وصال الجزء العاشر و الاخير

وصال10
خرج الطبيب يحمل الرضيع بين كفيه فتهللت اسارير امير ومن حوله واقبل يهرول ناحية الطبيب..
مد الطبيب يده الي امير مناولا اياه الرضيع تناول امير الطفل ولكنه ما ان راي وجه الطبيب حتي اختفت ابتسامته..
وضع الطبيب يده علي كتف امير وخرج عن صمته اخيرا..

- البقيه في حياتك! 
....
=اميرر يا اميييير فووق بقي يا امييييييير
-ايه اييه انا فين ؟ فرحه.. فرحه ماتت فرحه حبيبت..
=حالا موتني خلاص عقلك الباطن بيفصح عن احلامك واللي بتتمناه اهو واض..

كان ينظر لها ببلاهه والدموع تحجرت في عينيه لا يعلم هل يبكيها في حلمه ام يبكي نفسه لمجرد شعوره بفقدانها في حلم افتراضي وقع علي نفسه موقع الجمر علي الوريد..
احتضنها ودفن رأسه بها كطفل تائه وجد ضالته بين ذراعي امه ،تفاجئت به ولكنها آثرت ان تجاريه علي ان تطلق العنان لفضولها ، ضمته إليها واغلقت ذراعيها في صمت..
مرت الثوان فقطع الصمت صوتها..
=انت كويس ؟!
-حلمت حلم وحش
=متحكهوش خلاص استعذ بالله وقوم اغسل وشك واتوضي وتعالي حضرتلك الاكل
-حمزه فين؟!
=مع وصال في اوضتهم
-هو كويس ؟!
=اه كو.. هو في ايه ؟!
-ولا حاجه
=طيب يلا ناكل
-ايه ده انتي مش هتصري تعرفي مالي وكده
=منا..
-لااااا انتي من وقت م جه حمزه مبقيتيش تهتمي بياااا
=اهلااا
-بقيتي تصحي من النوم تشوفيه صحي ولا لسه ولو صاحي يفطر هو الاول ولما يفطر تغيرليه وان مندهتش عليكي تيجي بععععد م الباشا ينام خلاص
=خلصت!
-...
=طب ع فكره بقي انت اللي باشا قلبي وابني الاول والكبير ومحدش هياخد مكانك ابدا وحمزه بحبه عشان حته منك وشبهك زي وصال بالظبط
- انا بقول حمزه محتاج اخ كمان
=انا بقول الاكل هيبرد
-وده وقته
=حصلني لتحت
رحلت فرحه وارتمي امير علي الفراش يخبط جبهته بكفه متمتا.. -يا ويلي انا

"يقول نجم : قد تكون جنة الله علي ارضه هي ابتسامة احدهم او نظرة ما لكنها تعني كل الحياه او ربما.. عيناه "
...
-وبس يا ستي لولا م سكت وانتهت وصلت النكد من قبل م تبدأ
=شاطره والله انا لو مكانك مكنتش هعرف اتعامل خالص ياختي كبروا وبقيو يعرفوا ينكدوا مكانا اهو
-قولتها قبل كده يا حنان ولسه هقولها الرجاله دول اطفال كبار عايزين عنايه خاصه علي حبة اهتمام وشوية حاضر ونعم والدنيا تمشي
=وكتري حاضر ونعم دي عشان جينات سي السيد بتجري في دمهم والله
ضحكتا الفتاتان وهما يسترجعان كل منهما مواقفها مع زوجها وكيفية التعامل معه ورغم اختلاف المواقف الا ان كلتاهما اتفقا علي شيء واحد الاهتمام كلمة السر لاي باب موصود..
-فررررحه
=هقفل انا يا حنان معلش امير بينده
باشا قلبي اؤمر
- الله م انتي حلوه اهو اومال كنتي مطلعه عين اللي جابوني لطه في الخطوبه ؟!
=معلش يا روحي الشيء لزوم الشيء
-طب عايز منك شيء
= خير
- بكره نسافر شرم ال..
=امييييير!!
-قلبي يا رب
=انت عارف ان بكره الانترفيو بتاعي فبطل حركاتك ومؤمراتك دي لاني هروح يعني هروح
-  اخرة اللي يتجوز مدرسة فيزيا ،انتي ذكيه ليه كده ؟!
=تربيتك
-منا مربتش
=نععم
-متربتش اقصد متربتش
=متقولش كده ع نفسك انت امووور
- مفيش شغل يا فرحه انا عملت استخاره يا ستي ومش مرتاح
=انت هيجوزوك ايه اللي عملت استخاره ومش مرتاح دي
-هو كده ،بكره تروحي الشغل والمدير مشاعره تتحرك ولا زميل ياخد باله من ضحكتك فيحبك
=بتتكلم بجد انت!
-ايوه يا فرحه اخاف لحد ياخد باله من نفس التفاصيل اللي وقعتني في حبك فيحبك زيي وقولتلك للمره المليون مش عايز حد يحبك غيري

