رواية احببت طباخة💠الحلقه العاشرة💠

الحلقة 10 (أحببت طباخة  )
وقفنا عند
الشاب1:يطلع مطوة من جيبو ولسه هيجي يضرب زياد شهد تجري عليه: زيااااد
زياد :اوعي يا شهد
شهد بتبص لقت الشاب 1 شدها من ايدها و حط السكينة على رقبتها و شهد بتعيط جامد
زياد :اوعي تلمسها هي ماعملتش حاجة عشان كل ده
الشاب 2 :انت اللي بدأت استحمل نتيجة غلطك بقا
الشاب 1 :يلا اتشاهدي على روحك يا حلوة
شهد كان مغمضة عيونها و دموعها نازلة زي المطر
و زياد خايف يعمل حاجة عشان متتعورش
و فجأة زياد خبط الشاب 1  ووقع المطواة من ايده و مسكها هو و فضل يضرب فيه لحد ما جاب دم كتير و لما صاحبه يلاقي معاه المطواة
يقوله: أجري يلا ده معاة المطواة بتاعتنا اجري
و جريو هما الاتنين
شهد كانت قاعدة في الأرض بتعيط و منهارة و جسمها بيترعش و حست أنها في لحظة كانت هتضيع لولا ستر ربنا و زياد ايجا في الوقت المناسب
زياد قعد جمبها و قرب منها و حضنها و مشي ايده علي شعرها
زياد :بس بس اهدي متخافيش مش عايزك تخافي
شهد :ك كويس انك جيت انا كنت خايفة اوي انا كنت في لحظة هموت و هضييع
زياد :اوعي تقولي كدا ربنا بيحبك عشان جييت في الوقت ده ممكن تهدي بقا
شهد كان قلبها بيدق جااامد و هي في حضن زياد و هو كمان كدا و فضلو تلت ساعة كدا و مش حاسين بنفسهم
و شهد هديت شوية و لاقت نفسها في حضن زياد بعدت عنه بهدوء و بصت في الأرض و هي مكسوفة جدا منه
زياد كان سرحان في كسوفها و باصصلها
زياد بيكلم نفسه :انا مالي كنت حاضنها جامد كده ليه ولما سحبت نفسها من حضني انا ليه ماكنتش عايزها تبعد لا عادي ده عشان كنت بهديها مش اكتر
زياد فاق من سرحانه
زياد :بقيتي كويسه يا شهد
شهد :اه شكرا...وتبص علي وشو وتلاقيه بينزف دم من جمب شفايفه
شهد :ايه ده دم ده دم
زياد :لا عادي مفيش حاجة اهدي
شهد:عادي ازاي
و قامت شهد وقفت
شهد :في صيدلية في اول الشارع هروحها و هجيبلك من هناك شاش و قطن و مطهر
زياد بعصبية و شدها قعدت تاني قدامه :ايه انتي هبلة يا شهد مستحيل اسيبك تمشي لوحدك هنا كفاية اللي حصل
شهد :بس في دم علي وشك
زياد :مش مهم دي حاجة بسيطة
شهد :بسيطة ازاي دي
و زياد بص في عينيها اوي وهي كمان و اتكسفت
شهد :انا متشكرة اوي علي اللي عملته معايا محدش بيعمل كدا في الزمن ده
زياد :ليه اي حد مكاني كان هيعمل كدا
شهد :لا عشان الرجالة ماتت في 73
و الباقي مستحيل يدافعو عن بنت
زياد :انا مكنتش اعرف انتي مين بس شوفت اختي في الموقف ده جريت عشان انقذها لقيتك انتي
شهد :ربنا يخليك جميلك ده فوق رأسي
زياد :جميل ايه انتي هبلة
شهد :طب انا لازم اقوم دلوقتي عشان متاخرش
متشكرة مرة تانية يا زياد و لسة بتقوم
زياد مسك ايدها
زياد بعصبية :قولتلك مش هسيبك تمشي من هنا لوحدك
شهد :يعني هنبات هنا يعني
