حبك اقتحم حياتي🌸 الحلقه 75🌸
الحلقة 75
علي بيخرج من البيت وبيشوف ليا قدمه وبيبتسملهاا
ليا / اخيرا شفتك بتبتسم
علي / نعم
ليا / امبارح انت عديت من جمبى ولا حتى سلمت عليا وكنت مكشر اوى لدرجة ان روكى خاف منك
علي / والله مختش بالى اسف
ليا / انت كويس
علي / اة بس اختى تعبانة شوية يعنى
ليا / انا عرفت من الاخبار حمدالله على سلامتهاا
علي / الله يسلمك
ليا / ممكن اجى اطمن عليهاا معاك
علي /بس يعنى هى رفضة تقابل حد
ليا / بس انا هخليهاا توافق
و علي بيتحرج يقولها حاجة
علي/ اوكى
ليا / يلاا بيناا
علي / هتروحى كدة
و ليا لبسة شورت قصير جدا ابيض وعلية بلوزة بحمالات رفيعة وربطة قميص بكمام على وسطهاا
و ليا بتبص لشكلهاا
ليا / شو فى
علي / لا ولا حاجة بس اية شو فى انتى مش مصرية
ليا / لا طبعا مصرية بس ماما لبنانية يعنى بابا مصرى وماما من لبنان
و علي بيبتسم لليا وبيروحو على عربية علي وبيمشو
اية و محمد بيشوفو علي وهو بيركب العربية مع لياا
محمد / اية الى علي بيعملو دة
اية/ اية يعنى شباب
محمد / لا بجد بس لما يرجع
اية / هروح اشوف مالك احسن يجيلى اكتئاب
محمد / لااا بجد
و اية بتمشى وبتسيب محمد
علي بعد شوية بيوصلو لفيلاا انس وبيشوفو امير ومنة فى الجنينة
علي / خلينى اعرفك على امير و مراته
وامير بتبتسم اوى اول ما بيشوف ليا جاية عليهم بيقف بسرعة وبيظبط هدومه
امير / يا لهوى اية الصروووخ دى
منة / امير
امير / احم اااة رجلى
منة / دلوقتى افتكرتهاا مش كدة
علي / صباح الخيير
منة / اهلا علي
علي / اعرفكو لياا حبة تطمن على ضحي
امير / يارتنى كنت ضحي
علي/ احم
ومنة بتخبط امير فى رجلو و امير بيتالم وليا بتتخض
ليا / فيك شى انت بخيير
امير / يالهووووى
علي / احم احم ليا خلينا نروح نشوف ضحي
ليا / بااى
امير / وعليكم السلام ورحمة الله وبركاتو يا اخت لياا
منة / الله عليك يا شيخ امير
و امير بيكتم الضحكة ومنة بتضربو على كتفو وبتضحك
علي ومعاة ليا بيروحو لضحي الاوضة و علي بيخبط على الاوضة و انس قاعد جمب ضحي بيقرا كتاب
انس / ادخل
و علي بيدخل
علي / صباح الخير هى عاملة اية دلوقتى
و انس بيبص ضحي اوى بحزن
انس / مفيش جديد
علي / معايا ضيفة حبة تتطمن على ضحي
انس / ضيفة مين
و علي بيدخل لياا
ليا / هاى
انس / اهلاا
و علي بيقرب على ضحي وبيبعد شعرهاا عن عيونهاا و ضحي بتفتح عنيهاا وبتشوف علي
علي / حببتى
و ضحي بتمسك ايد علي وبتاخد ايدو فى حضنهاا و علي بيشاور لليا تقرب
ليا / هاى ضحي انا لياا
و ضحي بتبص لليا اوى وبتبص لعلي
علي / حببتى ليا جارتناا وعرفت انك تعبانة حبت تيجى تتطمن عليكى
ضحي / شكرا
ليا / انتى عندك نونو
و ضحي بتغطى بطنهاا بسرعة وبخوف
علي / ليا خليهاا ترتااح
