وصال الجزء السابع

#وصال7
بمجرد وصوله لباب الشقه هم بالطرق ليجده مفتوحا ،توجس خيفة ودخل بحذر ،اتجه نحو صوتها المكتوم وكان المشهد..
فرحه جالسة علي حافة السرير تحتضن الاء بجوارها وتمسح علي رأسها برفق بينما الاء كانت ما بين اليقظة والنوم..
- ايه اللي حصل ؟
=اميير الحمدلله انك جيت انا..  انا كنت هموت م الخضه و الاء.. الاء فجأة كده تعبت واغمي عليها معرفناش نفوقها وماما نزلت تجيبلها دوا من الصيدليه اول م فاقت ع طول
-دي واحده مغمي عليها دوا ايه اللي هتجبهولها م الصيدليه ؟
=م هي فاقت في النص كده وقالت لماما علي اسم بخاخه تجيبهالها م الصيدليه عشان عندها ضيق في التنفس
-ده انا اللي هيجيني ضيق في التنفسسس ،وامك طبعا نزلت وسابتكم وحدكم
=اومال تسيبها في خطر كده لحد م تقطع النفس خالص
-لا ازاااي تقطعيلي انا خلفي وجايباني علي ملا وشي عشان اجي الاقيها في حضنك نايمه،دااانا كامييير معملتهاش يا شيخه
=اميير مش وقت هزارك دلوقت والبنت تعبانه
-تعبانه اه ،طب وسعي كده وناوليني الميه اللي جمبك دي
تناول امير كوب الماء وسكب علي يده حتي امتلأ كفه ثم دفع المياه ناحية وجه الاء لتشهق مرة واحده..
-بيبببي لولااااا حبيبتي الف سلامه يا بنت عماااي
=انت لو قاصد تغرقني مش هتعمل كده
- مضطر طيب واهو الحمدلله فوقتي اهو
انا جيت اهو يا بنات البخاخه.. امير!!  تيه جابك يابني دلوقت ؟
= جيت عشان انقذ فرحه علي اخر لحظه
-فرحه!!!
=اا اقصد الاء يعني
-هي فاقت طب كويس الحمد والشكر ليك يا رب دنا كنت شايله الهم اصل الدكتور قالي مفيش هنا البخاخه دي
نظر امير ل الاء وهو يتمتم في سره.. -بقي بتوزيع الوليه عشان تستفردي بالبنيه عال عال شغل عالي والله عيب عليا بتفكر احسن مني
= تعبتكم يا طنط معلش تلاقيها مش موجوده غير بره مصر
-ولا يهمك يا بنتي المهم انك كويسه دلوقت
=احسن الحمدلله
سكت الجميع وتنحنحت فرحه مرارا وتكرارا ثم نظرت لأمير ..
-ايه في ايه ؟
=احم آلاء بقت كويسه
-وافرض
=اكيد محتاجه تنام وتستريح يعني
-اهاا افتكر.. ايييه لااااااء
=آيه اللي لا ؟
-اقصد يعني.. مينفعش... اه لأحسن تتعب تاني ولا حاجه الأفضل اخدها معايا
=لا انا حابه ابات هنا مع فرحه انا بقيت كويسه خلاص
-لاااا تباتي مع فرحه إيه بس لا يمكن انتي أمانه وعمي مأمني عليكي وانا استحاااله أخون الأمانه افرض تعبتي وانا مش هنا قومي قوومي
=بس..
-م بسش يلا بسرعه
=م تخليها يا امير تبـ
-انتي تسكتي خااالص صحيح اللي ميعرفش يقول عدس
=عدس!
تحركت آلاء مع امير وعادا للمنزل وأمير طوال الطريق ينظر إليها بطرف عينيه متمتما في نفسه..
-وانا اللي فاكرك فاكرك اتاريك اتاريك

اطمأن امير على وصال في غرفتها ثم ذهب لغرفته وألقى بجسده على الفراش من شدة التعب فقد كان يوما عصيبا ،امسك بهاتفه وبعث لفرحه برسالة..
