رواية صراع بين الحب و الثأر الحلقة 13

.
💘   الحلقة    ١٣   💘

.

💘💘💘💘💘💘💘💘💘💘💘💘💘💘💘💘

.
فى الليل

 عمار بيرجع

فؤاد / قررت هتعملو فى الجنينة

عمار / اة الجنينة كبيرة وهتكون مناسبة

فاتن / هتعملو اية

عمار / قررت انا و قمر نعمل فرحنا من جديد

فاتن / ونسيتو مراد خلاص

فؤاد/ فاتن مفيش حد هينسي مراد بس الولاد لازم يفرحو خليهم يفرحو شوية

وفاتن بتعيط

فاتن / متعملوش حسابى

قمر بتكون وقفة على السلم وبتسمعهم وفاتن بتعيط وبتروح على اوضتها وبتبص على صورة مراد

عمار بيروح لقمر

عمار / قمر انا مش عوزك تدايقى انتى

قمر / ولدتك عندها حق احنا استعجلنا شوية ومفكرناش فى مشاعرها

عمار / اسف

قمر / المهم اننا مع بعض

.
      **********************************

.         

قمر بتروح على اوضتها وبتسمع فاتن بتعيط وبتروحلها الاوضة بتاعتها وبتخبط

فاتن / ادخل

قمر بتدخل وفاتن بتشفها بتمسح دموعها بسرعة

فاتن / عوزة اية

قمر / انا جاية اتاسف لحضرتك انى فكرت فى نفسى وبس فكرت انى عوزة اكون زى باقى البنات والبس الفستان الابيض الى بتحلم بية كل بنت بس للاسف انا فكرت فى نفسى وبس مفكرتش فى مشاعرك اسفة

وفاتن بتبصلها اوى و قمر بتعيط وبتروح على اوضتها وفاتن مش عرفة تعمل اية وبتفكر وبتروح اوضة  قمر و قمر قاعدة على السرير ومسكة المجلات فى اديها وبتدخل فاتن

فاتن / انا عرفة انك ملكيش ذمب فى كل الى بيحصل دة بس انا كل لما بفتكر ان عيلتك هى الى حرمتنى من ابنى بحس بالحقد والكرة عليكى

قمر / وانا مقدرة الى حضرتك بتقولية دة كلو بس انا و عمار  عوزين نبدا مع بعض بداية جديدة بداية من غير دم

فاتن / بتحبية

قمر بتبص فى الارض

قمر / اوى

وفاتن بتروح تمسك المجلات

فاتن / انهى واحد الى عجبك فيهم

قمر بتشاور على فستان جميل ابيض

فاتن / جهزى نفسك علشان نروح نشوفو انا عرفة المصمم دة جدا يلا

قمر / يعنى

فاتن / يلا علشان فى حاجات كتير لازم تخلص

قمر بتروح تحضن فاتن اوى وفاتن بتروح تغير هدومها وبتاخد قمر وبينزلو

.
      **********************************

.           

عمار / فى اية

فاتن / ملكش دعوة انت يلا علشان توصلنا

عمار / هتروحو فين

قمر / شايفة يا ماما بيتدخل فى كل حاجة ازاى

عمار / ماما 🙄

فاتن / اة انا امها فى حاجة يلا بقي بطل رغى

عمار مش فاهم حاجة وفاتن بتاخد قمر وبيروحو يركبو العربية وبيقولو لعمار على المكان وبيروحو

.
      **********************************

.           

عمار / ماما يعنى انتى

فاتن / انا مليش غيرك انت و  عادل و مي ودلوقتى قمر كمان بنتى ربنا يسعدكو واكيد مراد هيكون مبسوط دلوقتى

عمار لسة هيدخل معاهم

فاتن / لا انت هتفضل هنا مينفعش تدخل معانا يلا يا قمر

قمر بتشاور لعمار و قمر مبسوطة اوى وبيروحو يشوفو الفستان وبيظبطوة عليها و عمار مستني فى العربية و قمر وفاتن بيرجعو و عمار معاة بوكية ورد بيدية لقمر اول ما بتدخل العربية