زياد ضحك :لا يا لمضة انا هروحك
شهد: ها. .. لا مش هينفع اصل
زياد حط ايده علي شفايفها :هشششششش اسكتي خالص
زياد شال ايده و قام و شدها تقوم و مشيو لحد العربية و هما ماشيين بيتكلمو
زياد :قوليلي يا شهد ايه اللي خلاكي تمشي من هنا لوحدك
شهد :عشان الشغل بتاعي كان عندي شيفت بالليل و كان لازم امشي من هنا
زياد بصلها :انتي بتشتغلي
شهد :ها ... اه اه بشتغل
و بصت في الأرض و اتكسفت
و هو ابتسم علي براءتها و علي أنها شايلة مسؤلية من و هي صغيرة كدا
زياد :مالك مكسوفة ليه
هو الشغل عيب
شهد :لا
زياد :احنا وصلنا خلاص
شهد بصت لاقت  صيدلية
شهد :بص في صيدلية هناك اهي
يلا نروح نجيب مطهر و شاش و قطن و لزق
زياد :خليكي واقفة هنا متتحركيش هروح اجيب بسرعة و راجعلك
شهد :حاضر
___________
في مكان تاني عند بيت شهد
امل :انا خايفة علي شهد اوي يا عبدلله قلبي مش مطمن بنتي فيها حاجة
عبدلله :ما هي رنت عليا و هي خارجة من المطعم وشوية و هتيجي اهدي بقا
امل :لا يا عبده شهد فيها حاجة قلبي مش مطمن اتصل عليها
عبدلله :حاضر اهدي بقا
___________
عند شيماء في بيت إبراهيم كانو بيتفرجو علي Tv
شيماء  حست ان قلبها واجعها وحست ان شهد فيها حاجة
شيماء :ماما ... ماما شهد يا ماما
وفاء :مالك يا بت شهد مالها
شيماء :شهد فيها حاجة يا ماما قلبي مش مطمن
وفاء :وانتي مكشوف عنك الحجاب ولا بتشمي علي ضهر ايدك
شيماء :يا ماما انا خايفة انا هتصل بيها
____________
في الوقت ده كانت امل بتكلم شهد و كان زياد لسة واصل عندها و جاب الحاجات من الصيدلية
شهد :يا ماما اطمني ولله انا كويسة
امل :قلبي واجعني عليكي يا حبيبتي حسيت ان فيكي حاجة
شهد :ولله ما في حاجة يا ماما صدقيني
عبدلله اخد منها الفون :شهد انتي كويسة يا حبيبتي
شهد :اه يا بابا انا كويسة ولله ممكن تهدي ماما شوية
عبدلله :حاضر يا حبيبتي خلي بالك من نفسك و توصلي بالسلامة
بابا شيماء بتتصل هرد عليها
شهد :ايه يا شيمو عاملة ايه
شيماء :انتي كويسة يا شهد
شهد :انا كويسة يا بنتي ولله في حاجة
شيماء :حسيت ان فيكي حاجة قولت اكلمك
انتي فين
شهد :انا لسة مخلصة شغل و اخدت شيفت مساءي كمان هكلمك لما اروح
سلام عشان في الشارع
_____________
عند شيماء
وفاء :اطمنتي يا شيمو
شيماء :لا شهد مخبية حاجة انا عارفة
حنان :ربنا يخليكو لبعض يا حبيبتي يارب و يبعد عنكم اي شر
شيماء :امين يارب
إبراهيم :بعد اذنكم انا داخل انام عشان تعبان شوية
شيماء اتضايقت :تصبح علي خير
إبراهيم :وانتي من اهله
____________
اما زياد كان باصص لشهد
زياد :بس واضح انهم بيخافو عليكي اوي لدرجة انهم حسو بيكي
شهد :شيماء دي صاحبتي و تؤام روحي بتحس بكل حاجة فيا
و ماما عشان قلب الام بيحس اصلا ببنتها
زياد افتكر مامته و قال لنفسه :ياااه اشمعني امي عمرها ما عملت حساب كدا ولا بتحس بينا لو حصلنا حاجة
