رواية لعبة القدر الحلقة 15

#حلقة_15


فى المستشفى
حامد:حمدلله على السلامه يا حبيبتى
سهير:الله بسلمك يا حامد تفتكر الحمل هيكمل المره دى
حامد:ان شاء الله يا حبيبتى
دلف الدكتور
الدكتور:حمدلله على السلامه يا مدام احنا الوقتى هانخد عينه عشان التحاليل
***********
عند ندى كانت جالسه فى ورديتها
عمرو:مساء العسل ياعسل
ندى:اتمسى و قول يامسى و حل عن دماغى بدل ما اطلعهم عليك
عمرو:دا القطه طلعت بتخربش
ندى:يبقى تتقى شر القطه و تخفى
عمرو:ماشى يا ست جيدا انا هامشى الوقتى بس مسيرك هاتقعى تحت ايدى
ندى:غور جتك البلاوى هيا كانت ناقصه
********
فى فيلا احمد زهران
كانت تقام خطبة احمد على نسرين التى تشعر بسعاده عارمه فهى ستحصل على احمد الوسيم الغنى فهى لاتتهتم الا بالمظاهر حتى انها خلعت حجابها فى تلك الليله ظنا منها انها ستبدو اجمل
نسرين بنعومه:مبروك يا حبيبي
احمد بجمود:شكرا عن اذنك
و نهض من جانبها و وقف يحتسى بعض العصير
مالك:لما انت مش طيقها خطبتها ليه
احمد:مجبور يا مالك امى كانت بتروح منى و انا السبب مقدرتش خوفت اخسرها
مالك:الاعمار بيد الله
احمد:و نعم بالله بس ابقى عملت اللى عليا و مش احس انى قصرت
مالك:ربنا يريح بالك هو عم محمود مجاش
احمد:لا مجاش و له حق
مالك:طيب انا هامشى بقا سلام
احمد:مع السلامه
************
ذهب مالك الى عم محمود و طرق على الباب فتح محمود الباب
محمود:مالك وحشنى ياض عامل ايه و عانقه
مالك:و انت ولله يا عم محمود ليك وحشه انا الحمدلله
محمود:ادخل يابنى
دخل مالك و جلس و هو لا يعرف كيف يبدء حديثه عن حور قاطع تفكيره محمود و هو يقول
محمود بضحك:كل التوتر دا عشان ايه دا انا مربيك عارف انك هاتتكلم عن حور
تفاجأ مالك فى بداية الامر لكن سرعان ما زال تفاجأه فهو يعلم بفطانة محمود
مالك بتنهيده:ايوه حضرتك تعرف انها....
قاطعه محمود قائلاً :حوريتك عارف
مالك يإستغراب :عرفت ازى
محمود بضحكه:يعنى تبقى قارفنى بلوحتها 4 سنين و معرفش عيب مبقاش محمود
مالك بفضول :طيب و لقيتها ازى دا انت كنت مش مصدقتى
محمود :انا يابنى كنت ماشى على البحر و لقيتها بتعيط رحتلها و لقيتها زى الغرقان اللى مصدق يتعلق بقشايه و لقيتها هربانه من عمها و ملهاش مأوى خدتها عندى و سمعت احمد و هو عندى و بيتكلم عن الشغلانه اللى عندكو احنا التلاته مصدقنا انا مصدقت عشان اريح قلبك و تلاقى حوريتك بس انا طبعا واثق فيك و احمد مصدق انو لقى حد من طرفى و هيا نفسها عزيزه و مكنتش عايزه تبقى عاله شوفت دا فى عنيها بس المهم ناوى على ايه
مالك:هاوصل لقلبها
***************
بعد مرور 5 ايام كان يقام عرس چنا اخت احمد
******
فى فيلا مالك
مالك لحور:مينفعش يا حور انتى لازم تيجى
حور:و اجى ليه و بصفتى ايه
مالك بنفاذ صبر:يا حور متخنيش مخك انتى عارفه كويس ان امى بتعتبرك زى بنتها
شروق بخبث :ايوه يا حبيبتى زى ما مالك قال كدا انتى زى اختو
مالك:لو سمحتى يا ماما انا مقولتش اختى انا قولت بنتك
شروق ببراءه :هى بنتى ايه‍ و اختگ ايه‍ نفس الحاجه
مالك:لا مش نفس الحاجه ه‍اااا يا ست حور حنيتى علينا و هاتطلعى تلبسى و لا لسه
حور بعناد:مش طالعه و مش لابسه
شروق :عيب يا حور لما تكسرى كلمة اخوكى
مالك بجنون من افعالهم :بردو هاتقول اخوها انا خارج 30 دقيقه لو ملقتش جهزتى هاجهزك بمعرفتى فاااااااهمه
و خرج للحديقه ليهدأ من نفسه
****************
عند احمد و قد انتهت المزينه من تزيين چنا
نظرت لها امها و الدموع فى عينيها:كبرتى يا حبيبتى و خلاص هاسلمك لعريسك الحمدلله اناوكدا اطمنت عليكو قبل ما اموت
چنا بتأثر :بعد الشر عليكى يا حبيبتى متقوليش كدا
الام و هى تشعر بألم فى قلبها:الموت مش شر يا بنتى دى راحه
چنا و عانقتها :متقوليش كد عشان خاطرى
الام و هى تغير الموضوع:بس طلعتى حلوه يا بت و انا معرفش
و ضحكو الاثنتين سويا
**************
اما عند احمد فذهب على مضض لاخذ المدعوه خطيبته لحضور العرس سوياً
وصل احمد و انتظر اما م المنزل
فصدم ب..