أضاء هاتفها سرعان ما أمسكته لترى الرساله وكأنها تعلم من صاحبهاحتي قرأتها واتسعت عيناها..
"لا بس البيجامه كانت هتاكل حته منك ،رسمة سبونج بوب دي ولا ايه "
أمسكت الهاتف وبتوتر ظهر في حروفها بعثت له بأخرى..
"انت مستغل للظروف كنت خبط قبل م تدخل يا باشمهندس يا محترم "
"انتو اللي سايبينه مفتوح الله ، يا ريت يبقى كده دايما عشان لما توحشيني بس اجي اشقر عليكي وامشي "
"احترم نفسسك"
"بحاول ولا يكلف الله نفسا إلا وسعها "
"تصبح علي خير "
"وانتي من أهلي ❤"

وضعت الهاتف على قلبها وغطت في نوم عميق...

"يقول نجم : بعض الحروف تمر عليها بعينيك مرور الكرام وأخرى تقرأها بروحك ويتجرعها قلبك كأسا من الخمر صافيا ان كانت ممن نهوى ليثمل النبض وتتلعثم الدقات"
...
-بقولك ايه يا امير يا غالي
=غالي هاه
-اومااال طبعا ولا في غيرك في بالي
=انطق يا عبده عايز ايه ؟
-عايزك طيب يا صحب
=اللي بعده
- بتشتغل فين!
=طب م تقول كده م الصبح ، في مدرسه خاصه كانت مع فرحه
-اوعي تكون مدرسه وصال
=بالظبط
-حبيب قلبي والله ،مش دي اللي مديرتها معرفه وكده
=اه يا عبده
- لااا من هنا ورايح..  مستررر عبده
...
-وصال فوق يا ام علي ؟
=ايوه يا مس اتفضلي علي طول
-طيب عن اذنك
...
=واادي المديره طلعت ذوق ومتكلمتش اهي يا رب بس ترفع راسنا
-عييب علييك
=الا صحيح كنت عايز أسألك ع حوار كده
-خير
=هو صاحبك رشاد كان فعلا بيحب..
-بااااس متفكرنييش
=يبقي كلام عم مدبولي عن الاء صحيييح
- علي يدي ،ده الواد من ساعتها لا حب ولا ارتبط لحد الان انعقد من صنف الحريم كلله
=انا لو مكانه ازهد في الجواز خاالص بعد اللي حصلي ده
ضحكا الاثنان وخرجا من المكتب لينادي امير علي ام علي..
-اومال فرحه مجتش لحد الان ولا ايه ؟
=لا يا ابني جت وطلعت من شويه للست الصغيره
-طيب هاتي قزازة الميه انا طالع كده كده
=م اخدتها الست الاء قالتلي انها هتوديها بنفسها للست فرحه
-اييييه االاااء!!
نظر امير إلى عبد الرحمن ليفهم الاخر نظراته ويصيح الاثنان في نفس واحد..
-فرررحه!!
=فرررحه!!
.....
-وبس يا ستي ودلوقت انا دلوعة دادي معندوش غيري
=انا كمان وحيدة بس دلوعة مامي بقي
ضحكا الاثنان ،مدت فرحه يدها لتعدل دبوسها لكن سرعان ما ارجعتها مجددا يبدو وكأنها جرحت..
-ايه مالك؟
= بعدل الدبوس شكني
-بسيطه بسيطه زمان بابا كنت لما اتعور وانا بلعب يجي ينفخلي ع الجرح ويبوسه ويقلي خلاص كده خف
=ربنا يخلهولك يا رب
-ايدك بقي
=خلاص مش محتاجه دي مجرد شكه
-ولو هتخف ع طول ثقي فيا
ابتسمت فرحه واعطت كفها ل الاء لتهم الاء بتقبيل موضع الجرح حتي فتح الباب فجأة وبعنف ،كان امير وخلفه عبد الرحمن وكأن المشهد اصاب امير بتجمد في اعصابه..