شهد :انا لازم اروح عشان متاخرش
زياد :لا طبعا مستحيل تروحي لوحدك
شهد :اومال هروح ازاي
زياد :اركبي معايا العربية مش هطمن عليكي غير و انتي معايا
شهد :لا طبعا انت عايز الناس تقول ايه مستحيل
زياد :امممم طب بصي انا ممكن انزلك في اول الشارع و هفضل في العربية باصص عليكي لحد  ما توصلي بيتك عشان اطمن
شهد: أيوة بس
زياد قاطعها :مفيش بس.. اركبي بقا
ركبت شهد مع زياد و اخدت منه الحاجات اللي جابها من الصيدلية
شهد :زياد استني امسحلك الدم ده و احطلك القطن و المطهر
و بدأت شهد تنضف الخبطة اللي اخدها و الدم و حطتله المطهر و الشاش و لزقته
شهد :انا متشكرة اوي يا زياد علي اللي انت عملته معايا ده
زياد :ربنا بيحبك يا شهد عشان كدا جيت في الوقت المناسب
شهد ابتسمت: طب يلا بقا اطلع عشان اوصل بدري
زياد ابتسم و بص لعينيها لمدة 3 دقائق و بعد كدا شغل العربية و طلع
زياد وهو سايق :بس انتي ليه كل ما اشوفك يحصل حاجة
شهد بصتله و ضحكت :حاجة ايه يعني
زياد :يعني مثلا اول مرة قابلتك كنتي تايهة و مش عارفة المبني بتاع شئون الطلبة فين
و تاني مرة خبطت في كتفك و انا بجري و انهاردة حصل خناقة
شهد :اهو نصيبنا بقا
زياد :بس صدفة غريبة اننا نتقابل تاني
شهد :اكيد ربنا ليه حكمة في كدا
زياد :عندك حق

بعد 10 دقايق زياد وقف عند سوبر ماركت كبير
شهد :وقفت هنا ليه يا زياد
زياد :سوري يا شهد بس هجيب حاجات ل ريمو اختي
شهد :ماشي متتاخرش
زياد :حاضر
و نزل من العريية
جمع شوكليتات كتير نوتيلا و جلاكسي و بابلي و ديري ميلك و بسكويت و حلويات كتير ل ريماس و زيهم لشهد و دخل محل ورد اشتري بوكيه ورد
و حاسب و ركب العربية
زياد كان حاطط كل حاجة في علبة متغلقة
زياد :شهد ده عشانك
شهد :واااو ده الشوكليت اللي بحبه بس تمنه كام ده
زياد بصلها :حطيهم في شنطتك و اسكتي انا جايب و ريمو و حسيت انك بتحبي الشوكليت زيها
شهد :لا مش هينفع
زياد :مبحبش اعيد كلامي مرتين و اعتبريهم هدية و ذكري

بعدها ب ربع ساعة كانو وصلو

شهد :زياد ادخل يمين
بس هنا هنزل هنا سلام بقا علي التوصيلة
زياد :استني استني
شهد :نعم
زياد :فين تمن التوصيلة
شهد :امممم و طلعت من شنطتها جنيه فضية
و حطته في ايده اتفضل يا بني ربنا يحنن عليك
زياد ضحك و فرح عشان لمس ايدها:هاخده ماشي
شهد :ليه
زياد :عشان يكون زكري لليوم المشئوم ده
شهد : يلا بقا انا نازلة عشان محدش ياخد باله
و نزلت من العربية
زياد :شهد
شهد بصتله :نعم
زياد :خلي بالك من نفسك و متمشيش لوحدك تاني بالليل
شهد :حاضر و انت كمان
لا اله الا الله
زياد :محمد رسول الله
و استناها لحد ما اتأكد أنها طلعت العمارة
و شهد كانت مبسوطة جدا رغم اللي حصلها لكن كانت فرحانة اوي و مبسوطة ان لسة في ولد بيخاف علي بنت زي اخته في زمن اتمسحت فيه الرجولة

