المزاجل👹الجزء 12

#المزاجل
#الجزء_الثانى_عشر
قاسم نايم على بطنة تحت سرير شيماء
وشه مزرق وكلامحة غريبة
مامت شيماء :- قاسم فى اى
اى الى مقعدك هنا ... اطلع
مال وشك عامل كدة لية
قاسم:- انا خايف انام فى الاوضة
فى شيطان فى اوضتى
مامت قاسم:-  الى باقولة دة
اعوذ بالله من الشيطان الرجيم ...
لحظادتها طلع قاسم من تحتةالسرير وجرى ع الحمام
وفضل يصوت بالحمام ويخربش وشة
جريت علية شيماء ومامتة
وحاولوا يخرجوة من الحمام
لكن كان قوى جدااااااا
وفضل يتكلم بصوت تخين
كان حد تانى الى بيتكلم مكانة ...
وفضل يهبد بالارض
ويستحلفلهم
لو مخرجوش هيقتلهم
فضل ع الحال دة قرب الساعة
شيما ومامتها اخر ما تعبوا
طلعوا برة الحمام
وفضلوا يصوتوا
اتلم سكان العمارة
وفتحولهم ودخلوهم .... حاولوا الرجالة يشدوا قاسم من الحمام
5 رجالة بالعافية قدروا يخرجوه ...
لما خرج من الحمام
خرج مغمض عينة ...
كلهم فكروة هدى ... ومرة وحدة هجم على واحد من السكان ....
وقعد يقول المزاجل .. ...المزاااااااااجل
خافوا الناس بالاول وجم يجروا يخرجوا برة ويسيبوة ياذى جارهم
بس رجعوا فى كلامهم وحاولوا يشدوه ويبعدوه عنده ....
كان فى طفل صغير ابن حد من الجيران ...
كان الطفل الوحيد بالموقف دة
كان خايف جداااا وعمال يعيط
بس جة على بالة مدرسة الدين وهى بتقول لصاحبة حسام لما قالها حلمت بعفرييت وكنت خايف
قالتة منين ما تخاف اقرا قران وانت هنطمن وتهدى
بدأ باسم يقرا ايات بسيطة فى سره...
مجرد ما بدأ ... قاسم بعد عن جارهم ...
ودور وشة بص لباسم فى عينة جامد ...
باسم  خاف وطلع يجرى على شقتة بيصرخ ويقول عفريييييييييييييييييييت عفرييييت يا مامما عفرييييت
طلع قاسم يجرى وراة والولد يصرخ يصرخ عفريييت
مقدرش الطفل انة يجمع بلحظة الخوف دى اى اية قرانية
طلع باسم السطح ووراة قاسم والجيران .....
باسم كل ما قاسم يقرب منة يصرخ ويخاف ويعيط
وصل عند السور
وقاسم بيقرب علية وباصصلة بشكل مخيف
باسم فضل يرجع
لحد ما وقع من السطح .....
اتملت الدنيا صويت وعياط
كان منظر يقهر ... لحظة وقف عندها الزمن لكل الموجودين ....
ام باسم جريت كانت هترمى نفسها وراه مفكرة انها هتنقذه ...
الولد فضل ينزل يتخبط على حبل الغيسل .... ويتلوى بشكل مرعب
ملامح وشة وهو بينزل بالهوا والخضة الى كانت مرسومة علية
صعب حد ينساها مهما مرت سنين....
الاوحش من كدة
ان امة كانت واقفة تتفرجع علية وهو مرغوب وخايق ومش قادرة تحمية ونحضنة وتطمنة ...
نزولة ال14 دور فى الحقيقة استغرق اقل من دقيقة
بس كل الناس حسوة كانة سنة .. سنة مليانة رعب وعذاب ...
ابو باسم هجم ع قاسم وفضل يضرب فية
قاسم كان فاق اصلا وكان بيحاول ينقذ الطفل
كان مفكر ان الطفل خايف مت حاحة هو فاق لنفسة بيجرى وراه ففكر انة بينقذه ....
الناس فضلت تعيط
وابو الولد نزل يجرى ال14 دور زى المجنون
والناس نصهم بيبصوا ع الولد وهو مرمى فى الشارع
ونصهم بيجروا زى المجانين على السلم...