وضع امير يده علي قلبه وتراجع خطوتان الي الوراء متظاهرا بالصدمه..
-قلبي اااه مش مصدق اللي انا شايفاه بعنيا الجوز ،شرفاااااي
=امير ايه الدخله دي خضتني ياخي
-خضيتك يا كوكووو كنتي مستنيه ادخلك بايه يا ست الاء اتنين لمون وزهور الاقحوان
=ايه اللي بتقوله ده يا امير بتكلمها ليه كده ؟
-انتي تخرسي خااالص يا بت انتي كلله منك ،الاقيها م الرجاله ولا م الستات يا ربي ولا اقفل عليها البدروم ولا اعمل ايه
=انا مش فاهمه حاجه
تدخل عبد الرحمن في الامر متداركا الموقف وازاح امير ليدخل هو..
-متاخديش علي امير يا فرحه الظاهر انه لسه مفطرش ومهيس خالص المهممم يعني كنت عايزك في كلمتين علي انفراد
نظر امير الي عبد الرحمن وتطاير الشرر من عينيه فغمز له عبد الرحمن كي يفهم..
-نعم يا روح امك انفراااد جبتك يا عبد المعين ت.. بطل تغمزل.. اااه احم اه هو كان عايزك في كلمتين فعلا بس مش علي انفراد
=خلاص ماشي اتفضل قدامي وانا نازله
-لااااء قدامي انتي وهو
...
-وده كل اللي عاوزه منك مش اكتر يا فرحه
=اها ،طيب بما ان غرضك شريف معتقدش حنان هيبقي عندها مشاكل لكن فضلا متحاولش تعمل اي حاجه عكس اللي قولتهالي
-اطلاقا والله
=خلاص اللي فيه الخير يقدمه ربنا ،استأذن انا عشان اكمل الدرس الوصال
قفز امير من امام المكتب ليعترض طريقها فاتحا ذراعيه علي اوجهما..
-لااااااء فوق لاااء عاي جثتي
=طب استأذن انا ي جماعه وكملوا انتو
ولي عبد الرحمن ساقيه للريح تاركا امير وحده لاستفهامات فرحه..
-واطي يا مان
=هو في ايه يا امير ؟!
-هاه.. اصل.. يعني.. مش هتفهمي.. او هتفهمي.. لا مش عايزك ت..
=اميييير
-هاه
=اتكلم
-منا جايلك في الكلام اهو بصي..  انا.. اه عايز اكتب الكتاب ايووه هو ده لازم اكتب الكتاب وفي اسرع وقت كمان
=ليه لازم ؟ احنا اتكلمنا في الموضوع ده و..
-ليه لازم!!!!!
سار امير ناحيتها ببطء شديد وتغيرت ملامح وجهه للهدوء التام الممتزج بالغموض لتتراجع للوراء خطوة بخطوه وتعلو وجهها علامات التوتر..
= انتي فعلا حابه تعرفي ليه لازم
- لل لا مشش مش ضروري خلاص
=بس انا حاسس انك لازمك اجابه
- اطلاقا يعني.. هو بس
تعرقلت فرحه في مقدمة المكتب خلفها كادت ان تسقط لتستقر بين يديه..
-هوب هوووب هووب ،اهو عشان اللحظات دي بالذااااات لازمنا كتب كتاب مينفعش تمر علينا مرور الكرام كده لازم نـ..
=احتررررم نفسسسك
-انا من سعة م عرفتك وانتي بتقوليلي الكلمه دي انا هسميكي 'فرحة احترم نفسك'
=عشان.. عشان.. انت مش معقول كده يعني
-بقولك ايه خلصت كده انتي تكلمي مامتك قوليلها كتب الكتاب بكره
رفعت حاجبيها.. =نععععم
-رفعه تاني وهقولك الفرح بعده
...
-مساء الانوار
=مساء ال.. انننننت!!!