اما زياد كان ماسك الجنيه بتاعها و فرحان اوي و هو سايق مازن اتصل عليه
زياد  :ايه يا مازن
مازن :لقيت المفاتيح
زياد :اه يا مازن و مروح اهو
مازن :اومال مكنتش بترد ليه علي الفون
زياد :كان في العربية مشوفتوش
هوصل الفيلا و اكلمك سلام عشان سايق
______________
شهد كانت نايمة و حاضنة الشوكليت و مبسوطة اوي
______________
في فيلا زياد
رباب شافت ريماس لسة بتتفرج علي tv راحتلها
رباب:ريماس هو اخوكي  لسة مرجعش
ريماس :لا يا مامي لسة
رباب :طيب انا طالعة اوضتي انام  شكله هيتاخر
ريماس :في حاجة يا ماما
رباب :لا مفيش
و طلعت اوضتها

دادة فاطمة ايجت ل ريماس
دادة فاطمة :هتتعشي يا ريمو
ريماس:لا هستني ابيه زياد
دادة فاطمة :ماشي يا بنتي زي ما تحبي

بعد ربع ساعة كان زياد وصل الفيلا
و دخل
زياد :حبيب قلبي الصغنن بتاعي
ريماس جريت عليه حضنته
ريماس:وحشتني اوي يا ابيه من الصبح وانت برة
و بعدين لاحظت لازقة جروح علي خده :ايه ده يا ابيه انت متعور
زياد:وانتي كمان يا حبيبتي
لا ابدا ياحبيبتي دي حاجة بسيطة اتخبطت وانا في المطعم
بصي انا جايبلك ايه شوكليت و حلويات و ورد و اكل تحفة
ريماس:ربنا يخليك ليا يا احلى اخ في الدنيا بحبك اوي
دادة فاطمة :احضرلك العشا يا زياد عشان ريماس مرضيتش تاكل الا معاك
زياد :خدي يا دادة الوجبات دي سخني 3 منهم و الاتنين التانيين حطيهم في التلاجة لحد بكرة عشان ماما و بابا
اخدت دادة فاطمة الاكل منه و دخلت المطبخ و ريماس كانت بتاكل من الحلويات
زياد قعد جمبها :عاملة ايه يا حبيبتي
ريماس:انا مبسوطة اوي يا زياد عشان فرحتني
زياد باس راسها :ربنا ميحرمنيش منك ابدا
ريماس :صحيح ماما كانت عايزاك
زياد :متعرفيش ليه
ريماس :لا مش عارفة

في الوقت ده كانت دادة فاطمة سخنت الوجبات  و حطتهم علي السفرة
فاطمة :يلا يا ريمو يلا يا زياد عشان تاكلو
قعدو علي السفرة و دادة فاطمة كانت داخلة المطبخ نده عليها زياد
زياد :دادة
فاطمة :نعم يا حبيبي عايز حاجة تاني
زياد :يا دادة الوجبة التالتة دي ليكي انتي تعالي كلي معانا
فاطمة :لا يا حبيبي كل انت انا
قاطعتها ريماس:يلا يا بطوط تعالي كلي ده الاكل يجنن
و قعدو ياكلو و ريماس مستمتعة بالأكل جدا
ريماس :الاكل يجنن يا ابيه شكلنا كدا هنستغني عنك يا بطوط
فاطمة بتضحك :بقا كدا يا ريمو ماشي
___________
في الصباح
عند إبراهيم صحي الصبح وهو بيفطر مع مامته قرر يفتح معاها الموضوع
إبراهيم :ماما
حنان :ايه يا حبيبي عايز تقول حاجة
إبراهيم :اه يا ماما مش انتي عايزة تخلصي مني
حنان تنحت و فرحت :بجد يا هيما أخيرا هتتجوز
إبراهيم : و العروسة قمر و انتي تعرفيها كويس اوي يا ماما و هتحبيها