ليا /اوكى مبسوطة انى اتعرفت عليكى يا ضحي
ولسة علي هيخرج مع لياا
ضحي / علي
و علي بيبصلهاا وبيروح عليها بسرعة و ضحي بتحضنو اوى و علي بيبسهاا من جبنهاا
علي / ربنا يخليكى ليا يا حببتى انتى كويسة
و ضحي بتهز رسهاا بنعم
علي / هوصل ليا وهاجى تانى ماشى
و ضحي بتهز رسهاا بنعم و علي بيخرج مع لياا
بعد اسبوع
انس بيفتح عنية وبيبص على ضحي و ضحي مش موجودة
وبيتخض اوى وبيروح على الحمام وبيفتح الباب ومش موجودة وبيخرج من الاوضة بسرعة وبيدور عليهاا فى كل الاوض وبيخبط على امير ومنة بتفتح الباب
منة / انس فى اية ضحي كويسة
انس / ضحي مش عندك
و انس مبيستنش انهاا ترد علية وبينزل بسرعة بخوف شديد
على الجنينة
انس / ضحي. ضحي
والامن بيروح على انس بسرعة
انس / مدام ضحي خرجت من الفيلاا
الامن / لا يا بش مهندس احنا مشفنهاش خالص
و انس بيتنهد وبيحاول يركز وبيرفع لعيونو لفوق وبيشوف ضحي وقفة فى البلكونة بتاعت اوضتهم وقفة بهدوم النوم الخفيفة و انس بيدخل الفيلاا بسرعة وبيقبلو امير ساند على عجاز ومنة
امير / انس
انس / خلاص محصلش حاجة تصبحو على خير
و انس بيطلع على الاوضة ومنة و امير بيبصو لبعض بحزن
و انس بياخد الروب وبيدخل لضحي البلكونة وبيحطو على كتفها بحنية و ضحي ولا اتحركت ولا حست بية و انس بيحضنهاا اوى من ضهرهاا
ضحي / كنت بدور عليك
و انس بيضمها اوى وبيبسهاا من خدها
انس / انا هناا جمبك
و ضحي بتلف وبتبصلو اوى وبيشوف الدموع فى عنيهاا
و انس بيمسحلها الدمعة الى نزلت من عيونهاا وبيبسهاا من جبنهاا و ضحي بتحضنو اوى و انس بيخدها على الاوضة
انس / اية رايك ننزل انا وانتى المطبخ مش جعانة
ضحي / لااا
و ضحي لسة هتبعد عنو وتروح على السرير و انس بيمسكها من اديهاا
انس / ضحي
و ضحي مش قدرة تبص فى عيونو
انس / وحشتينى وحشنى نظرت عيونك فى عيونى ارجووكى
و ضحي بتعيط وبتبص لانس اوى و انس بينزل على ركبو قومها وبيحضنها من خصرهاا
انس / انا محتاجك ضحي ارجووكى
و ضحي بتملس على شعرو بحنية
ليا و علي فى كافية
علي / يعنى انتى سبتي الدراسة علشان ترجعو مصر
ليا / يعنى ان انا اسيب الدراسة وارجع مصر مرتبطين ببعض
علي / انا مش حابب اضغط عليكى انى اعرف الاسباب بس
لازم تكملى دراستك
ليا / فعلا ماما بصراحة بتلح علياا
ليا / اية رايك نتقابل بكرة ونروح نقدم الاوراق مع بعض
و ليا بتبتسم علي اوى
وفجاة بيدخل اتنين بودى جارد وبيروحو على لياا
حراسة / انسة ليا الباشا طلبك حالاا
و ليا بتبص لعلي بتوتر
علي / ليا فى مشكلة
ليا / لاا مفيش حاجة بس باباا طالب يشفنى لازم اروح
علي / متاكدة انك هتكونى بخيير
ليا / اكيد
وليا بتروح مع الحرس وبتركب العربية معاهم و علي بيبص عليها وهى مشية بالعربية وبيروح على عربيتو وبيمشى ومدايق اوى