-لا من فضلك صوتك ميعلاش علي زميل ليكي هنا
=زميل ايه يابا انت هتستهبط انت متخرج امبارح يدوب
-واتعينت انهارده بطلوا حقد بقي
=انااا احقد عليك انننت
-ايوووه اكمني حليوه وعنيا ملونه وومدرس قد الدنيااا
= نايتي
-نعم
=اللي عنيهم ملونه دول بحسهم نااايتي
-اااه طب بلاش تعيبي بس علي حد ليطلع من نصيبك
=ده عند امه يا ادهم
-عبد الرحمن مش ادهم
=ده باينه هيبقي مرار طافح في الشغل
-اومال لو عرفت انه علي طول كمان
=ايه
-ايه
....
- بقولك ارمي الكوره مش انفيها في مجره اخري
=سووووري يا الاااء
-ياا روحي خلاص هجيبها انا ثواني
اخذت تبحث الاء عن الكرة حتي جاءها الصوت خلفها..
=مش هي دي اللي بتدوري عليها ؟
-اهاا متشكره جداا
=عفوا جدا ،انتي هنا ساكنه جديد ؟
- نو انا بس طول الوقت بره البلاد فمش بتشوفني كتير هنا
=ولحسن الحظ اني شوفتك المره دي
- مش فاهمه
=ولا حاجه،اشكريلي وصال علي رمية الكوره دي عن اذنك
-اوكيه..
ثواني هو عرف ازاي وصال ؟!
....
كان امير يجلس علي احد المقاعد ينتظر الاء ان تدخل في اي لحظه ،اضاءة خافته واجواء هادئة حتي دخلت تدندن وتحمل معها كرة صغيره...
-استنننني عندك!!
=اووو ماااي جاااد ،انت بتعمل ايه في الضلمه دي خضتني
-هاهااهاا ولسه الخضه الحقيقيه في السكه
=امير دارلنج انت كويس؟
- احسسن مننننك
=اوكيه دايما يا رب
-انتي تعرفي ربنا انتي
=ايه
- شيبسي وكراتيه متلفييش وتدوري بقولك
=لاااا دانت مش طبيعي
-انا طبيعي قوي انا طبيعي خااالص انتي اللي.. اللي الللللي هاااه هاااه اوعي تنكري
=مش فاضيه للجنان ده انا تصبح علي خير
همت الاء بالانصراااف وولت امير ظهرها حتي جاءها صوته خلفها..
-كتب كتابي انا وفرحه بكرره
توقفت لثوان ثم استدارت اطلقت العنان ليدها لتسقط الكرة ارضا..
-مفاجأة مش كده!!
= ...
- فرحه بتحبني وانا بحبها وبتاعتي بتاااعتي بتاعتي ومش هسيبها لاااي راجل ياخدها مني... او يعني.. ست ،ايه اللي بقوله ده يع... ولااا اييه ولا ست ،سامعاني
=مبروك
تركته وصعدت غرفتها دون ان تنتظر اي رد..
-ايوه ايوه اطلعي اسمعي وائل جسار اعذريني يوم زفافك
،استغفر الله العظيم يا رب اللي يعيش ياما يشوف ،
مش هخليها تعكر مراحي انا عريس انا ايييه عرييس
ويا ولاد بلدنا يووم الخميس هكتب كتاابي وابقي عريس يا اولاد بلدنا..

...
- ها يا عريس بتبصم ولا تمضي؟
=ايه ياد الخفه دي ناولني القلم يا سيدنا
-فرحه فكرررري
=هتغابي عليك يا عبده انا عامل حساب ل عم مدبولي بس
-واهون عليك يا قلبي
=لا مش كده يا عبده ،ايه قلبك دي
-الله العروسه بتغير من اولها ولا ايه
=امضي يا عروسه
-هاه
نظر اليها امير برعب يجتاح عينيه..
=لا بقولك ايه المشهد ده انا شوفته قبل كده تيجي العروسه تمضي فيدخل واحد ويقول..
لم ينهي امير جملته حتي جاءهم الصوت من خلفهم جميعا
-استني يا عم الشيييخ !!!!

يتبع