حنان بسعادة و هي فاكرة ان العروسة شيماء :خلاص تمام يا حبيبي تفاتحها انهاردة و نتفق معاهم و زغرطت لوووووووووووولي مبروووك يا هيما أخيرا
إبراهيم :بس يا ماما بس انا لسة بقول هخطب مقولتش هتجوز يعني
حنان :فرحانة بيك يا هيما أخيرا بقا
إبراهيم :حضري غدا حلو عشان هقولك هي مين و احتمال اجيبها
حنان :عينيا يا روحي
كان في الوقت إبراهيم خلص الاكل و خرج للشغل
___________
اما شهد كانت عند شيماء و حكتلها اللي حصل
شيماء :اخص عليكي يا شهد يعني كان هيحصلك كل ده وانا اخر من يعلم
شهد :خوفت اقولك متطمنيش قولت هاجي الصبح قبل ما اروح الشغل و احكيلك
شيماء: هي الزغروطة دي منين انا حاسة أنها طنط حنان
شهد:مش عارفة بس تقريبا جاية من عندها
تعالي نشوف في ايه
___________
اما وفاء ام شيماء كانت واقفة في البلكونة و حنان جات وقفت معاها
وفاء :ما تفرحينا معاكي يا حنان سامعة زغاريط
حنان :اخيرا الواد هيما هيخطب شيماء
شيماء سمعت كدا الفرحة مكنتش سايعاها و حضنت شهد اوي
وفاء :بجد من نفسه كدا
حنان :اه ولله و قالي دي مفاجأة وانتي تعرفي العروسة اوي و بتحبيها و قالي حضري الغدا
وفاء :مبروووك يا حنان عقبال ما نشوف ولادهم يارب
شيماء كانت فرحانة  اوي
شيماء :مش مصدقة يا دودو الإنسان اللي اتولدت حبيته من وانا عندي سنة و كنت بقعد معاه و متعلقة بيه 17 سنة بحبه و اخيرا ايجا اليوم اللي اعترف فيه
شهد :الف مبرووووك يا روح قلبي عقبال الفرح يارب يلا نشوف هتلبسي ايه
شيماء :اسمعي انتي لازم تكوني موجودة معايا
شهد :حاضر هحاول اخلص الشيفت بدري و اجيلك
شيماء :لا ده انا تخلصي ماليش دعوة انتي فاهمة
شهد بتضحك و باستها من خدها :مبسوطة يا شوشو
شيماء :عارفة إحساس أن بتحلمي بحاجة 17 سنة و اخيرا هتتحقق إحساس ان اهم حلم في حياتك بيتحقق قلبك بيرقص مش فرحته
هقولك ايه بس ما انتي محبتيش زيي ويب هتفهمي
شهد ابتسمت و افتكرت زياد :طب انا اتأخرت علي الشغل لازم امشي دلوقتي
______________
اما ميار كانت قاعدة في النادي مع صاحبتها رودينا
رودينا :عاملة ايه مع زياد
ميار بحزن:كويسين
رودينا:مالك متضايقة كدا ليه. ...هو مش بيكلمك
ميار :عادي يعني. ...بنتكلم بس ده اذا كنت انا اللي بدأت
رودينا :هو مبيتصلش بيكي خالص
ميار:بقولك ايه يا رودي غيري الموضوع ده عشان بتخنق
رودينا :ميار انتي زعلتي انا اسفة
ميار شافت رامي بيجري ندهت عليه لكن مسمعهاش
جريت لحد عنده
ميار :رامي.... رامي
رامي وقف و بص وراه :ميار ازيك
ميار كانت بتنهج من الجري :الحمدلله ايه الجري ده قطعت نفسي
رامي :كنتي  عايزة حاجة ولا ايه
ميار :كنت عايزة اسالك علي زياد عشان مش بشوفه
رامي :زياد في الفيلا بتاعته انهاردة اجازة
ميار :ولله .. طيب شكرا يا رامي سلام
____________
في فيلا زياد
رباب اتفاجات ان شاهر موجود :ايه ده انت مروحتش الشركة انهاردة