الموت حق واكيد بيوم هيقل وجع الفقد
بس هل امة وابوة هيقدروا بيوم ينسوا لحظة وقوعة
ملامح وشة وهو خايف
احساسة لما اتهبد بالارض ... ووجعها ...
ياترى روحة طلعت امتى؟
وهو بيقع ولا لما تتهبد ....
اتلموا الناس
اصوات العياط والصويت علت بالشارع
جة البوليس واخدوا قاسم للقسم
واتحبس بتهمة قتل الطفل ....
حور كانت مراقبة كل الموقف ....
الحب بيغلب اى مشاعر وحشة احيانا
مقدرتش تدفن مشاعرها نحية قاسم ...
مع انها مضايقة منة بشكل بشع ...
حور قدرت تسيطر على افكار كل الى كانوا بالحادث وقتها ...
ومسحت من دماغهم ان قاسم الى كان بيجرى ورا باسم ... وكل المشهد من اولة
وزرعت بدماغهم حاجة واحدة بس
قاسم لقى باسم بيلعب وهيقع
جؤى ينقذه
ملحقهووووش ......
طلع قاسم من السجن ....
بس مكنش طبيعى نهائى.....
ديما بقى يقعد بالضلمة لوخدة
لما حد ينور علية النور .. يغطى عينة ويصرخ فية ...
...............
فى القرية ...
نورا:- ماما فى ولد صغير بيلعب فى لعبى فى الاوضة
وقالى تعالى العبى معايا ..
ولما خفت وجيت اجرى
قالى ....
مامت نورا :- قالك اى ....ها
قالك اى ماتردى ...
نورا:- مافيش بهزر معاكى
وسابتها وجرت ....
..................
زايجود:- انا مش مرتاح كدة
ياسمين :- مش مرتاح كدة ازاى !
زايجود:-طول منتى لواحدك هتفضلى فى خط
ياسمين :- خطر اى
زايجود:- مش كل حاجة ينفع تتقال يا ياسمين
ياسمين :-بس انا لو مفهمتش
زايجود:- ممكن تسمعى كلامى فترة مؤقتة بس
وبعد كدة هفهمك...
ياسمين :- هحاول
زايجود:- واثقة فيا
ياسمين:- الى حد ما
زايجود:- لية كدة
ياسمين:-الثقة محتاجة وقت ومواقف ...
زايجود:- بس انا بحبك
ياسمين :- ماشى
زايجود:- ماشى اى !
ياسمين:- خلاص بقى
زايجود:- امممممم مكسوفه
قرب ايدة من شعرها ونزل شوية شعر على عنيها
زايجود:- تعرفى انك كدة احلى
بصيلى بتبصى بعيد لية
انا هنا
وراح مءك دقنها وخلى عينة فى عنيها
ثوانى واتكسفت وقامت ياسمين تلف ف الاوضة وتتكلم عشان تهرب  من البص فى عينة
قام وراق زايجود وحضنها من ضهرها  ..
زايجود :- هو انا ممكن اتجوزك
زقتة ياسمين وبعدت عنة
ياسمين :- تانى ...
قرب منها ومسك اديها
زايجود :-بقولك اتجوزززززك ... جواز
اجيبلك فستان ابيض وورد واخدك تعيشى معايا ع طول
ياسمين :- الجواز مش بس كدة
وزايجود:- امال
ياسيمن:- تلبس بدلة
وتجيب بباك ومامتك و
قاطعها  زايجود .. بابا وماما خهههههههههههه وابية حسن صح
ياسمين:- اكيد ينور
قعد يضحك زايجووووود
ياسمين :- فى اى
زايجود:- انتى بريئة اوى
ودة اكتر حاجة شدانى ليكى ...انا جن يا ياسمينا
مش صلاح جاركم
وفضلوا يضحكوا ....
مشى زايجود قبل طلوع الفجر ....
عدى اليوم بالعادى ....
تاني يوم بكلية قاسم ....
سمع الطلاب صراخ جاى من جوة حمام الكلية ...
والباب مقفول
يتبع
تاليف هويام شعيب