قمر / الله جميل اوى

فاتن / يارب يسعدكو

عمار كان جايب بوكية ورد كمان ومخبية وبيطلعة لولدتو

عمار /اتفضلى يا ست الحبايب

وفاتن بتحضنو ومبسوطة وبتحضن قمر

فاتن / ربنا يسعدكو انتو الاتنين

 قمر و عمار بيبصو لبعض اوى

فاتن / يلا خلونا نروح على الفيلا بكرة الصبح فى شغل كتير مفيش قدمنا غير يوم واحد بس يلا

عمار بيخدهم على الفيلا وفاتن بتنزل هى و قمر و عمار بيمسك قمر من اديها وبيوقفها

عمار / قوليلى عملتى اية فى ماما

قمر /مش قمر الى عملت حبنا الى عمل كل حاجة

فاتن / قمر قمر يلا لازم تنامى بدرى

قمر بتسيب عمار وبتجرى على فاتن وبيدخلو مع بعض
و عمار فى قمة السعادة

.
      **********************************

.
         

فى الصباح

 قمر بتفتح عنيها على خبط واصوات كتير وبتجرى بتبص من الشباك بتشوف فاتن وقفة فى الجنينة وبتظبط مع العمال و  بتبتسم اوى و عمار بيدخل وبيشفها وقفة فى الشباك بيروح عليها وبيحضنها و قمر بتتخض

قمر / عمار

عمار / يا عيون عمار يا قلب عمار

قمر / انا حاسة ان السعادة دى كتير عليا اوى

عمار بيبص فى عيونها

عمار / لو اطول اجبلك حتة من القمر مش كتير عليكى

قمر بتحضنو وبتحط خدها على صدرو و مي بتدخل

مي /اية الدلع دة يلا يلا

عمار / عوزة اية مش تسبينى انا ومراتى نتكلم لوحدنا شوية

مي / مراتك لا لسة بكرة يلا يلا برة برة

مي بتخرج عمار برة و قمر بتضحك هى و مي

مي /يلا البسى بسرعة علشان تعملى بروفا على الفستان

قمر / دلوقتى

مي / انتى لسة وقفة البسى بسرعة

قمر بتروح تلبس بسرعة

.

      **********************************

.
         

فى الصعيد

حسن /هيتجوزو تانى

نادية / اة المهم ان اختك تكون مبسوطة وقلبى بيقولى انها مبسوطة

حسن / مبسوطة ماشى انا هتصرف

احمد / حسن

حسن /نعم يا بابا

احمد / حسن احنا هنسافر بكرة الصبح لو عاوز تيجى معانا اهلا و لو مش عاوز يبقي برحتك

حسن ادايق اوى وبيخرج برة

نادية /شكلو مش ناوى يعديها على خير

احمد / جهزى نفسك بكرة الصبح هنسافر على القاهرة

.
      **********************************

.           

فى القاهرة

  اسيل وقفة قدم المستشفى وبتعيط اوى ومسكة ورقة فى اديها وبتبصلها وبتعيط وبطلع الموبيل وبتتصل بمي و مي بتشوف نمرتها و قمر وقفة بتعمل بروفا على الفستان

قمر / مي مي اية رايك كدة

مي / اة ماشى ثوانى وجاية

مي بتخرج برة وبترد عليها

مي / الو اسيل

اسيل / مي انا محتجاكى اوى

مي / اسيل انا مقدرش دلوقتى اصل

اسيل / لو انتى فى اى مكان هجيلك عوزة اتكلم معاكى

مي / اسيل لو سمحتى ياريت تنسى عمار خالص عمار مبسوط بحياتو

اسيل / اية الى بتقولية دة عمار حياتو معايا انا

مي / اسيل عمار و قمر هيتجوزو من جديد وهيعملو فرح وبكرة هيكون اول يوم مع بعض فى حياتهم الجديدة لو سمحتى كفاية بقي

مي قفلت  التلفون وراحت لقمر وبتظبط معاها الفستان

قمر / مي فى حاجة انتى شكلك زعلانة

مي / انا لا مفيش عادى

.
      **********************************

.           