انس اخد ضحي على المطبخ وبيدخلو و ضحي بتشوف الخدم الى فى المطبخ اول مرة شفهم بتحس بالخوف
وبتقف مكنهاا
انس / حببتى يلاا
و انس بيلف دراعو حولين خصرهاا بحنية و ضحي بتبص للخدم والخدم بيبصلهاا
انس / اخرجو انتو يلااا
والخدم بيخرجو و ضحي بتمسك فى انس وهم خرجيين جمبهاا و انس بيمسك ايد ضحي الى مسكة في هدومه وبيبوس اديهاا الاتنين و بيخدها وبيخليهاا تقاعد على الكرسي و بيبعد شعرهاا عن عيونها وبيلف شعرها حولين ودنهاا برقة
انس / تحبى تاكلى اية
ضحي بتهز اكتفهاا بلا مبالاة
وانس / اية رايك بطاطس واوووو
و ضحي بتبتسم لانس
ضحي / واوووو
انس / اخير شفت الابتساامة الى بتخلى قلبى يدق من جديد
و انس بيبسها من خدهاا وبيروح يطلع بطاطس
انس / انا النهاردة هعلمك ازااى تعملى بطاطس ماشى الاول
بتقشرى البطاطس بالطريقة دى شوفى ازااى ايوة كدة شوفى جوزك بيقشر بطريقة هندسية
و ضحي بتضحك و انس بيبصلهاا اوى ومبسوط انها بتضحك وباين عليهاا مرتااحة شوية و انس بيبصلهاا وسرحان فيهاا وبيتالم وبتكون السكينة جرحت ايدو
و ضحي بتشوف دم نازل من صباع انس بتفتكر عبد الرحمن لما قتل كارما وقتل كل الرجالة الى كانو معاهاا بدم بارد و ضحي بتخاف اوى
ضحي / لااا
انس / حببتى دة جرح بسيط شوفى خلااص مفيش حااجة
و ضحي دموعهاا بتنزل وبتبعد بسرعة وبترجع بضهرهاا لوري
و انس بيقرب منهاا
انس / ضحي حياتى انا كويس شوفى حرج بسيط ضحي ارجووكى
و ضحي بتهز رسهاا بلااا وبتبعد عنو بخوف
انس بيتعصب اوى / ضحي كفااية انا تعبت تعبت
و ضحي بتتفزع من صرخة انس
ضحي / انا انا مش هقول حااجة انا انا لااا خلاص لاا دم لااا
انس /ضحي ارجووكى انا تعبت اوى خلاص
والخدم بيدخلو على صرخة انس و ضحي بتخاف منهم اوى
انس / اخرجو برة
والخدم بيخرجو برة سرعة و ضحي بتبص لانس وبتحاول تهدى شوية وبتتنفس بهدوء وبتبص لانس و انس بيمدلها ايدو و ضحي بتجرى علية وبتترمى فى حضنو وانس بيضمهاا اوى
فى الليل
انس بينزل من الاوضة وبيكون عبد الرحمن فى المكتب
و عبد الرحمن فى مكتبو و انس بيدخل المكتب
انس / بابا انت لسة صاحى الوقت اتاخر
عبد الرحمن / تعال يا ابنى
و انس بيدخل لوالدو المكتب وبيقاعد معاة
عبد الرحمن / ضحي كويسة يا ابنى هى عاملة اية النهاردة
انس / يعنى شوية بحس ان فى تحسن وفجاة بنرجع للصفر من تانى
عبد الرحمن / انا اعرف دكتور كويس فى انجلترا اية رايك تسفرو
انس / الدكتور قال منقدرش نجازف باى حااجة علشان
الجنين الى فى بطنهاا احنا بنحاول نخلية كويس
عبد الرحمن / ان شاء الله هتتحسن وابنك هتشيلو فى حضنك يا حبيبى
انس / يارب يا باباا
انس / بفكر اخدها المزرعة كام يوم
