفسو

.
      **********************************

.             

 فى الليل

 محمود بيروح لاياد الاوضة و اياد مش موجود فى الاوضة وبيدور علية بيشوفو قاعد جمب قمر فى الاوضة وبيخبطلو على الازاز و اياد بيشاورلو انو خارج وبيخرجلو

محمود / انت لسة هنا مروحتش ترتاح لية انت بقالك يومين منمتش ولا رحت على بيتك حتى

اياد / مش هعرف ارتاح الا لما اطمن عليها

محمود / اياد انا مكنتش عاوز اكلمك فى الموضوع دة بس الى انا شيفو دة بيخلينى مش قادر اسكت الى بتعملو دة غلط

اياد / الى بعملو بعمل اية لما بهتم بالمرضي بتوعى شوية يبقي غلط

محمود / لا لما تهتم بمريضة واحدة وتسيب كل حاجة وكمان بتنسى انك تاكل حتى وبتفضل مراقبها اربعة وعشرين ساعة فى اليوم دة الى غلط اوعة يكون تشبه الحالة للمرحومة ندى يكون

اياد / محمود انت عديت حدودك اوعة تنسى انى مديرك فى الشغل وصاحب المستشفى وياريت تلزم حدودك

محمود / دى اول مرة تكلمنى بالاسلوب دة ماشى يا دكتور اياد انا اسف انى عديت حدودى تانى مرة مش هكرر الحكاية دى

ومحمود بيمشى و اياد بيمسك ايدو

اياد / اسف

محمود / يا اياد انا

اياد / لو سمحت مش عاوز اتكلم فى الموضوع دة

محمود / الوقت اتاخر لازم امشى تصبح على خير

ومحمود مشى و اياد واقف بيبص على قمر من الازاز

.
      **********************************

.             

فى الصباح

 الكل قاعد بيفطر على السفرة وبيتفجاو ان عمار لبس ومتشيك اوى ونازل ومعاة الشنطة بتعتو

عمار / صباح الخير

فاتن / صباح الخير يا حبيبى تعالة يلا علشان تفطر

عمار بيتعامل عادى وبيروح ياخد جبنة من طبق مي وهى قاعدة وبيقرصها من خدها وبيبتسملها والكل بيبص علية

عمار / لا يا ماما انا هاكل اى حاجة فى المكتب عندى شغل كتير سلام

فؤاد / عمار

عمار / نعم يابابا

فؤاد / انت كويس

عمار /فى اية اة كويس

فؤاد / متاكد

عمار / اكيييد هههة سلام هتاخر

والكل بيبصو لبعض ومش عرفين فى ايه وبيخرج عمار بيروح على عربيتو وبيقاعد فيها وبتختفى الابتسامة الى كانت مرسومة على وشه وبيبص جمبو وبيتخيل قمر قاعدة

 وبيغمض عيونو وبيفتحه وبيشغل العربية وبيمشى

.

      **********************************

.           

 بيروح على الشركة وبيشتغل بكل نشاط وحيوية وطول النهار فى الشغل ومش فاضى ولا دقيقة وكل الموظفين مستغربين منو اوى وبيفضل يشتغل لحد الليل وكل

 الموظفين بيمشو وبيفضل هو   وبيغمض عيونو وبينام على الكرسى بتاعو وبيحلم انو نايم على الكرسى والباب بيخبط

عمار /ادخل

وبتدخل قمر

عمار /قمر انتى

قمر /اسفة انا كنت غلطانة معرفتش اعيش من غيرك ولا دقيقة ارجوج سامحنى انا بحبك

و عمار بيفتحلها دراعو و قمر بتجرى علية وبتترمى فى حضنو وبتعيط و عمار بيحضنها اوى

عمار /حببتى وحشتينى مش هنبعد تانى عن بعض ابدا ابدا

 وبيبسها بوسة طويلة من شفايفها و عمار بيفوق من حلمو دة وبيدايق وبيخبط بايدو كل حاجة على المكتب وبيرمى الاوراق على الارض وبياخد حجاتو وبيخرج

.

      **********************************

.
           

فى المستشفى

 اياد فى مكتبو والممرضة بتجرى علية ومش قادرة تاخد نفسها

الممرضة / دكتور الحق بسرعة المريضة الى فى العناية

اياد جرى بسرعة على العناية وبيشوف الاجهزة الى حولين قمر ومتعصب اوى

اياد / وانتو كنتو فين

الممرضة / يادكتور انا كنت فى الحمام لما رجعت لقيت الجهاز  بيرن وجريت انادى حضرتك

اياد / اعتبرى نفسك مرفودة من هنا علشان تبقي تروحى الحمام برحتك يلا برة برة

اياد بيروح عند قمر وبيملس على شعرها بحنية

اياد / انتى هتعيشى يلا لازم تقومى لازم

.

      **********************************

.
           

اياد فضل جمبها للصبح ومحمود بيدخل علية

محمود / اياد اية الاخبار

اياد / الى كنا خايفين منو حصل دخلت فى غيبوبة والله اعلم هتفوق امتى منها

محمود بيروح بيفتح عنيها وبيقيس النبض بتعها

محمود / انت عارف نهايتها اية

اياد عيونو مع قمر

.
                         

      **********************************

.

 محمود بيخرج من الاوضة وبيبص على محمود من الازاز ومدايق علشانو اوى ومحمود بيروح يشوف ورق مهم من مكتب اياد وبيشوف موبيل اياد بيرن وبيروح يشوف مين وبتكون ولدت اياد

محمود / الو اهلا يا ماما عملة اية والبنوتة الصغنونة عملة اية

منيرة  / اهلا ياابنى عامل اية

محمود / احنا الحمد لله بخير

منيرة / مش عاوز تيجى علشان اقرالك الفنجان زى زمان ولا ان خايف انى اعرف اسرارك

محمود / ههههة ياروحى انتى انا مقدرش اخبى عنك اى حاجة انا مش طالع زى ابنك كاتم الاسرار

منيرة / اياد انا خايفة علية اوى يا ابنى مش بنشوفو ولا انا ولا بنتو حتى لما بيجى بيوصل باليل وبيمشى الصبح والبنت كل يوم بتسال علية

محمود / معلش يا ماما بس عندنا شغل اليومين دول

منيرة / هو صحبك من زمان وانت عرفو كويس بس خلية يجى يشوف بنتو وامو ولا هو خلاص مش عاوز يشفنى

محمود / حاضر يا ماما انا هقرصلك ودانو حاضر

ومحمود بيقفل التليفون مع ولدت اياد واخد الاوراق وخرج

وردة ✍️