فى الليل

 الكل بيتعشى مع بعض

عادل / ها يا عريس البدلة جاهزة

عمار / من زمان جدا

مي / انا اول مرة اشوف اتنين متجوزين يتجوزو

قمر / علشان احنا مش زى اى حد

فاتن / يلا علشان تنامو بدرى علشان وشكو يكون مرتاح

عمار بيخبط قمر فى رجليها

قمر / فى اية

عمار / قبلينى فى الجنينة كمان نص ساعة

قمر بتضحك

قمر /مجنون

عمار / انا شبعت هطلع انام

عمار طلع على اوضته

.
      **********************************

.
         

  قمر بعد شوية من غير ما حد يحس بتروح على الجنينة
وبتستني عمار فى الجنينة و عمار بينزلها الجنينة وبيقطف وردة

عمار / بحبك

قمر بتبص ورها وبتشوفو واقف وماسك وردة

قمر / انت غيرتلى كل حياتى

عمار / انتى حياتى

عمار بيقرب منها

قمر / عمار هتعمل اية

عمار / وحشتينى مشفتكيش النهاردة خالص اعمل اية

قمر / ناقص بكرة بس وبعد كدة مش هسيبك ابدا اعمل حسابك على كدة ماشى

عمار  موبيلو بيرن

قمر / مين

عمار /حد مش مهم خليكى معايا انا

والموبيل بيفضل يرن كتير

قمر / شوف مين الى بيرن احسن تكون حاجة مهمة

عمار مشى بعيد

عمار / اسيل فى اية تانى

اسيل / عمار ارجوك عوزة اتكلم معاك فى حاجة مهمة لازم تعرفها

عمار / مش عاوز اعرف اى حاجة وقولتلك انسينى بقي وابعدى عنى

عمار بيقفل التلفون وبيبص على قمر بتكون قريبة منو

قمر / مين

عمار / دى ماري كان فى مشكلة فى الشغل

قمر مشيت و عمار بيروح عليها وبيمسك اديها

عمار / قمر استنى

قمر / انا اكتر حاجة ممكن توجعنى انك تكدب عليا

عمار / دى كانت اسيل وانا قولتلها اكتر من مرة ان الى بنا خلاص بس

قمر / عمار انا ثقتى فيك ملهاش حدود بس ارجوك متكدبش عليا اكتر حاجة ممكن توجعنى انك تكدب عليا

عمار بيحضنها اوى

عمار / انا بوعدك ان عمرى ما هكدب عليكى او هخدعك فى يوم

فاتن / انا كنت متاكدة انكو هنا

قمر اتكسفت اوى

قمر / اصل عمار كان عاوز يقولى حاجة مهمة

فاتن / وهى اية الحاجة المهمة

قمر بتضحك وبتبعد وشها و عمار مش عارف يقول اية

عمار /انا كنت عاوز اقولها اقولها تصبحى على خير

قمر بتضحك بصوت عالى

فاتن / طب يلا على النوم فى بكرة يوم طويل

قمر و عمار راحو على اوضهم و عمار واقف هو و قمر قدم  الاوض

عمار / انا مش مصدق ان فاضل كام ساعة بس

قمر / انا كام ساعة بس وهكون معاك ومش هسيبك ابدا

عمار / بحبك

قمر بتبصلو اوى

عمار / عاوز اسمعها منك

قمر / بكرة تصبح على خير

قمر بتجرى على اوضتها بسرعة ومكسوفة اوى و فرحانة جدا

.
      **********************************

.

يوم الفرح قمر فى اوضتها ووقفة فى الشباك و مي بتدخل

مي / قمر انتى لسة وقفة لازم تجهزى نفسك

قمر / بابا وماما اتاخرو اوى

مي / بابا كان بيكلم عمو احمد وقال انو فى الطريق

وسارة بتخبط علي الباب وبتدخل ومعاها الفستان بتاع قمر

سارة /الفستان جاهز

قمر / خلية هنا مش هلبس الا لما بابا وماما و سندس يوصلو

سندس / انا وصلت

قمر بتجرى عليها وبتحضنها اوى

سندس / مبروك يا قمر مبرووك يا حببتى

مي / يلا بقي كدة هنتاخر على العريس

قمر بتلبس و مي و سندس معاها و نادية واحمد تحت مع الناس و عمار و عادل ومعاه واحد زميل عمار من الكلية اسمو خالد

واسيل في طريقها للفيلا

وردة ✍️