عبد الرحمن / ماشى يمكن حالتهاا تتحسن هنااك
انس / هروح اشوف امير شوية
و انس بيخرج من المكتب وبيروح لامير ومنة قاعدين قدم التلفزيون وبيتفرجو على فلم ومنة بتاكل اميرالتفاح باديهاا
انس / يعنى شحط زيك وبتاكلك باديهاا انت غبى يا ابنى مراتك حامل لازم تتغذي هى مش انت
امير / يااة انا مريض كماان
و انس بيبتسم لامير وبيطبطب على كتفو
منة / خلينى انا اروح اقاعد مع ضحي شوية
انس / هى اخدت الادوية بتعتهاا وبتفضل نايمة مش اقل من اربع ساعات
منة / بس حاسة ان حالتهاا مش بتتحسن
امير/ لازم نعمل حاجة مش معقول نسبها بالحالة دى
انس / هخدها ونروح المزرعة بكرة الصبح
منة / يكون احسن يمكن لما تكونو لوحدكو حالتهاا تكون احسن
امير / انا هروح انام تصبحو على خيير
و منة لسة هتقف و امير بيسحبهاا تقاعد تانى
منة / اة فى اية
امير / هو اية الى فى اية ساعدينى علشان تعبت خلينى اطلع انام
منة / انت مش ملاحظ انك بتتدلع زيادة عن الازم يعنى
امير / اة بتقصدى علشان بتساعدينى علشان انا مضروب رصاصة فى رجلى ومش قادر ومريض مش قدرة تستحملينى
منة / على فكرة مصعبتش علياا
امير / خلااص انا مش عاوز منك مساعدة خلينى انادى الخدم يسعدونى
منة / يسعدوك فى اية باة
امير / يعنى اغير هدومي اخد دوش كدة يعنى
فنة / علشان اقطم رقبتك
و امير بيمسكهاا من خصرهاا
امير / اية رايك اوريكى الحسنة الى فى كتفي
منة / دة اغراء يعنى
امير / يعنى حاجة زى كدة
ومنة بتضحك اوى وبيطلعو على اوضتهم
فى الصباح
علي واقف فى جنينة الفيلاا وعيونو على فيلا ليا انو يشفهاا
و اية بتخرج وبتبص علية اوى
اية / روح اسال عليهاا احسن
علي / نعم هى ميين
اية / الى مصحياك من الصبح كدة ومخلياك واقف فى البرد
علي / انا لا ابدا بس حابب العب رياضة
و علي بيعمل نفسو انو بيلعب رياضة
اية / ممكن حضرتك تلعب رياضة لحد الصيدلية هتلى حفاضات لمالك وتعال
علي / معندك محمد خلية يروح
و محمد بيخرج
محمد / انا هروح اجيب وهنشوف اخرت الوقفة دى اية
و محمد بيخرج و علي بيفضل رايح جاى فى الجنينة وعيونو على باب فيلا ليا وبيشوف الباب بيتفتح وبتخرج ليا ومعاهاا روكى الكلب بتعها و علي بيعمل نفسو انو بيجرى يعنى نوع من الرياضة 😉
وبيشفها وبيعمل نفسو انها صدفة
علي / ليا
وليا بتقرب منو
ليا / انا كنت عوزة اعتزرلك يعنى علشان اتطريت انى امشى بالسرعة دى
علي / لا عادى ولا يهمك
و ليا باين عليهاا مديقة اوى وفى عنيها دموع
علي / اية رايك نتمشى شوية
ليا / اوكى
وبيتمشو مع بعض ومفيش حد فيهم بيتكلم و علي بيحاول
يتكلم ومش عارف
ليا/ بابا وماما هينفصلو
و علي بيبصلها وليا دموعها بتنزل
ليا / حاولت اعمل كل حااجة ومفيش فايدة
التعليقات على الموضوع