شاهر :لا
رباب :ليه
شاهر :هو تحقيق .... عادي يعني تعبان شوية و قولت اخد انهاردة اجازة و زياد كمان
ريماس نزلت و قعدت جمب باباها
شاهر :صباح الخير يا حبيبيتي
ريماس:صباح النور يا بابا
زياد نزل قعد معاهم
زياد :صباح الخير
شاهر و ريماس :صباح النور
رباب :زياد انت هتروح الشغل انهاردة
و لاحظت اللزقة اللي علي وشه ايه ده يا زياد من ايه
زياد :لا انا مريح انهاردة
اتخبطت امبارح و احنا بنهزر مع بعض انا و صحابي
رباب :طيب خد بالك بعد كدا.اومال مين هياخد باله من الشغل
شاهر مسك الجرايد فتحها و بصوت واطي: الله يخربيتك  يا شيخة ارحمينا شوية حتى في الإجازة
ريماس سمعته و ضحكت
رباب بصتلها :انتي بتضحكي علي ايه
ريماس :مفيش يا ماما
رباب :انتي مش عارفة ان الضحك من غير سبب قلة أدب
شاهر بصوت واطي :اتهدي بقا يا ولية انتي ايه
ريماس سمعت كدا و فطست من الضحك
رباب بنرفزة: يوووووه انتي قليلة الأدب
و سابتهم و طلعت تفكر هتقول ايه لزياد
سكتت ريماس و زعلت من معاملة مامتها ليها
حضنها شاهر و باس رأسها :متزعليش يا حبيبتي انتي مش عارفة مامتك يعني لكن هي ولله قلبها ابيض
ريماس بحزن:يا بابا انا مش زعلانة انت هي ليه دايما عايزانا نتكلم بطريقة معينة ده لما اخدتني معاها امبارح النادي شرطت عليا اني اقولها مامي قدام أصحابها
شاهر :معلش يا بنتي هي الستات دي كدا لما بتكبر بتتهب (كان رايح يقول بتتهبل )
و لسة بيكمل شاف رباب قدامه
رباب:بتقول حاجة يا شاهر
شاهر :مبقولش مبقولش كنت بقول ل ريماس الضحك من غير سبب قلة أدب
زياد ضحك في الوقت ده
رباب بصتله :تعالي يا زياد عايزاك في الجنينة برة
خرج زياد وراها
_____________
إبراهيم و فاتن كانو بيتكلمو في تفاصيل الخطوبة
إبراهيم :احنا نروح انهاردة بعد الشغل و تركبي معايا و هعملها مفاجأة ل ماما و ادخلك البيت
فاتن بابتسامة:تمام يا هيما
___________
زياد بعصبية :طب اوعي يا ماما تكون كنتي هتعملي خطوبتي من غير ما أحضر لازم تستني اجي من الشغل
رباب:زياد انت بتهزر
زياد :اومال اسيبك تهزري لوحدك
ايه اللى بتقوليه ده
رباب :كنت عايزنى اقولها ايه يعنى
زياد :من غير ما تخدى رأيى تروحى تحددى معاد الخطوبة واللى هى بعد 5 ايام وجاية تقوليلى النهاردة
طلع ريماس و شاهر علي صوتهم العالي
شاهر :في ايه صوتك عالى ليه
زياد :اتفضل يا بابا شوف ماما اللى رايحة تحدد يوم خطوبتى مع صاحبتها وتقرر من نفسها
رباب:عيب كده متعليش صوتك عليا
شاهر بعصبية :ايه اللى انتي عملتيه ده يا رباب
رباب:يعنى كنت اقولها ايه ولغاية دلوقتى محددش يوم خطوبتهم
زياد:انا مش هخطب حد
رباب :عايز تطلعنى صغيرة يا زياد
زياد :والله انتى اللى اتصرفتى من نفسك يا ماما من غير حتى ما تقوليلى
و خرج عند العربية و اخته خرجت وراه
