رواية النمر🤔الحلقة 32
الحلقة ال ٣٢
معاذ / مبرووك يا ماهر
لؤلؤة / الله يبارك فيكو انا همشى باة اتاخرت
بسمة / انا هروح اشوف شغلى وهروح لاحمد
معاذ / طمنيه وقوليلو انو هيخرج فى اقرب وقت
بسمة بتخرج و لؤلؤة بتروح على معاذ وبتقاعد جمبو و معاذ مهموم و لؤلؤة بتنام على كتفو وبتضم دراعو اوى
معاذ / على طول بتيجى فى الوقت المناسب
لؤلؤة / انا على طول جمبك
********************.
بسمة بتخرج من مقابلة احمد واعصبها تعبانة اوى وبتعيط واول ما بتخرج بتشوف بدر قدمها وبتروح علية بسرعة ومن غير ما تحس بتحضنو وبتعيط اوى
بدر / هشش اهدى
بسمة بتبعد عنو بسرعة وبتتكسف
بسمة / اسفة بس اعصابى تعبانة شوية ولما شفتك يعنى
بدر / خلينا نتكلم فى العربية احسن
بدر بياخد بسمة وبيروحو على العربية
بسمة / اول مرة اشوف احمد فى الحالة دى كان بيصرخ ويقولى متسبنيش انا مقدرتش اعمل حاجة واخدو
بدر / هدى نفسك انا موصى علية جوة ووخدين بلهم منو
هو هيكون كويس متقلقيش
بسمة / خلينا نروح من هنا لو سمحت
بدر بيمشى بالعربية
******************.
معاذ فى المستشفى والدكتور معاة و لؤلؤة وقفة قلقانة اوى و بسمة جمبو
الدكتور / ممكن دلوقتى تفتح عنيك بس براحة
معاذ بيفتح عيونو براحة وبيغمضها تانى بسرعة وبيتالم
بسمة / متقلقش دة امر طبيعى براحة
معاذ بيفتح عيونو تانى وحدة وحدة وبيشوف لؤلؤة قدمه
لؤلؤة /حبيبى اتكلم
معاذ مبيتكلمش ومكشر اوى
لؤلؤة / معاذ انا هيغما عليا من الخوف اتكلم باة ارجوك
معاذ بيضحك و لؤلؤة بتفهم انو شايفها وبتجرى علية بسرعة وبتحضنو
بسمة / حمدالله على سلامتك ياروحى
الدكتور / حمدالله على سلمتك بس بلاش تتعرض للشمس لمدة ٢٤ ساعة
والدكتور بيخرج و لؤلؤة بتعيط اوى
معاذ / طيب بتعيطي لية دلوقتى
بسمة / بيتهيقلى دى دموع الفرحة
لؤلؤة / انت شايفنى صح طيب دوول كام ها قول
معاذ / مجنونة انا قلت ومفيش حد مصدقنى
بسمة / انا هروح احسن سلام
بسمة بتمشى وبتسبهم و لؤلؤة بتحضن معاذ اوى وفرحانة
معاذ بيبص للؤلؤة اوى
معاذ / وحشتينى وحشتنى نظرة عيونك الطفولية دى وحشنى كل تفصيلة فيكى وحشتينى اوى يا لؤلؤة