****************************
احمد بصدمه عندما رأها: ايه دا.......
كانت نسرين ترتدى فستان من الاحمر اللامع(احمر مسخسخ) و خلعت حجابها و الفستان ضيق جدا و صنعت من وجهها كراسة رسم لا تستطيع تمييز ملامحها من كثرة ادوات التجميل
نسرين :ايه يا حبيبى عجبك
احمد بعصبيه:حبك برص و عشر خرص انتى اللى مهبباه فى نفسك دا ايه واخد عروسة المولد معايا رايح اضحك الناس عليا دا فرح اختى اطلعى شيلى الهباب اللى على وشك دا و غير المحزق دا و ايه اللون دا داخله فرح و لا اوضة نوم انا هاسبقك و انتى خلى اخوكى و لا اى حد يجيبك يلا انتى لسه واقفه اطلعى
نسرين بضجر:حاضر حاضر الحق عليا عايزه اشرفك
****************
فى ڤيلا مالك
دلف مالك للداخل فرأى ان حور مازالت جالسه امام الT.v ببرود و تأكل الفشار اغمض عينيه من عندها الشديد ثم
مالك بصراخ:حوووووووووووووووور
وقع الطبق من حور من فزعها:انتى اى يا بنى ادم انت فى اى فى حد ينادى على حد كدا
مالك :يا برودك انتى ازى كدا انزلى من على الكنبه و تعالى هنا
حور ببرود:و انزل ليه اللى عايزنى يجينى
مالك بعدم تصديق:يا يوم مش باينلو ملامح انتى يا بنى ادمه جايبه البرود دا منين
حور بلامبالاه:سر المهنه
فرك مالك وجه بعنف من بردوها:جلالتك لسه ملبستيش ليه
حور و تضع الفشار فى الطبق و ترميه:و البس ليه
مالك بنفاذ صبر:هانعيدو
حور ببراءه:هوا ايه دا
مالك بغضب و هو يقترب منها:ادامك 20 دقيقه تكونى جهزتى فيهم
حور و خافت من شكله :ح....حاضر
و ركدت الى الاعلى فابتسم مالك شكلها الطفولى
مالك لنفسه:بحبك يا مجننانى
بينما شروق كانت تتابعهم بصمت
***************
عند الحلاق
دلف شخص الى الحلاق
العريس (جابر):اهلا نورتنى ياض ليك وحشه
الشخص:و انت كمان يا عريس زى ماقولتلك انا اللى همسك الدى جى
جابر:انا مش عايز اتعبك معايا و بعدين انت جاى من القاهره اكيد تعبان
الشخص:تعبك راحه يابرنس لا متقلقش و لا انت مش عايزنى احضر فرحك متخافش هلم نفسى
جابر:هههههه دايما فاهمنى صح
الشخص :طيب يلا كمل عشان منتاخرش
***************
فى فيلا مالك كان جالس منتظر حور و ينظر فى ساعته فقد مر 40 دقيقه و تأخرو
مالك:لا كدا كتير انا طالع اشوفها
و صعد مالك على الدرج بسرعه حتى وصل امام غرفتها و كان سوف يطرق و لكن......فتحت حور الباب فجأه
شهقت حور بفزع
مالك:اسف مقصدش ولله....و لم يستطع مالك منع نفسه من النظر على طلتها الرائعه فكانت كالحوريهه مثل ما اطلق عليها
حور و بدون قصد تنظر له:حصل خير....
و لكن مالك شرد فى خضرواتيها عندما نظرت اليه و هيا ايضا لم تملك السيطره على نفسه لتنظر لعسليتيه و لكن يقطع شرودهم صوت شروق:يا مالك يا حور روحتو فين
تنحنح مالك :حاضر ياماما نازلين اهو
**********
فى الفرح
وصل حور و مالك و شروق ثم بعد فتره
حور:انا عايزه اروح التواليت
شروق و لم تسمعها بسبب الصخب :شوف يا مالك حور عايزه اى عشان مش سامعها
نهض مالك و جلس جانب حور و اقترب منها كى يسمعها
مالك:فى حاجه يا حور
حور بحرج:عايزه اروح التواليت
مالك:طيب قومى نشوفو فين عن اذنك يا امى
اشارت له شروق بنعم
و نهض مالك و حور و سارا
معا و ذهبوا للحمام و انتظرها مالك خارجا و خرجت حور و بحثت عن مالك حتى وجدته و سارو معا حتى سمعت صوت اوقف قلبها فوقفت و امسكت يد مالك فهناك شعور غريب اصابها عند سامعها ذاك الصوت شعور بالفزع
مالك بخضه:حور انتى كويسه
حور:ايوه انا انا كويسه يلا نمشى
عاد حور و مالك الى الطاوله فوجدو شاب يجلس مع شروق
مالك:مين دا يا امى
شروق للشاب:قولو كنت عايز اى دا اخوها
جز مالك على اسنانه من كلمة والدته
الشاب :لو سمحت ياعمى انا بطلب منك ايد الانسه
غلى الدم فى عروق مالك و قام بإمساك ياقته بحده و هندمها بقوه
مالك: الانسه مخطوبه
الشاب بخوف:انا انا اسف
و ذهب الشاب و ظل مالك يراقب حور و امه حتى لا يتكرر ما حدث منذ قليل
بعد مرور ساعه و نصف
شروق بتعب :قومى يا حور شوفى مالك انا تعبت
حور : حاضر يا ماما
و نهضت حور و اثناء سيرها اصتدمت بشخص
الشخص :انا اس........لا مش معقول حور بنفسها هنا يا محاسن الصدف دوختينى عليكى يا شيخه و امسك يدها
حور بذعر و يكاد ان يغشى عليها :س...سااااامح
توقعتكم..........؟
رأيكم..............
#براءه