تنهدت فرحه بيأس واخرجت نفسها بهدوء تمالكت اعصابها وبهدوء تكلمت ..
=المهم انا بحب مين ومن دون الناس كلها اخترت مين ،سواء هنا ولا بره ولا حتي روحت لاخر العالم مكانك محدش هياخده انتي اميري وحبيبي وجوزي وابو عيالي ويا سيدي لو الشغل هيزعلك مني فيروح في داهيه ولا يهمك
-ده بجد ؟!
=جد جدا من امتي انا بكسرلك كلمه اهم حاجه عندي راحتك
-حيث كده بقي نسافر مع عبد الرحمن وعلاء وحنان والاء نقضي يومين كلنا كده في شرم بالعيال ايه رأيك
=نحضر الشنط!  ..نحضر الشنط
اولته ظهرها وتركته والابتسامة تعلو ثغره ثم في سرها بدأت بالعد.. -تلاته.. اتنين..
-فرحه
=نعم
-وانتي كمان راحتك تهمني بكره الصبح هوصلك بنفسي عشان الانترفيو
هللت فرحه وقفزت في الهواء كطفلة صغيره ثم ركضت نحوه واحتضنته كما وصال تفعل معه عندما يأتيها باحدي العرائس المفضله لديها..
- منا لو اعرف انك هتشكريني كده كنت وافقت م الاول
=اميير
-خدي بس هقولك اسرار تعديكي في الانترفيو بيقولك قال ايه..
بابااااااا
-لا بابا ايه دلوقت !؟
جاءت وصال تركض ناحيتهما ممسكة باحدي عرائسها التي تعودت اللعب معها في حديقة المنزل..
-مش كنتي بتلعبي في الجنينه  بره ايه جابك دلوقت ؟!
=اصل حمزه وحشني فقولت اطلع اصحيه يلعب معايا
-كان هيبقي حمزه ومعاذ دلوقت لولا م جيتي تقفزي كحملان براري استراليا الخضراء
-امييييير الله
اقتربت وصال من امير ونظرت له بهدوء حتي اردفت القول مجددا..
-معاذ!  هو مش المفروض اسمه عمر؟
=عمر!  مين اللي قالك كده !؟
-عمو اللي كان يلعب معايا بره
=عمو مين ؟
-عمو نجم
=هاااه
-هاااه

"يقول نجم : قد تتجسد نعم الله في المال والبنون والعافية وحينا آخر في شخص يعيد إليك نبض قلبك الذي اخفتته ضراوة الحياة وقساوة العالم تلك الطعنات والصراعات والفر والكر ،يحيي فيك روحك القديمه يذكرك بألوان الحياة وبهجتها اول نبضة وأول لقاء واول ابتسامة ،
شخص يحمل أحزانك على كتفه وينظر إليك كأنك الناج الوحيد على هذا الكوكب ،شخص يحبك كما لم تفعل الحياة
شخص لا يجذع أن رأي عتمتك بل يضع لك نجوما كي لا تضل الطريق في حين أن عيناك طريقه!  "

تمت