لؤلؤة دموعها بتزل
لؤلؤة / انا بحبك اوى
معاذ بيحضنها اوى
**************************.
بسمة لسة بتدخل اوضتها بتشوف بدر جوة وبترتبك
بدر/ انا كنت رايح اطمن على معاذ فقلت اجى اشوفك الاول
بسمة / اتفضل تحب تشرب اية
بدر / لا انا مش عاوز اعطلك عن شغلك انا بس كنت حابب اشوفك
بسمة / نعم
بدر / بقصد اطمن يعنى عليكى من بعد ما خرجتى من عند احمد يعنى
بسمة / فعلا احمد شاغلنى اوى مش قدرة انسي شكلة ابدا
بدر / متقلقيش هيكون كويس انا لزم امشى عندى شغل
بسمة / مش هتشوف معاذ
بدر / اة معاذ اة طبعا بعد ازنك
***********************.
بدر بيروح لاوضة معاذ وبيدخل
بدر / ها يا بطل عامل اية
معاذ / احسن الحمد لله فى اخبار جديدة
بدر / للاسف لسة
معاذ / بدر اقفل الباب بسرعة
بدر بيقفل الباب وبيرجع لمعاذ معاذ و بيغير هدومه
بدر / انت هتعمل اية انت لسة تعبان
لؤلؤة بتدخل وبتشوف معاذ بيغير
لؤلؤة / معاذ انت بتعمل اية
معاذ / لزم اروح اقابل احمد اكيد فى حاجة نقصة احنا مش قدرين نوصلها
لؤلؤة / بس الدكتور قال انك
معاذ / متخفيش اولا الشمس هتغيب خلاص ثانيا انا كويس
بدر / معاذ انا برضو كلامى من كلام لؤلؤة انت
معاذ / مستحيل اسيب احمد اكتر من كدة يلا بينا يا بدر خلينا نروح
لؤلؤة / لا مستحيل اخليك تخرج من هنا
معاذ / لؤلؤة ابعدى لو سمحتى مش وقتو خالص
لؤلؤة / مش هتخرج انا مش هخليك تازى نفسك انا الى همنعك
معاذ / لؤلؤة متعصبنيش لو سمحتى خلينى اروح
معاذ بيخرج هو بدر من الاوضة و لؤلؤة بتبص لمعاذ وهو ماشى هو بدر وبتعيط و بسمة بتشفها بتجرى عليها
بسمة / لؤلؤة لؤلؤة فى اية مالك
لؤلؤة بتحضن بسمة وبتعيط و بسمة بتاخدها على اوضة معاذ
بسمة / فيين معاذ
لؤلؤة / معاذ راح من هنا
بسمة / كنت متاكدة انو هيعمل كدة مفيش فايدة فية وعلشان كدة انتى بتعيطي
لؤلؤة / بسمة انا تعبانة تعبانة مفيش حد حاسس بيا انا بعد عذاب ايام وليالى انا و معاذ خلاص اتجوزنا وقدرنا نتخطى
المشاكل الى كانت لزمانا كل حيتنا
لؤلؤة بتعيط ومش عرفة تتكلم
لؤلؤة/ دة انا لحد دلوقتى لسة فى بيت خالى حتى بعد ما اتجوزنا هو مش قادر يفهم مشاعرى لية نفسى احس بالامان باة من يوم ما اتجوزنا وحصلت مشكلة احمد وكل حاجة اتشقلبت فى حيتنا من تانى
لؤلؤة بتبص لبسمة
لؤلؤة / وانا انا مش قصدى يا بسمة بس انا تعبت تعبت والله العظيم تعبت انا بحبه ومش عايزة ابعد تاني عنه لية اى حاجة تحصل انا و معاذ الى بنتاثر بيها لية حيتنا احنا الى بتنزل لسابع ارض انتى فهمانى
بسمة بتحضنها
بسمة / انا فهماكى يا لؤلؤة متقلقيش انا متاكدة ان معاذ هيتخطى كل حاجة معاذ بيحبك واكيد مش هيكون قاصد ابدا
******************.
معاذ قااعد فى مكتب مامور السجن مستني احمد وبيدخل احمد على معاذ و معاذ بيبصلو اوى وبيروح علية وبيحضنو
معاذ / عامل اية يا بطل
احمد مبيردش علية وباين علية الياس والانهزام
معاذ / تعالة اقاعد قدمي هنا لزم نتكلم انا وانت
واحمد بيقاعد وكانو مش سامع حاجة
معاذ /عوزك تحكيلى من الاول عوزك تقولى كل حاجة حتى لو حاجة بسيطة
احمد / مفيش فايدة
معاذ / نعم
احمد / مفيش فايدة روح من هنا انا مش عاوز اشوف حد
واحمد بيحاول يخرج من المكتب و معاذ بيوقفو
معاذ / انا مكنتش اعرف انك ضعيف اوى كدة انت معندكش ثقة فيا
احمد / معنديش ثقة فى نفسى حتى سالى زمبها اية علشان يحصل فيها كدة زمبها اية سالى ماتت بابشع حاجة ممكن حد يتخيلها هى وكريم كانو اصحاب وكريم كان بيحبها ولما اتعرفت انا وهى حبينا بعض بس مقدرتش احميها وغيرتى
عليها من كريم كانت بتدايقها حتى يوم الحفلة انا شفت كريم كان بيبصلها ازاى وكان عاوز يرقص معاها بس انا رفضت واتخانقنا وبوظت كل حاجة انا السبب فى كل حاجة
معاذ / يعنى كريم كان بيحب سالى
احمد / لو كانت سالى معاة مكنتش ماتت انا السبب
معاذ /انا عوزك تتماسك وتكون قوى وقريب هتخرج من هنا
احمد / قول لبسمة انها متجيش هنا تانى ولا حتى انت مش عاوز اشوف حد
واحمد بيخرج من المكتب وبيرجعوة على الزنزانة بتعتو
و معاذ واقف بيفكر وبيخرج بسرعة و بدر مستني تحت فى العربية
بدر / فى اى اخبار جديدة
معاذ / كريم
بدر / كريم الى هو صحابهم احنا حققنا معاة وقت الحادثة كان مع اصحابه
معاذ / لزم احقق معاة بنفسى
بدر / مستحيل انت عارف هو بيكون ابن ميين
معاذ / ومن امتى احنا بنفرق بين المتهميين
بدر / مفيش ولا دليل اننا نستجوبو تانى وكمان انت دلوقتى برة الخدمة
معاذ / يباة استجواب غير قانونى
بدر / لا مستحيل
معاذ / مفيش مستحيل انا اخويا بيموت جوة والقاتل الحقيقى عايش حياتو ومرتاح انا وعد امى ان احمد هيكون بخير
