وصال الجزء الاول

وصال1
-يعني اييه البنت مش موجوده؟؟ انت اتجننت!! اقفل اقفل انا جاي المدرسه حالا !!!!
...
- بس هما بيسرقوا تعبنا مجهودنا وشقانا دول مستعبدينا استعباد مش مشغلينا
= معلش يا حنان احسن ما نقعد في البيت ونحط ايدينا علي خدنا ,ربنا بيدي علي قد المجهود مش بياخد بالارقام والحسابات والمرتب اللي شايفاه صغنن ربنا بيباركلنا فيه احسن لا قدر الله من الاف ربنا مش مبارك فيها
-ادي اخره المدارس الخاصه وسنينها بتعمل مننا فلاسفه مش مليونيرات
*مس فرحه الوكيله بتقولك ان المس اعتماد غايبه الاسبوع ده وحضرتك هتدخلي مكانها احتياطي حصصها

اومأت فرحه للطالبه وهمت بالوقوف لتجد ملامح الامتعاض علي وجه صديقتها حنان فبادرت بنفض تلك الملامح باحدي حركاتها الطفوليه وقلبت احدي عينيها لتظهر بصوره مضحكه فتبتسم حنان رغما عنها
=ايوه كده اللي بيكشر بيعجز بدري قومي خلينا نمشي عشان نلحق المواصلات
-ياختااي اتاخرنا
=حنان
-هاه
= واحنا البنات !!
-سكر نبااات
ضحكا سويا واستعدا للرحيل حتي صاحت فرحه في منتصف الطريق ..
=الموباااااااايل
-نسيتيه كالعاده
=بسرعه هرجع الفصل واجيبه مش هتأخر والله
تناولت فرحه هاتفها والذي كالعاده كان ملقي علي طاوله الفصل الاولي ,همت بالخروج حتي سمعت صوت سعال احدهم فارتعدت وهمت بالخروج بسررعه حتي عاد الصوت مجددا لكنه اضعف من ذي قبل فرق قلبها دون مبرر لذلك
بضع خطوات لاخرالفصل كانت كفيله لتري قدميها الصغيرتين في احدي زوايا الفصل خلف احد المقاعد تجلس القرفصاء وتنساب دموعها في وهن وأنين ..
-الو ايوه يا نجم البحر بتقول ايه بنت بتعيط هنا ..لاا مش معقوول طيب اعمل اييه ؟ اهااا حاضر حاضر اقفل انت دلوقت
-في حد هنا؟؟ اظهر وبان عليك الامان ..
=انا هنا ..
-اممممممم هو انتي ؟؟ صدق نجم لما قاللي انك حلوه احم احم انا مش بعاكس بس هو بعتني ليكي بيقولك متبكيش وخدي البونبوبنايه دي وهتخفي
-نجم البحر!!!
=ايوووه
-هو يعرفني يعني ؟
=عز المعرفه
-طب هو قالك اسمي ايه ؟

دققت فرحه في اسم الفتاه علي بطاقه الهويه المعلقه علي ملابسها لتهمس في اذنها مناوله اياها قطعه الحلوي ..
=وصــال
-ايوه صح ..طيب هاخدها بس هعيط تاني انا عارفه
=وانا بقولك مش هتعيطي تاني
-يعني البونبونايه هترجع ماما!؟!

*تفاجئت فرحه بسؤال الصغيره لتهيج في قلبها مشاعرالشجن لكن سرعان ما تماسكت واقتربت من الفتاه تمسح عنها دموعها مجيبه اياها ..

=مش يمكن ماما هي اللي كلمت نجم عنك وبعتتلك البونبونايه دي
-يعني هي شايفاني ؟؟
=وحاسه بيكي واكيد مش عايزاكي تعيطي تاني عشان هي كمان متزعلش

*وقفت الفتاه ونفضت عنها دموعها وبلا مقدمات اعلقت في رقبه فرحه لتنهمر دموع فرحه علي وجنتيها وكأنها هي من تحتاج ذلك الحضن وليست الصغيره ..
-خليكي معايا عشان خايفه اعيط تاني بحس بشوكه هنا بتوجعني
*وضعت الصغيره يدها علي قلبها لتأخذها فرحه مقبله اياها

=لما تحسي بوجع هنا حطي ايدك علي قلبك واقري المعوذات هتخفي علي طول
-يعني ايه المعوذات ؟؟
=دول سورتين في القرءان
-يعني بنحفظهم !!

*هو انتي هنا واحنا بندور عليكي ؟؟؟
- بابا!!!
يتبع