ريماس :زياد يا زياد استنى طيب
بصلها زياد :عايزة ايه انتى كمان
ريماس :اهدى عشان خاطرى
زياد :بقولك ايه سيبينى فى حالى ..انا مش ناقص
و ركب العربية وخرج من الفيلا خالص
فضل سايق العربية و مش عارف رايح فين وقف شوية عند البحر اكتر مكان بيحبه و قعد عند الشاطيء و هو بيفكر يتصرف ازاي لحد ما قرر يروح يتكلم مع اكتر حد بيحب يتكلم معاه لما يكون متضايق
___________
اما  في بيت شيماء كانت شهد وصلت و حنان اتصلت عليهم يجو عندها عشان ابراهيم كان قرب يوصل
____________
في فيلا زياد
شاهر بعصبية :انتى ايه اللى هببتيه ده يا رباب
رباب بعصبية :ما تتكلم عدل يا شاهر في ايه
شاهر :انتى كمان هتعلمينى اتكلم ازاى كفاية بقى نيجى نتكلم تقوليلنا متتكلموش بالطريقة دى البت تضحك تقوليلها الضحك قلة ادب وابنك دايما مصممة تبعديه عنك بتصرفاتك انتى فاكرة انك بتعملى كده لمصلحتهم لكن انتى مش هتفوقى غير لما تلاقيهم كرهينك
رباب :تلاقيك انت اللى بتكرهم فيا  بتقولهم ايه وانا مش موجودة
شاهر :انا مش هسمحلك تدمرى حياة عيالي ولا تتحكمى فيهم انتى فاهمة
و سابها و طلع اوضته
______
طلع شاهر و هو متضايق من تصرفات رباب و دخل اوضة ريماس
شافها بتعيط
شاهر:بتعيطى ليه يا حبيبتى
ريماس بدموع:زياد يا بابا زعقلى اول مره يزعقلى كده
ضمها شاهر لحضنه:متزعليش منه يا حبيبتى غصب عنه انتى مشوفتيش امك قالتله ايه
دى عملاله الخطوبة يوم الخميس من غير ما تاخد رأيه
بس هو راح فين مقالكيش
ريماس :لا مقاليش هو انا لحقت اسأله خرج على طول وهو متعصب..بس انا تقريبا عرفت هو فين
_________

عند شقة إبراهيم
دخل شاف شيماء و شهد و وفاء استغرب ايجو ليه لكن قال ما كدا كدا هما هيعرفو اني هخطب
وقف قدامهم و شهد كانت قاعدة جمب شيماء و السعادة علي وشها وفاء و حنان فرحانين اوي
إبراهيم :ماما انا اخيرا قررت اخطب الانسانة اللي حبيتها بجد و وعدت نفسي اني هخطبها و اخيرا ايجا اليوم اللي هوفي بوعدي
بس قبل اي حاجة انا عايز اقول اني بجد بعشقها و بخاف عليها من اي حاجة في الدنيا
وجودها جمبي بيطمني معاها بضحك من قلبي بجد شافتني في كل حالاتي وانا متضايق وانا فرحان عمري ما حسيت بالسعادة ولا عمري قلبي دق لحد غيرها الانسانة دي بجد انا بحبها جدا و عشان كدا حبيت اعمل المفجاة و اجيبها بنفسها و اعترفلها اني بحبها قدام الكل
و فتح الباب و دخلت فاتن
احب أعرفكم فاتن طبعا ماما عارفاها
كانت زميلتي في الجامعة و بتشتغل معايا 8 سنين مع بعض و هفضل معاها طول عمري
فاتن تتجوزيني
في اللحظة دي شيماء دموعها كانت خلاص هتعمل حاولت تكتمهم و كانت ماسكة كباية عصير و وقعت منها اتكسرت
و فجأة

يا تري زياد هيعمل ايه و هيخطب ميار ولا لا
و يا تري شيماء هتتصرف ازاي و هتقدر تكتم وجعها ولا هتعمل ايه