بدر متعصب اوى وبيفكر
معاذ / انا مستحيل اورطك فى اى حاجة خليك انت بعيد احسن
معاذ بينزل من العربية و بدر بيروح وراة
بدر / استنى خلينا نفكر
معاذ / الولد دة لزم يكون عندى النهاردة
بدر / ماشى هيكون عندك قبل الساعة ٨
معاذ بيمشى وبيسيب بدر و بدر بيتصل بماهر وبيتكلم معاة
وبيحكيلو على كل حاجة
**************************.
لؤلؤة فى اوضتها قاعدة و شهد و ايات وقفيين برة الاوضة
شهد / ادخلى اتكلمى معاها
ايات / لا ادخلى انتى
شهد / يووة يعنى هنسبها كدة من راى نخليها لوحدها شوية
ايات / وده راى كمان يلا تعالى
وبيسبوها وبيروحو يقاعدو مع فريدة والدت ايات
فريدة / اية عملتو اية
ايات /والله يا ماما مقدرتش اتكلم معاها
فريدة / ياعينى يا لؤلؤة يا بنتى انا مش عرفة لية الدنيا معندة معاها
شهد / ايات اية رايك نخدها ونروح نتسوق شوية للنونو
ايات / فكرة حلوة واكيد لؤلؤة هتوافق لما تعرف
ايات و شهد بيروحو للؤلؤة وبيتكلمو معاها
لؤلؤة / لو سمحتو حبة اقاعد لوحدى شوية
ايات / لا مستحيل دة انتى هتكونى عمتو وعليكى مسؤلية
شهد / لا هتكون خالتو صح يا لؤلؤة
لؤلؤة / انا عرفة انى مش هخلص منكو اوكى يلا بينا
وبيلبسو وبيخرجو مع بعض وبيروحو على مول كبير وبيدخلو على قسم الاطفال والمكان رووعة جدا
لؤلؤة سرحانة و ايات و شهد بيختارو لبس للطفل و موبيل لؤلؤة بيرن وبتكون بسمة
لؤلؤة / الو بسمة
بسمة / عاملة اية دلوقتى
لؤلؤة / انا كويسة متقلقيش اسفة انا بس انفعلت شوية
بسمة / طيب كلمتى معاذ
لؤلؤة / بسمة انتى عرفة اية الى واجعنى اوى ان معاذ جوزى ومترددة اكلمو ولا لا تخيلى
بسمة / بصى معاذ فى الفيلا اية رايك تروحى وتتكلمو مع بعض
لؤلؤة / معاذ فى الفيلا وانا
بسمة / لؤلؤة بليييز حولى تكونى هادية
لؤلؤة / اوكى شكرا يا بسمة على كل حاجة
لؤلؤة بتقفل التلفون و بسمة فى المستشفى ومديقة اوى
بسمة / مش عرفة انا الى عملتو دة صح ولا غلط ياااة ربى
لؤلؤة بتبص على شهد و ايات وهم مبسوطيين بلبس الاطفال وبيضحكو وبتمشى وبتسبهم
**********************.
معاذ مع ماهر و بدر فى الفيلا وفى شخص ربطين عنية
وقاعد على كرسى وبيحققو معاة
كريم / انتو مش عرفيين انا ابن ميبن
معاذ / انت باين عليك مش هتسمع الكلام
معاذ بيضربو بالقلم جامد و بدر و ماهر بيبعدو معاذ
بدر / نمر مش معقول كدة اهدى شوية اخرج شم هوى برة شوية
وكريم على الارض بيعيط وبيصرخ عليهم و معاذ لسة هيخرج من الباب وبيشوف لؤلؤة قدمه
معاذ / لؤلؤة
لؤلؤة / كويس انك بخير
معاذ / لؤلؤة لو سمحتى ممكن تروحى على البيت وانا هاجى نتكلم مع بعض
لؤلؤة / بس من المفروض ان دة بيتى ولا انت عندك راى تانى
معاذ / لا طبعا بيتك بس مش الوقت المناسب خلينا نتكلم فى الجنينة
لؤلؤة / مش مناسب يعنى انت عندك حد جوة ولا اية
معاذ / لؤلؤة بلاش جنان
لؤلؤة/ فعلا انا مجنونة مجنونة
لؤلؤة دموعها بتنزل
معاذ / لؤلؤة لو سمحتى روحى من هنا وهنتكلم بعديين
لؤلؤة / تعبت من الكلام ومهما كان الى عندك جوة كفاية انك بتفضلو عليا وشكرا واسفة انى عطلتك عن ضيوفك
لؤلؤة وبتخرج بسرعة من باب الجنينة و معاذ متعصب اوى وبيضرب طربيظة الجنينة برجلو
التعليقات على الموضوع